Antarvasna Sex चमत्कारी

[hotaks]

UPDATE*48


Abhi hum yahi bate karte huye chale ja rahe the ki kisi ke joro se hasne ki awaz aane lagi….hamne udhar jakar dekha to hum bhi chounk gaye….margret darr ke maare mujhse chipak gayi

Mai—ye koun ho sakta hai…..itna bada……?

Margret—adii…mujhe darr lag raha hai…kitna bhayanak hai

Ab aage………

Hamare samne ek vishal aakaar aur deel daul wala ajib tarah ka jeev tha jo apne charo oor aag ke gole fek raha tha aur sath hi jor jor se attahas bhi karta ja raha tha

Margret (darte huye)—adii…ye koun hai….jo muh se aag nikal raha hai aur itna bada hai…aisa admi to maine kabhi nahi dekha mujhe bahut darr lag raha hai

Sona—daro mat adi hai na sath me

Mai—ye ruk jao…ye kya kar rahe ho….pagal ho kya…?

Vo meri baat sun kar chounk ke hamari taraf dekhne laga….kuch der ghurne ke baad phir se phir se joro se hasna shuru kar diya

"Hahaha…..tum log koun ho…..lagta hai yaha marne aaye ho….hahaha"…..usne haste huye kaha

Mai—tum koun ho….?..ye koun si jagah hai..... ?

"bahut din baad kisi ko maarne ko mila hai....tum sab ko maar dunga....hahaha"....usne kaha aur meri baat ka koi jawab diye bina hi hamari taraf aag fekne laga

Vo to achcha hua ki maine kawach se dono ko surakshit kar diya tha jisse uske aag ke gole kawach se takrate hi thande pad gaye

Use paglo ke jaise aise hamla karte dekh maine bhi apni shaktiyo ko jagrit kar liya…ab main uske har hamle ke liye taiyar tha….abhi bhi vo lagatar aag barsaye ja raha tha lekin uski ye aag hamse takrate hi thandi ho ja rahi thi

Apne dwara hamare upar feke gaye aag ke golo se hame koi nuksan hota na dekh vo aur gusse me aa gaya aur aas paas ke bade bade patthar utha utha kar marne laga

Margret ki to darr ke mare halat hi kharab thi….vo to sona use baar baar samjha kar shant karne me lagi huyi thi lekin usne apne jeevan me pahli baar aisa kuch para loukik jeev dekha tha to uske mann me bhay ka uttapann hona swabhavik si baat hi thi

Uske patthar bhi jab hamara koi nuksan nahi kar paye to vo kuch aur tarika sochne laga….maine use jyada mouka dene theek nahi samjha…isme mera samay hi barbad hota

Vo aur kuch karta isse pahle maine apni jagah se adrishya hokar piche se uski gardan daboch liya….vo apne hath pair chalane laga…..apni poori taqat laga kar bhi jab vo apni gardan meri pakad se nahi chhuda paya to usne apni haar swikar kar li

"Mujhe chhod do…..mai apni haar swikar karta hu"…..vo lagbhag gidgidate huye kahne laga

Mai—pahle pata tu hai koun…? Bevajah ham par hamla kyo kiya.... ?

Vo—mai batata hu....sab batata hu...par pahle meri gardan to chhodo

Mai—pahle sab bata....tera koi bharosa nahi

Vo—mai ek jinn hu.....mera naam....khatra hai...

Mai—jinn.....ye sab kyo kar rahe the.... ?

Khatra—bachpan se hi mujhe apni taqat ka bahut ghamand tha......jinn me main sabse taqatwar jinn hu... apni taqat ke nashe me maine sab ko khub pareshan karta tha....isme mujhe bahut maza aata hai....logo ko tadpa tadpa kar marne me...

Mai—phir..tum yaha kya kar rahe ho...tumhe to apne jinn lok me hona chahiye..... ?

Khatra—vaha sab mujhe dekhte hi chhup jate hain....isliye main ab idhar udhar ghum kar logo ko pareshan karta hu

Mai—ab main tumhe kaid me kar lu to..... ?

