Desi Sex Kahani वेवफा थी वो

[desiaks]

#113

Mere baith-te hi Kamal ne Mr.Verma se mera parichay karvaya ……………

“Inse miliye Sir ………..yeh hain mere dost ……” keh kar usne apni baat adhoori hi chhod di ………

“Jasjeet singh…………..” maine apna parichay diya aur fir aage bola ……..” Mr.Verma main ek private detective hoon ……..aur Neha meri bahut achchhi dost bhi thi……….."

Mr.verma ne meri taraf dekha aur dheere se sar ko hila diya……….fir Kamal ki taraf dekh kar bole ……….” Aapne bataya nahi tha SP saahab ki yahan koyi Private detective bhi milenge ………? ”

Jawaab maine diya ……..”Ji dar-asal yeh mera shaukiya profession hai ………. Aur main yahan Neha ke dost ki haisiyat se hi baitha hoon …………”

Unhone fir se ek baar sar hila diya ………..tab tak waiter bhi wahan aa gaya tha ………Kamal ne 3 coffee aur kuch snacks ka order diya ………iss beech main Mr.Verma ka muayna karta raha …………ek medium se kad ke aadmi they wo , shareer kuch bhaari sa tha …….chehre par halki moochhe aur aankhon par mota sa chashma …….kul milakar kisi accountant jaisi personality thi unki…..

Fir Kamal ne hi baat shuru ki ……..”Mr.Verma ……….maine aapko yahan kuch baaten karne ke liye bulaya tha ……….dar-asal , hamein yeh lagta hai ki Neha ki maut ke peechhe kuch raaj chhupe huye hain …….aur ham aapse Neha ke baare mein kuch maloomat karna chahte hain ……….”
“Ji kahiye ……….kya jaan-na chahte hain aap log ? “ unhone jawaab diya ……..

Kamal ne mujhe ishara kiya to main thoda sa aage ko sarak gaya aur fir bola ……… “Sir ………..ham aapse Neha ki pichhli jindagi ke baare mein kuch jaan-na chhte they ………..agar aap batana chhahein to ……”

“ maine kaha na ……..jo help main aapki kar sakta hoon, jaroor karoonga……aap poochhiye , kya poochhna hai ?? “

main eek lambi saans li aur bola …….” Ji …….kya aapko maloom hai ki Neha ki jindagi mein , uske pati ke alawa bhi koyi aur tha …….? …….matalab koyi aur gair aadmi ?? “

unhone chaunk kar meri taraf dekha aur fir kuch der khamosh reh kar bole …….” Meri jaankari mein to koyi nahi tha ……….aur agar hota bhi to mujhe maloomat nahi hoti ……kyon ki aam taur par shaadishuda ladkiyon ke iss tarah ke sambandho ke baare mein unke pati ko hi maloom rehta hai ………….maa-baap ko nahi ……..”

“aur agar yeh sambandh shaadi se pehle ka ho to …..? ……tab to aapko maloom hoga na ..?? “ iss baar Kamal ne poochha ………….

“ meri jaankari mein to aisa bhi kuch nahi hai SP saahab………?? …….mujhe nahi maloom ki Neha ka shaadi se pehle bhi kisi ladke se koyi relation tha ya nahi ………….” Unhone seedha sa jawaab diya

kuch der ke liye ham sab chup ho gaye ………coffee aa gayi thi , waiter ke jaane ke baad Kamal ne teeno ko ek ek cup diya aur fir mujhe ishara kiya ……..maine fir agla sawaal kiya ………” Sir ………kya aap kisi Bittu ko jaante hain ??”

unhone fir se chaunk kar meri taraf dekha aur bole …..” kaun Bittu ………??”

“ main to aapse poochh raha hoon Sir ………..koyi bhi ladka jiska naam Bittu ho , aur wo kabhi Neha ka dost raha ho …….?? “ maine unke chehre ko gaur se dekhte huye poochha ………
unhone kuch der meri taraf dekha …..fir nazrein neeche jhuka li …………..agle kuch seconds wo table par rakhe huye coffee ke cup ko ghoorte rahe ………shaayad kuch soch rahe they ……….fir kuch seconds baad meri taraf dekha aur bole …………..

“pata nahi tum kis Bittu ki baat kar rahe ho…..??............jahan tak mujhe yaad hai , iss naam ka ek ladka Neha ki jindagi mein aaya to jaroor tha ……..par wo bahut puraani baat hai …………..”

main sun kar chaunk gaya …………Kamal bhi achanak excited nazar aane laga ………fir maine unse poochha …………” Ji haan bataiye ……….kaun tha wo ??”

“ maine bataya na barkhurdaar , yeh bahut pehle ki baat hai …………shaayad 10 saal se bhi jyada puraani ……………tab , jab ham log Indore mein rehte they ……..” unhone meri taraf dekhte huye kaha ……….

“Indore mein ………??” maine chaunkte huye sawaal kiya ……………
“Haan, …… Indore mein ………” unhone fir se dohraya ………..

“par aapka ghar to dehradoon mein hai na …….?? “ maine agla swaal kiya ……….

wo dheere se muskuraye aur bole …” tumne mujhe abhi kuch der pehle bataya tha ki tum aur Neha achchhe dost they …………tumhe yeh bhi nahi maloom ki Neha ki paidaiysh Indore mein hi huyi thi ……??”

maine pehle to sun kar sakpaka gaya……….wo sahi keh rahe they ki mujhe waakayi yeh baat maloom nahi thi …….fir Kamal ne baat sambhaalte huye kaha ….” Iska matlab yeh tha ki , ab to aap log kaafi saalo se Dehradoon mein hi reh rahe hain na ……..to yeh baat to bahut puraani hogi …? “

“Haan……….mein kaha na , kareeb 10 saal se bhi jyada purani ……….” Unhone kaha ………..

“jara tafseel se batayenge iss Bittu ke baare mein ………?? “
kuch der chup reh kar who ham dono ke chehro ko dekhte rahe aur fir bole ……”main khud bhi iss Bittu se kabhi nahi mila …………darasal , uss samay ham logo ka parivaar Indore mein tha ……..par meri posting Delhi mein thi ……….isliye mein mahine mein ek baar hi Indore aa paata tha ……………… yeh tab ki baat hai , jab neha shaayad 12th class mein padhti thi ………. Mujhe ek baar maloom pada ki Bittu naam ka koyi ladka hai , jiss se uski dosti ho gayi hai ………mere bete ne mujhe yeh baat batayi thi ………..”

“ Aapka beta …..?? “ Kamal ne beech mein hi tokte huye kaha ………..
“Haan SP saahab …….Neha ke alaawa mera ek beta , aur ek beti bhi hai ……..beta ab London mein hai ……….aur beti Pune mein rehti hai ….apne pati ke saath “ unhone samjhaya ………….

“Ohh……….” Kamal ke munh se nikla , mere khud ke liye bhi yeh bilkul nayi baat thi ……….

Fir Mr.Verma ne aage batana shuru kiya ………..” Haan to main bata raha tha ki , ek baar jab main Indore waapas aaya to mere bete ne mujhe iss Bittu ke baare mein bataya ………….Neha uss se chhip-chhip ka milti thi ……..aur mera beta khud bhi usko kayi baar tok chukka tha ………..fir maine bhi usko samjhaya , aur usne vaada bhi kiya ki fir kabhi Bittu se nahi milegi ………mujhe bhi laga ki shaayad yeh kachchi umar ke pyar ka bukhar hoga , jo dheere dheere utar jaayega par aisa hua nahi ......... mere Delhi waapas lautne ke baad unka milna jaari raha ………..kayi baar mujhe yeh khabar mili ki wo dono abhi bhi milte rehte hain……….mere bete aur Bittu ki iss chakkar mein ek-do baar ladayi bhi huyi ……………”

Kuch der ruk kar unhone fir aage bolna shuru kiya “ jitni baar bhi main Indore aata tha , mujhe Neha ki shikayat sun-ne ko milti thi ………..uski maa to kaafi pehle hi gujar gayi thi ……..isliye yeh mera hi farz tha ki main usko samjhaoon………fir jab mujhe lagne laga ki uss par meri baaton ka koyi asar nahi pad raha hai ……..to maine apna transfer dehradoon karwa liya ………….aur bachcho ko lekar dehradoon hi shift ho gaya …………….uske baad se maine fir kabhi iss Bittu ka jikar nahi suna ……….kuch saalo baad Neha ki shaadi ho gayi thi ………..aur wo apne ghar-parivaar mein busy ho gayi thi …………….”

