Antarvasna kahani वक्त का तमाशा

[sexstories]

"Dheere chala, aur dhyan de aagey.. Aur yeh le, " baba ne ek sandwich pakdate hue kaha




"Arey wah, ammi ne bheja, mujhe bahut bhukh lagi thi waise bhi.." maine sandwich lete hue kaha




"Kuch naya sunao sunny bhai.. Yeh toh main pichle 4 ghante se sun raha hun.." Usman ne jawaab diya toh baba ki hasi chhut gayi




"Ammi ne nahin bheja, main laya hun.. Aur agar is baat mein kuch dum nahin nikla na toh dhyan rakhna, teri ek nahin chalne dunga main.." Baba ne sab ko sandwich diya aur hum baatein karte karte aagey badhne lagey.. Steering controlled all power windows. gaadi chalane mein bahut mazaa aa raha tha.. Main AC bandh kar ke chaaro khidkiyan khol di aur khidki khulte hi thandi si hawa hum sab ke chehron ko choone lagi




"kabhi kabhi aisa nahin lagta ke yeh hawaayein humse kuch keh rahi hain.." maine ek second ke liye aankhein bandh kar thandi hawa ko mehsus kar kaha aur fir aankhein khol baba ko dekhne laga




"kabhi kabhi aap akele bethna, ek dum tanhaa.. yun kaali raat mein, aise hi kisi highway pe, jahan bilkul shor sharaba na ho.. yeh truck ka bhi nahin.." maine baju se guzarte truck ko dekh kaha




"usse kya hoga.." baba ne kaha




"usse aapko bahut acha feel hoga, aap jaante ho, aap sabse behtareen kab banoge, jab aap akele beth ke khud se baatein karoge, jab aap akele beth ke khud ki baatein sunoge.. aksar humein aisa lagta hai ke tanha hain hum, itna sab hote hue bhi akele hain, lekin jab aap sahi mein jaake tanha hoke bethoge, tab aapko pata chalega, aap akele nahin, aapka aks hai aapke sath, usse baatein karna, uski baatein sunna.. aur aap jaise hi usse baatein karoge, uski baatein sunoge, tab aapko pata chalega ke aapke andar kya kya hai, aap andar se kaise ho aur aap kya kya kar sakte ho.. yeh thandi hawayein jab behke kaan ke paas se guzarti hai na, toh aisa lagta hai ke kaano mein kisi ki awaaz si padi jo seedhe dil ko chhu gayi, woh aur kuch nahin.. woh aapki tanhaai hai, aks hai woh aapka, jise hum shor sharabe mein nahin sun sakte.. insaan har cheez ko kaafi mushkil kar deta hai, seedhi se seedhi baat ko bhi tod marod ke sochta hai aur fir aagey jaake khud hi fas jaata hai, lekin usme uski koi galti nahin hai, galti is insaani dimaag ki hai, jo 24 ghante chalta rehta hai, 24 ghante woh aapse kuch na kuch kehta rahegaa, aksar aisi tanhai mein hi hum uspe kaabu paa sakte hain, usko sthir karna bahut zaruri hai, agar dimaag hamare kaabu mein rehta hai, toh zindgai mein sukoon hi sukoon hai, tanhai bhi achi lagegi us waqt.." main abhi aagey kehne ke liye baba ki taraf rukh kiya hi tha, ke fir paya ke woh badi badi aankhon se mujhe hi ghoor raha tha




"Ae tu gaadi chala re.. Aur tu, peeche beth.." baba ne pehle driver se kaha aur fir mujhe kaha




"Yeh tanhai aur aks ki baatein kar raha hai, gaadi chala ke kahin satak toh nahin gayi teri.." baba ne fir chilla ke kaha




"haan bhai, waise yeh Aks kaun hai.." usman ne baba se kaha toh woh uspe bhi gussa hone lage




"Tu gaadi rok, aur tu ae , aagey aake chala na.. Aur jaa tu, ise peeche yeh baatein samjha, yeh sab baatein usman ko bahut achi lagti hain.." baba ne chilla ke kaha toh maine shanti se gaadi roki aur driver ko chalane ke liye de di.. Jaise hi gaadi aagey badhi main apne phone mein fir game khelne laga taaki usman aur baba ka saamna naa karna pade.. Subah ke 4.30 baje hum surat pahunche tab tak baba aur usman dono so chuke the.. Driver ke sath gaadi rok ke humne sath mein chai pee aur fir aagey nikal pade




Subah kareeb 7 baje jab hum baroda cross kar rahe the tab baba utha aur mujhe yun jaagta hua paaya




"tu sota hai ke nahin.." baba ne mujhse kaha




"Aur gaadi rok yaar, thodi chai pee lete hain.." baba ne kaha toh driver ne thoda aagey gaadi roki aur hum sab utar ke fir chai peene lage..




