Antarvasna Sex चमत्कारी

[hotaks]

UPDATE*27


Maine Bhatia ji ko bula kar apne aage jane ki baat bata di….unhone gadi aur driver arrange kar diya…jane se pahle maine unko accounts ki poori details ready rakhne ko kaha agle do teen din me..



Phir hum apne aage ke safar ke liye nikal gaye….lekin maine ek baat note ki aaj se pahle jab bhi main sapno me ya dhyan me uss Ladki ka chehra dekhta tha….sapna ya dhyan bhang ho jane ke baad vo ladki mujhe dubara nahi dikhti thi …



Lekin aaj aisa nahi tha….mujhe abhi bhi meri ankho ke samne uska masoom udas chehra nazar aa raha tha…jaise ki vo kisi ka intazar kar rahi ho…..



Ab aage…………..



Chennai se hum banglore aaye…yaha tak aane me hi poora din bekar ho gaya..to maine driver ko return jane ko bol kar banglore se delhi flight se jane ka faisla kiya…..



Banglore me khana khane ke baad flight se delhi aa gaye…..new delhi se shimla bhi flight ke jariye aaye…yaha aane ke baad prakratik sundarta ka anubhav hua….



Dinbhar shimla ki sair karne ke baad hamne pahle hi hotel me booking kar li thi…to vaha chale gaye



Is douran margret aur sonalika me beech beech me tu tu mai mai chalti rahi…..dinner ke baad aaj bhi sonalika mere hi room me aa gayi….



Mai—sona matlab sonalika…kya mai ye puch sakta hu ki vo mukut ki khasiyat kya hai…dekho jab tak mujhe tumhare desh aur vaha ki khasiyat kamjori ka pata nahi hoga tab tak mujhe kuch plan karne me dikkat jyada rahegi……



Sonalika—vo mukut bahut si takto ko apne andar samaye huye hai…use mere pita ji bhi aaj tak nahi pahan sake….unka kahna hai ki ye kewal apne varis ya iska jo bhi malik tha pahle vahi pahan sakta hai



Margret—agar koi pahan liya to….



Sonalika—vo mukut hath lagate hi adrishya ho jayega……pita ji ne bhi koshish ki thi unke sath bhi yahi hua tha….



Mai—vo kabse khali hai matlab kisi ne use kab se nahi pahna ya pahle vo kiska tha….?



Sonalika—guru ji ka kahna hai ki mukut aur raj singhsan hamare pahle raja ka hai….unke andar bahut si shaktiya thi….unke shsan me parilok aur sabhi graho me shanti thi…khushi thi…un shaktiyo ki vajah se vo ajey the…..



Apne antim samay me unhone apni shaktiyo ko us mukut me samahit kar diya….taki uske prabhav se parilok surakshit bana rahe….



Guru ji ka ye bhi kahna hai ki unka dubara janam hoga tabhi vo mukut kewal unhe hi swikar karega ya phir jo unke jaisa kabil hoga…..



Mai—to phir tum mujhe kyo is jhamele me lapetna chahti ho….?



Sonalika—tumhare andar vo kabiliyat maine dekhi hai adi…….kyo ki ye talwar bhi unhi ki thi jise tumne hasil kiya hai….



Mai—ab kuch us kapali ke bare me batao…..



Sonalika—kapali behad dushta aur makkar kism ka jadugar hai….usne shaitan ki pooja karke bahut si kaali jaduyi shaktiya hasil ki huyi hain…..vo tantra mantra me bhi mahir hai…



Margret—jab uske paas itni shaktiya hain to vo mukut kyo hasil karna chahta hai aur sabse aham sawal us mukut ka tumhari shadi se kya lena dena hai……?



Sonalika—bahut gahra lena dena hai…..kyo ki vo mukut mere chhune se gayab nahi hota…guru ji ne bataya tha ki jo is adbhut talwar ko hasil karega vo mukut ke kabil bhi hoga…..mujhse shadi ho jane se vo gayab bhi nahi hoga….



Margret—phir to tum bhul jao sab kuch kyo ki adi mera hai….tum agle janam ke liye abhi se tapasya karna chalu kar do….vaise bhi 100 ki ho chuki ho to 100 aur sahi…



Sonalika—iska faisla adi ko karne do….tum beech me apni sadi gali badbudar juban mat khola karo



Mai—bekar ki bate chhodo….us jadugar ko kaise mara ja sakta hai…kuch idea hai..?



Sonalika—nahi….



Mai—dekho sonalika mai tumhari madad jarur karunga lekin raja nahi banuga aur na hi shadi karunga…mai abhi itna bada nahi hua hu ki shadi ka faila karu…mere mummy papa hain abhi iska nirnay karne ko….



Sonalika—theek hai mai unko apne jadu se vash me kar lungi…aur shadi ke liye haa bhi kar dengi



Margret—vo to tab karegi na jab mai tujhe india se bahar jane dungi….tu yahi ruk kar agle janam ka wait kar….



Mai—tumhare parilok aur yaha ke samay me kitna antar hai…..



Sonalika—yaha ka ek din parilok ke do din ke barabar hai……



Mai—matlab ki ki do teen din ka locha karna padega kuch



Margret—kaisa locha..



