Desi Sex Kahani वेवफा थी वो

[desiaks]

#93

“ ab tumhe ek kaam aur karna hai ………..ek mobile jammer se yahan iss building ke anadr maujood saare mobiles ko jamm karna hai …………” maine uss se kaha

aur iss se pehle ki Kamal kuch aur kehta …….mere mobile ki ghanti bajne lagi ………….maine number dekha …….aur fir Kamal ko ishara kar diya ………….yeh ek aur unknown number tha …………mere ishaara karte hi , wo baahar ki taraf bhaga………

maine call receive kar li …..” Hello “

“ yeh tumne achchha kaam kiya hai Rajiv ……………police ko waapas bhej kar , par ek baat dhyaan rakhna ……….mere saathiyon ke baahar nikalne par unn par hamla nahi hona chahiye …………….” Usne kaha …….

“nahi hoga ………police ab tumhaare aadmiyon ko kuch nahi kahegi ………..mera yakeen karo …………tum yeh batao ki mujhe Neha kab milegi …………? “ maine poochha ………..

“mere aadmiyon ke yahan waapas pahunchte hi ………….” Usne kaha……

“ par main iss baat par yakeen kaise kar loon ki Sona haath lagne ke baad tum log apna vaada poora karoge ……..? “ maine fir poochha …

“yakeen to tumhe karna hi padega..Rajiv “ usne kaha aur phone disconnect kar diya………..shaayad abhi uss tak vault ke band hone ki khabar nahi pahunchi thi ……..

Kamal kuch hi der mein waaps aa gaya ………….fir meri taraf dekhta huya bola ……..” tumhaara kehna sahi tha Rajiv ………..wo yahan andar nahi hai ………ab ki baar uss ki position kuch had tak trace ho gayi hai ., last dono call ek hi jagah se ki gayi thi …………..ab agar iss hi number se phone aaye to call ko kuch der receive nahi karna ……..ya thodi lambi baat karne ki koshish karna ……………” maine haan mein sar hila diya ……………….

Fir 2 minute baad hi police ke do jawaan , jo saadi vardi mein they ………ek mobile jammer le kar aa gaye ………..yeh ek chhoti si device thi ……jo apne aas paas ke kuch area mein chalne waale saare mobiles ke network jamm kar deti hai ……….ek policeman bank ke peechhe se oopar chad gaya aur jammer ko bank ki chhat par laga diya …………………..

Mujhe yakeen tha ki blackmailer ke jo saathi andar they , wo andar ki pal pal ki report usko de rahe they ………..ab unke paas yeh bhi jariya nahi bacha tha ………..ab uss ko sirf mujh se hi baat karni padegi ………….aur yahi ham log chahte bhi they ……

aur tabhi mere mobile ne fir se bajna shuru kar diya …………….jaisa ki Kamal ne kaha tha …..maine call reject kar di …………

fir uske baad 2 aur call lagataar usne mujhe ki ………par maine call reject kar di …….

Kamal wahan aa gaya …….uske saath ek aur aadmi tha ……..jaahir tha wo bi saadi vardi mein ek police man hi tha ………usne driving seat sambhaal li ……aur saath hi apne kaan mein ek headphone bhi laga liya ……….Kamal mere saath pichhli seat par aa gaya ……..driver ne gaadi start kar di …………thoda aage chalte hi mera mobile fir se bajne laga………wahi number tha ………maine Kamal ko ishara kiya aur Kamal ne aage driver ke kandhe ko thapthapa diya ………….uske haan mein sar hilaate hi main call receive kar li …………….

“Hello ……………”

“Rajiv…!...yeh sab kya ho raha hai ??.........tum mere saath koyi game to khelne ki koshish to nahi kar rahe ho ?? ……” udhar se awaaz aayi …….uski awaaz bata rahi thi ki wo kitne gusse main hai………

“Ab kya ho gaya hai ……?? Jaisa tumne kaha tha , police to yahan se waapas chali gayi hai ……….. “ maine shaant awaaz mein bola ……………

“ Police to waaps chali gayi hai…..par mere saathi andar fans gaye hain ……vault ke darwaaze apne aap band ho gaye they ............aur ab to unka mobile bhi kaam nahi kar raha hai….., tum log jyada hoshiyari karoge to tumko hi bhaari padegi .........samjhe …….!!! “ uski awaaz mein guraahat shaamil thi ………

“Nahi ……….koyi tumhaare saath khel nahi khel raha hai ………….jaroor koyi technical fault hoga , ya fir tumhaare saathiyon ne ho gadbad ki hogi ……..let me check ……….thodi der baad fir se phone karna …………” maine kaha aur Kamal ki taraf dekhte huye phone disconnect kar diya …………….

Kamal ne turant hi apne driver ko ishara kiya ……wo abhi headphone ke through kisi se baat kar raha tha …………..fir kuch seconds baad wo hamse bola …

“uski Location trace ho gayi hai Sir ………..ham abhi 5 minute mein wahan pahunch jaayenge …………..” fir usne gaadi ki speed aur tez kar di ………….maine gaur kiya ki ek bika par do aadmi lagataar hamare peechhe aa rahe they …………maine Kamal ko ishara kiya…….wo muskurata huya bola ……..” don’t worry , yeh mere aadmi hain ………”

main sar hilaya aur saamne ki taraf dekhna shuru kar diya ………..gaadi ab shehar ki aabadi se baahar nikalne lagi thi ……iske aage ek indrustrial area tha aur uske baad kuch farm-house bane huye they …………..

fir ek baar mera mobile bajne laga …….maine Kamal ki taraf dekha , par usne sar ko naa mein hilaakar ishara kar diya …….maine call receive nahi ki ………..fir uske baad 2 aur call aayi , par maine wahi kiya …………….

Ab hamaari gaadi Industrial area ko paar kar ke , farm houses ki taraf badhne lagi thi ………..driver ne ab speed kuch kam kar di thi ……aur headphone par lagaatar baat kar raha tha………

Fir usne gaadi ko ek side mein laga kar rok diya ……… aue hamaari taraf mud gaya aur road ke uss taraf ishara karta huya bola ……..” Sir ………yehi location hai jahan se phone kiya ja raha hai ………..yeh saamne waale 2 farmhouses mein se ek hai ………”

Kamal ne baahar jhaank kar dekha……..dono farmhouse ke gates ek doosre se kareeb 100 meter ki doori par they …………….tab tak hamaare peeche aa rahi bike bhi wahain hamaare paas aakar khadi ho gayi thi ……….fir hamdono gaadi se baahar aa gaye ……………Kamal ne apne ek saathi ko ishara kiya aur bola “ harish ………tum headquarter phone kar ke aur force manga lo ……….”
“Ji Janaab …….” usne kaha aur ek taraf ko jaa kar mobile par baat karne laga …….

Kamal ne meri taraf dekha aur bola ….”Rajiv ……..yeh to confirm hai ki wo log inn dono mein se hi kisi ek farmhouse mein hain …….par kis mein ,hamein maloom nahi ………hamein thoda risk to lena hi padega …………..”

Main kuch kehta , iss se pehle hi mere phone ki bell fir se bajne lagi ……..wahi number tha ………..maine Kamal ki taraf dekha aur call receive kar li
“ haan bolo ….”

“Tum meri call receive kyon nahi kar rahe they …………?” usne gusse mein poochha ……….

“main system ko chek kar raha tha ………….” Maine kaha ……………..

“to batao …….mere aadmi kahan hai ab …??” usne kaha …….

Main kuch der chup raha ……….Kamal ki taraf dekha …..uske sar par headphone laga huya tha ………usne meri taraf dekh kar thambs-up ka ishara kiya …….aur fir saamne , left waale farmhouse ki taraf ishara kar diya ……….iska matlab wo log sahi position locate kar chuke they ……………

“tumhaare saathi vault ke andar band ho gaye hain……..aur ab tabhi baahar aayenge , jab tum meri shart maanoge …………” main kaha ………ab meri awaaz mein ek aatmavishwas aa gaya tha ………….

“ Kya matlab hai tumhaara ………….kis shart ki baat kar rahe ho ?? “ udhar se awaaz aayi ……jaise usse meri baat par vishwaas hi na hua ho …………

“ mujhe pehle Neha waapas chahiye ……….fir main tmhaare aadmiyon ko baahar nikaalunga ……………” maine gaadi mein baithta huya bola ………………Kamal ne mujhe gaadi mein baithne ke liye ishara kiya tha ……….gaadi ab dheemi raftaar se uss farmhouse ki taraf badh rahi thi ……..

