XXX Kahani Sarhad ke paar

[sexstories]

Dheere dheere mere hosh-o-hawaas waapas aa rahe they………….mujhe apne sar par , kandhe par aur pasliyon mein dard mehsoos ho raha tha , lag raha tha ki jaise mujhe behoshi ki haalat mein bhi maara gaya ho………..

Maine aankhein khol kar dekhne ki koshish ki ……………ek tez roshini meri aankhon mein pad rahi thi , jis ki wajah se mujhe fir se aankhen band karni pad gayi …fir aankhon ke aage haath rakh kar maine , apni aankhon ko dobaara khola ……agle kuchh minutes to mujhe apni condition aur situation ko samajhne mein lag gaye …………

Main ghar aur tabele ke beech mein , khaali maidaan mein pada hua tha………….mere saamne ek jeep khadi thi jiski headlights on thi aur mere chehre par pad rahi thi …… jeep ke bonnet par koi baith hua tha , jis ke pair aur shoes hi mujhe dokhayi pad rahe the ………..meri right side mein , ghar ki deewar se peeth laga kar Hina baithi huyee thi aur uske paas ek aadmi , fauzi wardi mein , khada hua tha ………….uss aadmi ke haath mein ek pistol thi , jiska rukh Hina ke sar ki taraf tha ………

Maine apne pairo par khade hone ki koshish ki ………..jeep ke bonnet par baitha aadmi aage badha aur ek laat mere seene par maari ……….main waapas jameen par hi gir gaya………….achanak jeep ki head lights off ho gayi………..par kyonki ghar ke saamne laga hua bulb on tha ….agle kuchh seconds mein hi saara nazara mere saamne tha……….. 

Saamne jeep ke bonnet par baitha aadmi Aslam beg tha………. Aaj pehli baar main usko itne najdeek se dekh raha tha……….lamba kad , chauda shareer aur chehre par ek kathorta thi…….par saath hi badi ajeeb si smile bhi uske chehre par dikhayi pad rahi thi …………jeep ki driving seat par ek aur aadmi baitha hua tha ,who kuchh jyada umar ka tha ……..ek teesra aadmi , jo fauzi wardi mein hi th jeep ke right side mein aur Aslam beg se kuchh peechhe , khada tha aue usne Shaazia ko apne kabje mein kiya hua tha……….uski ek baahn Shaazia ki gardan mein lipti huyee thi aur haath mein ek AK47 dikhayi pad rahi thi………..kul milakar main abhi kuchh bhi kar pane ki condition mein nahi tha………..

“ Kaise mijaaj hain aapke ……………Flight Lieutenant Ajay Rathod saab……… “ Aslam beg ki moti aur kathor awaaz mere kaano mein padi ……….

“ Aako kya laga tha……ki aap humaare mulk mein aakar kuchh bhi karte rahoge aur hum chup chaap baith kar tamasha dekhenge ……. “ usne aage kaha …….

Mere liye yeh badi hairat badi waali baat thi ki who mera naam bhi jaanta tha ……..iska matlab Hina ya Shaazia mein se kisi ek se inhone poochhtach ki hai ……….

Fir usne mere sawaal ka maano khud hi jawaab de diya “ kya soch raha hai ..? yahi ki mujhko tera naam kaise maloom pada ? ……..yeh to humein maloom hi tha ki koi Hindustani aadmi uss plane mein se gira hai aur abhi iss ilake mein hi hai…………humne apne Hindustan ke connections se maloom kiya to pata chala ki jo plane crash hua tha uska piolet Flight Lieutenant Ajay Rathod tha , jo bechara iss haadse mein shaheed ho gaya …….“ kuchh der ruk kar who fir aage bola “ iska matlab , apne desh waalo ke liye to tu kab ka mar chukka hai……..ha ha ha ha…” hansi ke saath who kuchh der ke liye ruka ………….. fir aage bolna shuru kiya…..

“ Tune Shaukat ko maarne ke baad , plan to achchha banaya tha………..ek baar to humaare kutte bhi raasta bhatak gaye the……….fir ek baat par humne gaur kiya ki ho sakta hai maarne waala ghar ke peechhe ke raaste se yahan aay ho ………fir humne kutto ko ghar ke peechhe bheja aur yahan tak pahunch gaye……….” 

