XXX Kahani Sarhad ke paar

[sexstories]

6 years later 

gaadi ke sheeshe par lage parde ko hatakar maine baahar jhanka………gaadi ghumavdar pahadi rasto par tezi ke saath chalti jaa rahi thi ……… raste ke dono taraf bade hi lubhavne drashaya dikhayi pad rahe they…. Par mera dhyan un nazaro par na hokar apni manzil par tha , jahan main jaldi se jaldi pahunchna chahta tha …..

main , Wing commander Ajay Rathod , 6 saal ke baad fir wahin jaa raha tha , jahan maine apni jindagi ke sabse yadgaar aur romanchak kuchh din bitaye they ……

Kargil war ke baad kuchh saalo tak Hindustan aur Pakistan ke rishto mein ek kadwahat si chhayi rahi ……..fir dheere dheere dono mulko ke beech baatcheet ka ek naya daur shuru ho gaya aur fir rishte bhi samanya hote chale gaye…….Kargil ki ladayi ke baad mera promotion ho gaya tha aur fir 3 saal ke baad ek doosre promotion ke saath mujhe Wing commnder ki rank mil gayi thi ………….

Hindustani sarkar ki taraf se ek pratinidhi mandal Pakistan ki yatra par aaya tha aur main bhi iss tour ka ek hissa tha ………Pakistan ki jameen par utarte hi mujhe fir se ichchha hone lagi ki main ek baar fir wahin par jaaoon , jahan main kuchh kaam adhoora chhod kar aa gaya tha …………..

Waise to pichhle 6 saalo mein shayad ki koi waqt hoga jo hum logo ne Hina ko yaad na kiya ho ………maine Islamabad mein apne officers aur Pakistani sarkar se request ki aur fir mujhe yahan aane ki permission mil gayi ………….pichhli baar aur iss baar mein yeh ek bada fark tha ki iss baar mein ek mehmaan ki tarah wahan jar aha tha………..

Islamabad se by plain main Murree tak aaya aur fir wahan se mujhe gaadi se aage ka safar tay karna tha……….main jis gaadi mein tha, uske alawa do gaadiyan aur mere aage peeche chal rahi thi ……….jisme Pakistani fauz aur police ke jawaan they ………..wahi jo aaj se 6 saal pehle mujhe maarne ke liye dhoondh rahe they , aaj meri security ke liye mere sath they …………….

Gaadi ab uss gaanv ke najdeek pahunch gayi …………..fir gaanv tak pahunch kar baaki dono gaadiyan peeche ho gayi aur main apni gaadi ke driver ko rasta batane laga ……….gaanv se kachche rasto par hoti huyi gaadi ab uss ghar ki taraf jaa rahi thi jo filhal meri manzil tha ………….

Pichhle 6 saalo mein yahan kaafi kuchh badal chukka tha ………..iss raste par , jo pehle bilkul sunsaan tha …..4-5 naye makaan ban gaye they aur kuchh abhi ban rahe they …………….dheere dheere chalti huyi gaadi uss ghar tak pahunch gayi ……….yahan par bhi ab bahut kuchh badal chukka tha ……….ghar ke saamne wala tabela gaayab tha aur uski jagah ek makaan bana hua tha ………..jo nahi badla tha woh tha Hina aur Shaazia ka ghar ………bilkul waisa ka waisa hi jaise mein 6 saal pehle chhod kar gaya tha ………main gaadi se neeche utra aur fir dheere dheere chalta hua darwaaze tak pahuncha ……….maine dawaaze par knock kiya aur tez ho rahi dhadkano ke saath intezar karne laga ………….10-15 seconds yun hi beet gaye ……..main fir se knock karne hi wala tha ki darwaza khul gaya ……..mere saamne woh khadi thi jiss se milne ki ummed mein main yahan aaya tha ………Hina ………..jeeti –jaagti sahi salamat ……… jisne hamesha se mujhe jhatke diye they , aaj ka yeh jhatka mujhe sabse achchha lag raha tha ………

