Antarvasna Sex चमत्कारी

[hotaks]

UPDATE*36


Ab tak uske sainik thak chuke the mujhe maarte maarte.....to mujhe aise hi adhmara karke chale gaye......vo to mere paas shaktiya thi jinke karan mera dard jaldi kam hona shuru ho gaya arna mera to kalyan hi kalyan tha...

Raat me jagna tha aaj mujhe to mai abhi niche jamin par letkar so gaya....shaam ko ek baar phir meri khatirdari huyi....khana to mila nahi.....raat hote hi mai apne mission ke baare me sochne laga

Ab aage......

Jaise hi raat huyi to mujhe yahi sahi waqt laga sona ke mata pita ko talash karke un tak pahuchne ka.. kapali ko shayad apne shaitani taqat par jarurat se jyada bharosa tha jiske chalte usne tah khane me nigrani karne ke liye sainik nahi lagaye the

Mai vahi baith kar kuch der dhyan lagaya aur apni talwar se uski jaduyi bediyo ko kaat kar apne se alag kar diya aur vaha se adrishya ho gaya

Main ghumte phirte vaha ki har ek kaal kothri ko check karne laga......ek me mujhe kuch parilok ke log bandi dikhayi diye ...lekin inko azad karane se pahle mujhe apna kaam niptana tha aaj raat hi jiske liye main yaha aaya tha

Unko aise hi chhodkar mai aur aage badh gaya lekin unka koi surag nahi mila....maine dhyan me ankhe band karke unhe dekhne ka prayas kiya lekin vaha pahuchne se pahle hi mera dhyan toot jata tha

Shayad kapali ne unke charo oor kisi majbut jadu ka ghera banaya hai jiske karan mai dhyan me bhi unhe nahi dekh pa raha tha

Mai tahkhane me hi kafi der is kone se us kone tak ghumta raha.....aise hi ghumte ghumte mera dhyan jamin par gaya

Mai (mann me)—yaha to maine poora dekh liya...ab tak koi surag nahi dikha jabki sona ke anusar unko yahi kaid kiya gaya hai...unhe jamin nigal gayi ki aas man kha gaya.....ha... jamin ke andar...chalo ye bhi dekh leta hu

Mai power ki madad se jamin ko scan karne laga....mujhe ek jagah ki jamin thoda uthi huyi nazar aayi to maine usi jagah se adrishya halat me andar chala gaya...

Vaha ek bahut badi surang thi...tahkhane ke niche....mai usi surang ke raste aage badhne laga....ek jagah mujhe surang ke andar bhi tah khana nazar aaya

Mai usi tahkhane ke andar sidhiyo ke raste jane laga...jaise hi maine apna pair akhiri paaydan se niche rakha to kisi adrishya shakti ne mujhe utha ke dur fek diya vapis upar

Mai samajh gaya ki yaha kapali ne kuch intazam kar rakha hai....mujhe ye bhi ashanka thi ki agar mai is jaduyi jaal ko todta hu to sambhav hai ki kapali ko turant iska pata chal jaye aur mai abhi uski nazar me nahi aana chahta tha

Main bhi ye maan gaya ki kapali ek bada jasugar hai jo adriya shakti ko bhi apne jaduyi area me aate hi pahchan gayi

Maine ankhe band karke apni divya drishti ko tez kiya to mujhe vaha par adrishya halat me kayi vampire khade dikhe...mai ye bhi samajh gaya ki mujhe aage badhne se rokne wala kapali ka yaha banaya hua shaitani suraksha kawach hai

Maine apni talwar nikal kar ready hua aur uske kawach par prahar kar diya …meri talwar shaktiyo ka bhandar thi…kapali ka kawach uske prahar ko nahi jhel paya aur vo ek hi vaar me dhwast ho gaya

Kawach tootte hi sare vampires visible ho gaye.....aur ek dusre ko dekhne lage..mai unke samne visible huye bina apni talwar ko unki oor fek diya....

Meri talwar bari bari se un sabke aar paar hoti huyi vapis mere paas aa gayi..unke sharir me aag lag gayi...vo apne bachao me yaha vaha bhagne lage aur kuch hi der me rakh ka dher ban gaye

Mai ab visible hokar apna pair niche rakha aur aage badh gaya...mujhe vaha ek kaid khana dikha.. jaha ek mard aur ek aurat ko janjeero me jakad ke rakha gaya tha

Maine apni talwar se us kaid khane ka lock tod andar chala gaya...mujhe dekh kar vo ghurne lage jaise koi ajib prajati ka jeev dekh liya ho

Mard—koun ho tum.. ? dekhne se to adamjat lagte ho... ?..lekin kisi adamjat ka yaha tak aana sambhav nahi…tum jarur kapali ki maya ka koi chhal roop ho

Mai—kya aap hi Parilok ke maharaj aur sonalika ke mata pita hain…..?

