Antarvasna Sex चमत्कारी

[hotaks]

UPDATE*44


Raat me sote huye achanak mujhe apne pairo me kuch geela geela sa mahsus hua …aisa laga jaise ki koi mere pairo ke paas baith kar ro raha hai chup chap

Ye dekhne ke liye ki koun hai maine apni ankho ko thoda sa khol ke samne dekha to mera dil ro pada mujhe khud par gussa aane laga..kitna galat tha mai

Ab aage…………

Sona mere pairo ke paas baith kar rote huye kuch badbada rahi thi…..mujhe kafi hairat huyi ki din bhar sabko apni ungliyo par nachane wali ye ladki ro kyo rahi hai….?

Mujhe uska rona bahut ajib lag raha tha…mai uski bato ko dhyan dekar sunne laga jo vo rote rote kah rahi thi…poora chehra anshuo se bhiga hua tha

Sona (rote huye)—mujhe maf kar dena adi……aaj tumne gusse me mujhe jane ko kah diya…..galti meri hi hai…mai hi jabardasti tumhare piche padi huyi hu……ye jante huye bhi ki tum margret ko pasand karte ho…

Sona (rote huye)—maine tumhe pane ke liye mummy ji se bhi jhuth bola……unke sachche aur bhole pan ka fayda uthane ka aur maa bete me avishwas paida karne ka ghor maha paap kiya hai…mai tumhare layak nahi hu…mai tumhari aur margret ki zindagi se bahut dur chali jaungi…aaj se mai tumhe shadi karne ke dabav se mukt karti hu

Lekin mai sach kahti hu ye sab maine jaan bujhkar nahi kiya….mai to bas mummy ko shadi ke liye razi karna chahti thi bas….magar anjane me tumhara hi dil dukha baithi…jise apne dil me bithaya uske hi dil ko mere karan thes pahuchi

Sona (rote huye)—mai ye bhul gayi thi ki pyar hasil nahi kiya jata balki pyar to apne aap ho jata hai tumhara pyar mai jabardasti pana chahti thi….lekin aaj tumne jab mujhe kaha ki mai apne liye koi dusra khoj lu to mujhe ehsaas hua ki tum to mujhe chahte hi nahi

Maine mummy ke mann me ek bete ke liye jo vishwas todne ka kaam kiya hai…ab mai hi use theek bhi karungi……mai yaha se kuch gahne mummy ke le ja rahi hu……jisse vo mujhse nafrat aur aap ki baat par phir se vishwas karne lagengi

Adi mere dil me sirf tum ho aur hamesha rahoge…..mai tumhe nahi pa saki to kya tumhari ek photo liye ja rahi hu apne sath…..iske sahare hi mai apni jindagi kaat lungi…..ho sake to mujhe maf kar denaaa..aur ha parilok ke raja tumhi rahoge aur margret maharani….agle mahine dono vahi jakar shadi kar lena.. I Love You adi…..I Love You…very much

Mai sona ki bate sun kar hatprabh rah gaya……ek chanchal aur shokh pari ke andar itna sundar dil bhi hai…mujhe ab malum pada

Mai aaj tak use apne sar par jabardasti ka bojh maan ke pareshan rahta tha…vo kewal naam ka hi nahi sach much ka sona nikla

Maine hi to use shadi ka vachan diya tha…jise mujhe apna kartavya samajh ke nibhana chahiye use mai majburi maanta raha….maine soch liya ki mai use uske hisse ka pyar dunga

Mai use samjhane ke liye jaise hi apni soch se bahar aaya to use dekhne laga kintu vo to kab ki ja chuki thi…mere mann me bechaini si hone lagi…

Bahar aakar maine use khojne ki koshish ki is ummid me ki shayad abhi yahi kahi ho vo lekin mujhe kahi nahi mili….mai usi bechaini ki halat me room me aa gaya aur chup chap let gaya

Mai apne aap ko bahut chhota mahsus karne laga….jab meri bechaini had se jyada badhne lagi …to maine apni ankhe band karke dhyan lagane laga khud ke ashant mann ko shant karne ke liye

Dhyan me leen hote hi mujhe mere antarmann me gurudev ashtavakra ki mridul awaz sunayi padi…

Gurudev—ankhe kholo putra

Mai—pranam gurudev

Gurudev—sada kalyan ho vats…..bahut vichlit dikhayi de rahe ho..kya baat hai…?

