XXX Kahani Sarhad ke paar

[sexstories]

Uss ke ghar mein woh har cheej maujood thi jo aish-o-aaram ke liye chahiye hoti hai , bahut achche dhang se maintain kar rakha tha usne apne ghar ko ……ek taraf deewar par kuchh tasveere lagi huyee thi……kuchh group photographs they…….main un ko dekhne ke liye nazdeek chala gaya , aur yahin par mein galti kar gaya……..

Main kuchh seconds ke liye bhool gaya tha ki main kahan par hoon ………yad tab aaya jab peechhe se awaaz aayi ………….

“ Apne dono haath oopar utha kar peechhe ghoom jaao ……………….. “ 

pehle to main chaunk gaya ………….fir saari stithi ko samajh kar dono haath oopar utha liye aur aawaz ki disha mein ghoom gaya …………saamne Shaukat ali khada tha , uske ek haath mein revolver thi jo meri taraf hi tani huyee thi aur doosre haath mein ke wireless hanset tha ………………..

“ Tumhe kya laga tha ki tum mujhe bewkoof bana sakte ho ? ………….. tumne yeh socha hoga ki main nashe mein hoon aur job hi tum kahoge chup chap maan loonga………….” Who meri aankhon mein dekhte huye bola , uske chehre par kasaav tha , aankhon mein gussa dikhayi pad raha tha………….woh ab bilkul seedha khada hua tha , koi lad-khadahat nahi ………..koi nahi keh sakta tha ki abhi 10 minute pehle hi yeh aadmi nashe mein bilkul behosh lag raha tha………….

“ kya hua saab ………….koi galti ho gayi kya mujhse ?? “ maine ek akhiri baar koshish karke dekhi ……… par uske chehre se mujhe yeh saaf dikhayi pad raha tha ki ab who meri kisi baat mein nahi aane waala hai ………..

tabhi uske wireless par kisi ki awaaz aayi…………..doosri taraf se job hi kuchh kaha gaya woh meri samajh mein nahi aaya …………….fir jawaab mein Shaukat ek baar jor se hansa aur fir apni local language mein kuchh kehne laga…….iss baar bhi sab kuchh meri samajh se baahar tha………………… beech beech mein who meri taraf dekh raha tha , jis se mujhe yeh andaja to ho hi raha tha ki mere baare mein hi baat ho rahi hai ……………….fir usne baat band kar di aur meri taraf dekha kar bola …………….

“ Abhi thodi der mein maloom pad jaayega ki tune kya galti ki hai……….aur teri saab se milne ki tamanna bhi poori ho jaayegi …………………………chal , dono haath apne sar par rakh le …. “ 

Main samajh gaya tha ki Aslam beg jald hi yahan pahunchne waala hai ………aur saath mein jaroor kuchh aur bhi aadmi honge ….main unn sab se ek saath nahi nipat sakta tha eh mujhe maloom tha ……….mujhe agle kuchh minutes mein hi kuchh na kuchh karna hoga ………….

Usne apni revolver meri taraf hi taani huyee thi aur poori tarah se mustaid nazar aaa raha tha ……………woh 2 kadam aage badha aur haath badha kar mere shareer par se kambal kheench liya aur fir peechhe ho gaya ………………..

“ Chal peechhe ko ghoom ja ……….. “ usne gurrate huye kaha 

maine turant uske aadesh ka paalan kiya ……………mujhe maloom tha ki who nashe mein hai aur kuchh bhi kar sakta hai…………

peechhe ko ghoomte hi meri kamar mein lagi huyee revolver usko dikhaayi pad gayi…………………..woh aage badha aur meri kamar mein lagi huyee revolver ko kheench liya………………

“Waapas ghoom ja ………………….” Who fir se guraaya……….aur main waapas ghoom gaya………………

Usne meri revolver ko ghuma fira kar check kiya fir meri taraf dekh kar muskurata hua bola………..” achacha………………..!!! saale , Hindustani revolver istemaal karta hai aur apne aap ko paakistaani bolta hai………………..ab meri samajh mein aaya ………tu wahi hai jisko hum log itne dino se dhoondhte fir rahe hain……….. achchha hua jo tu khud hi marne ke liye yahan aa gaya ………….. “ usne apni revolver jeb mein rakh li aur meri waali ko haath mein pakad liya………….fir meri taraf revolver ka muh kiya aur bola……..