“You bastard ………main tumhe chhodunga nahi ……….” Udhar se awaaz aayi aur phone disconnect ho gaya…….meri samajh mein nahi aaya ki achanak usse kya ho gaya …….usne mujhe gaali di , ya kisi aur ko …………aur iss se pehle ki hamaari gaadi farmhouse ke gate tak pahunchti ……….ek kaali motor bike farmhouse se bahut tez speed se baahar nikali …….aur right side mein mudkar bhaagne lagi ………..uss hi tarar jidhar ham jaa rahe they …….par farmhouse se door …………..
______________________________

[desiaks]

#94

ham sab chaunk gaye they ……..fir Kamal ne baahar ki taraf dekha aur apne peeche aa rahe bike waalo se bola ……….”Harish ………tum dono farmhouse ke andar jaakar check karo ……….main bike ke peechhe ja raha hoon ………..” aur fir apne driver ko bike ka peechha karne ke liye kaha …………….

Bike ke oopar do log baithey huye they ……..dono ne hi kaale rang ke kapde pehne huye they ………..pant , jacket aur sar par helmet ………………….

Bike bahut tez speed se bhaag rahi thi …….par hamaari gaadi bhi lagataar unka peecha kar rahi thi ………..yeh ek lambi si sadak thi ……..jike dono taraf farmhouse bane huye they ……..aur aage jaakar yeh do taraf mud jaati thi ……..ek pakki sadak left side mein , shahar ki taraf ……..aur right side mein jungle ki taraf raasta jaata tha ……….

Dheere dheer hamaari gaadi aur bike ke beech ka faasla kam hota ja raha tha ………aur jab laga ki ham uske ek dum najdeek pahunch jaayenge ……..unhone bike ko ekdum right side mein , kachchi sadak par utaar diya ………

Hamein kuch der lag gayi sambhalne mein……..aur iss beech unhone hamaare se ek lamba faasla bana liya …………ab wo log bahut aage nikal chuke they ….aur jaahir tha ki agar kuch aur der mein hamne unhe na pakda to wo bach kar nikal sakte hain ………

Kamal furti se aage waali seat par aa gaya …………aur apni jeb se revolver nikaal kar bike ka nishana lagaane laga ……… gaadi ki speed lagataar badhti ja rahi thi ……aur hamaare beech ka faasla lagaatar kam hota ja raha tha …….

Kamal ne ek fire kiya ………….nateeza kuch nahi nikala …….uska nishana chook gaya tha ………..fir usne lagaatar do fire kiye …………….pata nahi goli kahan lagi …..par bike ladkhada kar ek taraf ko jhuki ……..aur fir achanak se kayi efeet ookpar uchal giayi ……………b…

bike par sawaar dono log door ja gire ………….jo bike chala raha tha , wo 2 kalabaajiyan khaata huya kaafi aage ko chala gaya …….par uska helmet sar se nahi utara ……….girte hi wo tezi se utha aur waapas apne saathi ki taraf bhaaga …….uske saathi ke sar se girte hi helmet utar gaya tha ……aur tab hamein dikhayi pada ki wo ladka nahi tha , balki ek ladki thi …………….uska chehra meri taraf nahi tha , aur hamaare beech abhi bhi 70-80 meter ki doori thi ………….par mujhe yahi laga ki shaayad wo Neha hi hai …………..

Aur iss se pehle ki main Kamal se kuch kehta ………wo gaadi se baahar kooda aur usne ek aur fire unn ki taraf jhonk diya ……………usne uss helmet waale ladke par fire kiye tha ,par tab tak wo ladki uth kar goli aur uss ladke ke baeech mein aa gayi thi ………..Goli uss ladki ki peeth mein lagi thi aur wo ek lambi cheekh nikaalti huyi dohri ho gayi ……………..uska chehra hamaari taraf ghoom gaya aur ab mera yakeen aur pakka ho gaya tha ki wo Neha hi thi …….…………main tezi se Kamal ki taraf jhapta aur uska revolver waala haath pakad liya ………..aur cheekha ……
“nahi Kamal ………..aur goli mat chalana ……..wo Neha hai “

Kamal chaunk kar meri taraf dekhne laga aur uska saathi driver bhi , jo ab tak apne jeb se revolver nikaal chukka tha……wo dono mujhe ghoor rahe they ........

"Haan .........wo Neha hi hai Kamal.......aur goli mat chalana ........" maine kaha ..

" Par Rajiv ...........wo log ........" Kamal apni baat poori nahi kar paaya .......ek cheekh uske hontho se foot padi ..........aur revolver haath se nikal gaya ...........
Inn kuch seconds ke liye ham logo ka dhyaan unn dono ki taraf se hat gaya …….aur yahi hamaari galti saabit huyi ……pata nahi uss helmet waale ladke ne kab apni jeb se ek revolver nikaal liya aur jab tak hamara dhyaan uski taraf jaata ……..wo 2 fire hamaare oopar kar chukka tha ……….ek goli Kamal ke kandhe ko chheelti huyi nikal gayi ……...................doosri goli Kamal ke saathi ki jaangh mein ghuss gayi , aur wo bhi jameen par baith-ta chala gaya ………..

Kamal aur wo dono hi gaadi ki ote mein ho gaye………meri nigaah unn dono ke oopar padi …….uss ladke ne Neha ko uthaya aur ek ped ke peechhe le gaya …….
Kamal ne karaahte huye apne sath se poochha …….”Tum theek ho na Manoj ……..??”

“J….Ji Haan .sir ……..” usne karaahte huye jawaab diya …….maine gaadi se utra aur Manoj ko sahara dekar , gaadi ke peechhe le aaya aur gaadi ki pichhli seat par leta diya ………..fir maine Kamal ki taraf aaya , wo gaadi ki ote mein tha aur fir se unn logo par nishaana laga raha tha ………….wo dono ped ke peechhe dikhayi pad rahe they …… fir wo helmet waala ladka bhagta huya ped ki ote se baahar nikla , aur apni bike ki taraf daudne laga ………..Kamal ne ek fire uske oopar kiya , par nishana fir se chook gaya ………..wo apni bike tak phuncha , bahut furti se usse uthaya …….aur agle hi second mein wo bike ke oopar baith chuka tha...
usne bike ko start kiya ……….Kamal ne tab tak 2 fire aur uske oopar jhonk diye……..par uski moving position ki wajah se nishaana har baar chuk gaya ……who ladka bike ko ped ke peechhe le gaya……aur sahara dekar Neha ko oopar utha liya ……….Neha uske peechhe baith gayi ………aur usne bike fir se aage badha di ………

ab yeh aakhiri mauka tha ……..Kamal gaadi ke pechhe se baahar nikal kar aa gaya aur fir se ek fire unki taraf jhonk diya …………iss baar uska nishaana sahi laga ……goli bike mein kahin jaakar lagi aur bike fisalti chali gayi ………….ham dono ne ek doosre ki taraf dekha aur unki taraf daud laga di ……………unki bike fisalti huyi ek jhaadi ke peechhe ko chali gayi thi…………
ham dono bhaagte huye …….aur sath hi sath apne aap ko chhupaate huye …….jhaadi ke kareeb pahunche ……aur tabhi hamein ruk jaana pada ………..Neha wahin jhadi ke peechhe baithi huyi thi ……….par bilkul akeli ………..

maine dekha……..uska saathi ab uske saath nahi tha………. Hamaari nigaah uske peechhe gayi …….uska saathi , wo helmet waala ladka …………pedo ke pechhe ko chhupta huya , jungle ki taraf bhaag raha tha ………..main Neha ki taraf jhapta aur Kamal ne apna revolver uss ladke ki taraf taana aur jaise hi goli chalaane ko hua , Neha ki awaaz ne usko rok diya ………..

“Ruk jaao Kamal ……..goli nahi chalaana , nahi to main Rajiv ko goli maar doongi …………….” main bhauchakka sa uski taraf dekh raha tha …….wo ek badi si chattan se peeth lagaaye khadi thi ………uske chehre par dard ki lakeere saaf dikhayi pad rahi thi ………par uske haath bilkul seedha , meri taraf tana huya tha …….aur uske haath mein revolver tha , jiske nishaane par iss samay main tha ………

“ yeh kya keh rahi ho Neha ………..tum hosh mein to ho …? “ main uski baat par vishwaas nahi kar paa raha tha ……..meri munhabbat ka dum bharne waali Neha , mujhe maarne ki baat kar rahi thi …………….