“hmmm………” ek lambi saans lekar maine poochha…..” aap to Neeraj ke saath uski shaadi ke bhi khilaaf they na ?? ………… “

unhone chaunk kar meri taraf dekha aur fir dheere se hanste huye bole ……..” kaisi baat kar rahe ho Sardaar ji ……….?? …………maine hi to uski shaadi Neeraj se karwaayi thi …….ulta , wo khud hi iss shaadi ke liye tayyar nahi thi ……”
______________________________

[desiaks]

#114

yeh mere liye ek aur nayi jaankaari thi ……….uss se ulat , jo mujhe Neha ne bataya tha ………………

fir Kamal ne agla sawaal kiya…….”aur kuch jaankaari iss Bittu ke baare mein ??.......maslan , uska doosra naam ?..........Jaahir hai ki yeh naam to uska nick-name hi hoga …………..aur ab wo kahan rehta hai ??”
“ maine bataya na SP saahab , ki mujhe uske baare mein bahut jyada maloom nahi hai………maine to kabhi usko dekha bhi nahi hai………….aur ab wo kahan rehta hai, yeh bhi mujhe nahi pata ………….” Unhone sar hilaate huye kaha ………

sunkar mujhe to niraasha hi ho rahi thi ……….aur Kamal ke chehre par bhi mayoosi ke bhaav aa rahe they ………….fir usne hi poochha …………” aap yeh to bata sakte hain ki uss samay wo kahan rehta tha ………….? “

unhone ek baar Kamal ke chehre ko gaur se dekha aur fir bole ……” mujhe to nahi maloom , par mere bete ko jaroor yaad hona chahiye ……..agar aap chahe to main uss se poochh kar bata sakta hoon ………?”

“Ji haan ………..please “ Kamal ne excited hokar kaha ………….

Fir unhone Kamal se uska mobile liya ……….aur London mein apne bete ka number lagaane lage ……….kuch hi der mein number mil gaya aur unki baat shuru ho gayi ………wo baat karte jaa rahe they , aur hamaare chehro par ek chamak si aati jaa rahi thi ………………fir kareeb 3-4 minute baat karne ke baad unhone call disconnect kar di ………….mobile waapas Kamal ko dete huye wo bole …..

“ aap logo ki kismat achchhi hai , jo mere bete ko uska address abhi tak yaad hai ………….”

“Ji haan ……….bataiye please “ Kamal ne kaha aur apni jeb se ek chhoti si diary nikaal li ……..Mr.Verma ne usko ek address note karvaya ……..fir bole …
“aur kuch poochhna hai aap logo ko ……..?? “

maine Kamal ki taraf dekha aur usne haan mein sar hila diya ………..aur fir bola…..” Mr.Verma……….hamein yeh bhi maloom pada hai ki Neha aur Neeraj ko ek baar jail bhi jaana pada tha ………….bata sakte hain kyon?”

“Hmm………..sahi bataoon to wo bechaare to bina baat hi uss maamle mein fans gaye they …………darasal unn dino Neeraj aur Neha dono hi khaali they ………….ek finance company ne Dehradoon mein apna office khola tha , aur inn dono ko usne appoint kar liya …………..uss company ki koyi chit-fund scheme thi , jiske liye yeh dono paise collect karte they …………..fir ek din achanak company ka maalik faraar ho gaya ………..jin logo ke paise jama huye they , unhone aakar inn dono ke khilaaf complaint kar di ………….aur inko jail jaana pada ………Neha ko to ladki hone ki wajah se 2 mahine mein hi bail mil gayi ……..par Neeraj ko kaafi samay tak jail mein rehna pada ……………..” unhone bina ruke poori baat sunaayi ………..

“ aur company ka maalik kaun tha …………? ……uska pata chala…?” Kamal ne poochha…..
“nahi SP saahab………….police ne usko bahut talaash kiya , par uske baare mein kuch maloom hi nahi pada …………dar-asal wo kabhi kisi ke saamne aaya hi nahi tha ………….jo kuch bhi kaam hota tha , yeh dono hi karte they ………kisi ne usko dekha nahi tha , isliye police usko nahi pakad paayi “ unhone samjhaya ……..

“par police ko uska naam to maloom hoga , aur uska address bhi …??” maine poochha ………….

“ sab kuch galat tha ……….na hi uska naam , aur na hi address …………..iss hi liye police ko yeh laga ki Neha aur Neeraj uss aadmi ko jaante hain , par kisi laalach mein uska naam nahi bata rahe …….aur inko arrest kar liya tha ………….”
“Hmm…………………ok , Thanks Sir ……..” kamal ne kaha …………

“aur kuch baat ?.........jo aapko poochhni ho “ unhone ham dono ki taraf dekhte huye poochha ……………..

“nahi Sir , shukriya ………….aap apna number de deejiye , fir kuch poochhne ki jaroorat padegi to aapse contact kar lenge …………” maine kaha to unhone apni jeb mein se ek card nikaal kar meri taraf badha diya ………….

Fir ham teeno uth kar restaurant se baahar aa gaye ……….Kamal ne ek texi ko roka aur Mr.Verma se poochha……….” Aap to apne hotel hi jaayenge na ..?”

“nahi ……..pehle mujhe Hospital jaana hai ……….soch raha hoon jab yahan aaya hoon to Vijay ko bhi dekh loon ………”unhone kaha……….Vijay se unka matlab , Mr.Chaudhary se tha……….jo unke dost bhi they …………..

wo taxi mein baith kar chale gaye ……aur ham dono fir saath saath paidal hi aage badhne lage ………..thoda aage jaakar ham dono ek jagah par ruk gaye ….aur fir Kamal ne kaha ……….
______________________________

[desiaks]

#115

“maine tumhaare mobile ki call’s record check kiya tha……….tumhaare phone par uss din shaam ke 7 baje ke baad 2 calls aayi thi ….dono miss calls thi …….fir ek call 7.40 par aayi thi ……….jo tumhaare number par hi ki gayi thi , par kisi aur number par divert ho gayi thi ………………uski details mere paas record hai……”

kehte huye usne apna mobile nikaala ……aur usmein maujood ek sound recording mujhe sunane laga ……….

Sirf ek minute se bhi kam samay ki call thi ……………call receive karte hi Mr.Chaudhry ki awaaz sunayi padi ………” hello ………hello ………..hello Rajiv , tum meri awaaz sun rahe ho na ………………”

“ Haan………..” ek doosri awaaz , thodi bhaari si ........jo nishchit taur par meri nahi thi …………..

“mujhe tumse abhi milna hai Rajiv …………….tumhe ek bahut badi musibat mein fansaya jaa raha hai beta ……………..tum jaldi se aakar mujh se milo ……………bahut jaldi ………” unki awaaz mein ghabraahat saaf mehsoos ho rahi thi …………….

Kuch second ki khamoshi ke baad fir se ek awaaz aayi ..”Hmm………..theek hai .”

Fir call end ho gayi……………

“ Kuch samajh mein aaya ? “ kamal ne mujh se poochha

“haan ………….Mr.Chaudhary ko kuch aisa maloom pada tha jo wo mujhe batana chah rahe they ………..par maine yeh call receive hi nahi ki Kamal…!!” maine kaha

“mujhe maloom hai dost ………yeh call tumhaare number se divert ki gayi thi …….tum jara apna mobile check karo ………” usne kaha to maine apna purana mobile check kiya ……………..

waakayi , mere mobile mein Laksmi nivaas aur Mr.Chaudhary ke mobile se aane waali saari calls ko divert kiya gaya tha …….kisi naye number par ……………jaahir tha yeh number bhi ab shaayad kaam nahi kar raha hoga ……………….par yeh kisne kiya tha …??? Aur kab …???

Maine hairaani se Kamal ki taraf dekha aur fir bola ………….” Yeh kaun kar sakta hai Kamal…….??”
“ Pata nahi dost …………par jisne bhu kiya hai, iss liye ki tum Mr.Chaudhary ke paas na pahunch sako ................ek naam to abhi mere dimaag mein hai , aur shaayad Indore jaakar kuch aur sahi jaankari mil sake ……….waise maine iss case ko dekh rahe officer ko bhi yeh baat bata di hai ki uss raat wo call tumne attend nahi ki thi ……….shaayad yeh baat tumhaare favour mein hi saabit ho “

“ sahi keh rahe ho………….aur ab ek baar Indore to jaroor jaana padega ……………iss Bittu ke baare mein jaan-ne ke liye ………………..” maine ek lambi saans lete huye kaha ……….

“ vaise to sirf address ke sahaare uss tak pahunchna bahut mushkil kaam hai dost ……..aur wo bhi 10 saal se jyada purana address ……………yun samjho ki bhoose mein se suyi dhoondhni hai …………..par hamaare paas sirf yahi ek ummeed hai ………isliye jaana to padega hi ………” usne kaha ………..fir kuch seconds mere chehre ko dekh kar bola ……..” main aaj raat ko hi nikal jaata hoon…….tum yahin hotel mein hi rukna ………..”

“par tum akele kyon jaaoge ………..? main bhi tumhaare saath chaloonga …….ya fir main akela bhi to jaa sakta hoon na …..” maine kaha ……….

