Antarvasna Sex चमत्कारी

[hotaks]

UPDATE*34



Main apne room akar so gaya....do teen din se mai sahi dhang se dhyan me bhi nahi baitha tha to aaj mai dhyan lagana chahta tha….kal kisi bhi tarah sona ki help karne ka upay bhi sochna tha

Idhar sonalika aaj mummy ko koi kaam hi nahi karne de rahi thi...itna jaldi usne khana, bartan saf karna, jhadu,pocha, kapde dhona etc kar diya ki mummy to hairan rah gayi ....vo to uski tarif karte thak hi nahi rahi thi...ab unko kya malum ki vo ek pari hai jiske liye ye sab karna chutki bajane ke jaisa hai

Urmila—beti tum sach much ki laxmi ho.....har kaam itni safayi se aur itna jaldi kar liya tumne...meri 3-3 naukrani milke bhi din bhar me itna nahi kar pati hain...upar se itne prakar ka khana...kaha se sikha beti tumne

Sonalika—bas mummy ji...karte karte aane laga sab

Urmila—jis ghar me bhi tum bahu banke jaogi vaha khushiya hi khushiya hogi

Sonalika—to phir mujhe yahi rahne dijiye na….apne paas

Urmila—mai to rakh lu beti…lekin tumhare rishtedar kya kahenge phir…aur logo ko kya kahungi

Sonalika—vo sab rishtedar mere koi sage thode hi hain….bahut dur ke hain…jinhone aaj tak hamare bare me kabhi puchha tak nahi….aur phir aap hi to kah rahi thi ki mai jaha bhi bahu banke jaungi to aap hi mujhe yaha rakh lijiye bahu nahi to naukrani hi samajh ke

Urmila—tu naukrani nahi aaj se meri beti hai....lekin adi kisi aur ko pasand karta hai beti...aur main apne bete ki khushiyo ki dushman nahi ban sakti

Sonalika—main apko kaha kuch karne ko bol rahi hu….bas aap mujhe yaha rahne de bas....baki mai khud dekh lungi…..pls mummy ji

Urmila—chal..chal theek hai….tu ab se mere hi paas rahegi....khush

Sonalika—thank you mummy ji….aap bahut achchhi hain

Urmila—chal main adi ko utha deti hu lunch ke liye

Sonalika—main hu na mummy ji…aap bas baithiye..mai unko utha ke aati hu

Mai apne bistar par mast need le raha tha ki tabhi mujhe apne hotho par kisi ke jor se kaatne se dard hone laga..to mai hadbadakar uth gaya…magar vaha to koi bhi nahi tha….mujhe samajhte der nahi lagi ki ye harkat sona ki hai

Mai—sona samne aao…dekho main janta hu ki tum yahi ho

Sonalika turant mere samne akar hihihi karne lagi

Mai—ye kya harkat hai…?

Sonalika—apne hone wale pati ke hotho ki chummi lena to patni ka dharam hai..

Mai—dekho mai pahle bhi samjha chuka hu ki mai margret ko chahta hu

Sonalika—to chaho na maine kab roka hai…ek se bhale do…ab do biwi ho jayengi

Mai—chup karo apni ye bakwas...aur ha kal subah hi hum Parilok ja rahe hain

Sonalika—mummy ji se pahle puch lena…vo jab mujhe jane de tab na...

Mai—jarur tumne unko kuch ulti sidhi patti padhayi hogi....lekin kal jana hai to jana hai samjhi

Sonalika (muh banakar)—chal ke khana kha lo

Mai—wah mummy maza aa gaya…aaj to aapne kya mast khana banaya hai….aap aisa hi roj banaya karo

Urmila—ye maine nahi sona ne banaya hai

Mai—ye kankad bhi na...isko kuch dikhta bhi nahi hai....bekar khana hai ekdam

Urmila—chup kar....mujhe pata hai...kaisa khana hai

Mai—mummy ye bahut chalu ladki hai....iski baato me mat aana

Urmila—mujhe pata hai....bahut hi nek aur sushil hai bechari

Mai (dhire se)—ho gaya kalyan... ‼

Aaj ka din aisi hi nok jhok aur pyar takrar me nikal gaya….maine raat me dhyan me baith kar apni urja ko sanchit aur niyantrit karne laga..phir jakar so gaya

Subah mummy ke uthane se meri need khuli to mai buri tarah chounk gaya….kyon ki mummy samne khadi thi aur sonalika mujhse chipak ke so rahi thi

Urmila—adi beta uth jao... ?