“main to hosh mein hoon R….Rajiv ……..par mujhe l…lagta hai k …ki …tumhe abhi bhi s…s…samajh nahi aaya ……….ki …main tumse pyar nahi karti …………” Neha ne kaha ……..dard ki wajah se uske meh se toote huye shabd nikal rahe they …..par haath bilkul seedha tana hua tha…………….

Mera sar maano ghoom raha tha ……..jo kuch main dekh aur sun raha tha , uss par mujhe abhi bhi vishwas nahi ho paya tha ………..

Kamal ko yeh laga ki ham dono baaton mein hi uljhe huye hain aur usne ek baar fir se us ladke ke oopar fire karne ki koshish ki , jo ab lagbahg hamaari nigaaho se ojhal hone waala tha ………par tabhi Neha ne ek goli chala di ………….uski chalayi huyi goli mere sar ke paas se nikal gayi …….aur Kamal ko apna haath rok lena pada ……..

“maine kaha tha na K….Kamal ……...goli ...mat......... chalaana ……” Neha ne Kamal ki taraf dekhte huye kaha ………..

Fir jaise Kamal ko kuch sujha ho ………..wo kuch kadam peechhe ko hata aur mujhe ek ishara kar ke peechhe ko mud kar apni gaadi ki taraf bhaagne laga ………Neha ne usse bhaagte dekh kar ek fire aur uske oopar kiya …….par tab tak Kamal apni gaadi mein pahunch chukka tha ………………
Maine do kadam Neha ki taraf badhaye ………..aur saath hi bola ……..” Neha ………revolver fenk do ……..tum nahi jaanti ki tum kya kar rahi ho …? …….mujhe maloom hai ki tum kisi dabaav mein inn logo ka saath de rahi thi ……..par mera yakeen karo ….main tumhe kuch nahi hone doonga ………tumhaari pichhli jindagi mein jo kuch hua , sab kuch bhool kar ham dono ek nayi jindagi shuru karenge ……………bas yeh revolver fenk do ……….” Kehte huye main dheere dheere uski taraf badh raha tha…………

“ wahin ruk jaao ........Rajiv………….aage..... mat ....badhna……….” Usne meri taraf dekhte huye kaha……..aur fir kuch lambi lambi saanse lekar boli ….” Maine tumse kabhi pyar.... nahi kiya tha.......... Rajiv……….jo bhi kuch hamaare ...........beech mein hua tha , ek khel tha …….jismen ham dono sirf ..........mohra bane huye they ………….”

“ meri baat suno Neha …………tum kya keh rahi ho , tumhe khud bhi maloom nahi hai …………tum nahi jaanti ki main tumse kitna pyar karta hoon ……….aur mujhe yeh bhi maloom hai ki tum bhi mujhe pyar karti ho .............tum mujh par goli nahi chala sakti ho ………” Main bol raha tha aur ek ek kadam uski taraf badha raha tha ……………ab main uss se sirf itni door tha , ki ek lambi jump laga kar uske paas pahunch sakoon.
“ mere paas mat aao Rajiv ………………tum sahi keh rahe ho ............main waakayi tumhe nahi ..............maar sakti hoon , par........par ....... mein khud ko to khatam kar sakti hoon …….” Usne kaha aur revolver apni kanpati par laga di …………….

“nahi …!! …….tum aisa nahi kar sakti Neha ………” main cheekha …. “ main jaanta hoon ki tum bewafa nahi ho …………tum mere saath aisa nahi karogi ……….”

Uski nigaah mere peechhe dekh rahi thi ………….maine bhi peechhe ko mud kar dekha...........ek police ki gaadi wahan pahunch chuki thi …….aur police ke jawaan gaadi mein se nikal nikal kar jungle ke andar ja rahe they …….uske saathi ko dhoondhne ke liye …………

“tumne sahi kaha Rajiv ……..main bewafa... nahi hoon …………..agar main jinda tum logo...... ke haath aa gayi to.... tum .........mujh se mere saathi ka naam bhi pata laga loge ………main tumhaari mujrim hoon , par main uss se ..........bewafayi nahi kar sakti , jiss se main............. pyar karti hoon …….…….isliye main jaa rahi hoon …….hamesha ke liye ……………ho sake to mujhe maaf kar dena………………..” usne kaha aur revolver ki naal apni kanpati par tika kar trigger daba diy……...
“Nehaaaaaaaa………..!!!...........” main cheekha……par meri awaaz uski revolver se nikali goli ki awaaz mein dab kar reh gayi …………goli uske sar ke paar nikal gayi thi aur uska shareer kisi kate huye ped ki taraf girta chala gaya ……………..

Maine cheekhta huya uske paas pahuncha aur uske girte huye jism ko apni baahon mein thaam liya ………………………uska murda jism mere haathon mein tha , aur marne ke baad bhi uske chahre par ek ajeeb si muskurahat thi ……………….
______________________________

[desiaks]

#95
Raat ke 10.30 baj chuke they ……….main iss samay Police Headquarter mein, Kamal ke office ke andar baitha huya tha ………mere saamne ek table par coffee ka cup rakha tha ……jismen se maine ek bhi sip nahi liya tha , aur coffee bilkul thandi ho chuki thi …………….

Neha ko goli lagne ke baad , kaafi der tak main bilkul sadme ki si haalat mein ho gaya tha.............fir ham log usko lekar Hospital pahunch gaye they …….koshish thi ki usko kisi tarah bachaya ja sake ………par uski saanse to uss hi samay tham gayi thi , jab usne apne aap ko goli maari thi ………bas ek formality thi , jo hospital ke doctors ne poori kar di thi …..usko dead declare kar ke …………
Main kuch der ke liye to bilkul jad hokar reh gaya tha ……samajh mein nahi aa raha tha ki kya karoon …………Uss ladki ke marne par aansoo bahaoon jiss se main be-inteha pyar karta tha ……….jo mera sabse pehle pyar thi……….ya uss bewafa ki maut ki khushi manaaoon , jo mujhe ek mohre ki tarah istemaal kar rahi thi ……...

Par mera pyar baaki sab baaton par haavi ho gaya tha ……….main kaafi der tak sadme ki haalat mein hi raha ………….fir Kamal ne hi mujhe hospital se jabardasti yahan apne office mein bhej diya tha ………….Kamal ke khud bhi goli lagi thi , isliye usko dressing karwa kar waapas aana tha ……….aur main akela baitha hua uss ka hi wait kar raha tha ……….
Office ka farwaaza khula aur Kamal andar aa gaya ………uske ek kandhe par bandage lagi huyi thi , aur uss haath ko support ke liye uske gale mein latki huyi ek patti se bandh diya gaya tha …………wo aakar apni kursi par baith gaya , aur fir meri taraf dekhta huya bola……….

“tumhaari coffee to bilkul thandi ho gayi hai Rajiv ……!!”

“Hmmmm…….”main jaise neend se jaaga , fir uski taraf dekhta huya bola ……..” tum kaise ho Kamal……….goli ka jakham jyada gehra to nahi hai ??”
“nahi ………..goli paar nikal gayi thi , isliye kuch jyada badi chinta ki baat nahi thi ……..………tum yeh batao , tum kaise ho ?? ………..” wo bada sanjeeda hokar bola ……….

“uss helmet waale ka kya hua Kamal……? ..wo pakad mein to aa gaya na ?? “ maine uske sawaal ko ansuna karte huye poochha ………

“nahi Rajiv……….unfortunately ham usko nahi pakad paaye ……….uss jungle mein kareeb 2 km aage, ek machhuaaro ki basti hai ……….. wo wahan pahunch kar unn logo mein hi mix ho gaya ………shaayad usne pehle se wo saara ilaaka achchhi tarah dekha huya tha ………………” Usne kaha aur fir ek bell bajaayi ………baahar se ek aadmi aaya jisko usne 2 aur coffee laane ke liye bol diya …………fir usne aage batana shuru kiya…………

“Uss farmhouse mein , jahan se wo ladka aur Neha baahar nikale they … hamaare aadmi gaye they ………wahan 2 aur log maujood they ……..hamaare logo ko dekhte hi unhone firing shuru kar di ……hamne kaafi koshish ki jiss se unhe jinda pakad sakein , par unmein se ek aadmi cross firing mein maara gaya , aur dossra buri tarah jakhmi hai …….jo maara gaya hai, uska naam Babloo hai ….wo ek most wanted criminals mein se tha ……kul milakar 7 states ki police ko uski talaash thi….mujhe shaque hai ki wahi aadmi tumhe lagataar phone kar raha tha …..”
“ Iska matlab wahi iss saare khel ke peechhe ka asli sutradhaar tha ………? “ maine poochha ………….