“ nahi dost …………ham dono mein se ek ko yahan rukna jaroori hai ……tumhe iss get-up mein koyi nahi pehchaan sakta ………..isliye tum koshish karna ki Hospital ke aas-paas hi raho ………aur Mr.Chaudhary ke paas jaane waalo ke oopar nigaah rakho ……..main chahta hoon ki agar unko hosh aa jaata hai to tum unke najdeek hi maujood ho ………”

main uski baat samajh kar haan mein sar hila diya……..fir usne aage kaha…….

“aur waise bhi Indore mere liye jaani-pehchaani jagah hai ……….mera home-town hai wo………”
main ek baar fir se uske chehre ko dekha ……….iss baar thoda sa ghoorte huye aur apni aankhen tedi karte huye ………

“ aise kya dekh rahe ho …………main Bittu nahi hoon mere bhai ………” usne hanste huye ajeeb se style mein kaha to mujhe bhi hansi aa gayi ………….kuch der ham dono aise hi hanste rahe ……aur fir wo mujhe kuch hidaayatein dekar wahan se chala gaya ………….

Main waapas apne hotel ki taraf chal diya ……………..ek nayi ummeed ke saath ……….ki shaayad Indore se Kamal ko wo jaankari mil jaaye , jo hamein chahiye thi ……..aur ya fir shaayad Mr.Chaudhary ko hosh aa jaye ……….aur dono hi baaten mere liye achchhi saabit ho sakti thi ……………
______________________________

[desiaks]

#116

Kamal ke jaane ke baad poori shaam maine yun hi ghoomte huye gujaar di ………..main apne hi shahar mein tha , aur yahan ka ek ek hissa mere liye jaana – pehchana tha ……

Fir maine market mein hi ke restaurent mein dinner kiya aur fir uske baad paidal hi tehalte huye apne hotel ki taraf badh gaya ………hotel ke room mein jaakar maine TV on kar liya aur apni aadat ke anusaar hi news dekhne lag gaya …………TV ke channels change karte karte hi mujhe neend aane lagi aur kab main TV ko off kar ke so gaya mujhe yaad nahi …………

Subah fir se main late hi uthe …….mujhe koyi kaam nahi tha , sivaaye Kamal ke phone ka intazar karne ke ………….maine aaram –aaram se hi saare daily routine ke kaam niptaye ……..aur fir hotel ke kamre mein hi naashta bhi kiya ……….fir kuch der ke baad main hotel se nikla aur paidal hi shahar mein ghoomne ke liye nikal pada ……..

Thodi der yun hi bazaar mein ghoomne ke baad main shahar ke sabse bade Hospital ………. S.G.Medical college ki taraf chal diya …….wahin jahan iss samay Mr.Vijay Chaudhary admit they ………….aaj subah ki news mein main padh chukka tha ki unki haalat abhi bhi stable hi hai………….par ek baar unko dekhne ka moh main nahi chhod paa raha tha ……….aur uske alaawa mujhe Kamal ki di huyi hidayat bhi yaad thi ki mujhe hospital ke aas-paas rehne ki koshish karni hai……….

Kareeb 1/2 ghante ke baad main hospital pahunch gaya ……………yeh shahar ka sabse bada hospital tha……..isliye bheed ka hona to laazimi hi tha……….main iss bheed mein se hota huya andar pahunch gaya………….mujhe abhi yeh nahi maloom tha ki Mr.Chaudahry ko kahan rakha gaya hoga ………aur Kamal se poochhna mujhe yaad nahi raha tha ………..

Poora hospital 2 alag alag buildings mein devide tha ………..ek taraf OPD aur General wards …….aur doosri building mein Medical college aur special wards ……… main doosri building mein pahunch
gaya ……..top ke 2 floors ( 7th & 8th) special wards ke liye they , aur Mr.Chaudhry ko wahin hona chahiye tha ……………main lift mein sawaar huya aur 7th floor par pahunch gaya ………main kisi se kuch poochhna nahi chah raha tha , kyon ki iss haalat mein koyi bhi mere oopar shaque kar sakta tha ………
Main khud hi ek ek ward ko check karta raha aur fir wahan pahunch gaya , jahan Mr.Chaudhry admit they …………..yeh VIP wards ka hi ek hissa tha …………..main entrance par khade huye security guards se hi pata chal raha tha ki andar koyi special patient hai ………..aur jaahir tha ki wo special patient Mr.Chaudhary hi honge………baaki agar kisi shaque ki gunjaiysh thi bhi to wo Mr.Anil chaudhary ki wahan maujoodgi ne door kar di ……..wo entrance se thoda sa andar khade huye , ek doctor se kuch baat kar rahe they …………

main uss gate ke saamne bane huye waiting haal mein padi huyi chairs mein se ek par baith gaya ……………Anil Chaudhary kuch der doctor se baat karne ke baad baahar ki taraf nikal aaye aur fir mere saamne se hote huye lift ki taraf badh gaye ………….ek baar ham dono ki nigaahein aapas mein mili , par mujhe kahin se bhi aisa nahi laga ki unhone mujhe pehchana hoga …………………….

Yeh waiting hall kaafi bada tha …………..do side mein LCD tv bhi lage huye they ……aur ek kone mein ek canteen bani huyi thi ……..kul milakar yahan baith kar time kaatna mushkil kaam nahi tha ……….main apna kuch samay yahin gujaarne ka faisla kiya ………..

Main kuch der yun hi baitha TV dekhta raha………TV par ek cricket match chal raha tha ……….par saath hi saath meri ek nigaah saamne ward ke darwaaze par bhi lagi huyi thi ……….

Ward ke baahar security guards ke alaawa …….andar bhi kuch police ke aadmi dikhayi pad rahe they ……………saamne ek lamba sa galiyara bana huya tha, aur uske dono taraf rooms bane huye they ……….ek room ke saamne mujhe 2 police ke jawaan bhi baithey huye dikhayi pade , aur main samajh gaya ki yahi Mr.Chaudhary ka room hai …………

Agle 2 ghante tak yun hi baithe huye main bore hote raha ………..Tv dekhta raha aur beech mein jaakar ek baar canteen se cold drink le aaya ………..fir cold drink peete huye TV dekhta raha …………

Fir main wahan se uth kar waapas neeche aa gaya………….building se baahar aakar main fir se market mein ghoomne ke liye nikal pada …………subah se main hazaaro logo ki nigaaho ke saamne se guzar chukka tha , par kisi ne bhi mujhe pehchana nahi tha ………..yeh mere liye ek achchhi baat thi……………par iss se bhi achchhi baat tab hoti , jab Kamal ka koyi phone aata …….jo ki abhi tak nahi aaya tha ………

Kuch der yun hi market ke chakkar kaatne ke baad , maine ek chhote se restaurent mein jaakar lunch kiya ……….aur lunch ke baad fir se hospital ki taraf chal diya …………

Ghoomte ghoomte jab main hospital ke najdeek pahuncha to do-pahar ke 4 baj chuke they……….main hospital ke thoda sa door hi tha jab mujhe achanak uss road par halchal si hoti mehsoos huyi ……….aisa laga ki achanak hi saara traffic ek hi disha mein bhaagne laga hai ……….main jaldi jaldi kadam badhta huya hospital ki taraf chalne laga ………………
______________________________

[desiaks]

#117

Hospital ke gate ke theek saamne ab kuch TV channels ki gaadiyan khadi huyi dikhayi de rahi thi ………jo subah , aur abhi 2 – 2 1/2 ghante pehle tak bhi yahan nahi thi ………..police ki bhi kuch extra gaadiyan wahan dikh rahi thi ……..