Maine jaldi se sona ko uthaya vo uth kar gayab ho gayi...maine gate khola to mummy coffee liye khadi thi

Mai—mummy aaj mai sona ko leke uske relatives ke yaha jaunga thodi der me…aap use ready hone ko kah dena

Urmila—vo ab yahi rahegi

Mai—mummy unke relatives se maine baat ki thi raat me….unhone aaj hi bulaya hai (jhooth)

Urmila—lekin beta vo vaha khush rahegi ki nahi...yaha ek hi din me kitna ghul mil gayi hai mujhse

Mai (mann me)—ghul mil nahi gayi hai....apko ullu bana rahi hai vo

Mai—ha ye to hai...

Tabhi sona bhi aa gayi…maine usko ready hone ko kah diya…usne nakli anshu bahana chalu kar diya

Urmila—mat ro beti…..agar vaha tujhe achcha na lage to tu vapis aa jana adi ke sath hi

Mai—sab achcha lagega mummy

Sonalika—mai vapis aa jaungi mummy…mujhe apke paas rahna hai

Urmila—adi unko samjha bujhakar meri bahchi ko vapis le aana samjhe...nahi to mujhse baat mat karna

Mai—ajib musibat hai...ok mom

Breakfast karne ke baad mai sonalika ko lekar ghar se nikal gaya...aur ek khali jagah dekh vaha se gayab ho gaya...

Ek jhatke me hi hum Parilok me the....vakayi bahut sundar lag raha tha ....lekin vaha bilkul shanti thi

Mai—kya yahi hai parilok…?

Sonalika—haa

Mai—yaha itni shanti kyo hai.... ?

Sonalika—us jadugar kapali ke darr se koi bahar nikalta hi nahi jyada

Mai—kyaa.. ?

Sonalika—ha...uske log jagah jagah isi firak me ghumte rahte hain ki koi pari mil jaye unki hawas poori karne ko...isiliye vo aksar adrishya rahti hain jab tak ki koi jarurat na aan pade

Mai—chalo andar chalte hain

Sonalika—abhi jana sahi nahi hoga....yaha abhi raat hai...din me jana hi theek hoga....raat me shaitani taqat badh jati hai aur vo shaitan ka hi pujari hai

Mai—baat to sahi hai tumhari...to ab kaha chale

Sonalika—paas me ek jagah hai..jaha kuch parilok ke basinde chhup kar rahte hain...vahi chalte hain

Mai—to chalo phir

Hum gayab hokar sona ki batayi jagah par aa gaye...aur ye ek jagah jakar hum bhi let gaye..letne ke baad kab nee aayi malum nahi

Mujhe sona ne uthaya tab tak subah ki safedi phail chuki thi...maine vaha ankh uthakar dekha to lagbhag 14 ya 15 bighe ki jamin , charo taraf ke oonche oonche aur sarsabz pahado se sundar aur suhavne sarovar ke jal ki tarah ghiri huyi thi

Jis tarah charo taraf ke pahado par khushrang phool patto ki bahutayat dikhayi de rahi thi ...ussi tarah yeh jamin bhi nam ghass ki badaulat sabz makhmali farsh ka namuna jaise lag rahi thi

Jagah jagah par pahad se ghire chhote chhote jharne bhi bah rahe the...halanki aajkal pahado ke liye sarsabzi ka mausam nahi hai magar yaha par kuch aisi kudrati tarawat hai jiske sabab se patjhad ka mausam bhi kuch malum nahi padta

Is sthan par kisi bhi tarah ki koi imarat nahi thi magar charo taraf ke pahado me sundar aur suhavni gufao aur kandaraon ki itni bahutayat thi ki hazaro admi yaha khushi se rahkar apna gujara kar sakte the

Inhi gufavo me kapali ke darr se kayi parilok ke nivasi chhup kar adrishya avastha me apne din gujar rahe the

Mai paas ke jharne me jakar pahle fresh hokar achchi tarah taro taza hua aur phir apne agle kadam ke bare me sochne laga