Mujhe dekhkar pehle to woh chank si gayi ……..fir pehchante hi uska muh se ek cheekh si nikli …………..” Ajay ….!!!!!” ……..aur uska muh khula ka khula hi reh gaya………..uska haath uske muh par chala gaya aur khud woh thoda sa ladkhada si gayi ……..apne aap ko sambhalne ke liye usne deewar ka sahara le liya aur usse kandha tika kar khadi ho gayi ………..hum dono hi ek doosre ko lagatar dekhe ja rahe they ……bina kuchh bhi bole …….uski aankhen bheeg gayi thi par mere chehre par muskurahat thi ……………

Fir usne hi baat shuru ki “ kya , andar nahi aaoge …..? “ maine muskurata hua ghar ke andar aa gaya aur mere peeche peeche hi woh bhi ………baahr ki tarah hi ghar ke andar bhi kuchh nahi badla tha………wahi kamre , wahi samaan , aur lagbahag sab kuchh waise ka waisa hi ………mano pichhle 6 saal mein waqt yahan kuchh thahar sa gaya tha …………………..

Main pahle kamre ke andar aa gaya ………usne kursi ki taraf ishara karte huye kaha “ baitho Ajay……….!!” Main baith gaya aur saath hi woh bhi mere saamne waali kursi par baith gayi ……………hum dono hi bilkul chup-chap baith kar ek doosre ka chehra dekhe jaa rahe they…………..mano yakeen hi nahi ho raha tha ki yeh hakeekat hai ya sapna… fir iss khomishi ko todte huye usne hi baat shuru ki …….

“ Kaise ho Ajay ………..?”

“ Achchha hi hoon “ maine muskurate huye kaha

“ Haan………pehle se kuchh mote bhi ho gaye ho ……” woh hanste huye boli…….

Maine bhi uski hansi mein uska saath diya “ Ha ha ha ………sab Shaazia ki meharbaani hai ………usne hi mujhe khila khila kar mota kar diya…” 

“ Tum Shaazia ke saath khush to ho na Ajay ………..” woh badi sanjidagi se mere chehre ko dekhte huye boli ….

“ Haan…………bahut jyada “ maine jawaab diya , fir uss se sawaal kiya “ tumne Shaazia ke baare mein nahi poochha……..? woh khush hai ya nahi ? tumne to yeh bhi nahi poochha ki hum logo ne shadi bhi ki ya nahi …….? “ 

woh fir muskurate huye boli “ mujhe maloom hai ki woh tumhare saath hai to khush hi hogi ……… aur rahi tumhaari shaadi ki baat , mujhe maloom hai kit um dono shaadi kar chuke ho “ 

“ achchha !! kaise ? “ maine fir sawaal kiya ……….

woh kuchh der khamosh rahi ………….fir boli “ tum bhool gaye ho Ajay ki tum apne ghar ka address mujhe dekar gaye they ……….” Maine sawaaliyan nigaah se uski taraf dekha ……..woh aage boli “ Kuchh hi mahino ke baad Hasan Ali Hindustan gaya tha ……Cricket match ke liye visa lekar ………woh tumhaare ghar tak bhi gaya tha ……………woh poora ek din tumhare ghar ke aas-paas ghoomta raha aur kuchh logo se pooch-taachh bhi karta raha …….. fir usne hi aakar mujhe bataya kit um dono ne shaadi kar li hai “ mujhe samjhate huye usne apni baat poori ki ………

“ iska matlab meri jasoosi ki ja rahi thi ……….tumhe yakeen nahi tha kya mere oopar ?” maine hanste huye poochha ………

woh uth kar khadi ho gayi aur boli “ yakeen nahi hota tu Shaazia ko tumhaare saath na bheja hota …….tum baitho , main abhi chay lekar aati hoon “ fir woh kamre se baahar nikal gayi ……………