” yeh achanak hi yahan itni jyada movement kyon hone lagi hai ………. Shaayad koyi VIP hospital mein admit hua hoga …………” maine yeh socha aur fir tez kadmo se hospital ke gate ke bilkul paas pahunch gaya ……. Gate ke saamne hi kuch TV reporters camera ke saamne khade huye reporting kar rahe they ……..aur unke munh se hi mujhe sunayi pada ki yahan achanak itni jyada movement ki asal wajah kya hai ……..aur sunte hi mere dil ki dhadkane bhi achanak tez ho gayi ………..

baat hi kuch aisi thi ………abhi kuch der pehle hi hospital mein yeh khabar fail gayi thi ki Mr.Vijay Chaudhary ko hosh aa gaya hai …….news channels ke liye yeh ek badi khabar thi …………..jo unke channels ko ek aur breaking news dene waali thi ……….par mere liye to yeh ek nayi jindagi ki tarah thi …………..

main lagbahg bhaagta huya uss taraf chal diya ……..jahan Mr.Chaudhary admit they …… hospital mein maano koyi mela sa lag gaya tha ……….police lagaatar wahan logo ki bheed ko control karne ki koshish kar rahi thi ………par news channels ke reporters aur camera crew , yahi log itni jyada sankhya mein they ki wahan maano jam sa lag gaya tha ………

bheed mein se hote huya main doosri building tak pahuncha ………….lifts to full hi thi ..isliye mein seediyon ki taraf hi daud pada ………. Seediyon ka bhi wahi haal tha , yahan bhi maano bhed ka rela laga huya tha ……….fir bhi main unke beech se hota huya ……..dheere dheere oopar ki taraf chalta raha ………..ground floor se , 7th floor tak pahunchne mein mujhe kareeb 1/2 ghanta laga gaya ………aur ab main VIP wards ke saamne bane huye waiting hall mein khada huya tha …………
hall aur wards ke beech waale darwaaze par reporters ka mazma laga huya tha ………..sab log andar jaane ki koshish kar rahe they ……par police ke kuch officers wahan khade huye , unko andar jaane se roke huye they ………..

fir ek officer ne apna haath utha kar sabko shaant rehne ke liye kaha ……… kuch hi seconds mein hall mein uth raha tez shor , achanak hi dheema padta gaya ……aur fir makkhiyon ki bhin-bhinahat jaisi awaaz mein tabdeel ho gaya …………..fir uss police officer ne ek aur baar apna haath uthaya , aur sab log uski hi taraf dekhne lage ………fir usne bola …

“Ladies and Gentlemen …………….please aap log yahan bheed na lagaayein ……..thodi hi der mein Hospital ki taraf se aap sab ko official information dee jaayegi ……….aap sab log , neeche groud floor par pahunch jaayein …….wahan Administrative block ke saamne aapko brief kiya jaayega ………….”

Uske itna kehte hi saare reporters aur camera crews , lift ki taraf jaane lage …….fir dheere dheere lag-bhag sabhi log wahan se chale gaye ……..par abhi bhi kuch log iss hall mein maujood they ………jinme se kuch to wo they , jinke relatives yahan VIP ward mein admit they ….aur kuch reporters bhi jaroor honge , jo kisi exclusive tasveer ki talaash mein yahan ghoom rahe they ………..
Fir lift ka darwaaza khula ……..aur main Sharad ke saath Nidhi ko lift se baahar nikal kar andar ward ki taraf jaate huye dekha ………..dono tezi ke saath chalte huye andar pahunch gaye aur fir uss room ke andar chale gaye , jahaan baahar 2 guards baithey huye they …………ek baat jaroor maine dekhi ki andar jaane se pehle , guards ne unn dono se kareeb 1 minute tak kuch baat ki aur unhone apne paas se ek ek card nikaal kar bhi unko dikhaya …………” jaroor yeh sab kuch arrangements security ke liye kiya gaya hoga “ main socha …………

Main fir se intezar karne laga ……..main ek baar Mr.Chaudhary ko dekhna chahta tha ……aur ab unke hosh mein aane ke baad to mere nirdosh saabit hone ki ummeed bhi badh gayi thi………..
Kuch hi der ke baad Sharad baahar nikla aur ek side mein bane huyi gallery ki taraf badh gaya ………….wahan shaayad doctors ke rooms honge ……….mere saamne se guzarte huye sirf kuhh der ke liye ham dono ki nigaahein mili , par mujhe aisa nahi laga ki wo mujhe pehchan saka ho …………..uske jaane ke baad main apni jagah se uth kar khada ho gaya , aur sochne laga ki main andar kaise jaa sakta hoon …………..

Secuity waakayi bahut tight thi ………..mera andar pahunchna possible nahi tha , fir bhi main wahin wait karta raha …………TV par ab yeh news aane lagi thi …….aur yeh bhi bataya jaa raha tha ki kuch hi der mein jab Doctors permission denge , Police Mr.Chaudhary se pooch-taachh kar sakti hai………….
Agle 1 ghante tak main wahin par baitha wait karta raha ………iss beech Sharad waapas laut aaya tha , aur fir se kahin chala gaya tha …………Anil Chaudhary bhi apni wife ke sath wahan pahunch gaye they , aur andar room mein chale gaye they ……..

Main bhi ab baithey baithey thak gaya tha……..main apni seat se utha aur hall ke ek side mein bani huyi window ke paas pahunch gaya………….AC hall hone ki wajah se window band thi , par sheeshe se baahar dikhayi pad raha tha ……….baahar ab halka halka andhera hone laga tha ………..saamne road par chal rahi gaadiyan dikhayi pad rahi thi aur buildings ki light bhi …………mujhe yahan khade huye abhi 2 minute bhi nahi huye they ki apne kandhe par kisi ke haath ka sparsh mehsoos kar ke main chaunk gaya ………..main turant peechhe ghama aur dekha ki mere saamne ek police officer khada huya hai ……………..

“Ji kahiye ……….?”apni awaaz ko control karne ki koshish karta huya main bola ……..

“agar aapko aitraaj na ho to , hamein aapse kuch baat karni hai ……..” usne meri aankhon mein jhaankte huye kaha ……….

“Ji …!!..........main samjha nahi ??...........kis baare mein baat karni hai …………??” main apni ghabraahat ko chhupane ki bharpoor koshish kar raha tha …………..

“aapke baare mein ……….., aap please mere saath aayiye ……..” usne lift ki taraf ishara karte huye kaha …………..” aur please koyi bhi galat harkat karne ki koshish nahi karna …………” aakhiri baat usne sakht lehze mein kahi thi ………

tab tak police ke 2 sipaahi aur ek SI bhi wahan aa chuke they ………….unke beech mein chalta huya main lift ki taraf badh gaya …………..
5 minute ke baad hi main neeche hospital ke compound mein khadi huyi ek police van ki pichli seat par baitha huya tha ……………meri pagadi utaar di gayi thi aur meri asali pehchaan unke saamne aa chuki thi ……………
______________________________

[desiaks]

#118

Main pichhle 2 ghante se iss kamre mein band tha…….yeh koyi lock-up nahi tha aur jahan tak main samajh raha tha , yeh Raj Nagar ke SSP office ka ek room tha ………….par meri position kisi kaidi ke jaisi hi thi ………

Jiss officer ne mujhe Hospital mein pakda tha ……..uska naam Akhilesh tha ………SP ki rank thi , aur Kamal ke baad iss case ka charge uss hi ke paas tha ……. Hospital se wo mujhe seedha yahin le kar aaya tha …….aur yahan laakar iss kamre mein band kar diya gaya tha ……………mere paas maujood saara saaman , jimein 3 mobile phones bhi they , unn logo ne apne paas rakh liye they …….

Yeh ek chhota sa kamra tha ………jo shaayad kisi store ki tarah use hota tha ………ek side mein kuch racks rakhi huyi thi , jin mein files lagi huyi thi ……..aur ek side mein , ek badi si table ke oopar kuch boxes aur ek purana sa type-writer ………..
Kamre ke beech mein 2 chairs rakhi huyi thi , jin mein se ek par main baitha huya tha …….aur mere saamne waali dossri kursi abhi khaali thi ………..mujhe Hospital se yahan laakar , bina kuch kahe iss kamre mein band kar diya gaya tha ……..aur tab se abhi tak yahan sifr ek sipaahi aaya tha , mujhe paani dene ke liye ………….

Fir kamre ka darwaaza khula aur maine Akhilesh ko kamre ke andar aate huye dekha ……..uske saath ek SI bhi tha , jisko usne haath ke ishaare se hi baahar rukne ko kaha aur kamre ke darwaaze ko band kar ke mere saamne waali chair par aakar baith gaya…….

Kuch der ki khamoshi ke baad usne hi baat shuru ki ……………

“Kaise haal hain aapke Mr.Rajiv Chaudhary ………….!!”

Maine kuch nahi kaha ………..sirf kuch seconds uski soorat ko dekhta raha ……..fir bola “ mujhe yahan kyon rakha gaya hai SP saahab ??..............”

“yeh sawaal aap mujhe se pooch rahe hain ??...........aapko nahi maloom ki aap ne kya kiya hai ??” usne meri taraf dekhte huye kaha ………
“ maine kuch nahi kiya hai !!..........mera yakeen maaniye , mere oopar job hi ilzaam lagaye jaa rahe hain , wo sab jhooth hain ……………” maine uski aankhon mein jhaankta huya bola …………….

“ aur iss hi liye aap Raj nagar se faraar ho gaye they …kyon ??.........aur ab waapas bhi aaye to bhes badal kar ?? ……….agar aap bekasoor they to aapko saamne aakar , apne aap ko be-gunaah saabit karna chahiye tha “ usne mujhe ghoorte huye kaha ………..wo lagbhag meri hi umar ka, ek sakht chehre wala insaan tha ……….

“main manta hoo ki yahan se bhaagna meri galti thi , par mere paas uss samay koyi aur raasta nahi tha ………….saari situations mere khilaaf thi …..aur koyi bhi saboot mere paas nahi tha , khud ho begunaah saabit karne ka ………” main ek ek shabd par jor dete huye bola …………pehle ki taraf uss ke chehre ko dekhte huye …….