Aurat (adhirta se)—ha ...mai hi uski mata hu.....kaha hai meri beti... ?

Mard—kaisi bate karti ho maharani.... ?..ye kapali ka koi naya jaal hai....warna uske jaduyi kawach ke rahte koi aa sakta hai yaha... ?

Mai—aapne bilkul sahi kaha..maharaj...mai ek adamjat hi hu...aur yaha earth se aap dono ko kapali se azad karane apki beti sonalika ke kahne par hi aaya hu

Mard—nahi...tum jhuth bol rahe ho....bhala ye kaise sambhav hai….?

Mai—pahle aap dono yaha se bahar nikaliye ....mai apko sab vistar se samjha dunga...vaise bhi kawach ke tootte hi ab tak kapali ko iska pata chal gaya hoga…mere paas samay kam hai

Aurat—lekin hum tumhari baat par bharosa kaise kar le.... ?

Mai—asha par hi akash tika hai.....jaldi chaliye yaha se....

Aurat—mai to kahti hu...iski baat maan lete hain...vaise bhi yaha rahkar bhi to marna hi hai to iske sath jane me kya fark pad jayega

Mard—shayad aap sahi kahti hain…lekin ye bediya

Mai—mai abhi tod deta hu inko

Maine talwar se dono ki janjeere kaat di....talwar ko dekhte hi dono chounk gaye…mai unke hairan hone ki vajah samajh gaya kintu abhi munasib samay nahi tha unhe kuch samjhane ka

Mai unko lekar bahar nikala aur adrishya hokar usi kaid khane me aa gaya jaha maine kuch logo ko kaid me dekha tha....mai dono ke sath visible ho gaya

Vo sab apne maharaj ko dekh kar khush ho gaye...maine unki bhi bediya jaldi se kaat kar apne sath liya aur surang ko visfot karke apne liye vaha se ek naya rasta banakar bahar nikal gaya

Mahal se bahar nikalte hi mai unhe lekar usi raat wali pahadi aakar visible ho gaya....khud ko mahal se bahar dekh kar dono bahut khush huye

Sath hi vaha par adrishya hokar rahne wale parilok ke niwasiyo ne jab apne maharaj aur maharani ko dekha to vo sab vaha akar visible ho gaye

Dono apne logo ko yaha pakar rahat mahsus karne lage aur mere upar unhe kuch vishwas bhi hone laga

King—tum koun ho adamjat.... ?..hum tumhara ye ehsaan kabhi nahi utar sakte

Mai—mera naam aditya hai….aur maine koi ehsaan nahi kiya hai aap par…maine apna farz aur vada nibhaya hai jo maine rajkumari sonalika se kiya tha

King—kaisa vada…?

Mai—aap dono ko kapali se azad karane ka

Queen—kaha hai meri beti... ? mujhe uske paas le chalo…bas ye ehsaan aur kar do ek maa par

Mai—apki beti abhi mahal me kapali ki kaid me hai

Dono—kyaaaa....kapali ki kaid me... ?

Mai—ha..lekin aap chinta na kare..vo poori tarah surakshit hai

King—kapali ki shaitani nazar jis par pad jaye vo bhala surakshit kaise ho sakta hai…?

Mai—mera banaya kawach uski hifajat karega….usko todna kapali ke bas me nahi hai…aur kawach tode bina koi bhi uska ahit kar nahi sakta

Tabhi ek niwasi jo shayad yaha ka senapati hai vo aage aakar dono ko pranam kiya

Senapati—maharaj ham aaj hi mahal par hamla kar ke rajkumari ko chhuda layenge

Mai—isse tumhara hi nuksan hoga….kapali ki nazar me tum sab aa jaoge…jo is samay maharaj aur maharani ke apni kaid se azad ho jane par baukhlaya hua hoga

King—tum shayad theek kahte ho….par hame kuch to karna hi hoga na

Mai—rajkumari ko azad karane ke liye kapali ko maarna ya harana hoga….jo abhi raat me mushkil kaam hai….kal din me hi kuch ho payega

King—tumhare paas ye talwar kaise aayi…? Ye to vahi adbhut talwar hai jise bahut se log hasil karna chahte the iski shaktiyo ko…magar koi nahi khoj paya ise

Mai—ji maharaj ye vahi adbhut talwar hai aur bhagwan shiv ka ashirwad bhi

Phir maine unko sari kahani kah sunayi…jise sun kar maharaj aur baki sab niche mere aage hath jod kar baith gaye…mai ye dekhkar hairan ho gaya

Mai—ye aap log kya kar rahe hain….?