“Shaayad nahi …………mere khyaal se wo sirf isliye iss khel mein shaamil tha , kyon ki uske paas ek poori team thi ……..criminals logo ki …………..jo sirf paise ke liye kuch bhi karne ke liye tayyar ho jaate hain …………vault se jin logo ko hamne pakda hai ……unmein se kuch se hamne poochhtach shuru kar di hai …….par jo kahaani saamne aa rahi hai , wo yahi hai ki Babloo aur uske aadmiyon ko hire kiya gaya tha ………iss saare khel ko anjaam dene ke liye ……….Jisne hire kiya tha , usko sirf Babloo jaanta tha ………..aur baaki logo ka uss aadmi se koyi seedha sarokaar nahi tha ……………” usne bataya ……….aur tab tak coffee bhi aa gayi thi ……usne ek cup meri taraf badhaya aur doosre se khud peena shuru kar diya ………

“main to tumse poochhna hi bhool gaya !!……. Wahan , vault mein kya huya ……? “ maine bahut der se yeh jaan-ne ke liye utsuk tha ……….

Usne ek sip coffee ka liya ….fir kuch seconds chup rehkar bolna shuru kiya “Vault mein kul 6 log gaye they ……..hamne tumhaare bataye huye number se sms kiya aur vault ka darwaaza khul gaya ……..hamein yeh umeed thi ki wo log nihatthe honge , par unhone baahar nikalte hi firing shuru kar di ………..”
“Ohh………..par unke paas hathiyaar kahan se aa gaye they …….jahan tak main samjhta hoon , vault ki security se to hathiyaar le jaana possible nahi tha …………” main hairaan hokar bola ……

“exactly………..yahi mera bhi maan-na tha ……..aur yahi mujhe wahan ke security officer ne bataya tha ………but , unn logo ke paas 3 pistols they ……….hamein unn ke jawaab mein cross firing karni padi , aur usmein unka ek aadmi maara gaya ……..baaki ke 5 hamaare kabje mein hai……… “ usne bataya aur fir chup ho gaya …………..

“Unhone kuch bataya ……….??” Maine agla sawaal kiya …………..

“nahi ……….maine abhi tumhe bataya tha na ki yeh log sirf paiso ke liye kam karte hain……..inka boss Babloo tha ………..baaki uske peechhe kaun hai , isko uss se koyi matlab nahi ……………….sirf Babloo ko hi yeh pata hoga ki wo anjaan shakhs kaun hai ………aur hamaari bad-kismati se Babloo bhi iss baat ko bataane ke liye ab jinda nahi hai ……………….” Usne ek lambi saans li aur chup ho gaya …………

______________________________

[desiaks]

#96

main kursi par thoda sa peechhe hokar baith gaya tha ………yeh gutthi , sulajhne ki bajaaye aur jyada ulajhti ja rahi thi ……….fir maine uss se agla sawaal kiya ….

“Kamal ………..ab tak yeh baat to saare shahar mein fail chuki hogi ???.......tum press ko kya bataaoge …….?.......usmein meri blackmailing ka jikra to nahi hoga na “

“ hmmmm………bada mushkil kaam hai dost …….par maine ek kahani soch li hai …….................ham yeh bataayenge ki kuch log dhokhe se bank vault mein guss gaye they …….. tumhe apne technical systems ki wajah se iss baat ka pata chal gaya tha ……..tumne hamein , yaani police ko inform kiya …………hamne bank vault mein jaakar , unko wahan locked kar diya ............tumhaari help se ............fir hamne , unke mobiles ko trace kiya to hamein unke boss ka pata chal gaya ………wahan raid karne par unka ek saathi , jo unka boss bhi tha …….maara gaya ……ek aur ghaayal ho gaya …….aur teesra bhaagne mein kaamyab ho gaya ……..” usne mujhe samjhaya…….

“aur Neha…….?? Uski maut ke baare mein kya bataoge ..?? ….kya wo bhi blackmailers ki saath thi ……?? “ maine uski aankhon men dekhte huye poochha ……….

“ yeh ek teda sawaal hai dost ……….agar iska sahi jawaab hamnein logo ko diya , to tumhaare oopar bhi ungliyan uthni laazmi hain...kyonki tumhaare aur Neha ke rishte ke baare mein bhi log kaafi kuch jaante hain...... ……..aur galat jawaab ham kya denge , yeh abhi meri samajh se baahar hai ………” usne kaha……..

aur wo sahi bhi tha………….fir usne khud hi aage kaha …….” Achchha hai ki ham log abhi Neha ki maut ko iss saari kahaani se alag hi rakhein …………..ham yeh bhi bata sakte hain ki Neha ne suicide kiya hai ……..par ham uski suicide ki jagah ko kahin aur bataayenge ……..” fir usne meri taraf sawaaliya nigaah se dekha ………

maine sar ko hilakar uski baat se sehmati jataayi ……….aur fir ghadi ki taraf dekh kar uss se bola …….” Mr.Chaudhry ko iss ke baare mein information to mil gayi hogi ………??

“haan …hamnein formal information to de hi di thi ……..baaki saare sawaal to tumse hi poochhe jaayenge ……….” Usne meri taraf dekhte huye kaha aur fir muskura diya ………..
main kuch nahi keh paya …….yeh sahi bhi tha ki saare sawaal to mujh se hi poochhe jaane they ……….chaahe wo vault se related ho , ya Neha se ………aur mujhe na chahte huye bhi unse jhooth bolna padega ………….

Fir Kamal ne hi aage kaha …..”dekho Rajiv ……..yeh to main tumhe pehle hi bata chukka hoon ki ham tumhari phone calls ke jariye yeh pata laga paaye they ki tum blackmail ho rahe they …….ab main yeh jaan-na chahta hoon ki iss saare khel ki asli kahaani kya hai ..? …..wo log tumhe blackmail kyon kar rahe they ……?? …….tum agar mujhe sab kuch bata sako to shaayad ham uss aadmi tak bhi pahunch jaayenge , jo iss saare kisse ka asli sutradhaar hai ………. “ keh kar who mere chehre ko dekhne laga…………..
Maine ek lambi saans li aur fir usko poori kahaani batani shuru kar di ……….meri Neha se pehli mulaakat……..uske baad hamaara tour …..Delhi mein jo hua , wo sab kuch …….uske baad Dehradoon ki saari ghatnaayein……..uske pati se hamaari jhadap ……..fir Shimla ki saari baaten ………waapas Raj Nagar aakar , jo kuch bhi hamaare beech hua ,…….. kul milakar jo kuch bhi mujhe yaad tha , chhoti se chhoti baat maine usko bata di ………………wo bade gaur se sunta raha , aur kuch baaten usne apni ek diary mein bhi note kar li ………….. fir mere chup hote hi usne ek lambi si saans li aur bola ………..

“hmmm…………….tumhe kisi par shaque hai ??
"mujhe to uss har ek vyakti ke oopar shaque hai jo mere aas-paas hai .............chahe wo Sharad ho, Priya ho, Nidhi ho........... ya fir Mr.Chaudhry ho................" maine nirasha bhari awaaz mein bola .......

"tum hopeless kyon ho rahe ho Rajiv ..........?? mujhe lagta hai ki ham abhi bhi uss aadmi tak pahunch sakte hai ………jaisa tumne mujhe bataya , uss se yeh to jaahir hi hai ki wo jo bhi koyi hai ………lagataar Neha ke sampark mein tha ………main Neha ke mobile ki call details check karwaata hoon ………shaayad hamein uss se koyi suraag haath lag sake …”

maine haan mein sar hilaya ………..fir main apni kursi se uth kar khada ho gaya ……aur saath hi wo bhi ………..” maine tumhe ghar par chhodne ka intezaam kar deta hoon …….” Keh kar usne fir se ghanti bajaayi ……kuch hi second mein ek aadmi andar aa gaya ……..usne , uss aadmi ko samjhaya ki kisi driver ko mere saath bhej diya jaaye , mujhe har chhodne ke liye ……….aur fir mein uss aadmi ke saath baahar aa gaya ………………….