Kuch seconds tak wo meri aankhon mein aankhen daale huye , mujhe ghoorta raha …….aur fir bola “ ab tum kya samajhte ho ….situation tumhaare favour mein ho gayi hai …?? “

“ poori tarah to nahi ………par Chaudhary saahab ke bayaan dene ke baad , tum bhi yeh maan jaaoge ki main be-gunaah hoon ……” maine uski baat ka jawaab diya ……

“bas yahi ek baat hai . jiski wajah se main ruka hua hoon Rajiv Saahab…………..main khud bhi yahi wait kar raha hoon ki Chaudhary saahab bayaan dein ………….iss hi liye maine abhi tumhe arrest show nahi kiya hai …………sirf main , aur meri team ke kuch log hi yeh jaante hain ki tum yahan ho…………….” Fir wo uth kar khada ho gaya aur aage bola ………” tum dua karo ki Chaudhary saahab ka bayaan tumhaare favour mein ho……mujhe ummed hai ki kal subah ham unka bayaan le lenge …………. “ keh kar wo kamre se baahar nikal gaya aur fir darwaaze ko band kar diya gaya …………..
main fir se iss kamre mein akela reh gaya …………….kuch sawaal baar bar mere dimaag mein ghoom rahe they ……….par jawaab dene waala koyi maujood nahi tha …….

Kamal ka phone kyon nahi aaya tha …? ……who iss samay kya kar raha tha …….?

SP Akhilesh ne mujhe kaise pehchan liya ……….? Jabki pichhle do din mein , main hazaaro logo ke saamne se guzra aur koyi bhi mujhe nahi pehchaan paya …….

Chaudhary saahab ne abhi tak bayaan nahi diya tha ……..par agar kal wo bayaan denge to , kya wo mere favour mein hoga ……..?

Inn sawaalon ko man mein liye huye hi main saari raat kaat di …………beech mein mere liye ek baar khaana bhi laaya gaya tha , par meri to bhookh aur pyaas dono hi gaayab ho chuki thi ………..mujhe bas ab intezar tha ……….Chaudhary saahab ke bayaan ka aur Kamal ke waapas aane ka …………….raat ko mere sone ke liye wahan ek bistar bhi laga diya gaya ..........par main uss ke oopar sirf let hi paya , neend to meri aankhon se koso door thi

subah ho chuki thi ……….main intezar kar raha tha ki jaldi se SP Akhilesh yahan aaye aur mujhe yeh bataaye ki Chaudhary saahab ne kya bayaan diya hai ……..is beech ek sipaahi aaya tha , aur mujhe baahar nikaal kar wahin office mein bane huye bathroom aur toilet tak le gaya tha ………. Thoda sa fresh hokar , main waapas uss hi kamre mein aa gaya …………aur fir se ek lamba intezar shuru ho gaya ……….

1 ghanta , 2 ghanta aur yun hi time beet-ta raha ……….mere andar mayoosi badhti hi jaa rahi thi ………….aur saath hi saath gussa bhi ……….meri nigaah mein, main bilkul nirdosh tha , aur tab bhi mujhe iss kamre mein band kar ke rakha gaya tha ……..
fir kamre ka darwaaza khula ………….mere dil ki dhadkane SP Akhilesh ko dekh kar tez ho gayi thi……….mujhe poora yakeen tha ki wo ab Mr.Chaudhary ka bayaan le aaya hoga aur saari baaten clear ho gayi hongi …………
______________________________

[desiaks]

#119

wo kamre ke andar aa gaya …….aur mere saamne waali kursi ke oopar baith gaya ……..uske peechhe peeche ek SI bhi andar aa gaya …….uske haath mein ek chair thi , usne chair ham dono ke paas hi daal di aur uspar baith gaya ………..

main baari baari se dono ki soorat dekhta raha …………iss ummeed ke saath ki wo jo kuch bhi kahenge , mere favour mein hi hoga …………..fir Akhilesh ne baat shuru ki ……………

“ Rajiv ……………ab hamein tumko arrest dikhana hi padega ……….isliye tum apna statement likhwa do ……………” fir usne SI ki taraf dekhte huye kaha “ Sameer , tum Rajiv ka statement note kar lo ……….fir do-pahar ke baad ham inko court mein pesh kar denge …………”

uski yeh baat mujhe chaunkaane ke liye , ya yun kahiye darrane ke liye kaafi thi …………maine unn dono ki soorat ko ek ek baar aur dekha aur fir Akhilesh se swaal kiya ….

“Kya matlab hai aapka SP saahab !!…………..ab tak to Mr.Chaudhary ne bhi apna bayaan de diya hoga …………….!!..........fir aap mujhse kya poochhna chahte hain ..??

“Ji haan …….Mr.Chaudhary ne apna bayaan de diya hai “ usne ek lambi saans lekar kaha …….aur fir aage bola “ aur aapko jaankar dukh hoga ki unko nahi maloom ki unke oopar kisne hamla kiya tha ……………..unka kehna hai ki wo apne oopar goli chalaane waale ka chehra nahi dekh paaye ……….”

“par unhone yeh to bataya hoga ki jab unke oopar hamla hua tha , main unke aas-paas nahi tha ……….aur yeh bhi ki……..” main laghbhag cheekhta huya bola aur iss hi liye usne meri baat beech mein hi kaat di …………

“ meri baat poori to sun lo mere bhai ………, Mr.Chaudhary abhi apna poora statement nahi de paaye hain , doctors ne bataya hai ki wo kamjori ki wajah se jyada baat nahi kar paayenge ……..iss liye ham log kal do-bara koshish karenge , unse baat karne ki ………….par ham tumhe yahan bhaut jyada der tak aise nahi rakh sakte hain, aur agar kisi news reporter ko tumhaari maujoodgi ke baare mein maloom pad gaya to hamaare liye jawaab dena mushkil ho jayega ………………” usne mujhe poori baat samjhayi …….

Main kuch seconds chup raha aur fir bola …….” Main apna bayaan dene ke liye tayyar hoon SP saahab ……..par kya aap mujhe kal tak ki mohlat de sakte hain ?? “

“ Wo kyon ?? ……kya aap chahte hain ki main kal Mr.chaudhary ka statement lene tak wait karoon ??” usne meri aankhon mein jhaankte huye sawaal kiya …..

“Ji haan …….wo bhi , aur uske alaawa mujhe kal tak Kamal ke bhi waapas aane ki ummeed hai …….” Main kaha………..pehli baar maine Kamal ke aane ka jikar uss se kiya tha ………

“ kya matlab !!.........Kamal sir kahan se waapas aayenge ?? …..wo to chhutti par gaye huye hain na ..?? “ usne chaunkte huye sawaal kiya ………..
“ ho sakta hai ki usne aap logo ko yahi bataya ho …….par wo kisi aur kaam se gaya hai ………..iss case se related kuch tehkikaat karne ke liye …” main usko samjhaya …..

agle kuch seconds wo chup rehkar meri taraf dekhta raha ……aur fir apne saath waale SI ko ishara kar diya ……………SI wahan se uth kar baahar nikal gaya ………aur jaate jaate darwaza band kar diya ……

fir Akhilesh meri taraf dekhta huya bola ……….” Rajiv ……..mujhe maloom hai ki aap Kamal sir ke achchhe dost ho ……shaayad yahi wajah hai ki maine abhi taka apse koyi bhi galat baat nahi ki hai ………..yeh jante huye bhi ki aap iss case ke mein accused hain, maine aapse jabardasti kuch bhi bayan nahi liya hai…….par main bahut jyada der tak yeh sab nahi kar paaoonga ……….”

“ aap yeh bhi dekhiye ki mere khilaaf aapke paas koyi bhi saboot puri tarah se pakka nahi hai ……..aapne khud hi bataya ki Mr.Chaudhary ne yeh kaha hai ki wo apne oopar hamla karne waale ko nahi pehchante hain……..!!” maine usko samjhaane ki koshish ki …….

“uske alaawa bhi bahut saare sabot hai aapke khilaaf ………..Mr.Chaudhary ke room mein se mile aapke photographs ? ……..unke mobile se aapke number par ki gayi akhiri call …….? “ usne mujhse poochha ………

“photographs to unke oopar goli chalaane ke baad bhi wahan plant kiya jaa sakte hain SP saahab ……….aur phone call ke baare mein aapko Kamal ne bataya hi hoga ……wo call main receive nahi ki thi “ maine apni agli daleel pesh ki ……..

“sorry Rajiv ………….aap sirf yeh prove kar sakte hain ki call aapke number par receive nahi huyi ..........aapne baat nahi ki ,yeh aap prove nahi kar sakte hain ……..ho sakta hai ki aapne hi apne kisi doosre number par call divert ki huyi ho “ usne meri aankhon mein jhaankte huye kaha ……….