King—aaj se aap hi hamare parilok ke maharaj hain

Mai—nahi…mujhe koi maharaj nahi banna….mai insan hi theek hu

King—Parilok ke pahle raja aap hi hain….aap unka hi punar janam hain

Mai—ab ye kya nayi kahani hai maharaj…?

King—ye kahani nahi haqiqat hai

Mai—mai kapali se kal apke parilok ko azad kara kar yaha se chala jaunga…aap apna parilok sambhaliye

King—theek hai…lekin meri ek vinti to manoge

Mai—kahiye

King—hamare parilok ka raj mukut aur vo singhasan kewal apne pahle raja kohi swikar karega….. unke baad aaj tak us mukut ko koi nahi chhu paya aur na hi us singhasan par baith saka… agar vo dono apko swikar kar lenge to ye sabit ho jayega ki aap hi hamare maharaj hain…yaha tak ki ye talwar bhi unki hi hai..jise unke alawa koi nahi pa sakta

Mai—theek hai…mujhe manjur hai….aur agar usne mujhe swikar nahi kiya to

King—to aap sirf ek bahadur yoddha hain bas

Mai—theek hai

King—apko meri putri rajkumari sonalika se vivah bhi karna hoga

Mai (mann me)—abhi beti shadi karne ke liye mere piche hath pair dho ke padi thi ab baap bhi shamil ho gaya….kal kapali se chhutkara dila ke mai chup chap yaha se khisak jaunga nahi to ye log jabran mere gale me ghanti bandh denge

Mai—ye nahi ho sakta maharaj…mujhe kshama kare

King—akhir kya kami hai meri beti me…?

Mai—koi kami nahi hai usme….darasal mai kisi aur se vivah ka vachan de chuka hu

King—to isme badi baat kya hai... ? ek raja ki kayi rani hoti hain

Mai—hamare earth me koi raja nahi hota hai…aur vaha ek se jyada shadi karna apradh hai

King—ye meri vinti hai apse

Mai—uthiye maharaj….mai apko shadi ka koi vachan nahi de sakta…mafi chahta hu main

Hum aise hi bate karte subah hone ka intazar karne lage...vahi dusri oor mahal me apna shaitani kawach ke tootne ka turant kapali ko pata chal gaya....vo bahut hairan ho gaya...aur turant sainiko ko bulaya

Kapali—jao..turant jakar dekho ki tahkhane ke andar surang me koun ghusa hai...jisne hamare kawach ko tod diya...jao.jaoooo

Sabhi sainik (vampires) turant vaha se chale gaye...aur kapali ne apni jaduyi chhadi ko utha kar ghumane laga

Kapali—meri jaduyi shakti mujhe surang ka poora haal dikha...kisne mere kawach ko todne ka dussahas kiya hai......dikha mujhe....shaitan jindabad

Tabhi kapali ke samne abhi surang me jo kuch bhi hua vo sab live telecast hone laga....jise dekh kar vo aag babula ho gaya

Kapali (gusse me)—nahi...ye nahi ho sakta....koi mere itne shaktishali shaitani kawach ko nahi tod sakta…vo bhi ek tuchchh adamjat.....lekin uske paas ye adbhut talwar kaha se aayi....mera kawach is talwar se hi toota hai...mai ab inme se kisi ko jinda nahi chhodunga...

Usne apni shaitani shakti se hamari vartman location pata karne ki koshish ki lekin hum uski jaduyi seema se bahar aa chuke the...jisse vo apni haar se aur bhi gussa hone laga aur apne sainiko ko bula liya

Kapali--sainiko

Sainik—ji malik

Kapali (jor se)—jao aur us adamjat ko talash kar ke khatam kar do ….unke sath agar maharaj aur maharani dikhe to unkobhi maar do….jao…isse pahle ki vo hamari seema se bahar nikal jaye..talash karo unko…shaitan jindabad

Sabhi sainik hamari khoj me nikal gaye