½ ghante baad main apne ghar pahuch chukka tha …………..poori building mein sannaata chhya huya tha ………par mujhe maloom tha ki kal subah mere liye hangamakhej saabit hone waali hai …………kuch aise sawaal mere saamne aane waale hain , jinka jawaab dena mere liye mushkil saabit hoga …………..
Neha ke chehra baar baar meri aankhon ke saamne aa raha tha……….uska apne se door jaana bhi mujhe bardaasht nahi hota tha ……aur ab to wo , wahan pahunch chuki thi …….jahan se kisi ka bhi waapas aana sambhav nahi tha ……..mujhe abhi tak iss baat par yakeen nahi ho raha tha ki wo mar chuki hai ……aur na hi iss baat par ki who mujh se bawafaayi kar rahi thi

Poori raat yun hi aankhon hi aankhon mein kat gayi ……………baar baar thakaan ki wajah se neend ke jhonke aa jaate they , aur fir baar baar wahi sab baaten mujhe pareshaan karne lagti thi ………kab raat kati , aur kab subah ho gayi mujhe maloom hi nahi pada ………mujhe tab samay ka dhyaan aaya jab mere mobile ki bell bajne lagi ………….
______________________________

[desiaks]

#97

Main aadhi neend mein hi tha …maine number check kiya aur fir dekh kar chaunk gaya ………yeh Nidhi ka number tha …………..maine kuch sochte huye call receive kar li …………

“Hello ………..!!”

“Hello Rajiv ……….!! Kya abhi tak so rahe ho …?? “ udhar se Nidhi ki awaaz aayi ……..

“Hmmmm……….nahi , abhi to so kar uth chukka hoon …..” maine ek ubaasi lete huye kaha………

“to fir darwaaza kholo …………..ham log kab se baahar khade huye hain ……………” usne kaha to main chaunk gaya ……..Nidhi mere ghar ke baahar khadi hai …….maine jaldi se uth kar t-shirt pehni aur tez kadmo se darwaaze tak pahuncha aur usko khol diya ………..

baahar jo kuch mujhe dikha………..wo mere liye ek aur surprise tha ….darwaaze ke baahar Nidhi ke alaawa Priya aur Mr.Chaudhry bhi khade huye they …………..
main unn sab ko ek saath dekh kar pehle to sakpaka gaya ……..fir ek taraf hat-ta hua bola ………..

“Andar aayiye Sir………..Please ………………”

wo teeno dheere dheere chalte huye ghar ke andar aa gaye ……aur fir mere saath drawing room mein pahunch gaye ………Mr.Chaudhry aur Priya sofe par baith gaye aur main khada hi raha ……….Nidhi bhi mere peechhe khadi thi ………….

“Sir ………..aaj achaanak kaise aana hua ……..mujhe bula liya hota aapne ………!!” maine Mr.Chaudhry se kaha …………

“nahi Rajiv ……………jab hamaara apna beta pareshaani mein ho to hamaara hi farz banta hai , uss se milne jaane ka “ unhone kaha ……..aur unki yeh baat hamesha ki tarah mujhe andar tak chhoo gayi ……………..

main kuch jawab nahi de paaya …….sirf itna hi bola ………”aap log baithiye …….main kuch peene ke liye lekar aata hoon “

“nahi …..tum mere paas baitho ……..yeh kaam Nidhi bhi kar sakti hai ……..” unhone Nidhi ko ishara kiya aur wo muskurati huyi kitchen ki taraf chali gayi ……..fir main unke paas baith gaya ………

“Mujhe bank vault ke baare mein pata chala Rajiv ……….aur Neha ke baare mein bhi ………..I was really shocked ..!!!.............specially for Neha ………" unhone kaha aur fir kuch seconds ruk kar aage bole..

" mujhe Kamal ne bataya ki kis tarah tumne apni jaan jokhim mein daal kar unn robbers se muqaabla kiya …………………kya jaroorat thi beta iss tarah apne aap ko khatre mein dhakelne ki ??..............tum nahi jaante tumhaari jaan ham logo ke liye kitni valuable hai ………………” unhone apne tareeke se , dheemi par raubdaar awaaz mein kaha ……….hamesha ki tarah unki baaten dil ko chhoo lene waali thi ………

“ Ji……… main to sirf apna farz poora kar raha tha …….aur khatre waali to koyi baat hi nahi thi , Kamal jo hamesha mere saath tha ……….” Maine itna hi kaha ……..

“lekin meri samajh mein yeh nahi aaya ki vault ke andar pistols kaise pahunch gayi ………….kya hamaari security sahi kaam nahi kar rahi hai ……….? “ iss baar Priya ne kaha ……….
“I don’t think so ………….mere khyaal se to security mein se guns ko nikaalna possible nahi hai ……….jaroor hamaara koyi apna aadmi hi iss mein involve raha hoga ……….” Maine kaha aur fir ek baar unn dono ki soorat ko dekha …………..

“ kya tumhe kisi ke oopar shaque hai Rajiv ……….?” Mr.Chaudhry ne poochha …

“nahi Sir ………abhi to mujhe aisa kuch nahi pata chala ……….par Kamal iss direction mein kaam kar raha hai ……….I hope , wo jaldi ji iss sab ke peechhe ki kahani ka pardafaash kar dega ………………asli mujrim bahut jald hamaare saamne hoga ………………..” maine dono ki taraf dekhte huya kaha …………..tab tak Nidhi sab ke liye chay bana kar le aayi thi ………..fir kuch seconds ke liye wahan sannata pasar gaya …………..

“hmmmmm……………Neha ke baare mein sun kar bahut dukh hua Rajiv……..Kamal ne mujhe bataya ki usne suicide kiye hai …??............kya tumhe maloom hai ki kya wajah ho sakti hai , uske suicide ki …..?? ………….”

Maine sirf naa mein sar hila diya ……..kuch bol nahi paaya ………….Neha ka jikra aate hi mere dil mein fir se ek tees uthne lagi thi …………..
Mr.Cahudhey ne mere kandhe par haath rak kar thap-thapaya aur bole …….” I know Rajiv …………….tumhaare liye Neha ki kya ehamiyat thi ……..par jo kuch bhi hua , usmein ham log to kuch nahi kar sakte na …? ………bas ab tum himmat rakho , aur hamein hamesha apne saath hi samajhna ……..”

Maine fir se apna sar hila diya ………….uske baad sab log chup-chap chay peene mein busy ho gaye ………..iss dauraan vault ke baare mein hi baaten hoti rahi ...........unko poori kahaani pehle hi kamal se pata chal chuki thi ............maine wahi sab baaten fir se dohra di........chay peene ke baad Mr.Chaudhry khade ho gaye aur mujhe se bole …………
“tum abhi kuch din aaram karo Rajiv………….baahar jaaoge to log-baag tamaam tarah ke sawaalat poochhenge …….isliye ghar ke andar hi raho ………baki main sab kuch apne aap sambhal loonga ………”

“Thanks Sir ………..” maine haan mein sar hilaate huye kaha ……..

Nidhi aur Priya darwaaze se baahar nikal gayi thi ………aur ham dono unse peechhe peechhe chal rahe they ………fir darwaaze par pahunch kar Mr.Chaudhry ruk gaye aur bole …………
“Rajiv……….agar tumhe koyi bhi aisi baat pata chale , jo tumhe lagta hai ki mujhe pata honi chaahiye …….to please mujhe jaroor batana ………..” fir ek baar aur mere kandhe par thap-thapa kar wo baahar nikal gaye……….maine unke peechhe peche lift tak unko chhodne ke liye aaya…….aur fir waapas apne flat mein aa gaya ……….

Mr.Chaudhry ki kahi huyi baaten mere kaano mein kuch der tak goonjti rahi ………maine ghadi ki taraf dekha ….10.00 baj rahe they …………..fir main apne daily routine kaamo mein busy ho gaya ………
______________________________

[desiaks]

#98

Thodi der tak apne kaam nibtaane ke baad maine TV on kar liya ……….jaisi ki ummeed thi , sabhi news channels par bank vault mein robbery attempt ki news chhaayi huyi thi ……………Kamal ne jo kahaani sabko batayi huyi thi , wahi saare channels par sunayi ja rahi thi ……..aur Kamal ke interviews bhi lagataar telecast ho rahe they ……….kul milaakar Neha ko iss saare maamle mein kahin bhi involve nahi kiya gaya tha ………….. aur jaisa ki hota hai, uski maut ek normal si sucide ban kar reh gayi thi ……………

Kaafi der tak main TV dekhne mein hi busy raha aur fir maine Karan ko phone lagaaya……..kuch hi bells ke baad usne phone pick kar liya………..

“hello ……….good morning Sir ……….” Usne call receive karte hi kaha…….

“Good morning Karan……………tumhe bank vault ki news to mil hi gayi hogi ? “

“Ji haan Sir ………..aur main subah jaakar bank ka ek chakkar bhi laga aaya hoon …….” Usne kaha ………..
“OK …………Karan…mujhe laga raha hai ki hamein vault ke andar waale entrance par bhi ek bada metal detector lagana padega …………..aur ek mobile jammer hamein building ki chhat par lagaana hoga ……………..tum please inke liye ek quotation banao aur aaj hi iss par kaam shuru kar do ……………” maine usse samjhaya..