Uska kehna sahi tha ……….wo doosra number main use nahi kar raha tha , yeh baat kaise saabit ho sakti hai ……..fir wo hi aage bola …..

“ chaliye ek baar ko maan bhi lein ki aapne Mr.Chaudhary ke oopar hamla nahi kiya , aur bank vault ke robbery case se bhi aapko alag kar dete hain ………fir bhi aapke oopar ek ilzaam to rehta hi hai ………..Neeraj Verma ke murder ka …….aap kaise prove kar sakte hain ki aapka uske khoon mein koyi haath nahi tha ……….? “ usne thodi tez awaaz mein apne akhiri baat poori ki ……….meri aankhon mein jhaankte huye …………….

Uski yeh baat bhi sahi thi …………main ek saath itne saare cases mein fansa huya tha ki , mujhe sirf ek hi cheez iss musibat se baahar nikaal sakti thi …….aur wo thi , asli mujrim ki pehchaan …………..main kandhe uthate huye , bebasi se uski taraf dekha ………………..

Fir wo apni seat se uth kar khada ho gaya ………..aur bola “ main aaj shaam tak ka wait aur karoonga Mr.Rajiv ……….agar Kamal Sir waaps nahi laute to , fir majbooran mujhe aap par apne pulisiya hath-kande apnane padenge ………..” keh kar wo fir se room se baahar nikal gaya…..
______________________________

[desiaks]

#120

Main fir se akela reh gaya ……..aur iss baar pehle se jyada niraash bhi …….jitna be-sabri se main Kamal ka intezar kar raha tha ………uske aane mein ho rahi deri , mujhe utna hi jyada pareshaan kar rahi thi ………………

Fir uske baad shaam ka tak samay maine wahin baithey baithey kaata …………ek ek minute jaise ek ek saal ke baraabar beet raha tha ………………subah se do-pahar , fir shaam , aur uske baat raat hone ko aayi ………iss beech 3-4 baar sirf ek sipaahi iss kamre mein aaya tha ……..ek baar khaana dene ke liye …….2 baar paani ke liye aur ek baar chay lekar …………iske alaawa mujhe 2 baar bathroom ke liye yahan se baahar nikaala gaya tha

Raat ke kareeb 9 baje honge jab fir se kamre ka darwaaza khola gaya ……..ek baar fir se Akhilesh aur uske saath ek SI tha ………….wo dono seedha mere paas aaye aur fir Akhilesh ne kaha …………
“Rajiv…………….main jitna samay aapko de sakta tha , utna de chukka hoon …….ab aap apna bayaan likhwaayein ……….aur dhyaan rakhiyega ki agar aapne hamaare saath sehyog nahi kiya to hamein majbooran aapke saath jor-jabardasti karni padegi ……………” usne dhamkaate huye yeh baat kahi aur fir mere jawaab ko sune bagair kamre se baahar nikal gaya ……………….

Uske baad ke kuch ghante mere liye kisi bure sapne ke jaise saabit huye ……….shaayad meri jindagi ka sabse kharaab samay ………..mujhe wahan se nikaal kar ek doosre kamre mein le jaaya gaya ……..yahan sirf ek badi si table aur uske dono taraf 2 chairs padi huyi thi ………….kamre mein bilkul andhera tha , bas table ke oopar ek bada sa bulb latak raha tha……
Mere aur uss SI ke alaawa wahan 3-4 hawaldaar bhi they ……………SI ne mujhe ek chair par baitha diya aur khud mere saamne baith kar mujh se sawaalat karne shuru kiye ………..Neha ke baare mein , Neeraj ke baare mein , vault ki robbery ke baare mein , Mr.Chaudhary ke oopar huye hamle ke baare mein aur fir aakhir mein meri faraari ke baare mein …..jo bhi kuch mujhe yaad tha, main batata chala gaya …..shuru mein main kamal ka jikar nahi kar raha tha …….fir jab usne sakhti se poochhna shuru kiya to mujhe majbooran uske baare mein bhi batana pada…..

Har guzarte pal ke saath uske questions tede hote jaa rahe they …….aur mere liye unka jawaab dena kathin …………..jaise jaise pooch-tachh aage badh rahi thi , uske lehze mein sakhti aati jaa rahi thi ………..charo logo ne mujhe , charo side se ghera hua tha …………….SI mujhe sawaal karte karte aap se tum aur tum se tu par ka baa gaya , mujhe bhi maloom nahi pada ……………2 ghante ke marathon poochhtachh mein agar usne kuch nahi kiya tha to wo tha mere oopar kisi tarah ka bal-prayog ……….usne mujhe haath bhi nahi lagaya tha ………aur shaayad iss ki instruction usko oopar se dee gayi thi …………

2 ghante baad bhi wo mere jawaabo se poori tarah satisfied nahi tha , wajah yahi thi ki wo chahta tha ki main wo saare gunaah kabool kar loon , jo maine kiye hi nahi they ………….fir wo uth kar kamre se baahar nikal gaya ……..mujhe unn logo ne peene ke liye pani diya ……..aur fir 5 minute baad hi SI waapas aa gaya ………usne ek hawaldaar ko ek kone mein bulaya aur kuch samjhaya …………..

thodi hi der ke baad main badi hi ajeeb si condition mein uss chair ke oopar baitha huya tha ……………..mere dono haatho ko kursi ke hattho se baandh diya gaya tha , meri gardan mein ek kapde ka fanda bana kar iss tarah daala gaya tha ki wo gardan mein thoda sa loose tha ……….fande mein ek rassi bandhi huyi thi , jo oopar ek kunde se bandh di gayi thi ………..ab iss stithi mein agar main apni gardan ko thoda sa bhi neeche karta , to fanda meri gardan mein kasne lagta tha …………kul milakar main gardan ko bahut jyada hila-dula nahi sakta tha ………….chhat se latke huye bulb ko off kar diya gaya tha , aur ek tez roshini ka lamp mere chehre ke bilkul saamne , table ke oopar rakh diya gaya tha……………

kul milakar yeh mujhe torture karne ka police ka tareeka tha ………mujhe maloom tha ki saari raat mujhe yeh torture sehna padega , aur aisi haalat mein bahut saare log wo gunaah bhi kabool kar lete hain , jo unhone nahi kiye hote ……………

wo sab log kamre se baahar nikal gaye ……….mujhe akele iss musibat ka saamna karne ke liye chhod kar ……….mujhe maloom tha ki kal meri haalat iss se bhi jyada buri hone waali hai …………..aur main apne aap ko iss ke liye tayyar karne ki koshish kar raha tha

mere dimaag mein apni guzari huyi jindagi ek film ki tarah ghoomne lagi thi ……….Raju se Rajiv , aur uske baad Rajiv Chaudhary ban-ne ke liye maine jitni mehnat ki thi ………..aur jitna time mujhe laga tha ………..waapas neeche aane mein sirf kuch hi din lage …………sirf ek bewafa ki munhabbat ne aaj mera yeh haal kar diya tha ki main khud bhi samajh nahi paa raha tha ki kal mera kya anjaam hone waala hai …………

bulb ki tez roshini ki wajah se meri aankhe band thi , apni gardan ko main theek se hila nahi paa raha tha ……..aur oopar se lamp se paida ho rahi garmi ki wajah se mera poora shareer paseene mein bheeg chukka tha ……….

Kuch ghanto tak mein yeh sb sahan karta raha …….jab tak mere shareer aur dimaag ne mera saath diya …….beech beech mein wo lamhe bhi aaye jab main oopar waale se maut ki dua maangi ...............fir mujhe khud bhi nahi pata laga ki kab main behoshi mein doobta chala gaya …………….

Pata nahi kitni der ke baad main waapas hosh mein aaya …………..maine apne hath paanv ko seedha karne ki koshi ki , aur mujhe ashcharya huya jab maine aaram se apne haatho ko faila liya ………….maine dheere se aankhen kholi , aur aankh khulte hi mere saamne Kamal ka chehra dikhayi pada ………….maine fir se aankhon ko band kar liya ………..”shaayad main koyi sapna dekh raha hoon …” maine socha aur fir kuch second ke baad do-bara aankho ko khola ……….

Nahi ……….yeh sapna nahi tha …………Kamal waakayi mere saamne khada huya tha …………maine apne charo taraf nigaah ghamayi ………main kisi hospital ke room mein tha , bistar ke oopar leta huya tha ……… Kamal ke alawa kamre mein ek nurse aur ek hawaldaar mujhe dikhayi de raha tha …………….
Maine Kamal ki taraf sawaaliya nigaah se dekha ………..wo mere paas , palang ke side mein rakhe huye ek stool par aakar baith gaya ……..aur fir mere haath par apna haath rakh kar bola …………..

