Antarvasna Sex चमत्कारी

[hotaks]

UPDATE*26



Margret—lekin us pari ke sath tujhe akele nahi jane dungi ab mai...



Mai—theek hai....tujhe bhi parilok le chalunga....pahle uski problem to pata chale….



Maine sonalika ko yaad kiya to vo turant hi vaha prakat ho gayi…..



Ab aage………..



Sonalika aaj behad khubsurat lag rahi thi…….mai to uski sundarta ko dekhta hi rah gaya….itni hasin ladki maine pahli baar dekhi thi…..Margret ne ek bar sonalika ko dekha aur phir mujhe dekh kar mere sar me ek chapat jama di…mai turant haqiqat ki duniya me lout aaya….sonalika khade khade mushkura rahi thi…..



Mai—ha sonalika ab batao tum meri kya madad chahti ho…? Jabki mai to jaha tum rahti ho uss jagah se bilkul anjan hu....



Sonalika—meri madad kewal tum hi kar sakte ho...aditya



Mai—vo kaise….?



Sonalika—mai jaha rahti hu uss jagah ko pari lok kahte hain….mai Pariyo ki Rajkumari hu…..hamare yaha sab kuch theek chal raha tha…..mere Pita ji bahut nek dil aur praja vatsal hain…har taraf hamare pari lok me sukh shanti thi….



Magar ek bar hamare pari lok par ek shaitan ke pujari jadugar kapali ki najar pad gayi….vo mujhse shadi kar ke pari lok ka naya raja banna chahta tha….



Mere pita ji ke samaksh usne mujhse vivah ka prastav aur pari lok dono ki maang rakhi..jise pita ji ne ashwikar kar diya….kapali gusse me dhamki deta hua uss samay vaha se chala gaya…



Magar kuch din pashchat vo phir se pari lok aaya aur pita ji se kaha ki vo mera vivah usse kar de to vo pari lok ki maang karna chhod dega…lekin pita ji ne uski ye maang bhi kharij kar di…



Tab Kapali ne apne kale shaitani jadu ke bal par dhokhe se pitaji aur meri mata ko kaid kar liya….aur apne logo ko pari lok me bula kar le aaya..



Jisne bhi uske khilaf awaz uthayi usne unhe patthar ka bana diya…..vo mere sath ab jabran vivah karna chahta tha jisse vo hamare raj mukut ko hasil kar sake…jisme kayi adbhut shaktiya hain



Lekin vo raj mukut ko kewal uska varis hi dharan kar sakta hai….isiliye uski nazar ab mujh par thi mai usse bachne ke liye guru ji ke pass gayi…unhone mujhe is gufa ka pata bataya aur sath me ye bhi ki is talwar ko hasil karne wala hi uss papi jadugar se muqabla kar sakta hai…



Kapali ne guru ji ko bhi bandi kar karagar me dal diya.....aur pari lok ka raja ban baitha…..lekin vo na to us singhasan par baith saka aur na hi vo mukut pahan saka…..



Jab vo isme kamyab nahi hua to mere sath jabardasti karne ki koshish ki…mai usse bachte bachte guruji ki batayi is gufa vali jagah par aa gayi…..



Tabhi se mai us gufa ke bahar uss talwar ke malik ka intazar kar rahi thi…ki tum us raat jungle me aaye….tumhare aate hi mujhe tumhare andar ki shaktiyo ka gyan ho gaya….



Mere mann me ummid ki ek kiran jaag uthi ki shayad tum is talwar ko hasil kar sako…isiliye mai tumhe uss gufa tak le gayi….bas yahi meri kahani hai



Mai—kab se tum uss gufa ke bahar intazar kar rahi ho…..?



Sonalika—100 saalo se….



Uski is baat se mai aur margret dono hi chounk gaye…..



Mai—kkyaaa....100 salo se....



Sonalika—ha..isme ajib kya hai....hum pariya kabhi budhi nahi hoti....



Mai—vo mukut kyo nahi pahan sakta.. ?..dusra mai use kaise maar sakta hu... ?



Sonalika—mujhse shadi kar ke bas......





Uske is jawab ne ek baar phir hum dono ko chakit kar diya….lekin margret ka to bheja fry ho gaya…



Mai—kyaa….



