XXX Kahani Sarhad ke paar

[sexstories]

Main apne kamre mein aakar bistar par baith gaya………..maine ghadi mein time dekha………do-pahar ke 3.30 baj rahe they……………. Main kuchh der baitha raha aur fir bistar par late gaya………………

Jaisi ki mujhe ummeed thi…………….10 minute baad hi Hina wahan par aa gayi ………… woh seedhi kamre mein aayee aur bistar ke paas khadi ho gayi…main usko dekhte hi uth kar baith gaya………

“ Tumne mujhe poori baat kyon nahi batayi thi …………? ” uski aawaz mein kuchh narazgi aur gussa tha 

“ Kya baat ? “ main abhi bhi poori baat samajh nahi paa raha tha ..

“ Tumne uss aadmi ko maar diya tha jo uss raat mere saath bad-tamizi kar raha tha ……kyon sahi hain na ? “ woh mere saamne baith gayi aur meri aankhon mein jhaankte huye boli …

“ Mere paas aur koi raasta nahi tha …………..woh zinda rehta to hum dono ko pakadwa sakta tha ….” Main ek lambi saans leta hua bola …. “ par yeh Aslam beg yahan kya karne aaye tha ….?” 

“ uss aadmi ki laash neeche ek sadak ke kinaare padi huyee mili , police ne andaja laga liya ki kisi ne usko maar kar oopar se neeche fainka hai………fir inn logo ne gaanv mein pooch-taach ki to maloom pada ki uss raat main uss ilake mein gayi thi ……iss liye woh mere se pooch-tachh karne yahan aaye they ……………tum jaante they na ki woh police waala tha ? “ uske chehre par pareshaani ke bhaav saaf dikhayi pad rahe they 

“ par tum saaf mana kar sakti thee ki tum kucch nahi jaanti ….” Maine uske sawaal ko ansuna karte huye aage kaha 

“ tum uss chhatri ko bhool rahe ho jo tum wahan chhod aaye they …………woh chhatri ab police ke paas hai……” woh meri aankhon mein dekhte huye boli …….

Main chup hi raha………….chup-chap uske chehre ko dekhta raha……

“ Filhaal to woh log chale gaye hain ………..par Aslam beg bahut chalak aadmi hai………….usko poora yakeen hi hai ki iss ke peechhe uss aadmi ka haath hai jiska air craft yahan crash hua tha ……………… woh jaroor iss ghar par nigaah rakh raha hoga “ 

agle kuchh seconds hum dono chup rahe , fir baat meine hi shuru ki 

“ main nahi chaahta ki meri wajah se tum log kisi pareshaani mein pado ……….main yahan se bahut jaldi hi chala jaaonga …………” main neeche dekhte huye keh raha tha 

“ abhi to filhaal tum yahin par chhip kar raho , yahan se baahr nikaloge to un logo ki nigaah mein aa jaaoge ………..main bahut jaldi tumhaare nikalne ka intezam kar doongi “ keh kar woh uthh khadi huyee aur fir wahan se chali gayi ………………..

maine kamre ki deewar mein bane chhedo se baahar jhanka …………mujhe door door tak koi dihkayi nahi pada ………….par ho sakta ho ki woh log chhip kar nigaah rakh rahe ho …………..maine uth kar darwaaze ko andar se band kar liya aur fir se aakar bistar par baith gaya……………..

5 minute baad hi Shaazia mere liye khana lekar wahan aa gayi …………..humesha ki tarah aaj khana plate mein nahi balki ek basket ke andar rakh ke laayi thi ……………isliye ki agar koi humaare oopar nigaah rakh raha ho to uss ko yeh na maloom pade ki mere liye yahan khana aa raha hai …

usne jaldi se khana lagaya aur fir uth kar jaane lagi ………..

“ Suno Shaazia ………..!! mujhe kuchh chheje chaahiye “ maine us se kaha..

usne mud kar swaaliya nigaah se meri taraf dekha ……

“ ek blade , ek pen , gond (glue) aur ho sake to tape …………….. “ maine apni jaroorat usko samjhayi ……..

usne fir ek baar asmanjas se meri taraf dekha ………….fir boli “ abhi dekhti hoon………….shaayad saari chheje mil jaayengi “ keh kar woh wahan se chali gayi aur main khana khaane mein vyast ho gaya ……………….

10 minute baad hi woh fir se waapas aa gayi………..uske haath mein woh sab cheeje thi jo maine maangi thi ………………..sab mere haath mein dene ka baad ussne bartano ko ikattha kiya aur fir bina kuchh kahe waapas chali gayi………………

uske jaane ke baad maine fir se kamre ka darwaaza band kiya aur apne bistar par aakar baith gaya ……………meine apne bag mein se apna wallet nikala aur uss ke andar se Sohail malik ka ID card aur licence …………..

agle 1/2 ghante main sar jhuuka kar apne kaam mein laga raha ……………1/2 ghante ki mehnat ke baad maine unn dono cheejo par (ID card aur licence) se Sohail malik ki photo hata kar apni photo laga di………….aur jahan jaroorat thi wahan pen se likhkar signature aur stamp ko bhi match kar diya …………

Koi bahut gaur se dekhne par hi pakad sakta tha ki dono cards mein kisi ne hera-feri ki huyee hai……….maine man hi man apne aap ko shabashi di aur dono cards ko apne wallet ke hawaale kar diya….aur fir se bistar par let gaya………………….