Antarvasna Sex चमत्कारी

[hotaks]

UPDATE * 56

Mai shmashan ke bahar se hi naravali ki kriya ko dekh raha tha….ab mujhe pahle uski is tantrik kriya ko khandit karna tha lekin ye itna asaan bhi nahi tha

Usne charo taraf apna tantra jaal bichha rakha tha…..par phir bhi kuch na kuch to karna hi tha….aur kuch karne ke liye is haddiyo se lagi boundry ko todna nitaant avashyak tha

Mai—tum sab yahi rukna...mai is ghere ke andar jane ka prayas karta hu….mere piche piche mat aa jana tum log

Margret—nahi hum tumhe akele nahi chhodenge

Sona—margret theek kahti hai

Mai—bewkoof ladkiyo….agar tum log andar aaoge to mera poora kaam hi bigad jayega…..phir tum logo ko shayad mai bhi na bacha pau….mai vaha koi khel khelne nahi ja raha hu samjhi

Khatra—mai apke sath chalu kya..malik….?

Mai—nahi....tum bhi ek minute me uske changul me aa jaoge...tum bahar rahkar inki hifajat karna....aur chitra tum bhi yahi rahna...samajh gayi...nahi to maine to tumhe kaid nahi kiya kintu ye tumhe nahi chhodenge

Maine unhe samjha kar aage badhne ki yojna banane laga ki kaise is jaal ko todna hai….maine adrishya hokar hi boundry ke andar jane ki koshish ki to kisi adrishya shakti ne mujhe piche dhakel diya

Maine apni talwar ko yaad kiya to vo mere hatho me aa gayi......mai talwar se sidhe ek haddi ke upar latki khopdi par vaar kiya....jisse vaha charo taraf aag ki lapate uthane lagi

Kintu jis khopdi par maine vaar kiya tha vo dhwast ho gayi aur uski jagah ek dusri khopdi ne le li....aag jalte hi sabhi rakshak satark ho gaye

Unhe samajh me aa gaya ki koi unke shaitani suraksha ghere ko todne ka prayas kar raha hai....kintu mere adrishya hone ke karan vo dekh nahi pa rahe the

Maine teen char baar aise hi kiya jisse ki mujhe andar jane ke liye rasta thoda khul jaye magar har baar ek nayi khopdi aa jati purani ke nashta hote hi

Next time maine haddi hi niche se kaat di aur use andar ludhka diya....lekin vo bhi kutte ki dum hi nikli....vapis vahi aakar jam gayi...is dauran poori shnashan ki boundry me aag lagi huyi thi

Naravali ke log pareshan ho gaye ki ye koun hai jo baar baar andar ghusne ki koshish kar raha hai aur abhi tak jivit bacha hua hai...kintu mujhe dekh na sakne ke karan kuch bhi nahi kar sakte the

Maine is baar niche baith kar ek sath 8-10 haddiyo ko niche se kaat kar unhe andar gira diya aur unke vapis apni jagah aane se pahle hi turant jump maar ke unke suraksha ghere ke andar ghus gaya...vo kaati gayi haddiya punah kapal sahit apni purvavastha me aa gayi

Andar ghuste hi mere sharir me tez dard hone laga....saans lene me taklif hone lagi....main niche baith kar apne aap ko dhyan me dubone laga ....jisse dhire dhire ye dard kam hota gaya

Jab ye kafi had tak kam ho gaya to main phir se apne mission ko anjam dene ke marg path par agrasar ho gaya…ab mujhe sabse pahle naravali ki kriya bhang karni thi

Mai utha kar khada ho gaya aur jaise hi aage badhne laga ki mere samne shmashan ka malik mashan aa gaya....is shmashan ka devta bhi kaha jata hai

Mashan—tum yaha se aage nahi ja sakte....behtar yahi hoga tumhare liye ki tum vapis lout jao....mai tumhe koi nuksan nahi pahchaunga

Mai—mera pranam swikar kare mashan dev.....mai apne pran bachane ke liye in masumo ki bali nahi chadhne de sakta...mujhe kshama kare

Mashan—usne mujhe apni siddhi se prapt kiya hai....ataev mai majbur hu....agar tum vapis nahi loute yaha se to mujhe tumko aaghat pahuchana padega