"Aaaahhh uuuuuuuuuuuuuiiiiiiiiiiii.." baba apni body ko stretch karte karte ajeeb awaazein bhi nikalne laga




"bahut thak gaye yaar, usman ek kaam kar, koi khabri hai yahan, mera matlab ahmedabad mein, toh use bol kaam pe lagey, mujhe dopahar 2 baje tak wapas bhi nikalna hai.."




"2 nahin, 3.. 2 baje toh lunch karenge na.. Aur maine google kiya, Sidhi saiyed ki jaali ke saamne, acha restro hai.. Food Inn.. wahan khana khayenge.." maine apna mobile dikha ke kaha




"Usman, 3 baje nikalna hai ok.. tu ab tak ritu ki wajah se aisa hai, nahin toh.." baba ne daant pees ke kaha aur aagey kahe bina kuch hum chai peene lagey.. Chai peete peete main fir jeetu ke baare mein soch raha tha ke itne mein fir billy ka phone aa gaya




"yeh kaisi ring tone hai teri.." baba ne billy ki special ringtone sun kaha




"Yes, tell me.." Maine billy ka phone utha ke kaha




"When will u be coming back buddy, my mom dad are insisting they want to travel London and Ireland as well.. And yes, Switzerland as well.. In short once they are here they will fuck me if they ever ask me to meet Dean with them.." Billy jor jor se chilla ke keh raha tha




"What, u have appeared for exams, i haven't even done that.. And to top it, i myself have invited my parents to come and visit london.. Lord knows what will i do... Anyway, let's do one thing, let's ask our parents to go together, this way we will avoid their meeting with Dean as well.." maine kuch soch ke kaha




"What u mean by that.." billy ne confuse hoke kaha




"let me get back to u, m in mid of something, u just don't book tickets yet, for one day only.. And tomorrow i will tell u ok.. Bye now.."




"Ok, c ya.." Billy ne phone rakha tab tak baba ne bhi chai khatam kar di thi apni




"Kaisi kaisi ringtones rakhte ho tum log.." baba ne mere paas aake kaha aur fir gaadi mein jaake beth gaya




"Arey yaar woh sab chhodo na, ab filhaal.." kehte kehte main gaadi mein jaake betha aur fir jeetu ke baare mein sochne laga




Kaafi der tak main khamosh betha betha kuch soch raha tha ke usman bol pada




"Bhai, aa gaye... Yeh hai Sidhi Saiyad ki jaali, filhaal aap ek kaam karo, aap yahin aas paas raho, mujhe jaise hi koi khabar milegi main aapko call karunga.." Usman ne kaha aur kisi ko phone karke wahan se aagey badh gaya.. Subah ke 10 baje the aur hum Old Ahmedabad ke paas khade the, kaafi bheed thi subah subah, aisa lag raha tha maano pura commercial market yahin ho, restaurants, khane peene ki cheesein , mobiles, electronics , kapde, joote aur zarurat ka sab kuch wahan maujud tha




"Bahut garmi hai yaar.." Baba ne apne glasses nikal kaha aur hum jis kone mein khade the wahin saamne ek chota sa garden bhi tha, hum wahin jaake bethe lage aur bethe bethe baatein karne lage.. Subah 10 se 11, 11 se 12, 12 se 1.. Lekin usman ka ab tak koi phone nahin aaya tha aur upar se January mein bhi idhar itni garmi ke kapde kaatne ko daud rahe the




"Apna mumbai zyada acha hai, kam se kam chubhti toh nahin garmi.." baba ne mujhe paseene se bheegte hue dekh kaha




"Arey woh sab theek hai par Usman ko kya hua, aap call karo usko.."




"Main uske kaam mein tang nahin karta use, woh khud saamne se karega.." Baba ne kaha aur shanti se wahin beth gaya.. White pathani aur black glasses mein kya dashing lag raha tha us waqt, skin pe halke wrinkles na hote toh koi bhi nahin keh sakta tha ke woh 40 ke upar ka hai




"Kya soch raha hai.." Baba ne mujhe dekh kaha




"Pata nai, thoda ajeeb lag raha hai, waise koi aisa kyun karega, i mean aapki baat sahi hai ke isme mera kuch lena dena nahin hai, lekin fir bhi.. jab mera koi lena dena nahin hai, toh fir mujh se hi kyun.." kehte kehte main ruk gaya kyun ki baba ka phone bolne laga




"haan usman.." baba ne call answer kiya aur kareeb 30 second tak baat karke exact hamare saamne wale restaurant mein milne bulaya




"Yeh sahi kiya aapne..." hum road cross karke saamne Food Inn restaurant mein jaa rahe the




"yahan pe non veg bahut acha hai maine padha review, aur usman bhi yahin aayega.." maine restaurant ke andar jaake kaha aur aaram se beth gaye.. Kyun ki aaj mangalvar tha isliye bheed kaafi kam thi aur upar se yeh restaurant bhi NV ke liye famous, isliye hum shanti se beth gaye aur AC ki hawa paate hi sukoon mila




"Usman kab aa raha hai.." maine menu dekh kaha




"Bas 10-15 minute mein aayega.. tu order kar tab tak.. or thoda sa, kyun ki travel karna hai samjha.." Baba ne hidayat deke kaha




"OK..Aap likho, 4 chicken soup. 2 full tandoori chicken, 2 chicken lollypop aur 1 chicken tikka.. pehle yeh laaiye, baaki ka baad mein dete hain.." maine order diya tab tak Usman bhi aa chuka tha aur uske sath do aur log bhi the, dono lambe chaude, hatte katte, ek dum tight t shirt aur neeche skin tight jeans..