Who lagatar bolta jaa raha tha “ main pehle shaayad tujhe asaan maut deta , magar tune Shaukat ali ko maar kar bahut badi galti kar di ……..ab tu to tadaf tadaf kar marega hi ……..saath mein teri inn dono chahne-waaliyon ka bhi bahut bura hashra main karoonga…………ab tu hi bata , pehle tujhe maut chahiye , ya tu inka hashra apni aankhon se dekhna chahta hai……..” 

Main thoda sa uth kar , apna sar oopar kar ke , seedha hokar baith gaya ……….woh sahi keh raha tha , maut bilkul mere saamne thi , aur iss baat ne hi mere dard ko gaayab kar diya tha …………ab jo kuchh bhi mujhe karna tha , woh agle kuchh minutes ke under hi hona chaahiye …………

Meri nigaah saamne jeep ke bonnet par padi………….mera bag jeep ke boneet par pada hua tha ………….isska matlab meri revolver ab inn logo ke kabje mein thi………….ek baar to mera dil baith gaya ……….lagne laga ki mera khel ab khatam ho chukka hai ……………fir kuchh dhyaan aate hi mere man mein ek aakhiri ummed jaag gayi………….

Maine apne charo taraf dekha …………..baarish ki halki halki boonde pad rahi thi , jo kisi bhi samay tez hone waali thi ……………….. Aslam beg aur Driver ke hath mein koi hathiyar dikhayi nahi de raha tha …………iska matlab mujhe baaki dono logo ki bandooko se bachna tha ………….maine ek baar Shaazia ki taraf dekha …………uske chehre par khauf tha , par saath hi ek ummed bhi ki shaayad main kuchh kar sakta hoon ……………….

“ Waise teri akhiri khwayish bhi poori ho gayi ……………..tu kal raat mujhse milna chahta tha aur aaj main tere saamne khada hoon ………..bata kya chahata hai tu mere se ? “ woh chehre par ek kameeni muskaan laakar bola …

maine ab action ka faisla kar liya tha aur soch liya tha ki mujhe kya karna hai ….main uski taraf dekhta hua , muskurata hua bola “ teri maut chahta hoon Aslam beg …………………jo julm tune inn ladkiyon par kiya hai……..uska hisaab chukta karna hai mujhe “ 

“ ha ha ha ha ha ha ha …………………. Maan-na padega ………..tu aadmi to bahadur hai………maut ke saamne achchhe –achchho ki fat jaati hai ……..par tu to aise baat kara raha hai jaise tere foonk mare hi main mar jaane waala hoon ……..” woh thoda saa age jhuk kar , meri aankhon mein dekhta hua bola ……………

bas iss hi pal ka mujhe intezar tha …………..maine apne dono haathon mein jameen par e mitti uthayi aur seddha uske chare par fenk di ………….. ek cheekh ke saath , apne chehre ko haathon se dhak kar ……..woh peeche ko ho gaya ………….iss se pehle ki uske saathi kuchh samajh paate ………. main bahut tezi ke saath utha aur bhaagte hue tabele ke andar chhalaang laga di ………………. 

5 seconds se bhi kam samay mein main tabele ke andar wahan pahunch gaya…jahan par chhat mein , ghaas foos ke andar ,maine woh revolver chhipayi huyee thi jo maine uss police waale (sohail malik) se chheeni thi ………andaaj se hi maine oopar haath dala aur revolver mere haath main aa gaya…………..revolver nikaal kar main bhaagta hua tabele ke doosre sire par pahunch gaya jahan woh L shape mein bana hua tha ………..wahan ek chhoti si khidki thi jo saamne ki taraf hi khulti thi ……….. khidki ke paas jaakar maine dheere se baahar jhanka………………

ganeemat thi ki unn logo ne abhi dono behno mein se kisi ko koi nuksaan nahi pahunchaya tha ………..Aslam beg jeep ke peechhe ko ho gaya tha par baaki dono aadmi……..dono behno ko kabje men kiya huye , apni apni jagah par hi maujood they …………….

“ Jaldi se baahar nikal kar aaja …………….tu bhi jaanta hai ki tu hum logo se nahi bach sakta hai ………….fir kyon inn bechariyon ki maut ko aur mushkil bana raha hai ………….” Aslam beg ki awwaz aayi , saath hi uska ek haath jeep ke peeche se jhankta hua dikhayi pada jiss me usne ek revolver pakda hua tha………….