Mai—theek hai aap apna farz nibhaiye aur mai apna....kintu is papi ko dandit kiye bina mai yaha se hargij nahi jaunga

Mashan—to phir tumhe mujh se yuddh karna hoga

Mai—is samay agar mujhe swayam kaal se bhi yuddh karna pada to unse bhi avashya karunga….kintu vapis nahi jaunga

Iske baad hum dono apas me bhid gaye….usne mujhe utha kar dusre kone phek diya….mai jaise hi khada hone laga to usne phir se dusri taraf utha ke patak diya

Vo baar baar mujhe is kone aur us kone se is kone me utha utha kar patak raha tha aur mai uske vaar se khud ko sambhal pane ka mouka hi nahi mil pa raha tha

Idhar ye sab dekh kar margret ki darr aur chinta se halat kharab ho rahi thi….mashan ka sharir hi itna bhayanak tha dekhne me ki margret ki darr ke maare ghigghi hi bandh gayi

Margret—khatra adi ki help karo nahi to ye rakshas use maar dega

Khatra—kshama kare…mai unka gulam hu…unki agya ke bina mai yaha se kahi nahi jaunga….aur vaise bhi mai us suraksha ghere ke andar nahi ja sakta

Margret—phir hame hi kuch karna hoga sona

Sona—hum kuch nahi kar sakte….ulta adi ki pareshaniya badh jayengi

Ab ki baar usne mujhe utha kar jalti huyi chita par patak diya…..ghere ke andar ghuste hi mera kawach toot gaya tha….jisse mujhe aag se jalan hone lagi

Mai turant chita se niche kud gaya…mere poore badan me aag lag gayi thi…..maine turant ankhe band karke dhyan dwara is agni ko shant kiya aur apne aap ko kawach ke dayre me kar liya

Mujhe aag se bachte dekh mashan meri oor phir se aa gaya….main turant uske pass se uchhal kar dusri taraf kud gaya….udhar naravali bhi ye baat samajh chuka tha ki koi uske shmashan ghere me ghus chuka hai

Maine apni talwar se paas me khade ek nar pishach ki gardan alag kar di....jisse sabhi gusse me aakar yaha vaha dekhne lage

Mujhe ab thoda waqt sambhalne ka mil chuka tha….is baar mashan jaise hi mere upar jhapta to maine ek ghoonsa (mukka) uski chhati me jor se mara to vo jake sidhe naravali ke upar gira….naravali shmashan ke suraksha ghere se poori tarah se aashwasta tha..use poori ummid thi ki isko tod kar koi andar nahi aa sakta jiske chalte usne apne charo taraf kawach nahi banaya

Mashan ke uske upar girte hi vo pichhe ki taraf ludhak gaya….uski ankhe gusse se lal ho gayi…lekin usne apni kriya karna aur mantra uchcharan band nahi kiya apitu uska swar aur tez ho gaya

Naravali (jor se)—in bachcho ki bali dena shuru karo

Sabhi bachche bahut jyada dare huye the….jinme se adhitar bhay ke karan behosh ho gaye the….naravali ka adesh milte hi ek nar pishach hath me basi si talwar lekar ….ek bachche ko ghasit kar hawan kund ke paas le aaya

Aur usne jaise hi us bachche ki bali dene ke talwar pakde dono hath upar uthaye to maine turant apni jagah se hi talwar ko jor se uski taraf pheka jisse uski gadan uske sharir se alag hokar agnikund me gir gayi

Maine ab ye chhupa chhupi ki ladayi band karke sidhi jung karne ka nirnay kar unke samne visible ho gaya…mere samne aate hi sab shmashan me moujud bhoot pishach aur naravali ke log mujhe dekhte hi maarne ke liye gusse me ek sath toot pade

Maine turant ek ek ka sar kalam kar hawan kund me fekne laga….hawan kund me inki bali chadhne se naravali ki tantrik kriya bhang ho gayi….usne phir se shuru karne ki koshish ki kintu mai lagatar sar kaat kaat kar usu kund me dalta ja raha tha

Mashan phir se meri taraf lapka kintu mai to ab sajag ho chuka tha…phir se ek mukka jad diya chhati me jisse vo dur ja gira