“Ok Sir……….main koshish karta hoon ki aaj hi aapse quotes approve karwa loon …….” Usne kaha ……

“Good …….Thanks Karan………main ghar par hi hoon , koyi bhi kaam ho to mujh se yahin aakar mil sakte ho ………..” maine kaha aur phone disconnect kar diya …………..
fir main TV on kar ke time paas karne laga……………….building ke security gaurds ne mujhe beech mein aakar bataya ki neeche kucch TV aur News reporters aaye huye hain …….mujh se baat karne ke liye , par maine unko mana kar diya ……….main nahi chahta tha ki Kamal ki banayi huyi kahaani mein main koyi interfere karoon ………..

maine lunch wahin apne flat mein hi mangwa liya………khaana khaane ke baad fir mera time paas chalta raha………main koshish kar raha tha ki apne dimaag ko busy rakh sakoon ……………..aur Neha ki maut ko kuch der ke liye hi sahi , bhula sakoon

dopahar ho chuki thi ………….main fir se apne bistar ke oopar leta huya ……TV par ek match dekh raha tha …….ki mera mobile fir se bajne laga……mein number dekha, ek baar fir ek unknown number tha………maine kuch socha aur fir call receive kar li ……..

“hello………….”main dheere se bola…………

“tumne aakhir wahi kiya Rajiv ………..jo ham nahi chahte they ……….” Udhar se ek kharkhraati huyi awaaz aayi ……….jo bhi koyi baat kar raha tha , shaayad kisi tareeke se apni asli awaaz ko chhipane ki koshish kar raha tha ………
“kya matlab …??.........kaun ho tum ………??” main chaunk kar bola ……….

“wahh………itni jadli bhool gaye dost …………tumhe kya laga tha ki tumne bank vault ko bacha liya to sab kuch sahi ho gaya hai …??” wo gurrata hua bola ……”tumhe Neha ki maut ki bahut badi keemat chukaani padegi Rajiv ……….bahut badi !!”

“Kya bakwaas kar rahe ho …….” Main samajh gaya tha ki yeh wahi helmet waala aadmi hai ……….” Neha ki maut teri wajah se huyi hai haraamjaade ……..aur iska hisaab tu mujhe dega , bahut jaldi ……” main guraate huye bola………..” bahut jaldi tu kannon ke shikanje mein hoga……….fir main tera asli chehra sabke saamne be-naqaab karoonga ……..” maine gurrate huye kaha.................

“ha ha ha ha ………….”udhar se hansne ki awaaz aayi aur fir wo aage bola “ tumhe ASP Kamal ka saath kya mil gaya ……..tum to apne aap ko sher samajhne lage …… tumhe maloom nahi hai ki abhi bhi turup ka ikka mere paas hi hai ………mein tumhaare maai-baap , yaani Mr.Vijay Chaudhry ko wo saari photos aur bank robbery ki poori kahaani bhej raha hon ………….main unhe bataane jaa raha hoon ki tumne hamein bank ke andar jaane mein kis kis tarah se help ki thi ..............ab tum hi unko jawaab dena ki tumne aisa kyon kiya ………asli chehra tumhaare be-naqaab hone waala hai Mr.Rajiv Chaudhry"

" haraamjaade …………." main phone par hi cheekhne laga ........

" mujhe gaali dene se kuch nahi hoga ............bach sakte ho to bach jaao ………aur haan main tumhe ek aakhiri mauka deta hoon………aaj hi yeh shahar chhod kar bhaag jaao…….fir shaayad main apna iraada badal loon ……………..” usne kaha aur fir call disconnect ho gayi …………..
main kuch der ke liye sann reh gaya tha…………samajh nahi paa raha tha ki kya karoon …….jo kuch usne abhi kaha tha, wo waakayi sach tha………main to bilkul bhool hi gaya tha ki mere photos abhi bhi uske paas ho sakte hain ………..
______________________________

[desiaks]

#99

maine turant hi Kamal se baat karne ka faisla kiya ……..iss musibat ki ghadi mein ek wahi mera sahara tha..........abhi main uska number lagaane hi jaa raha tha ki mera mobile baj utha ………yeh Kamal ki hi call thi …….main receive kar li ……….

“hello ………..Kamal , main abhi tumhe hi phone karne waala tha ……….” Main turant bola ……..

“Achchha ……….batao , koyi khaas baat thi ……..?” usne kaha

“Haan …..bahut khaas baat hai ………” maine kaha aur fir usko abhi thodi der pehle aayi phone call ke baare mein bataya …………poori baat sun kar wo kuch der ke liye chup ho gaya ……..aur fir bola…….

“uski baat to kaafi had tak sahi hai…….mujhe bhi yehi darr tha ki shaayad unn logo ne photos ki copy jaroor kar li hogi …………”

“ ab mujhe kya karna chahiye Kamal …..? “ maine uss se poochha …………

“shaayad wahi , jo wo khud karne waala hai ……….. iss se pehle ki koyi aur bataaye , tumhe khud hi saari baat Mr.Chaudhry ko bataani hogi ………. “ usne kaha aur chup ho gaya…………

kuch der ke liye ham dono hi khamosh ho gaye ………fir usne kaha “ main tumhaare phone ko trace karta rahoonga ………agar fir usne tumhe call ki to ham uski position check karne ki koshi karenge ……….filhaal to maine tumhe ek aur bad news dene ke liye phone kiya tha ………..”

“wo kya …….?” Maine tez hoti dhadkano ke saath poochha…………….

“Neha ke pati , Neeraj ki laash hamein mil gayi hai……..aaj subah hi samandar ke kinaare se laash baraamad huyi hai ……..shaayad kal hi kisi ne lash ko samandar mein fenka hoga …………..” usne bataya……

“Ohhhhhhhh…………….ab kya ? “ maine poochha ……….

“ab hamaare liye Neha ki sucide ki kahaani par jawaab dena aur jyada mushkil ho jaayega Rajiv……….dono pati-patni ki ek saath maut se bahut saare sawaal khade hone waale hain dost ………….” Usne kaha……..uski awaaz mein chinta saaf mehsoos ho rahi thi ………………..

fir uss ne phone disconnect kar diya..............

uski baat bikul sahi thi ……….ab Neeraj ki laash milne ke baad , Neha ki sucide ki kahaani par bhi koyi viswaas nahi karega ………….bahut saare sawaal khade hone waale they ………aur jawaab dena mushkil hone jaa raha tha ………..

mere paas ab ek hi tareeka tha , inn saare sawalon se bachne ka……….ki main khud ab kuch Mr.Chaudhry ko bata doon…………….wo mere oopar bahut vishwaas karte they ……..mujhe apne bete ke jaisa pyar dete they …….aur main uss se sab kuch chhipa kar , ek tarah se unn ke saath be-wafayi hi kar raha tha ………

nahi mujhe unko sab kuch sahi sahi bata dena chahiye ……………agar unko yeh saari baaten kisi aur se pata chali to unko waakayi bahut dukh hoga ………….main unki nazron mein hamesha ke liye gir jaaoonga…………….

Par kya unko sab kuch batana sahi hoga …? ……..ho sakta hai ki uss blackmailer ke pass ab koyi pictures hi na ho ?? …….wo sirf dhamki de raha ho ………jiss se main khud jaakar Mr.Chaudhry ko sab kuch saaf saaf bata doon …….aur agar Mr.Chaudhry ko sab kuch maloom pad bhi gaya to kya ho jaayega ??.......jyada se jyada yahi to hoga ki maine unko apne blackmail hone ki baat nahi bataayi ………….baaki , vault ko lootne waalo ke saath to maine koyi riyayat nahi ki thi ………….
Haan aur Naa ki iss hi udhedbun mein main baitha huya sochta raha ………..mujhe kya karna chahiye ? ………Mr.Chaudhry ko sab kuch bata dena chahiye , ya abhi blackmailer ke agle kadam ka wait karna chahiye ……….

