Antarvasna Sex चमत्कारी

[hotaks]

UPDATE*23



Sonalika mujhe lekar ek gufa ke pass le gayi….jaha se roshni nikal rahi thi…jyada matra me to nahi thi kintu phir bhi vaha ki har cheez ko dekhne layak prakash tha……..



Sonalika—ab tum andar jao gufa ke adi….Talwar tumhe vahi milegi..



Mai—mai andar jane se pahle kuch janna chahta hu



Sonalika—bolo...kya puchhna hai.....



Mai—pahla to ye...ki tum mujhe hi yaha kyo layi aur dusra andar kya kya khatra hai....



Sonalika—Tumhare andar bahut hi nekdil hai....jo kabhi kisi ka bhi bura nahi chahta....abhi tum un shaktiyo ko poori tarah se apne vash me nahi kar pane ke karan tharkipan jaisi harkate kar rahe ho jo ki tumhare swabhav me hai hi nahi....



Mai—ha ye tum sach kah rahi ho...mujhe pata nahi kabhi kabhi kya ho jata hai ki mai apne mastishk se apna niyantran kho baithta hu...mai apni harkat ke liye mafi chahta hu.....



Sonalika—mai tumse naraz nahi hu...kyo ki mai iska karan janti hu...andar khatra to hoga hi..lekin vo kaisa hoga ye mai nahi janti...mai kabhi andar nahi ja payi...



Mai—theek hai....koi baat nahi..mai ab chalta hu...jo hoga dekha jayega....



Sonalika—apna dhyan rakhna.....



Maine sonalika ki baat ka koi jawab diye bina hi gufa ke andar pravesh kar gaya...mujhe andar jane me koi dikkat nahi huyi...



Andar aane ke baad mujhe ek aur gufa nazar aayi...mai samajh gaya ki mujhe iske andar bhi jana padega...kyo ki bahar koi Talwar nahi dikhi thi ab tak....



Mai us chhoti gufa ke andar jane ke liye jaise hi apna pahla kadam badhaya ...kisi ne mujhe jor se piche ki taraf dhakel diya.....mai jake thodi doori par niche gir gaya...



Niche girne ki vajah se mujhe halki kharoch bhi aa gayi....mai phir uth ke khada hua...aur is baar thoda savdhani baratate huye andar jane laga....



Lekin phir se vaisa hi hua....kisi ne mujhe abki baar jor se pichhe feka to mai jake gufa ki deewar se takra gaya...chot bhi kafi aayi...



Mai (mann me)—lagta hai...koi to hai yaha jo mujhe andar jane nahi dena chahta....lekin vo dikh bhi to nahi raha.....mujhe ab dhyan lagana hoga....tabhi kuch samajh paunga....nahi to ye aise hi mujhe baar baar patak patak kar hi maar dalega....



Ye soch kar mai vahi niche baith gaya aur mann me apni maa ko aur guru ashtavakra ko pranam kar ke dhyan me baith gaya....thodi hi der me gufa ke andar tez prakash phail gaya.....mera poora sharir roshni se chamakne laga....



Mai kitni der dhyan me raha ..mujhe pata nahi chala...lekin jab dhyan se utha to mujhe khud ke andar bahut si shaktiya hone aur unke vishay me poori jankari hasil ho chuki thi....



Maine ab der na karte huye phir se us gufa ke andar jane ka nishchay kiya aur apne kadam badha diye.. kintu is baar kisi ne mera marg nahi roka....mai andar chalta gaya....kafi der chalne ke baad mujhe ek shiv ling dikhayi diya....



Us shiv ling ke ek taraf trishul aur dusri taraf Talwar jamin me gadi huyi nazar aayi...shiv ling ke upar pani gir raha tha ek dhar me...lekin vo pani upar kaha se aa raha hai...kuch nahi dikh raha tha...



Mai jake us shiv ling ke samne jhuk kar apna shish navaya aur dono hath jod kar unhe pranam kiya



Mai—hey bhole nath.....aapne mujhe darshan dekar kritarth kar diya.....mai ye to nahi janta ki mujhe ye shaktiya kyo mili aur inke milne ka prayojan kya hai... ?..mai to ye Talwar lene ke liye yaha aaya hu parantu bhagwan bina aapki anumati aur ashirwad ke ye sambhav nahi hai....mai apke ashirwad ke bagair isko hath nahi lagaunga.....



Mai hath jode ankhe band kar vahi ghutno par baith gaya shiv ling ke samne.....Raat kab beet gayi.. kab subah huyi mujhe kuch pata nahi chala...mai dhyan me leen ho chuka tha....



Idhar subah hote hi jab sabhi so kar uthe to mujhe na dekh margret har ek se mere baare me puchhne lagi….lekin kisi ko kuch pata hota to batata…sab to nashe ke aalam me the…..



Daniel—kuch nahi….itna pareshan mat ho…..yahi aas pass morning walk par gaya hoga…aa jayega



Lekin din aise hi nikalta gaya…aur har gujarte pal ke sath…Margret ki bechaini badhti gayi…sath me ab bakiyo ko bhi chinta hone lagi ki adi kaha chala gaya…



Unhone driver ko bhi puchha…lekin vo bhi kuch bata pane me nakam raha….driver ne Bhatia ko bhi iski jankari de di….vo bhi pareshan ho gaye….police me FIR karne se company ki badnami hoti aur anand ko batane se naukri jane ka darr….



Unhone kuch private detective adi ki khoj me laga diye…shaam hote hote…sab dosto ka chinta ke maare bura haal ho chuka tha….sabse jyada buri haalat to margret ki thi…..din bhar se rote rote uski ankhe aur chehre sooj gaya tha…



Usne khana to door pani ki ek boond bhi apne gale ke andar nahi li….vo baar baar resort me moujud har shakhs se adi ki photo dikhakar uske bare me pata karne ki koshish karti rahi….lekin har baar jawab na me hi milta….

Din se phir raat huyi…phir din…phir raat…aise hi paanch din nikal gaye…..mujhe dhyan me baithe huye…Margret ki haalat khana pina chhodne se bahut jyada bigad chuki thi aur use vapis cheenai ke hospital me admit karaya gaya behoshi ki haalat me…

Ab tak sabhi ko kisi anhoni ki ashanka hone lagi thi adi ke sath….uska phone uss raat se hi lagatar not reachable ja raha tha…