Sonalika—mujhse shadi karke tum pari lok ke raja ban jaoge to phir use maar bhi sakoge…



Margret (gusse me)—ye pagal pari….tera dimag to ghutne par nahi hai na….ye kya anap shanap bake ja rahi hai…adi koi bazar me bikne wali cheez nahi hai jise tum muh utha ke chali aayi kharidne..ab jao yaha se aur dubara adi ke aas pass bhi mat dikhna mujhe…samjhi…kitna achche se kahti hai shadi karke…



Sonalika meri or dekhe ja rahi thi….sach kahu to mai khud shock me tha…mujhe khud abhi koi jawab sujh nahi raha tha ki sonalika ko kya kahu….baat shadi ki jo thi…



Sonalika—bolo adi…mujhe tumhara jawab chahiye…is gehu ke aate ka jawab nahi chahiye mujhe….



Sonalika ke muh se khud ko gehu ka aata sun kar Margret aur bhadak gayi…..jabki mujhe hasi aa gayi meri hasi ne aag me ghee ka kaam kar diya….vo sonalika ke upar rashan pani lekar chadh baithi



Margret (gusse me)—100 ssal ki budhiya…tujhe sharam nahi aayi apne pote ki umar ke ladke se khud ki shadi ki baat karte huye……



Sonalika—buddhi hogi tu….mai to tere se bhi jawan aur sundar hu……..tujhe dekhne se hi aisa lagta hai jaise poore ghar ka aata apne sharir par lapet ke aayi hai……..gehu ka aata



Margret (gusse me)—tujhe jara bhi sharam nahi hai ki 100 saal ki hokar khud ko jawan kahte huye.. jake chullu bhar pani me doob mar kahi….nirlajj





Sonalika—bas ab bahut hua….tujhe mai apne jadu se sach much ki budhiya bana dungi ab...



Margret (jor se)—adi tu kuch bolta kyo nahi....ye kalmuhi kab se meri beijjati kiye ja rahi hai aur tu ulta isko daatne ke hihihihi kar raha hai....



Sonalika—tujhe jo bhi dekhega vo aise hi hasega tujh par .....bandariya



Margret (jor se)—teri to...ruk abhi tujhe batati hu......bahut der se ho gaya tujhe.....



Margret use maarne ke liye apne charo taraf dekhne lagi uth kar ki kuch mil jaye.....baat jyada aage badhte dekh maine uska hath pakad ke apne pass khich liya....



Margret—mujhe chhod adi....mai ise marungi....



Sonalika—mujhe maaregi.....ruk tujhe batati hu mai....



Usne apni chhadi aage ki aur kuch mantra padhne wali thi ki ab maine bolna hi theek samjha...



Mai—chup dono....ab agar kisi ne dono me se kuch bhi bola to mai yaha se dono ko chhod kar chala jaunga....



Margret—mujhe kyo daant raha hai....ise bol na....



Sonalika—tu daatne hi layak hai jungli billi.....



Mai—tum bhi shant raho sona



Margret—kyaaa.....tune use sona bola.....tujhe kaha se ye sona dikh rahi hai......ye peetal hai….do do poonchh wali



Mai—arey yaar…tum dono kuch der ke liye chup ho jao to mai baat karu aage….



Margret—hu…lekin ab sona vona nahi bolna aur sidhe sidhe mana kar de shadi ke liye…



Mai—dekho sonalika.....shadi ke alawa kya koi aur rasta hai usko maarne ya harane ka... ?



Sonalika—ha....hai..to...magar.....



Mai—kya magar... ?



Sonalika—mujhse shadi kiye bina tum vaha ke raja kaise banoge.... ?



Mai—mujhe raja nahi banna hai…..



Sonalika—lekin vo to banna padega tumhe....aur shadi bhi karni hogi mujhse...



Margret—teri jabardasti hai kya...nahi karega shadi..ja yaha se



Mai—sonalika....mai tumhare mata pita ko jarur azad karaunga uss jadugar ke changul se lekin shadi kiye bagair....



Sonalika—lekin mujhe shadi karni hai..adi...I Love You





Margret—teri … I Love You ki to…..thahar ab…..



Mai—shadi ki baat chhodo….tum mujhe baad me milna….abhi tum jao….mujhe need aa rahi hai ab



Sonalika—theek hai….mai kaha jau…..lekin….vo gufa tabhi tak safe thi mere liye jab tak vaha ye talwar thi…..aur pari lok ja nahi sakti…



Margret—ja ke doob ke mar ja kahi…par yaha se ja jaldi se…



Mai—margret...aisa nahi bolte kisi ko...



