XXX Kahani Sarhad ke paar

[sexstories]

Dhamaake ki awaaz ne mere pairo ko rok liya tha…….yeh soch kar ki ghar ke andar kya hua hoga , ek baari to mera dil bhi hil kar reh gaya ….maine waaps muda, aur ghar ki taraf chalne ko hi hua tha ki achank mere kaano mein kisi motor cycle ki awaaz sunayi padne lagi .....jo har pal nazdeek aati ja rahi thi …… main iss awaaz ko ab achchhi tarah pehchanta tha…….

Maine idhar udhar dekha aur fir jaldi se ek ped (tree) ke peechhe ko chhip gaya ………motor cycle nazdeek aati chali gayi aur fir mere saamne se hoti huyi nikal gayi ……..mera anumaan bilkul sahi tha , woh Hasan ali hi tha jo ab ghar pahunchne wala tha ……..

Uske gujarte hi main ped ke peechhe se baahar nikla aur fir lagbhag daudte huye gaanv ki traf chal diya ……..main jald se jald yahan se nikal jana chahta tha ……haalanki jo kuchh bhi abhi peechhe hua , uske baad mera farz banta tha ki main waapas jaakar dekhoon …….par mera ek doosra farz mujhe waapas lautne se rok raha tha ………main tezi se chalte huye gaanv tak pahunch gaya aur fir maine dheere dheere ganv ko paar kiya , main nahi chahta tha ki koi mere oopar shaque kare ….gaanv paar karte hi maine apni chaal fir se tez kar di aur fir akhiri 300 meter lagbhag bhaagte huye , main baagan ke paas pahunch gaya ………..

Door se hi dikhayi pad raha tha ……….baagan ke paas waali sadak par ek chhota sa truck khada hua tha ………ek kaafi purana sa truck tha …….main uske paas pahunch aur fir idhar udhar nigaah daudayi ……..bagaan ki taraf se Shaazia meri taraf hi aa rahi thi ………uske chehre par ek khushi si dikhayi pad rahi thi ……………shaayd usko ab ummed ho gayi thi ki hum yahan se sahi salamat nikal jaayenge……..

Maine truck ke paas pahunch aur darwaza khol kar driving seat par baith gaya…….jacket ki jeb se chabi nikaal kar maine ignition hole mein lagayi aur oopar waale ka naam lekar use ghuma diya ……….aur fir ek tez awaaz ke sath truck ka engine jaag utha ……..mere apne honthon par bhi ek smile aa gayi aur maine neech khadi Shaazia ko oopar aane ka ishara kiya ……..woh doosri side ka gate khol kar truck mein chadh gayi aur mere paas waali seat par aakar baith gayi …………

Maine apne kapdo mein se revolver ko nikala aur apni seat ke peeche bane huye ek chhed mein chhipa diya ……… fir maine gear dala aur truck ko aage badha diya……driving mere liye koi pareshani ki baat nahi thi …….dheere dheere gaadi ko chalata hua main oopar ko jaane waali road par le aaya aur fir 2 minute baad hi humara truck highway par daud raha tha ………..

Mere dil ki dhadkan ab kaafi tez hone lagi thi ………main janta tha ki mera kaam abhi poora nahi hua hai ………abhi border par aur uss se pehle , kayi baar checking ho sakti thi , jisko sahi salamat paar karna ek tedi kheer tha….. 

Main saawdhani se , par tez raftaar se gaadi chala raha tha………jaisa ki mujhe Hina ne bataya tha……..yeh road seedha boarder tak jaati thi ……aam pahadi raasto ki tarah hi ghumavdaar road tha …..aur fir kal huyi barfbaari ki wajah se bhi raasta kafi tang ho gaya tha ……..main bahut aaram se border ki taraf badhta chala ja raha tha ….

Maine ek nigaah Shaazia ke oopar daali ………woh apne sar ko khidki par tikaye baahar ki taraf dekh rahi thi …..uski ankhen bata rahi thi ki uska dimaag kisi gehri soch mein dooba hua hai……main janta tha ki uske liye yeh sab asaan nahi hai……bilkul nayi jagah par jaana aur fir unn ke saath rehna ..bahut mushkil hoga ….aur fir jin logo ko woh peechhe chhod kar aayi hai …….unse fir kabhi dobara milne ki ummed bhi nahi hai …….kya guzregi Shaazia par jab usko maloom padega ki uski behan ka kya anjaam hua hai………..maine tay kar liya ki abhi usko kuchh bhi nahi bataoonga

Yahi sab sochta hua main gaadi chalata jaa raha tha ………ab kareeb ek ghanta ho chukka tha , aur mera anumaan tha ki hum log 30 km ke aas-paas rasta paar kar chuke they …………..fir mera dhyan aage sadak ki taraf gaya to mujhe chaunk jana pada …… thoda aage sadak par traffic ruka pada tha aur gaadiyon ki lambi kataar lagi huyi thi ………saaf jaahir tha ki aage ya to raasta band tha ya fir checking ho rahi thi ……

mere dil ki dhadkan achanak tez ho gayi …Shaazia ka dhyaan bhi saamne ki taraf hi tha ……usne ek baar meri taraf dekha ……mano pooch rahi ho ki kya hone wala hai ……maine uske haath par apna haath rakh kar usko dilasa diya aur apni gaadi ek side mein kar ke rok di…….

“ agar koi gadbad hoti hai to tum yeh keh dena ki main tumhe jabardasti saath le jar aha hoon ……..” main uski taraf dekhta hua bola ……..usne meri taraf bade hi gusse se bhari nigaah se dekha ………..fir boli “ kyon ? aisa kyon keh rahe ho ? “ 

“ iss se kam se kam woh log tumhe to kuchh nahi kahenge ……….mere saath job hi hoga main bhugat loonga …….par tumhare saath kuchh bura ho , yeh mujhse bardasht nahi hoga ……” maine uske haath ko apne haath mein pakad kar kaha ……….woh mere aur najdeek aa gayi ….fir apne doosre haath se mere haath ko pakad liya aur boli ………

“ ab job hi kuchh hoga …….dekha jaayega ………agar hum saath saath nahi ji paye to , saath saath mar to sakte hain “ kehte huye uski aankhen nam si ho gayi ………..

main kuchh seconds uski aankhon mein dekhte raha fir man hi man ek faisla kiya…….agar marna hi hai to kuchh aur ko bhi maarkar hi maroonga…… aur apni seat ke peechhe rakhi revolver nikaal li………revolver ko check karne ke liye maine uski magazine ko nikaala to mano mere dimaag mein ek dhamaka sa hua…….jo kuchh bhi mere saamne the usko dekhkar main hairaan rah gaya………revolver bilkul khaali tha…..

Shaazia aur main, kabhi ek doosre ka chehra dekh rahe they aur kabhi mere haath mein pakdi huyi khaali revolver ko ……