Khatra—mai to ab vaise bhi apki kaid me aa chuka hu….ab se aap mere aaka hain aur main apka gulam

Mai—vo kyo…? mai tumhara koi aaka nahi hu

Khatra—aapne mere taqat ke ghamand ko tod diya hai....aaj tak koi bhi mujhe taqat ke khel me nahi hara saka tha kintu aapne mujhe chutkiyo me hi paraast kar diya....yahi hamara niyam hai ki jo hame hara de ya jise chirag mil jaye hum uske gulam ho jate hain

Mai—pahli baat to ye ki mujhe gulam ki jarurat nahi aur dusri mujhe to koi chirag bhi nahi mila

Khatra—ek hi baat hai.....meri taqat hi mera chirag tha...jise aapne pa liya...mujhe apna gulam swikar kare...ab se main har samay aapke sath hi khidmat me rahunga

Mai—mujhe koi gulam nahi chahiye....mai tumhe azad karta hu....jao apna jeevan jio

Khatra—aisa na kare....ye to mera ahobhagya hai ki jo apke jaisa malik mujhe mila hai....shayad isiliye aaj tak mujhe koi na hara saka tha

Mai—theek hai tum mere sath rah sakte ho....lekin gulam ki tarah nahi ek dost ki tarah

Khatra—jaisa aap chahe

Idhar margret aur sona sakte me thi ki main vaha kar kya raha hu....sabse se jyada shocked to margret thi...use aaj jhatke pe jhatke lag rahe the

Halanki use adi ki powers ke bare me pata to tha kintu kabhi uske samne uska prayog nahi hua tha.....yaha aane par pahli dafa usne adi ki power ko jana ....pahle teleport hokar yaha pahuchna aur ye jinn ko dekhna...phir adi ka uski gardan dabochna....sab jaise ek sapne ki tarah ho raha tha uske samne

Sapna hota to bhi chal jata kintu ye sab to uski khuli ankho ke samne ho raha tha….isiliye uske mann me darr aur vishmay dono ke bhav the

Margret—ye adi...itni der se vaha kya kar raha hai... ? aata kyo nahi jaldi.... ?

Sona—lagta hai adi ne us jinn ko pakad liya hai...

Margret (ankhe phad kar)—kkkk..kkyyaaaaa..yyyye...jinnnn haiii....... ?

Sona—ha..ye jinn hi hai….aur bahut khatarnak bhi

Abhi dono apas me bate kar hi rahi thi ki khatra jham karke achanak unke samne aa gaya.....dono aise achanak se use apne paas me dekh kar bahut joro se darr gayi aur kaamp kar piche ki taraf dhadam se gir gayi

Dono (kaamp kar khata ko samne dekh)—huuaaaaaaaa

Margret (darr se chillate huye)—mummyyyyyy.....marrrr gayyyiiiiiii....jinnnnnn...neeeee...khaaaa...liyyyaaaaa... adiiii.......bachaoooooo........bachaooooooo.......adiiiiiiiiii.......khaaaaaa.....liyyyaaaaaa

Mai (jor se)—ye chuppp.....jabardasti gala phad rahi hai.....yahi hu main....koi nahi kha liya

Margret—ye.....ye...kha lega...mujhe....

Mai—vo nahi kha lega tumhe….chalo utho…pagal….mai hu na….vo ab hamara dost hai

Sona—kyaa dost.... ?

Mai—ha...isse koi khatra nahi hai hame.....ye khatra hai

Margret—aaaaaaaaaa…..bachaaoooo

Mai—ab kya hua….kyo chilla rahi ho….?

Margret (dhire se)—tumhi ne to kaha ki ye khatra hai

Mai (apna sar pakad)—ufffffff....arey mei maa....iska naam khatra hai....vo khatra nahi jo tum samajh rahi ho

Margret (bholepan se)—to aisa bolo na....dekho mera dil kitni jor se darr se dhadak raha hai

Sona—ye khatra jinn haiiiii

Mai—ab tum mat shuru ho jana

Margret—kyaa...ye hamare sath rahegaaaa...... ?

Mai—haa….aur yaar tum na apna ye huliya change karo…..nahi to ye raat me tumhe dekh kar aise hi darr ke chillayegi aur meri need kharab kar dengi

Khatra—jo hukum mere aka

Khatra ne apna huliya change karke ek 20-22 saal ke ladke ka kar liya….tab kahi jake dono khaskar margret kuch shant huyi

Mai—khatra ab mujhe batao..ki ye jagah koun si hai aur is gaon ka aisa vichitra haal kyo hai jo yaha koi nahi rahta..?

Khatra—ye gaon ka naam daal hai…aur iske aage jo gaon hai uska naam nikaal hai….kalantar me ye gaon bhi bahut khush haal aur samriddh tha…par yaha kisi ki buri nazar lag gayi…..aaye din yaha se chhote chhote bachche gayab hone lage…kabhi kabhi to jawan ladke aur ladkiya bhi gayab ho jati thi jinka koi pata nahi chalta tha

Sona (kaan me)—ye kitna sundar naam hai na adi…pahle daal aur phir nikaal

Mai (dhire se)—chup..besharam Pari…jab dekho tere mann me yahi sab chalta rahta hai

Mai—ha..khatra tum aage batao..