Mai—gurudev ye kaisi pariksha hai meri…?…mai kuch nirnay nahi kar pa raha hu...kripaya mera marg darshan kare gurudev

Gurudev—bhagwan shiv ko prashnna karke unse gyan prapt karne wala mera shisya itna kamjor aur agyani kaise ban sakta hai…?

Mai—mujhe samjhaiye gurudev

Gurudev—tum aaj tak in shaktiyo ko bojh mante aaye ho….tumne prem ko aaj tak samjha hi nahi… prem use nahi kahte jo badle me apne premi se kuch pane ki lalsa kare…prem tan se nahi mann se hota hai….lekin tumne sirf tan se hi prem kiya hai

Mai—par main to margret se sachcha prem karta hu..gurudev

Gurudev—tumhe malum hote huye bhi ki tumhari saat patniya hogi...ise apne sar pe bojh samajhne lage...samanya manav ke liye to tumhari soch theek hai kintu tum to samanya manav nahi to adi

Gurudev—tumhe shaktiyo ka aur apni patniyo ko jimmedari manna chahiye tha...ye vidhi ka vidhan hai tumhari achchaiyo ke karan tumhe shaktiya mili hain...abhi tum apne purva janam se anbhigya ho

Gurudev—sona aur margret ne jo kiya vo unka haq tha....jise tum jabardasti samajhte ho vastav me vo unka prem tha tumhare prati

Mai—lekin unki is harkat se meri maa mujhe galat samajh rahi hain

Gurudev—putra jab tum apni premikao ke prem ko hi nahi samajh paye to ek maa ke prem ko bhala kaise samajh sakte ho......bramhand me aisi koi shakti nahi hai jo kisi maa se uske aulad ke liye prem chhen sake

Mai—to phir vo unka hi paksh kyo leti hain... ?

Gurudev—kyo ki vo sachche prem ki parakh rakhti hain isliye ....aur jise tum paksh lena kahte ho vastav me vo unka apni putra vadhuo ke liye prem tha na ki tumhare upar avishwas ka dhyotak...prem dene ka naam hai....prem ke badle me prem pane ki kamna to bhogi karte hain yogi nahi......aur tum yogi ho adi

Mai—to mujhe kya karna chahiye gurudev... ?

Gurudev—ye faisla karna tumhara kaam hai... ?..har manushya ka apna dharm alag hota hai...aur tumhara dharma hai sabhi ke kalyan ke vishay me sochna na ki apne hit aur anhit ke baare me sochna ye soch bhogiyo ke liye rahne do...putra...kisi ke pyar ka niradar nahi balki aadar karna sikho

Mai—theek hai gurudev...pranam

Gurudev—yashashwi bhav....jao putra apne dayitva ka nirvahan karo

Gurudev ke antardhyan hote hi mera dhyan bhang ho gaya.....maine phir se apni ankhe band karke sona par khud ko focus karne laga...

Vo mujhe parilok me unhi gufao aur kandarao ke paas baithi dikhi jaha maine aur usne ruk kar raat bitayi thi...vo us jagah ko baar baar chum rahi thi

Mai turant uske paas teleport hokar pahuch gaya....jaha vo baithi thi…jakar piche se baho me kas liya

Mai—ab ye kya nayi nautanki hai….?

Sona (rote huye)—adiiii..tum

Mai—tumhe kaise malum ki ye mai hu... ?

Sona (rote huye)—nahi malum... ?..bas dil ne kaha ki ye sparsh mere adi ka hi hai...

Mai—achcha tabhi chup chap bhag aayi mujhe akele chhod kar... ?

Sona—par tum to so rahe the na...phir yaha kaise..... ?

Mai—nahi malum….bas dil ne kaha…mujhe sona ke paas jana hai…to aa gaya

Sona (gale lag ke rote huye)—mujhe maf kar do adi

Mai—pahle kissi do tab mafi milegi

Sona (has kar)—huunnnn….uuummmmmmmmm

Mai—ab chalo yaha se….mummy ke jagne ka time ho gaya hai….aur mere coffee ka bhi

Mai sona ko lekar vapis ghar aa gaya….use maine apne sath hi lita liya...vo bhi khush hokar so gayi

Udhar aliza ke ghar pahuchne ke baad…….