Mai—teen din matlab six days….itne me kaam to ho jana chahiye…



Margret—magar ye teen din ayenge kaha se…aur kaise…



Mai—yaha se loutne time mai tumhare sath chalunga parilok….



Iske baad hum sab so gaye....agli subah sabne shimla ki hasin vadiyo ka anand liya....kaith aur julia ko jyada mouka nahi mila mujhse akele baat karne ka kyo ki sonalika ki vajah se margret mujhe akele chhodti hi nahi thi....



Shimla me aur do din bitane ke baad hum vapis delhi aa gaye....yaha se chennai ke liye direct flight thi lekin na jane kyo mera mann nagpur ki apni company ka ek chakkar lagane ka hua...to hum delhi se nagpur aa gaye....



Hotel me fresh hone ke baad maine ek gadi rent par li....aur akele hi ghumne nikal gaya...mai music sunte gadi chala raha tha...ki tabhi mere pair brake par jam gaye kuch dekh kar...



Maine gadi reverse karke piche aaya to kuch nahi tha....



Mai (mann me)—pahle sote huye time vo ladki dikhti thi…ab khuli ankho se bhi dikhne lagi…lekin mujhe aisa kyo laga ki maine abhi abhi yaha par us ladki ko dekha hai…kya ye mera vaham hai…ya sach me vo yahi hai…?



Mai kuch der ussi jagah par gadi roke yahi sab sochta raha....phir aage badh gaya ye soch ki mera vaham hi hoga.....isi udhedbun me mai chala ja raha tha ki tabhi mai kisi se takra gaya….



Maine turant gadi rok kar niche utar ke dekha to meri gadi ek scooty se jo ki road ke kinare se thoda bahar taraf khadi thi..ja kar takra gayi thi….



Achchha hua ki khali scooty thi…aur meri speed bhi na ke barabar hi thi….mai khada hoke us scooty ko dekh hi raha tha ki kisi ke piche se jor se chillane ki awaz aayi…



Mai samajh gaya ki ye surili awaz is scooty owner ki hi hogi jo ab meri tarif me apne kadwe pravchan sunayegi…aur hua bhi vaisa hi….



Ladki (jor se)—andha hai kya dikhayi mahi deta….meri itni badi scooty nahi dikhi tujhe…?..abhi batati hu tujhe…



Mai chup chap dusri taraf muh kiye apni tarif sunta raha..ki mera dhyan kuch tootne ki awaz par gaya..mai turant palta aur dekha to meri udhar ki gadi ke samne ka kaanch toota hua dikha…



Mai samajh gaya ki ye isi ladki ki meharbani hai….vo abhi bhi apni bakbak kiye ja rahi thi…akhir jab mere kaan tarif sunte sunte thak gaye to main use kuch bolne ke liye uski oor ghuma to mere hoth dubara apas me chipak gaye…..mai bilkul statue ban gaya….



Meri ankho ke samne vahi sapno vali ladki thi jiski maine scooty thoki hai…uski khubsurti me hi mai kho gaya….uske hoth jab hilte to aisa lagta jaise gulab ki pankhudi band aur khul rahi hain…



Vo mujhe sunati ja rahi thi lekin mujhe kuch sunayi nahi de raha tha…mai to uske hilte hotho ko dekhne me hi magn ho gaya…aur khade khade mushkurane laga….



Ab tak vaha achchhi khasi public jama ho gayi thi….ab free fokat ka show dekhne ko mil jaye to koun miss karega…?



Hamare desh ke logo me lakh khubiyo ke sath ek bahut badi burayi bhi hai….agar ek admi ko do log bhi beech raste me maar rahe honge to koi nahi rukega vaha….lekin agar ladki ka mamla ho to pata nahi kaha se bina pahchan ke uske 50 bhai paida ho jate hain…



Mere sath bhi kuch aisa hi hua….mai to uske hotho ki thirkan dekhne me hi khoya mushkura raha tha jise dekh vo aur aag babula ho gayi…uspar apna impression jamane ke chakkar me uske un bhaiyo ne meri bina sabun pani ke achchhi khasi dhulayi kar di…



Lekin mujhe unki dhulayi ka bhi pata nahi chala….vo mujhe ragad ragad kar dhote rahe aur mai bas uske hoth hilte dekh mushkurata raha….



Akhir me vo ladki bhi meri is besharmi se tang aakar gusse me apni scooty utha ke ghasitate huye chali gayi….mai use apni ankho se ojhal hone tak dekhta raha….



Uske jane ke baad mujhe hosh aaya to mera dimag kharab ho gaya…mere poore kapde phat chuke the…naak aur muh se thoda khoon bhi bah raha tha…gadi ki servicing to vo ladki kar hi gayi thi tod fod kar….salo ne mera purse bhi maar diya kisi ne….apni bahan ki madad karte karte….



Mai (mann me)—kitni chalu ladki hai ye to….sapne me kitni bholi aur msoom pareshan dikhti thi…ise koun pareshan kar sakta hai…ye to khud sabse badi pareshani hai…?..mere itne handsome chehre ka huliya hi bigad diya isne….



Paise to the nahi ab to aur ATM hotel me hi rakha tha….ab chup chap gadi uthakar vaha se nikalne me hi ganimat samjh ke main vapis hotel ki oor chal pada….