Khatra—logo ne maan liya ki jagah shrapit ho chuki hai…unme dahsat ka mahoul ban chuka tha…logo ne darr se shaam ke baad ghar se bahar nikalna tak chhod diya tha….lekin usse bhi jab koi fayda nahi hua to logo ne chup chap rato raat ye gaon chhod kar kahi aur chale gaye

Sona—to tum yaha kya kar rahe ho…..?

Khatra—aap dono mere aaka ki biwi ho to meri bhi malkin huyi….yaha sab apna khana pina chhod kar bhag gaye …mujhe khana bahut pasand hai….isliye mai yaha ruk gaya….aram se kha pikar sota aur idhar udhar ghum kar logo ko pareshan karta bas

Mai—ye jagah dharti me hi hai na..... ?

Khatra—nahi mere aaka....ye jagah shikargarh hai…..ye jinn lok aur parilok ke beech me hai…..shikargarh me kul 2100 gaon hain….jinme se 2000 gaon me shaitan ka raaz chalta hai….ye bhi gaon ab uske kabze me aa gaya

Sona—to tumhe kuch kyo nahi hua.... ?

Khatra—maine apni 10000 saal ki jindagi me pahli baar aaj haar ka swad chakha hai….vaise bhi mai raat me jinn lok chala jata tha

Margret--Kyaaaaaa kaha...10000 saal ....?

Khatra--ji malkin yahi meri umra hai

Mai khatra ki baate sunkar chounk gaya kyon ki mai bhi to un bachcho ke karan hi ghar se nikla tha…mujhe is gaon ka dhyan me dikhne ka rahasya ab samajh me aane laga tha

Mai—achcha koi jankari hai ki in bachcho ko gayab koun karta tha…?

Khatra—iske bare me kisi ko pata nahi…..lekin ha…ek budhiya rahti hai..aage nikaal gaon me..kintu vo pagal hai.. agar vo achchi hoti to shayad kuch bata pati

Mai (shock)—kya ek pagal budhiya…?..to vo kyo nahi gayi sabke sath…?

Khatra—vo to pagal hai na…use kya pata darr kya hota hai….bas raat din ulta sidha bad badati rahti hai…uske to koi paas me bhi nahi jata tha…na use koi gaon me ghusne hi deta tha….hamesha bhatakti rahti thi bechari.. use apne sath koi lekar gaya bhi nahi

Ab mere mann me usse milne utsukta aur bhi prabal ho gayi….mai mann hi mann sapne se judi har kadi ko ek dusre se jodne laga

Mai (mann me)—pahle mujhe shmashan me un masum bachcho ki bali ka sapna aaya…phir sapne me hi vo lal pani ki nadi dikhayi di…phir vo jungle dikha….dhyan lagane par ye gaon dikha…gaon pahuchne par khatra (jinn) mila……is gaon me bhi bachcho ki apharan ki baat samne aayi…iska matlab is gaon ka sambandh mere sapne se jarur hai….ab vo pagal budhiya ka jikra aaya….to ho sakta hai ki usse milne ke baad koi aur rahasya samne khul kar aaye…..

Mai—hame jald se jald uss budhiya se jakar milna hoga

Margret—par vo to poori pagal hai na..adii

Khatra—par usse aap ko kya kaam ho sakta hai, aka... ?

Maine khatra ko sapne wali poori baat bata di...jise sun kar vo bhi bahut hairan hua

Khatra—aise to bahut se tantrik aur shmashan hain shikargarh me….kintu jaisa aapne bataya vaisa to maine bhi nahi dekha ya suna

Mai—tabhi to maine kaha ki hame uss budhiya se milna bahut jaruri hai..vo bhi jitna jaldi ho sake

Khatra—uska koi thour thikana to hai nahi pakka ki ek jagah par mil jaye….ha use chalke dono gaon daal nikaal me khojna padega

Sona—par itna jaldi kyo.... ?

Mai—vo isliye kyo ki agar ye gaon shaitan ke kabze me hai to jahir hai ki use hamare yaha aane ka abhas ho jaye aur vo hamare pahuchne se pahle hi uss budhiya ko maarne ki koshish bhi kar sakta hai

Margret—agar vo budhiya koi chudail vudail huyi tooooo.....vo mera poora khoon pi legi tooooo.. ?

Mai—arey chupp.....tera khoon pi legi...pagal...jab kaha na ..mai hu na sath me tumhare

Khatra—theek hai chaliye.....usse din me hi milna uchit hai....raat me ye jagah rukne layak nahi hai... raat me yaha kuch bhi ho sakta hai…

Mai—tum theek kahte ho...chalo

Phir hum khatra ke sath milkar gaon ke ek ek ghar me ghus kar uss budhiya ko khojne lage