Aliza (gusse me)—dadddd…..mujhe us adi se badla lena hai..usne poore college ke sabke samne meri beijjati hai

Albert (aliza’s dad)—koun adi…?

Aliza—maine apko call karke bataya to tha…..usne hi bhai ki ye halat ki hai

Albert—maine stephen ko bhej to diya tha…use sabak sikhane ke liye

Aliza—usne apke stephen ko kutte ki tarah sabke samne dho diya……ab apka stephen to mar bhi chuka hoga

Albert (shocked)—whatttttt…..?..stephen ko dho dala……?….very interesting….uske sath jo 40-50 gunde bheje the unka kya hua…..?

Aliza—vo sab usse darr ke dum daba ke bhag gaye

Albert—very interesting……mujhe poori baat batao…

Aliza ne albert ko mirch masala lagakar albert ko story suna di jo bhi aaj college me hua….albert kisi gahri soch me doob gaya….

Albert—very….very interesting person…………..

Aliza—kya interesting interesting laga rakha hai…..mujhe usko college se nikalna hai…sabke samne apka bhi mazak udaya usne…

Albert—most interesting…..mera mazak udaya….

Aliza—ha…..aur jab tak vo college se nahi nikala jata mai college nahi jaungi…..i am feeling very bad..dad

Albert—kya..tum uske darr se college nahi jaogi … interesting….tum chinta mat karo……mai kal hi college aakar use aur principal dono ko bahar karta hu….ok

Aliza—pakka na…..lekin use gali vali mat dena….dur se hi baat karna......poora pagal hai vo

Albert—ab to is pagal se milna hi padega....jo ek pagal ko bhi pagal lag raha hai.....interesting

Aliza—daddddd....

Albert—nahi….nahi….beta…tum nahi vo pagal….ye pagal to mujh jaise interesting person se bhi jyada interesting hai



Subah meri need khuli to mere chehre par mushkurahat aa gayi….sona mujhe lipti huyi abhi bhi so rahi thi….sote huye uske gore mukhde par masumiyat jhalak rahi thi

Mai bhi use dekh kar mand mand mushkurane laga….mujhse nahi raha gaya to maine uske hotho ko halka sa chum liya….sona kasmasa kar apna ek pair mere upar taang kar aur bhi jor se lipat gayi..

Magar meri ye khushi jyada der tak barkarar nahi rah saki…karan mere samne ki chair par mummy coffee ke sath baithe huye mujhe hi ghure ja rahi thi

Maine mummy ko vaha dekh kar hadbadahat me apni gardan idhar udhar hila ke ishare me jataya ki maine kuch nahi kiya hai..

Mummy (ghurte huye)—besharam….bilkul bhi sabra nahi hai….laaz aur sharam to bech khaya hai.. coffee pi lena…mai ja rahi hu

Mummy to chali gayi lekin mujhe shock de gayi….maine sona ko uthaya…aaj uske chehre par khushi ki chamak thi….uth kar vo bahar chali gayi

Mai bhi fresh hokar breakfast kiya….dining table par bhi mummy mujhe hi ghur rahi thi..maine fatafat nasta kiya….kuch der shree didi se baat ki aur phir college jane ko ready ho gaya

Sona ke behaviour me aaj badlav tha….uska vo chul bulapan kahi nazar nahi aa raha tha…thodi der me hamari team bhi aa gayi

Margret aate hi mere gale lag gayi….maine bhi use kiss karke apne pyar ka praman de diya…aur hum sab mil ke college aa gaye

Franklin—chalo aaj se hamari koi ragging lene ke bare me sochega bhi nahi ab

Julia—yesss

Sona—chalo class me chalte hain

Mai—tum log chalo…mai thoda bathroom se aata hu

Mai vaha se chala gaya lekin bathroom ke bahar hi kisi se takra gaya...jise dekhte hi mere chehre par ek mushkan phail gayi