Uske log mujhe maarne jaise hi mere paas aate mai talwar se unki gardan unke kuch samajhne se pahle hi uda deta……apne logo ki aisi halat hote dekh aur kriya apvitra ho kar khandit ho jane se naravali kroadh me tam tama gaya

Naravali (gusse me)—dushta balak ...koun hai tu jisne yaha aane ki jurrat ki aur mere shmashan me aakar meri kriya ko khandit kar diya….?..jarur ye kapti devtao ki koi chaal hai

Mai—dushta papi....in masum bachcho ne tera kya bigada hai jo tune inki hatya karne jaisa jaghanya apradh karne ki had paar kar gaya….?

Naravali (kroadh me)—murkh ladke….mera koi kuch nahi bigad sakta….sabhi manushya to kide makode hain mere liye…..mere logo ka subah shaam ka bhojan hain ye…samjha

Mai—samajh gaya ….tabhi shayad teri mrityu ek manushya ke hath se hona likhi hai vidhata ne aaj

Naravali (jor se)—meri mrityu.....hahahaha.....mai amar hu...amar….mujhe koi nahi maar sakta…..aur tu mujhe manushya se dara raha hai

Mai—mai dara nahi raha hu balki kar ke dikha bhi raha hu..aise...(ek nar pishach ki gardan alag kar ke)…tu inki bahaduri ki badi tarif kar raha tha na..ab kya hua

Naravali (chilla kar)—tujhe teri akaal mrityu yaha khich layi hai …ladke

Mai--Apne logo ki halat dekh kar bhi tujhe samajh nahi aaya

Tabhi mashan phir se ape hath me koi gola kar hathiyar lekar meri taraf aata dikha to maine use vahi ruk jane ko kaha

Mai—ruk jaiye mashan dev….ab nahi…mai ab tak aap ka lihaj kar raha tha kyon ki aap shmashan ke devta hain….aur aap har manav dwara pujit bhi hain… har manav ko ant me apki hi sar jami me sharan leni hoti hai….aur aap in papiyo ka sath de rahe hain…

Mashan meri baat sun kar apna hathiyar phek kar vaha se adrishya hokar chala gaya….isse naravali ka kroadh aur badh gaya

Naravali (jor se)—ab sabse pahle mai teri bali chadhaunga....phir in bachcho ki bhi

Ye kah kar usne ankhe band kar ke kuch mantra padhne laga....maine use mantra padhte dekh kar turant ek mukka achchi kas ke uske muh me mara...jisse uska mantra padhna aadhe me hi ruk gaya.....uske muh se lahoo bah nikla...poore daant toot kar bahar aa gaye aur vo dard me chhat pata gaya

Naravali (jor se)—aaaaaaaahhhhhhh

Mai—jaldi se phir koi mantra padh.....tujhe bahut mantra aate hain na....chal padh...mai bhi dekhta hu...kaise padhta hai....chal padh

Usne phir se padhne ke liye jaise hi ankhe band ki...maine speed me uske paas jakar phir se ek mukka uske muh me uski naak ke niche jor se mara....ab ki baar uski naak aur muh dono jagah se rakta shraav hone laga..aur is prahar se vo sidhe piche ki oor jamin me dhadam se gira

Jamin me girte hi vo achet ho gaya...to mujhe sona aur margret ka dhyan aaya...maine nazar ghuma kar unhe dekhne laga...jo dari sahmi ek jagah adrishya hokar khadi thi

Maine naravali ko behosh samajh kar apna dhyan kuch pal ke liye us par se hata kar sona aur margret ko dekhne me laga diya ....yahi mujh se galti ho gayi....

Mai jise behosh samajh raha tha asal me naravali behoshi ka natak karte apni ankhe band kiye aur saans thaame mann hi mann me mantra padh raha tha vo harami

Maine to is taraf bilkul bhi dhyan hi nahi diya ki uski kriya to poori ho chuki thi sirf bali dena hi shesh bacha tha jo mere karan poori nahi ho saki hawan kund apvitra ho jane ke karan

Mai abhi margret aur sona ko dekh hi raha tha ki naravali achanak apni jagah se uth khada hua ..aur tabhi