"Itni garmi mein tight jeans, fashion statement ki toh maa behen kar denge yeh.." maine baba se kaan mein kaha




"Bhai, inse milo.. Anil aur Chirag.." Usman ne un dono ke naam bataye aur hamare sath beth gaya




"Baat yeh hai ke.." Anil ne kuch kehna shuru hi kiya ke maine use rok diya




"Ruk jao, pehle khane ka order revise kar dun.. kam padega.." maine unse kaha aur new order place karke unse kaha




"Haan ab bataiye.. Start.." maine jaise hi yeh kaha Anil sab kuch batata chala gaya
aur jahan jahan anil rukta, wahin chirag bhi bol padta.. Unki baatein sun baba ke chehre pe shikan badhti jaati aur mera bhi haal kuch same hi tha..





"tum yeh sab jo bol rahe ho, is baat ka koi proof hai, mera matlab, tum uske baare mein kaise jante ho itna sab.. kya tum sath mein kaam karte ho" Baba ne unki baat khatam hui tab kaha aur mujhe pani pakda diya





"Nahin, kaam nahin karte sath, lekin apna same kaam hai bhai, aur woh ab bahut zyada udd raha hai, mera matlab yahan se jaane se pehle bahut hawa mein udd raha tha, tabhi uski khabar felne mein time nai laga, aap toh jaante hi hain, is kaam mein dost se zyada dushman hote hain.." Anil ne fir jawaab diya





"Hmmmm, kya bolta hai.." Baba ne mujhe dekh kaha





"mujhe thoda waqt dijiye, main yeh sab verify kar sakta hun, par inki baat unreliable toh nahin ho sakti, uske baare mein jo bataya, woh kaafi had tak mujhe sach lag raha hai.. par baat fir wohi hai, mera lena dena kuch nahin, fir bhi mere sath hi kyun.." main fir kuch soch ke bola





"tere paas koi aur kaam kaaj nahin hai na beta, isliye... tabhi tu yahan aaya uska pata lagane..
" Baba ne mujhe abhi bhi sochte hue dekh kaha




"Theek hai, tum dono jaa sakte ho.. yeh lo, kisi ko kuch pata na chale.." baba ne unhe paise diye




"Arey, kya ok, khana khake jao, itna mangwa liya ab khao.." maine unhe rok kaha aur hum fir khana khane lagey




Khana khate khate baba aur usman kuch baat nahin kar rahe the shayad anil ki wajah se, lekin mera dimaag abhi bhi jeetu pe hi atka tha.. Khana khatam karke hum fir mumbai ki taraf nikal pade, kaafi der tak khamoshi chaayi rahi hamare beech, samajh nahin aa raha tha kya kahun, aur ghar jaake bhi kya karunga, akela toh bore ho jaunga.... Maine fir apni contact list kholi aur sabse pehle Akira ka naam dekha toh uski yaad aa gayi




"Yeh dekho.." maine baba se kaha aur use apna phone dikhaya




"yeh kaun hai, bahut hi khubsurat aur pyari lag rahi hai.." baba ne akira ki pic dekh ke kaha




"Frnd thi, abhi touch mein nahin hai.." maine bahut bhaari mannse baba se kaha, yeh pehli baar tha jab baba ne kisi ladki ke naam pe mere sath mazaak nai kiya, maine pic dikha ke mobile wapas apne paas rakh liya




"toh tu isse kahan mila" baba ne shanti se pucha




"yeh wohi ladki hai jiski wajah se aapko london mein vakil bhejna pada tha" maine khidki se bahar dekhte hue kaha




"Baatein.. Bhul jaati hain... Yaadein, yaad aati hain... Yeh yaadein kisi dilo jaanam ke, chale jaane ke baad aati hain.." Car mein chalta yeh gaana baar baar mujhe akira ke sath bitaye woh pal yaad dilata jo maine Austria mein guzaare the





"toh tum karti kya ho.. i mean for living" maine akira se pucha jab dusre din hum fir subah ko mile the




"kuch khaas nahin, i am a designer.." akira ne jawaab diya.. Thandi thandi subah mein garam garam coffee ka cup aur sath mein akira jaisi haseen sathi, isse zyada toh main bhagwan se kuch maang bhi nahin sakta tha