“Sorry yaar ………….mujhe der ho gayi ………par kya karta , mujhe Indore se delhi , Mumbai aur fir dehradoon bhi Jaana pada ………..par ab sab kuch theek hai ……….hamaara mujrim, hamaare saamne aa chukka hai ………..aur kuch hi der mein wo police ke kabje mein hoga …………………”

“ kaun hai wo……………..????” main achanak poochha …………….

Fir usne jo naam bola ………..uss ko sun kar to mere ashcharya ka thikaana hi nahi raha …………………….mujhe khud bhi uss par ek do baar shaque huya tha …….par uska naam Kamal ke munh se sun kar mujhe bada ajeeb sa laga ............mein abhi bhi samajh nahi paa raha tha ki usne aisa kyon kiya hoga………

Fir Kamal uth kar khada ho gaya ………….aur bola ….” Main abhi jaa raha hoon ………….tum thodi der aaram karo , aur chaho to apne ghar bhi jaa sakte ho ………….ummeed hai ki tumhara yeh Bittu ab tak police ki custody mein aa gaya hoga …………main koshish karta hoon ki wo kuch bataaye ……..fir kal main saari kahhani tumhe uske munh se hi sunwaane ki koshish karoonga ……………."

Keh kar wo kamre se baahar nikal gaya ……….main usko jaate huye dekhta raha , jab tak wo meri aankhon se ojhal nahi ho gaya …………..
______________________________

[desiaks]

#121

Saari pareshaniyan , saari musibatein …….maano ek hi pal mein door ho gayi thi …….Kamal ke jaane ke kuch hi der ke baad , ek doctor ne mera check-up kiya aur mujhe ghar jaane ki permission de di ………….

Fir police ke 2 constable , mujhe apne saath , ek police jeep mein baitha kar mere ghar le gaye ………wo dono mere saath saath bilkul kisi bodyguard ki tarah chal rahe they aur unhone mujhe mere flat tak chhoda …….waapas jaate samay unmein se ek ne mujhe Sorry bhi kaha ……….shaayad yeh un logo mein shaamil tha , jo kal raat mujhe interrogate kar rahe they …………
Mere flat ki haalat bata rahi thi ki mere bhaagne ke baad wahan par police ne talashi li hai ………..saara samaan apni jagah par hi tha , par sab kuch ajeeb si haalat mein tha ………..ast-vyast …………..maine bed ki ek side ko saaf kiya aur fir wahan late gaya …………kuch der yun hi araam karne ke baad mujhe bhookh lagne lagi thi ……..maine restaurent mein phone kar ke lunch ka order diya aur bathroom mein nahaane ke liye ghuss gaya ………….

1/2 ghante ke baad main dining table par baitha huya lunch kar raha tha ……..saath hi saath mere dimaag mein uss ki soorat ghoom rahi thi ………..kisi had tak masoom dikhne waala yeh shakhs , gunehgaar bhi ho sakta hai ?…..mere dil yeh maane ko tayyar nahi tha ……………..
lunch ke baad mein waapas bistar par aakar late gaya ……….maine TV on kar liya aur News channels ko dekhne laga …………abhi bhi kuch channels Mr.Chaudhary ke baare mein news dikha rahe they , unmein yeh to bataya jaa raha tha ki Mr.Vijay Chaudhary ko hosh aa gaya hai , par mere baare mein ya uss ke baare mein koyi kahabar nahi thi ……………shaayad police ne yeh sab baaten abhi disclose nahi ki thi ………

kuch mere oopar haavi thakaan ka asar tha , kuch police ke torture ka aur kuch doctors ki di huyi medicines ka ……….main jaldi hi neend mein doobta chala gaya ………aur uske baad to mano neend ka ek daur sa shuru ho gaya ………..main der sham tak sota raha , fir uthne ke saath hi mujhe dobara bhookh lagne lagi ……..kuch der yun hi balcony par baithey rehne ke baad , maine fir se khaane ka order de diya ……………aur fir khaana khaane ke baad main do-bara bistar ke hawaale ho gaya …………..

subah meri neend der se hi khuli ………aur wo bhi mobile ki awaaz se ………maine number check kiya , Kamal ka phone tha ……….maine call receive kar li

“Hello ……………”
“Hello Rajiv ……….ab kaise ho dost ??” usne poochha ………….uski awaaz bata rahi thi ki wo iss samay bahut khush hai …………

“Much better ………….tum batao Kamal ……….kahan tak pahunche ?? “ maine sawaal kiya ……………

“mere kaam poora ho chukka hai dost ………11 baje Police headquarter aa jaao ……….wahin tumhaari mulakaat uss se karwaaoonga , aur saari kahani bhi sunaaoonga …………” usne kaha ………..

“Theek hai Kamal ……….main pahunch jaaoonga …….” Main kaha aur fir call disconnect kar di ………….

Main khud bhi bahut jyada excited tha ……….uski bewafai aur Namak-haraami ki wajah jaan-ne ke liye …………..bahut saare aise sawaal they , jo mere dimaag mein ghoom rahe they …….aur main unka jawaab jaan-ne ke liye betaab tha ………..

Kuch hi der mein main tayyar hokar Police headquarter ki taraf drive kar raha tha …………unn sab baaton ke baare mein sochta huya , jo mere saath pichhle kuch hafto mein huyi thi ………agar sab kuch planned tha , jo bhi mere saath hua …….to usne bahut jyada dimaag iss saari planning mein lagaya hoga ……..aur wo akela iss saare khel ke pechhe tha , yeh bhi main maan-ne ke liye tayyar nahi tha ………koyi na koyi jaroor tha , jo iss saare khel mein uska madadgaar raha hoga ………

20 minute ki drive ke baad meri gaadi Police headquarter pahunch gayi …………gaadi ko parking mein lagaane ke baad main utar kar reception tak pahuncha , wahan Kamal ke baare mein poochhte hi ek orderly mujhe saath lakar , 2nd floor ki taraf chal diya ………wahan ek bade se room mein chhod kar wo waapas laut gaya aur main room ke andar aa gaya ………
yeh ek conferene room tha …………do half round tables , room ke dono side mein padi huyi thi ……..ek side ki table bilkul khaali thi ……aur ek side waali par kuch log pehle se maujjod they ……..lagbhag sabhi logo ko main pehchanta tha ……..Priya, Nidhi , Sharad aur Anil chaudhary ke alaawa, Rajnagar ke Police Commissioner and unke saath ek aur police officer wahan maujood they ……….doosre officer ko main nahi jaanta tha , par unki wardi bata rahi thi ki woj bhi DCP rank ke they ……………

maine sabko alag alag abhivaadan kiya ………..Commissioner saahab aur DCP ne mujh se haath milaya aur main unke barabar mein hi khaali padi kursi par baith gaya …………Sharad aur Priya ne mujhe dekh kar munh doosri taraf ghama liya tha .........Anil Chaudhary ko maine sar ko halke se jhuka kar namaste ki , jiska jawaab unhone bhi usi andaaj mein diya……….aur Nidhi, uske chehre par wahi sadabahaar muskurahat thi ……

yeh table iss tarah bani huyi thi ki , sabhi log ek doosre ka chehra dekh sakein …….sabhi log chup-chap baithey huye they aur ham sabhi ko ek hi aadmi ka intezar tha ……. hamaara intezar kareeb 5 minute ka baad khatam huya , jab Kamal ne uss room ke andar entry ki ………..aur uske peechhe peechhe kuch log aur they ………….SP Akhilesh , ek Inspector , kuch constables aur unke beech mein wo………iss saare khel ke sutradhaar ……….mera apna assistant , Karan ……..
______________________________

[desiaks]

#122

Karan aur Akhilesh saamne waali table ke peechhe padi huyi chairs par baith gaye ……..baaki policemen unke peechhe hi khade rahe ….. aur Kamal …wo table ke aage aakar khada ho gaya tha ……… ………….Karan ki soorat bata rahi thi ki Kamal ne uss se kitni jyada poochhtachh ki hai , aur kis tarah ki hai ………

Chaudhary family ke sabhi logo ke chehro par, Karan ko iss haalat mein dekhkar , ashcharya ke bhaav aa rahe they ………..aur sabse jyada chakit shaayad Sharad tha ……..usne turant Kamal se sawaal kiya …………..

“yeh sab kya hai SP saahab ……………..Karan ko aapne arrest kiya hua hai ??”