Iss hi tarah sochte sochte time beet-ta ja raha tha ………..1 ghanta , 2 ghante …..aur fir 3 ghante beet gaye …………..shaam ho gayi aur kuch hi der mein andhera chhane waala tha ………mere dil ki dhadkane badhti hi jaa rahi thi ………maine sahaare ke liye fir se whisky ki bottle nikaal li ……….2-3 chhote chhote peg maine laga liye ……..aur fir shraab ke asar ne mujhe ek himmat si pradaan kar di ………maine faisla kar liya ki main abhi jaakar Mr.Chaudhry ko sab kuch bata doonga……….
______________________________

[desiaks]

#100

Maine abhi yeh decide hi kiya tha ki ……mere flat ki doorbell bajne lagi ………” ab iss samay kaun aa gaya “ sochta huya main darwaaze par gaya aur usko khol diya…….saamne Karan khada hua tha ……. “Good evening Sir…….” Usne muskurate huye kaha………

“Good evening Karan……aao , andar aa jaao “ maine kaha aur waapas andar aa gaya ……wo bhi mere peeche peeche andar aa gaya ……………ham dono andar mere bedroom mein aa gaye ……….

“Sir ……..main yeh quotes lekar aaya tha …….aapse approve karwaane ke liye ……….”

“Ohh………..tum baitho , main abhi dekhta hoon ……..” maine kaha aur fir ham dono ek saath aamne-saamne baith gaye ……..wo mujhe quotes ke papers dikhaane laga aur main ek ek kar ke saare papers check karne laga …………

10 minute mein hi hamne saare quotes discuss kar liye aur fir product final bhi kar diye ………maine usko bata diya ki wo order final kar de ……………fir jab wo jaane ke liye uthne laga to maine kaha …….”Ruko yaar ……….kuch pee kar to jaao ……….”

“Its OK Sir ………….aap kyon takleef kar rahe hain ……….” Usne kaha

“Aree …..takleef ki koyi baat nahi hai mere bhai ………waise bhi ham logo ko kahan itna time milta hai , saath saath baithne ke liye ………..tumhe koyi jaldi to nahi hai na ..?? “ maine kaha

“Nahi Sir ……….jaldi to nahi hai …………” usne hanste huye kaha ..

“to fir baitho ……..main abhi cold drink lekar laata hoon ……….” Maine kaha aur fir kitchen main chala gaya ………………..

2 minute se bhi kam samay mein main 2 gillas mein cold drink lekar waapas bedroom mein aa gaya ……………mein dekha ki Karan fir se uth kar khada ho gaya tha …….maine sawaaliya nigaaho se uski taraf dekha ……….

“Sorry Sir ………..achanak ek jaroori kaam aa gaya hai ………mujhe abhi jaana padega …………” usne mujhe dekhte hi kaha ………….

“Kya huya ..??..........kisi ladki ka phone to nahi aa gaya ……….? “ maine aankh maarte huye kaha…….yeh shaayad mere oopar chad rahe nashe ka asar tha, jo main uss se aisi baaten kar raha tha ………

who kuch nahi bola ………..sirf muskura kar reh gaya …………..

fir wo baahar ki taraf chala gaya ……..maine usko darwaaze tak chhodne ke liye gaya aur fir darwaaza band karke waapas andar aa gaya ……………..

maine ab Chaudhry saahab ke paas jaane ka faisla kiya ……….unse baat karne ke liye mujhe thodi himmat aur chahiye thi ……aur iss ke liye maine fir se 2 chhote chhote peg bana kar pee liye ……………..

fir maine kapde change kiye …aur apne flat se nikal kar baahar aa gaya…….building ke niche aakar maine dekha ki baahar ab andhera ho chukka tha ………maine ghadi mein time dekha …….7.30 baj chuke they ……..maine apni gaadi nikaali aur drive kar ke Lakshmi nivaas ki taraf chal diya ………..

maine soch liya tha ki main Mr.Chaudhry ko saari baat bata kar , unse maafi maang loonga ………..fir maine unse iss shahar ko chhodne ke liye bhi kehne waala tha ……..waise bhi Neha ke jaane ke baad , mera dil bhi iss shahar se bilkul bhar chukka tha …………..

1/2 ghante ki drive ke baad main unke ghar pahunch gaya ………..maine gaadi ko parking mein lagaya aur fir guard se poochha ……..pata chala ki Mr.Chaudhry ghar par hi hain ………maine dhadakte dil ke saath ghar ke andar ki taraf badha ………andar ghuste hi mujhe wahan kaam karne waala ek naukar mil gaya ……….maine uss se poochha to pata laga ki Mr.Chaudhry apne study room mein baithey huye hain ………..mujhe maloom tha ki unka study room , ek tarah se unka office hi tha ……..jahan wo apne wo kaam nibtaate they, jo office mein poore nahi ho paate they ………yeh room first floor par tha …….main seediyan chadhta huya first floor par aa agay , aur unke study room ke baahar pahunch aur knock kiya ……..

kuch seconds tak jawaab nahi milne ke baad maine dobaara jor se knok kiya ………iss baar bhi jawaab nahi mila to maine dheere se dhakka dekar darwaaza thoda sa khol diya …………..andar kamre mein nigaah daudate hi main chaunk gaya …………

darwaaze ke paas waale hisse mein ek sofa set pada huya tha ………wahan to sab kuch theek tha , par kamre ke doosre kone mein ……..jahan ek badi si office table aur kuch chairs padi huyi thi ……… wahan kuch samaan bikhra huya dikhayi de raha tha …….maine apni lagaataar tez hoti dhadkano ke saath andar kadam rakha aur dheere dheere chalta huya table ke paas pahunch gaya ………..wahan ka nazaara dekhte hi mere gale se ek ghutee huyi si cheekh nikal gayi ……….

Table ke peeche Mr.Chaudhry jameen par gire pade huye they ……….unki aankhen band thi , chashma ek taraf pada hua tha ………..dono haath , dono taraf faile huye they ………..aur unka seene ke aas-paas ka poora hissa laal ho chukka tha ……….jaahir tha unke apne hi khoon se ……… jo unke seene par bane huye ek ghaav se nikal raha tha............khoon lagataar beh beh kar aas-paas ki jameen par ikattha ho chukka tha……………
______________________________

[desiaks]

#101

Main kuch der ke liye maano but (statue ) sa ban gaya tha……..samajh nahi paa raha tha ki kya karoon ……….fir meri nigaah aas-paas ghoomne lagi ……..kuch files aur shelf mein rakhi huyi kuch books wahan bikhri huyi thi ……….iska matlab tha ki yahan jaroor kisi tarah ki haatha-paayi huyi hai ………jaroor Mr.Chaudhry ne uss aadmi ka virodh kiya hoga , jisne unhe goli maari thi ……….
Maine neeche baith gaya aur unki kalayi ko pakad kar nabj check ki ……….nabj abhi chal rahi thi , par bahut dheere dheere ……..maine ek raahat ki saanas li , aur fir baithey baithey hi idhar udhar dekha …………chaaro taraf ghoomte huye meri nigaah uss office table ke neeche gayi ………..mujhe wahan kuch pada huya dikhayi diya ……..maine haath daal kar usse baahar nikaala …………..aur shaayad yahin par main galti kar gaya …………..wo cheej mere haath mein aate hi main chaunk gaya ……..wo ek revolver tha , bilkul waisa hi jaisa Mr.Chaudhry ne mujhe diya tha , aur jiss se Neeraj ka khoon hua tha ……………ya shaayad yeh wahi tha …

aur iss se pehle ki main kuch kar paata , apne peeche mujhe ek bahut tez cheekh ki aawaz sunayi padi …………..maine turant peeche ghoom kar dekha…………mere saamne Priya khadi huyi thi…..uska ek haath uske munh par tha ………..aankhen fati huyi thi aur wo kabhi neeche gire huye Mr.Chaudhry ko dekh rahi thi aur kabhi mere haath mein pakde huye revolver ko ………………

Uska haath kaanp raha tha ………fir uske munh se itna hi nikal paaya …….”Kh….Kh……Khoon …………..tumne Papa ko goli maar di Rajiv …….!!!.........tumne Papa ka khoon kar diya !!!” ……..keh kar wo tezi se mudi aur kamre se baahar ki taraf bhagi ………. ……….
“arre suno Priya ………..maine kuch nahi kiya hai ………yeh pehle se hi ……” maine kaha , par wo meri poori baat sune bagair hi kamre se baahar nikal gayi ………….main ek baar fir se Chaudhry saahab ki taraf dekha aur fir main bhi uske peechhe peechhe bhaaga……

baahar mujhe koyi dikhayi nahi pada ……..jaroor wo gate par gayi hogi , security guards ko bataane ke liye ……….par mujhe kya karna chaihiye …? ……kya main yahan ruk kar unko sab hakeekat bataoon ……? …….par wo log shaayad meri baat ka vishwas nahi karenge ………par main aise to yahan se nahi jaa sakta......mujhe police ko phone karna chahiye ……..maine socha aur seediyon se neeche ki taraf bhaaga ……….abhi main seediyon ke beech mein hi tha ki neeche waale hall ke ek taraf se mujhe Priya aati huyi dkhayi di , aur uske peeche peeche Sharad ………………..wo bade gusse mein meri taraf aa raha tha ……………

“Sharad …….meri baat suno ……..maine kuch nahi kiya hai ………main jab aaya ……” maine usse samjhane ki koshish ki , par usne meri poori baat sune bina hi mere oopar hamla kar diya …………..Priya jo uske saath hi thi , oopar seediyon ki taraf bhaagi ...............usne seedhe aakar mera girebaan pakad liya aur bola ………………..