Mai—sona tum mujhe apne mahal ki sanrachna aur jaha tumhare mata pita ko kaid kiya gaya hai ke bare me koi jankari de sakti ho kya..... ? kyo ki iski jankari ke bina mai koi thos kadam nahi utha paunga

Sonalika—haa...mahal ke andar har ah par heero ki nakkasi hai...ek sabha grah hai jisme raj mantrana hoti hai....andar kayi kamre hain shayan ke liye...rasoi ghar hai...kuch kamre mehmano ke liye bhi hain.....mahal ke andar left side me ek tah khana hai...jaha mere mata pita ko kaid karke jadu ki bediyo se jakad ke rakha gaya hai

Mai—aur vo kapali kaha rahta hai... ?

Sonalika—vo mere kamre me hi rahta hai

Mai—aur ye tah khana mahal se kitni andar hai…?

Sonalika—mahal ke beecho beech

Mai—aur vo raj mukut kaha hai…?

Sonalika—raj sabha me hi hai vo....

Mai—theek hai tum mera yahi intazar karna

Sonalika—nahi mai tumhare sath jaungi

Mai—vaha tumhare liye khatra bhi ho sakta hai....pakdi bhi ja sakti ho

Sonalika—khatra to tumhare liye bhi hai.....mai akele nahi jane dungi....itni matlabi bhi nahi hu mai ki tumhe akele khatre me ghir jane du....aur tum bhi pakde ja sakte ho

Mai—mai to khud ko pakadwane hi ja raha hu

Sonalika—kyaaaa... ?

Mai—ha...tabhi to vo log mujhe khud tumhare mata pita tak le jayenge….pahle unko surakshit karne ke baad us kapali ka hisab kitab dekhunga....

Sonalika—mai jaungi tumhare hi sath...chahe jo anjam ho

Mai—theek hai chalo...lekin tum adrishya hi rahna...jab tak mai na kahu samne mat aana chahe jo ho

Sonalika—vo apne jadu se vaise bhi mujhe pahchan lega...adrishya hone par bhi

Mai—uski chinta tum mat karo....vo mai dekh lunga....

Sonalika—theek hai ....jaisa tum kaho

Sona gayab ho gayi to mai bhi mahal ke paas aa gaya…ek jagah teen bhayanak se dikhne vale uske sainik pahra de rahe the…

Mai adrishya hokar ek ke paas jakar jor se uska kaan marod diya…..vo dard se jaldi hi apne us kaan ko sahlane laga….tab tak maine dusra kaan bhi khich diya kas ke

Vo apne hath ki talwar niche fek kar dono hatho se kaan malne laga aur apne charo oor dekhne laga usko aisa karte dekh uska jo dusra sathi bilkul paas me hi tha uske vo jor jor se hasne laga

Jiska kaan maine maroda tha usne jab apne sathi ko haste dekha to use laga ki isne hi ye kiya hai vo ye soch hi raha tha ki maine dusre wale ko jor se ek thappad jad diya…

Vo gaal sahlate huye pahle vale ko dekhne laga jo ab use dekh has raha tha…maine phir se pahle vale ka kaan khich diya to uski hasi band ho gayi..kaan salne laga…dusra hasne laga

To maine uske dusre gaal par bhi chipka diya…uski bhi hasi band ho gayi…aise hi maine doteenbaar unke sath yahi kiya..ab dono hi ek dusre ko gusse se dekh rahe the

Pahla—tune mere kaan kyo marode…?

Dusra—tune mere thappad kyo mara…?

Maine ek baar phir se yahi kiya..phir kya tha…dono ek dusre par toot pade…unko aise apas me ladte dekh teesra bhi vaha aa gaya aur unko chhudane laga to maine usko bhi chipka diya dono gaalo par vo bhi aav dekha na taav leke talwar kud gaya maidan me

Kuch hi der me teeno ne ek dusre ko khatam kar diya…mere andar jane ka rasta saf ho gaya to mai chup chap ghus gaya andar

Sonalika adrishya hokar ye sab dekh rahi thi aur mann hi mann khub has bhi rahi thi….magar andar jate hi vo dikhayi padne lagi….shayad ye us jadugar ka jaduyi jaal tha..jiske andar aakar vo khud ko adrishya nahi kar pa rahi thi