“ Chal !!!............ ab dono haath aise hi sar par rakhe huye neeche baith ja “ 

mere liye yeh aakhiri mauka tha …………..kuchh hi der mein aur log bhi yahan pahunchne waale they aur fir mera khel khatam…………..

main apne dono haath sar par rakhe huye, apne panjo ke bal neeche ko baith gaya , baith-te huye main jaan boojh kar thoda sa lad-khada gaya , jaise ki mera balance bigad gaya ho aur fir apne aap ko sambhaalne ke liye dono haath saamne ko tika diye …………………..


“ abe kya hua ? sahi se baith ……………dono haath sar par !! “ who gurrata hua bola …………….

Mere dono haath ab neeche farsh par bichhe huye Kaleen (carpet) par the …………maine achanak Kaleen ko dono haathon se pakda aur apni poori taakat laga kar kheench diya ……….

Shaukat , jo ki usi Kaleen par mere se kareeb 8 feet door khada tha , uske paanv jameen se ukhad gaye aur who dhadaam se peeth ke bal gir gaya ………..

Itna samay mere liye kaafi tha ………..main furti se utha aur aur saamne jameen par pade huye shaukat ke oopar jump laga di ……………..mera poora shareer seedha uske pat aur tango ke oopar aa gaya aur ek haath se maine uske revolver waale haath ko daboch liya………………

Achanak huyee is harkat se woh ek-dum ghabra sa gaya ………fir sambhalte huye usne apne doosre haath se mere par waar kiya ……………..jisko main thoda sa peechhe hokar bacha gaya …………… fir mera right hand mukke ke roop mein , seedha uske muh par pada …………..ek hi waar uske hosh uda lene ke liye kaafi …………………maine uske dono haathon ko ek saath joda aur uske sar ke oopar jameen par , apne ek hi haath se daboch liya……………meri revolver waapas mere haath mein aa gayi thi……………………. 

Maine revolver ki naal ko uske maathe par tikaya…………………..uski aankhe dar ke mare poori fail gayi thi …………….ek aakhiri baar main uski taraf dekh kar muskuraya aur fir trigger daba diya ………………..

Pittt …ki halki si awaaz huye , silencer laga hone ki wajah se koi dhamaaka nahi hua aur goli uske sar ke paar nikal gayi………………uske shareer ne kuchh jhatke khaaye …………………..main uske oopar se uth kar alag ho gaya aur apni revolver waapas apni kamar mein laga li………………..uska shareer ab shant pad chukka tha ……….aur uske sar ke paar khoon ka dariya sa banta jaa raha tha ………………

Main jaldi se doosre kamre mein pahuncha ………………….yeh uska bedroom tha , ek taraf side mein ek dressing table rakhi huyee thi………..maine dressing table ki drawer kholi aur usmein se ek perfume ki bottle nikali………….

Main waapas us hi kamre mein aaya …………….perfume ki bottle ko khol kar maine saawdhani se kuchh boonde uski laash ke paas daal di …………..fir apna kambal uthaya aur usko apne shareer par lapet liya ……………………main ghar se baahar nikla aur darwaaze ko bhida kar band kar diya …………………..

Main lag-bhag bhaagta hua sadak par aa gaya ……………….aur fir tezi ke sath gaanv se ulti disha mein chal diya ……………………mujhe maloom tha ki Aslam beg agar yahan aayega to ganv wale raaste se hi aayega ………….thodi thodi door par main perfume ki boonde girata hua chal raha tha ………………fir main ek lamba chakkar kaat kar . neeche ki sadak se hota hua aur fir ek kachche raaste se hote hua ………..waapas gaanv ki taraf jaane waali sadak par hi aa gaya …………………. 

Maine apne kambal ko utaara aur pefume ki poori bottle ko uss par khaali kar diya…………..saawdhaani ke saath ki mere shareer par perfume na gire…..aur fir kambal ko aur bottle ko neeche khaayi mein fenk diya…………….

Main tez kadmo se waapas ghar ki taraf ko chal diya ……………thoda aage jaate hi mujhe saamne se ek gaadi aati dikhyi padi………..main turant ek ped ke peechhe ko chhip gaya ……………….woh ek fauzi jeep thi , jisme kareeb 8-10 aadmi dikhayi pad rahe the…………..jeep ke nikalne ke baad main fir jaldi jaldi ghar ki taraf ko badh gaya