“Saale ……………tune akhir apni aukaat dikha hi di ……………haraamjaade , jis thaali mein khaata hai ,uss hi mein ched kiya tune …………….” Sharad ne kaha aur ek ghoonsa mere oopar chalaya ……jiss ko maine apne haath se rok liya..

maine uske dono haatho ko apne haatho mein pakad liya aur bola ….“Ruko Sharad ………….pehle meri poori baat sun to lo ………….fir kuch ……..” meri baat adhoori hi reh gayi …………peeche se kisi ne mera coller pakad liya aur fir Sharad ko jaise mauka mil gaya ……….usne do ghoonse mere oopar jama diye ……..ek seedha mere munh par pada aur doosra mere kandhe par …………..main ladkhadata huya peeche ko hua aur apne peeche khade huye aadmi ko lekar , jisne ki mera coller pakda hua tha ………peeche ko gir gaya ………..
uss aadmi ki pakad mere coller se dheeli ho gayi ……aur mujhe laga ki yahi ek mauka hai …….yahan se bhaagne ka…………..main jadli se uth kar khada ho gaya ………tab tak Sharad fir se mere oopar jhapat chukka tha ……….maine usko ek jordaar dhakka diya aur tezi ke saath mud kar baahar ki taraf bhaga ……………

hall se nikal kar main baahar porch mein aaya aur fir main gate ki taraf bhaaga………….meri gaadi parking mein khadi huyi thi , par main jaanta tha ki main iss samay uss ka use nahi kar sakta ……….gate par khde huye 2 guard ab daud kar meri taraf aa rahe they , aur mujhe maloom tha ki na to main itni jaldi apni gaadi ko start kar sakta tha …….aur na hi main uss gaadi ko lekar main gate se baahar nikal sakta tha………..
Main main-gate ki taraf hi daudta raha………dono guard mere najdeek aa gaye , aur mujhe pakadne ki koshish karne lage ………yeh bhi achchha tha ki wo sirf mujhe pakad rahe they ……..mere oopar kisi hathiyar se unhone hamla nahi kiya tha ……….jaise hi dono mere bilkul paas aaye , maine dono ko poori taakat se dhakka diya aur fir se ek baar gate ki taraf daud laga di …………..

Gate par aakar fir main nahi ruka …….aur seedha bhaagta chala gaya ……..bilkul aise , jaise mere peeche yamraaj aa raha ho ………..mujhe maloom tha ki abhi yahan rukna mere liye sahi nahi hai ………main be-gunaah tha , aur yeh baat saabit hote hi main yahan waapas aa jaoonga …………main gate se kareeb 100 meter aage jaane ke baad , yeh sadak main road se mil jaati thi …………jaise hi main main-road par pahuncha ……..mujhe saamne se ek auto aata dikhayi diya…….maine usko haath dekar roka aur uske poori tarah rukne se pehle hi kood kar usmein baith gaya …….fir uss ko apne ghar ka address bata kar tez chalne ke liye kaha …………….
______________________________

[desiaks]

#102
Autodriver ne U-turn dekar auto ko ghamaya aur jaise hi aage ko badha ………saamne se police ki do gaadiyan , siren bajaati huyi aayi aur Lakshmi nivaas ki taraf mud gayi …….unke peechhe hi ek ambulance bhi aa rahi thi…..wo bhi uss hi taraf mud gayi , jahan police ki gaadiyan gayi thi …………
“ Police bahut jaldi yahaan pahunch gayi !! “ main socha ……aur fir saamne road ki taraf dekhne laga ……….autodriver poori speed se auto chala raha tha …….fir bhi mujhe jaane kyon lag raha tha ki uski speed kam hai ………..

maine fir apni jeb se apna mobile nikaala……..aur Kamal ka number dial kiya……….2 ring jaate hi usne call receive kar li …….

“Kamal………ek nayi museebat aa gayi hai yaar !!” maine uske phone uthaate hi kaha……….

“haan ….mujhe abhi maloom pada Rajiv ....ki kisi ne Mr.Chaudhry ka murder kar diya……..” usne kaha..

“nahi….!!....wo abhi jinda hain Kamal……….” Maine kaha aur fir usko saari baat jaldi jaldi batayi ………….

Poori baat sunne ke baad wo bola……”Ohh………..par tum wahan se bhaag kyon aaye Rajiv…? ……jab tumne kuch kiya hi nahi , to tumhe darne ki kya jaroorat thi …..?”

“Wahan haalat hi kuch aise ho gaye they Kamal ……ki mujhe bhaagna hi pad gaya ……..” maine kaha ……….

“hmm……….theek hai , tum apne ghar pahuncho …………….main jaldi hi wahan ki position dekh kar tumhe phone karoonga ……….” Usne kaha aur phone disconnect kar diya ……………..

thodi hi der mein main apne ghar pahunch chukka tha………..auto se utar kar maine usko paise diye aur bahut tezi se chalta huya building ke andar aa gaya ……….wahan ka mahaul bata raha tha ki wahan abhi yeh khabar nahi pahunchi thi ……….main tezi se chalta huya lift tak aaya aur usmein guss gaya ………..
2 hi minute ke baad main apne flat ke andar tha …………..flat mein guste hi maine jaldi se darwaaza band kiya aur apne bedroom mein aa gaya ........maine TV ko on kiya aur news channels ko dekhna shuru kar diya ……………lagbhag saare channels par yeh Breaking news aa rahi thi …………….kyonki channels ke paas abhi details maujood nahi thi , isliye yeh news screen par neeche aa rahi thi ……….ek moving news ke roop mein ................

Main fridge khola aur ek bottle nikaal kar jaldi jaldi bahut saara thanda paani pee liya……….meri saans bahut tez chal rahi thi .....aur dil ki dhadkan to maano saare records todne ke liye tayyar thi...................aur fir jaise hi maine bottle ko waapas fridge mein rakha , police ke siren ki tez aawaaz mere kaano mein padi …………

Main daudta huya balocony mein aaya ………….neeche nigaah jaate hi mere dil ki dhadkane aur jyada tez ho gayi ………police ki 2 gaadiyan neeche , building ke compound mein khadi huyi thi ………..aur unn mein se police waale utar kar building ke andar jaa rahe they ……………

Mere paas bilkul bhi samay nahi tha ………maine kuch seconds socha aur fir ek hi idea mere dimaag mein aaya ……………" bhaago Rajiv "

Maine kitchen mein pahuncha ……..kitchen ki ek window fire escape ke liye bani huyi thi ……..maine ek jor ka dhakka diya aur woindow ko kholkar uss se baahar nikal gaya ………uske peeche fire-exit ke liye bani huyi lohe ki seediyan thi ……….maine jaldi se seediyon ko pakda aur fir bahut tezi ke saath seediyan utarne laga ………2 minute se bhi pehle main neeche pahunch chukka tha …………..aakhiri seedi par pahunchte hi maine neeche jump laga di …………
jahan main kooda tha..............Yeh ek patli si , par bahut lambi gali thi ………mere paanv jameen se touch hote hi maine ek taraf ko daud laga di ……….ab main building se ulati disha mein bhaag raha tha …………..gali se baahar aate hi maine left side mein muda aur fir se bhaagana shuru kar diya ………..uske baad saamne jaakar yeh raasta , mein road se mil jaata tha ………..

main abhi main-road par pahuncha hi tha ki ek kaali rang ki car mere saamne aakar ruk gayi ………….bilkul gali ke end par .............rukte hi uska meri taraf waala darwaaza khula aur meri nigaah drive kar rahe shakhs par gayi …………….usko dekhte hi maine maano ek lambi si saans li ……………wo Kamal tha ……..usne mujhe andar aane ka ishara kiya aur main jaldi se gaadi ke andar baith gaya........... mere baith-te hi usne car ko aage badha diya …………….
______________________________