Mai—tum apna ye roop change kar ke yahi so jao...



Sonalika—ok.....



Margret—nahi…nahi…ye yaha tere pass nahi so sakti….



Mai—to kaha jayegi bechari…



Margret—ye koi bechari vechari nahi...ye to bahut badi bimari hai….kahi tujhe ye bimari lag gayi to mera kya hoga….isko bol do bathroom me jake apna bistar laga le…



Sonalika (mann me)—tu ek baar pari lok aa..phir tujhe maza chakhati hu....



Mai—kahi nahi...jana...aur sona...mera matlab...sonalika....tumhe yaha sone me koi dikkat to nahi na



Sonalika—bhala apne hone wale pati ke sath sone me kaisi dikkat.....



Margret—tera muh noch lungi mai samjhi…..tu mere bed pe so ja…..mai adi ke sath so jaungi…aur sun dubara adi ko apna pati vati mat bolna…nahi to samajh lena phir….



Maine dono ko kisi tarah shant kiya.....pahle mai un shaktiyo se pareshan tha...vo theek huyi to ye sonalika naam ki nayi musibat gale aan padi…pata nahi kaisi meri kismat hai….



Yahi sab sochte huye mai bhi so gaya....margret mere sath hi chipak ke so rahi thi….sonalika dusre bed par let gayi…



Aaj phir mere khyalo me vahi ladki nazar aane lagi……yellow colour ke salwar suit me vo bahut hasin lag rahi thi…..swarg ki kisi apsara ko bhi maat dene wala roop tha uska….



Vo ek sunsan jagah par baithi chup chap anshoo baha rahi thi…..uske chehre par pareshani ke bhav saf jhalak rahe the……



Kafi der tak vo ladki us ekant jagah par baith kar roti rahi…phir vaha se uth ke chali gayi rumal se apne anshoo pochhte huye….



Meri need is sapne ke khatam hote hi toot gayi….mai baar baar us ladki ke bare me hi sochne laga



Mai (mann me)—koun hai ye ladki….?..mujhe baar baar iska sapna kyo aata hai…?..is sapne ka mujhse kya connection ho sakta hai…?..mai to usko janta tak nahi….kuch bolti bhi to nahi hai vo…ki uski chinta ka karan pata chale….khair jane do…ise samay par chhodta hu…



Mai phir se let gaya…magar us ladki ki yado ne mera pichha nahi chhoda…bas ankho hi ankho me sari raat gujar gayi…..



Subah ab ek nayi musibat thi…sonalika ko sab se introduce karane ki….to maine kuch soch kar margret aur sonalika ko sab samjha diya ki kya bolna hai…



Margret to use sath me rakhne ko ready hi nahi thi lekin mere samjhane par kisi tarah maan gayi



Mere sath me sonalika jaisi sundar ladki ko dekh kar sab ki ankhe phati rah gayi…vahi julia aur kaith ke dilo me saamp lotne laga vo dono mann hi mann use galiya dene lagi…jo mujhe power ke karan sunayi de rahi thi…..



Franklin—adi..ye pari koun hai…?



Mai—ye papa ke friend ki beti sonalika hai....ye mujhe milne aayi hai....aur ab kuch din hamare sath hi rahegi....



Franklin—ye to badi khushi ki baat hai...



Daniel—vaise aapki shadi ho gayi kya….?



Sonalika—ji ha…aaj raat me hi final huyi hai



Margret ka para phir high hote dekh maine baat ka rukh palat diya….



Mai—aaj hum apna safar aage badhayenge…..



Kaith—kya safar…jungle me jake tune mere poore plan par pani fer diya….kya kya socha tha maine…lekin abhi tak kuch nahi hua….



Maine Bhatia ji ko bula kar apne aage jane ki baat bata di….unhone gadi aur driver arrange kar diya…jane se pahle maine unko accounts ki poori details ready rakhne ko kaha agle do teen din me..



Phir hum apne aage ke safar ke liye nikal gaye….lekin maine ek baat note ki aaj se pahle jab bhi main sapno me ya dhyan me uss Ladki ka chehra dekhta tha….sapna ya dhyan bhang ho jane ke baad vo ladki mujhe dubara nahi dikhti thi …



Lekin aaj aisa nahi tha….mujhe abhi bhi meri ankho ke samne uska masoom udas chehra nazar aa raha tha…jaise ki vo kisi ka intazar kar rahi ho…..