XXX Kahani Sarhad ke paar

[sexstories]

Subah kareeb 7.15 baje kea aas-paas meri aankh khuli…………..baahar tabele mein se jaanwaron ki aawajen aa rahi thi…………..main ek-do minute aise hi leta raha aur fir uth kar baahar aa gaya………….baahar Hina maujood thi…………woh jaanwaron ko kahin se lekar aayi thi aur ab ek-ek kar ke baandh rahi thi

Meri aahat sunkar usne meri taraf dekha aur musurayi…………” Kaisa hai tumhara dard ab ? “ woh apna kaam karte hue boli……….

“ Bahut behtar ……………..mujhe lagta hai aapke haathon mein jadoo hai “ maine jawaab diya 

“ Jadoo mere haathon mein nahi , dawaayi mein tha “ woh mere paas aakar shokhi se boli fir baahar nikal gayi 

Main bhi tabele se baahar aaya………….aaj mausam poori tarah khula hua tha………..baahar kadak dhoop thi……….main kuchh palo ke liye dhoop ka maza leta raha aur fir tabele ke daayen taraf (right) chal diya………….uss taraf kuchh bade-bade patthar pade huye the………..jinme se ek par jaakar main bath gaya…………yahan se mujhe tabele ke peechhe ka poora maidan dikhayi pad raha tha ………….aaj yeh jagah khaali nahi thi balki kuchh jaanwar wahan tahal rahe the aur 2-4 aadmi bhi mujhe dikhayi pade…………..

Tab tak Hina bhi wahan par aa gayi thi aur mere paas waale ek patthar par baith gayi thi…………woh shaayad mere man ki baat samajh chuki thi ……..” mausam khula ho to gaanv waale apne jaanwaro ko lekr yahan aa jaate hain………..yahan unko ghaas bhi mil jaati hai aur thoda aage jaane par nadee bhi mil jaati hai “ woh maidaan ki taraf dekhte huye hi boli……..

Maine uski taraf dekha……….uske chehre par paseene ki boonde dikhayi de rahi thi ……mausam bahut jyada garam nahi tha par shaayad woh kafi der se kaam mein lagi huyee thi………

Mujhe apni taraf dekhta paakar usne kuchh palo ke liye meri nazron se nazrein milaayi fir apni aankhon ko khud hi jhuka liya……..ek dheemi si muskurahat uske honthon par thi…….

“ Abhi mausam khula hua hai aur saare gaanv waale gharo se baahr honge………..abhi tum baahar mat nikalna…………….aur agar nahaana ho to ghar ke andar jaakar hi naha lena……….. shaam tak agar mausam kuchh badlaa to main tumhe gaanv tak ghuma kar le aaoongi ………….wahan se tum apne nikalne ka koi tareeka talash kar sakte ho “ woh bolti jaa rahi thi aur beech beech mein meri taraf bhi dekh rahi thi……………fir achanak chup huyee aur fir boli “ kya hua , aise kya dekh rahe ho ? “ 

“ Kuchh nahi , soch raha hoon ki aap log kyon mujh anjaane aadmi ke liye apni jaan jokhim mein daal rahe ho ?” main uske chehre par hi dekhta hua bola…..

Woh kuchh nahi boli ………fir se saamne maidaan ki taraf dekhne lagi…….

“ Waise ek baat to maine abhi taka apse poochi hi nahi…………yeh jagar kaun si hain jahan par hum log abhi hain……….mera matlab hai iss gaanv ka naam ? “ maine fir se uski taraf dekh kar poocha 

“ Abbaspur hai iss gaanv ka naam ……………….Hidustan ki sarhad yahan se kareeb 10 mile door hai …………par agar sadak se jaaoge to kaafi ghoom kar jaana padega………..takreeban 40 kilometer door padega border yahan se………” meri baat samajh kar usne maano detail mein hi sab kuchh samjha diya “ border ke paar aap Poonch tak pahunch jaayenge “ 

“ iska matlab hai yahan se nikalana ho to sirf sadak se hi nakla jaa sakta hai ? “ maine poochha

“ Ji haan , waise to jungle se hokar bhi jaa sakte ho par wahan fauz ka pehra rahta hai aur fir junglee jaanvar bhi hain “ 

“ Aur sadak ke raaste se jaane par border par pakda jaaoonga …” maine hanste hue kaha

“ Woh to hai ………….bina bhesh badle to aapka nikalana naa-mumkin hai “ who bhi hanste huye boli ….” main dekhti hoon agar kuchh intezam ho saka to “ kehti huyee woh uth kadi huyee aur fir ghar ke andar chali gayi …

main kuchh der wahin par baitha raha aur fir uth kar waapas apne kamre mein aa gaya