“Ji haan Sharad babu ……..” Kamal ne jawaab diya ……..” aur aapko jaankar aashcharya hoga ki Mr.Chadudhry ke oopar hamla karne waala yahi hai ……….uske alaawa Neha verma ki maut ki wajah bhi yahi hai ………..iss hi ne Neeraj verma ko maara tha , aur Bank vault ki robbery ki planning bhi iss hi ne ki thi …………….”
“unbelievable….!!.............are u sure officer …?? “ Sharad ka munh khula ka khula reh gaya tha …………” kya aap jaante hain ki aapko inn sab baaton ko prove bhi karna padega ………? “

“I know Mr.Sharad………….main abhi aapko sab kuch bataoonga ……..jo isne mujhe bataya hai ….filhaal , uss se pehle main aapko ek chhoti se kahani sunaoonga …..ek love story …………”

sab log chup-chap reh kar uski soorat dekh rahe they ………….usne ek lambi saans li , aur thoda sa aage aa gaya ……..dono tables ke beech main , aur fir bolna shuru kiya ……
“yeh kahani shuru hoti hai aaj se kareeb 12-13 saal pehle ……………Indore ke Shivaji Nagar mein rehne waali ek ladki , Neha …………..jo uss samay shaayad 11th class mein padh rahi thi ……….jab uski mulaakat Bittu se huyi ………..Bittu uss se kareeb 2 saal bada tha , Graduation kar raha tha ………..Neha ke andar wo saari khoobiyan thi , jo koyi bhi ladka ek ladki mein dekhta hai ……….wo sundar to thi hi , padhne mein bhi theek-thaak thi , uske pita ek sarkaari officer they ……..aur doosri taraf Bittu , ek sadharan shakl-soorat ka maalik , uske pita ek dukaan chalaate they , ek chhoti si dukaan ……..bas ek sabse badi khoobi thi uske andar , uska tez dimaag ………….”

“jaisa ki iss umar mein hota hai , dono mile ………aankhen chaar huyi aur uske baad dono ke dil ek ho gaye ……………..ghar se school jaate samay ya dosto ke ghar jaane ke bahaane , ek doosre se milne lage …………..dheere dheere dono ka pyar gehra hota ja raha tha …………aur fir wahi huya , jo aksar iss tarah ki love stories mein hota hai ………….pehle Neha ke bhai ko , aur fir uske Pita ko Bittu ke baare mein pata chal gaya …………..Neha ke oopar bandishein lagaayi jaane lagi , usko samjhaya jaane laga ………par dono ke beech pyar kam nahi huya , jab bhi mauka milta tha , dono milte they aur saath jeene marne ki kasmein khaate they ………iss hi wajah se Neha ke bhai aur Bittu ki 1-2 baar ladaayi bhi huyi thi......”

“ fir Neha ke pita ne apna transfer Indore se dehradoon karwa liya …………..dono premi juda ho gaye ………..unn dino, aaj ki tarah na to mpbile phones they , aur na hi internet …………dono ke bat karne ka ek hi jariya reh gaya tha , love letters aur greeting cards……………”

“Time beet-ta raha …………Bittu ki padhayi poori ho gayi ………..wo Indore se Mumbai aa gaya , naukari ke liye ………….wahan usne 2-3 jobs ki ….kuch kuch mahino ke liye …….fir uske haath ek badi naukri ka mauka laga , lakshmi groups mein ………..uss samay lakshmi group aaj ki tarah itna bada nahi tha , fir bhi ek kaafi reputed naam tha ……….Lakshmi group ke Delhi office mein Biitu ko job mil gaya …………..aur uski tarakki ka ek naya safar shuru ho gaya……”
Kamal ne ek baar ruk kar sabki taraf dekha ……….sab log bade gaur se uske chehre ko dekh rahe they ………..fir who aage bola “ ab tak aap log samajh hi gaye honge ki Bittu aur Karan ek hi aadmi ke 2 naam hain ……………….”

“iss beech Neha ke pita ne uski shaadi ek army ke captain Neeraj verma se kar di ………Naha ne apni taraf se poora virodh kiya , iss shaadi ke khilaaf …….par jaisa ki aksar hota hai, uske pita ne uski baat nahi maani……..wo uss samay graduation kar rahi thi , jab uski shaadi Neeraj se ho gayi thi …………..shaadi ke kuch dino ke baad Neeraj ki posting border par ho gayi aur Neha wahan akeli reh gayi ………….ab Neha kisi aazad panchhi ki tarah ho gayi …………….Karan ke saath uska pyar , aur jyada mukhar ho gaya ……………..Karan aksar weekend mein Dehradoon aa jaata tha , aur fir dono wahin par milte they ………………..”

“1-2 saal tak aise hi chalta raha …………….. fir achanak hi Neeraj ko Army se nikaal diya gaya …………usne sharaab peekar apne seniors ko gaaliyan di thi , aur apni post par maujood apne saathiyon ke oopar goliyan chala di thi ………..Neeraj waapas dehradoon aa gaya ………….aur Neha ki Karan ke saath mulaakatein band ho gayi ……….”

“iss prem kahani mein ke khaas baat yeh thi ki , jahan Neha ka pyar shuru se aakhir tak ……..poori tarah Karan ke liye samarpit tha …wahin Karan ke pyar ke maayne , waqt ke saath badalte rahe ………….Karan ke andar ek bhookh badhti jaa rahi thi ……..paise aur naam ki bhookh …………uska promotion ho gaya aur usko nayi posting dehradoon mein hi de di gayi …………ab ek baar fir se dono ke milne ka raasta saaf ho gaya ……………Neha apne pati se chhup chhup kar , Karan se milne lagi ………………Neeraj bhi ab private companies mein job karne laga tha ……………..aur Neha ko bhi talaash thi , kisi naukri ki …………..”

“fir Karan ke dimaag mein jaldi ameer banne ka ek idea aaya …………..Delhi mein rehte huye , uski dosti kuch aise logo se huyi thi jo farji documents banwaane ka kaam karte they ……….usne apne unn dosto ki madad se apne liye kuch nakli identity documents banwa liye ………….Sandeep Singh ke naam se ……….fir usne iss naye naam ke saath ek company ko registred karwaya ………….ek chit-fund company …………….S.N.Finance servises ”

“Neha ko usne apne iss khel ka raajdaar banaya ………..usne wahan ke local papers mein vacancy nikaali aur interviews ke baad Neha ko company ki director ke taur par appoint kar liya ……………….fir Neha ne apne pati Neeraj ko bhi iss company mein kaam karne ki salaah di …………Neeraj ka bhi interview huya , aur usko bhi appoint kar liya gaya …………………agle ek saal tak yeh company logo ke paise invest karwaati rahi ……….shuruaat mein poori imaandaari se logo ko unka paisa , with interest waapas bhi kiya gaya ………….Karan ne ek aur bhi kaam kiya , usne papers mein Neeraj ko iss company ka partner show kar diya ……..”

“Fir ek saal ke baad …………..Karan ka transfer Raj Nagar kar diya gaya ……….uske saath hi wo , logo ka jama kiya huya , kareeb 40 lakh rupiya , apne saath lekar gaayab ho gaya …………sirf Neha ko yeh baat maloom thi ki , Karan kahan hai ………………logo ki shikayat par police ne case file kiya , unhone Sandeep singh ki talaash ki , par iss naam ka koyi aadmi hota to milta na ……..uske diye huye documents mein uska address Delhi ka tha , jahan uske milne ka koyi sawaal hi nahi tha ……….Police ne Sandeep Singh ko faraar ghoshit kar diya …….uske tata-kathit partner Neeraj ko arrest kar liya gaya …….aur Neeraj ki patni , aur company ki diector hone ke naate Neha ko bhi ……………”

“Karan ko Neha ki giraftaari ki khabar mili ………..usne parde ke pechhe rehte huye , Neha ki rihayi ke lie paisa kharch kiya ……….police ko paisa khilaya ……aur Neha 3 mahine mein hi baahar aa gayi…………..uske baahar aane ke baad , Karan se uski mulaakatein fir se shuru ho gayi …………….par ab usne ek aur kaam kiya , apne pati ka ghar chhod kar , apne pita ke ghar aa gayi …………..Karan yahan Raj nagar mein apni naukri karta raha , aur Neha wahan Dehradoon mein apne pita ke ghar rehti rahi ………dono , jab bhi dil karta tha mil lete they …………..”

“ 1 saal se bhi jyada time tak jail mein rehne ke baad , Neeraj baahar aa gaya ………aate hi usne Neha se milkar shikayat ki …..Neha ne uski jamaanat ki koyi koshish nahi ki thi , isliye wo Neha ke oopar naaraj huya ……….fir dono mein jhagda huya aur dono ke raaste alag-alag ho gaye ……………..Neeraj delhi chala gaya , naukri karne ke liye aur Neha wahin dehradoon mein reh kar MBA karne lagi …….”

“time beet-ta chala gaya …………Karan apne kaam mein bahut hoshiyaar tha , aur sincere bhi ……….uski tarakki hoti chali gayi ……..aur fir usko Lakshmi banks mein Deputy General Manager ki post mil gayi ………….wo bahut khush tha , usko lagne laga tha ki ek din wo iss se bhi badi kursi par baithne mein kaamyaab ho jaayega ……aur iske liye wo poori mehnat se kaam karne laga ……….aur imaandaari se bhi...”
______________________________