Antarvasna Sex चमत्कारी

[hotaks]

UPDATE- 110​

Vishwamitra—tumhara kalyan ho vats….ab jao aur azgar se yuddh ki taiyari karo….aur rajnandini ko apne sath me jarur rakhna…azgar ko qaid karne me uski shakti ki jarurat padegi tumhe.

Uske pashchat main vaha se apne gaon ki taraf nikal chala jaha azgar ne kohram macha rakha tha…rajnandini bhi mere sath aa gayi…lekin yaha par sonalika ne badi galti kar di, vo bhi mere piche piche pari lok se bina kisi ko bataye nikal aayi.

Ab aage….

Usko hamare gaon ka pata malum nahi tha isliye vo bhatakte huye kapali ke thikane par ja pahuchi…jaha kapali ne usko paka liya…iski suchna turant kilwish tak pahucha di usne….kilwish fatafat uske paas pahuch gaya aur vaha sonalika ko dekh kar behad khush hua.

Jabki sonalika darr se jor jor se mujhe chillane lagi….main abhi gaon pahuchne hi wala tha ki mere dimag me turant sonalika ki cheekhe goonjne lagi.

Main turant rajnandini ke sath hi vaha se palat kar sonalika ke paas pahuch gaya jaha vo dust uske sath jabardasti karne ki koshish me laga hua tha…ye dekh kar mera kroadh satve aas maan par pahuch gaya…mujhe vaha dekh kar kapali mere upar apni tantrik mayavi shaktiyo ka prahar karne lag gaya…lekin uski koi bhi shakti mere samne adhik der tak nahi tik pa rahi thi…jab usko laga ki ab vo mere hatho mara jayega to mayavi vidhya se adrishya ho kar vaha se bhag gaya.

Uske bhagte hi kilwish ke numaende mujhe maarne ke liye daude lekin maine aag ki shakti se unki turant hi jal kar khak me mila diya aur phir ja kar kilwish ko uski gardan se pakad ke sonalika se door khich liya….sonalika roti huyi mere sine se lag gayi…apni hawsh ki poorti ek bar phir se poori hote na dekh kilwish tilmila gaya aur mere upar pattharo ki barish karne laga…inme se kuch ek patthar sonalika aur rajnandini ko bhi lage jisse vo ghayal ho gayi…

Ye dekh kar maine turant tez hawa ka prayog kar ke uske dwara meri taraf phenke ja rahe pattharo ka marg badal diya aur vo uske kuch bache huye pishacho ka hi kaam tamam karne lage….apne sabhi vaar vifal hote dekh kilwish ne apni maya se vaha andhera kar diya aur phir mere upar prahar karne laga.

Andhere me bhi main uski aahat ke adhar par uske har vaar ka samuchit jawab dene laga lekin phir bhi iss maya ke samne main kamjor padta ja raha tha…iska fayda utha kar usne dusri disha me vaar karne laga jisse ki main bhi aahat ka picha karte huye udhar hi vaar karne me dhyan lagau aur vo apna maksad poora kar sake…

Aur hua bhi kuch aisa hi…maine aahat hone ki disha me apni shaktiyo ka prayog karne laga…iss mouke ka fayda utha kar vo adrisha ho ke mere piche aa gaya aur pith me talwar ghused di jisse main dard me jor se cheekh kar niche gir gaya….mere niche girte hi vo sonalika ko pakad ke vaha se ghasit kar le jane laga…jisse sonalika bhi cheekh uthi.

Sonalika (cheekhte huye)—adirishiiiiiiiiiiii…..bachaaaaaoooooo

Pahle meri aur phir sonalika ke cheekhne ki awaz sun kar rajnandini ghabra uthi aur andhere me mujhe tatolte huye mere paas aa pahuchi…usko jaise hi meri halat ka ehsaas hua to uski ankho me dard aur gusse ka toofan umad aaya, ankhe ekdam lal angaare ki tarah damak uthi.

Agle hi pal gusse se uske kesh hawa me lahra uthe aur unka akaar tezi se badhne laga….uske inn kesho ne kilwish ko sir se pair tak apne bahupash me jakad liya aur ek jhatke se khinch kar usko mere paas patak diya.

Kilwish ne apne apko uss bandhan se chhudane ki bahut koshish ki lekin uska koi prayas kamyab nahi hua….jab vo khud ko nahi chhuda paya to rajnandini ko maarne ke liye usne mann hi mann kuch budbudane laga….isse pahle ki vo kuch kar pata rajnandini ne meri pith se talwar bahar khich kar uske sine me jor se ghusa kar aar paar kar di.

Kilwish dard se cheekhne laga lekin mara nahi….pith se talwar nikal jane se mera ghaav tezi se bharne laga aur kuch hi der me main uth khada hua aur maine uss divya talwar ko yaad kiya….agle hi kshan bhagwab shiv shankar ka vardan vo divya talwar mere hatho me apni chamak bikherne lagi….jise maine ek hi jhatke me kilwish ke sine me jad tak ghused diya jaha rajnandini ki talwar ghusi huyi thi theek uske bagal me hi.

Shiv shakti ke iss dohre prahar ( rajnandini ki talwar mata mahakali ki shakti ki den aur meri prabhu shiv ki) Kilwish dard se tadapne laga aur cheekhte, chillate aur tadapte huye hi phir shant ho gaya….maine vahi uski kabra khod kar ek taboot me band kar ke ussi jagah dafna diya aur upar se ek suraksha kawach se band kar diya.

Kilwish ke khatam hote hi uska maya janit andhera bhi samapt ho gaya…Main ab vaha se sonalika aur rajnandini ko lekar phir se gaon aa gaya jaha azgar ke vo khunkhar sainik aurto ke sath pashvik atyachar kar rahe the….maine turant aag ki shakti ka prayog kar ke unhe bhasm karne laga…unme se kuch sainik bhag kar azgar ke paas pahuch gaye.

Rajnandini apni maa se milne ghar chali gayi udhar Azgar ke sainiko neuske paas pahuch kar usko sara haal kah sunaya….sath me ek ghayal pisach ne aa kar usko kilwish ki mrityu ka samachar diya.

Azgar kilwish ki mout ki khabar sunte hi gusse se pagal ho utha aur turant apne sabhi nar pishacho ke sath uss gaon me aa dhamka jaha hum log the.

Aate hi usne maar kaat machani shuru kar di…sab bhagte chillate rajnandini ke ghar ke bahar jama ho kar mujhse madad ki guhar karne lage.

Maine jaise hi azgar aur uske sainiko ko vaha logo par julm karte dekha to mera gussa bhadak gaya….main unko ek ek kar ke yamlok pahuchane laga….dusri taraf ka morcha rajnandini ne sambhal liya halanki vo iss samay ladne ki halat me nahi thi kyon ki uske garbh ka akhiri waqt chal raha tha….lekin main ye janta tha ki uske garbh ko gurudev ne sankarsan kriya ke madhyam se kisi anya ke garbh me surakshit kar diya hai aur uss stri ke garbh ki santan ab rajnandini ki kokh me hai.

Azgar (gusse me)—tune kilwish ko maar kar apni mout ko dawat di hai..shayad tujhe pata nahi ki Azgar kewal fufkar nahi marta balki vo apne shikar ko poora nigal jata hai….rajnandini sirf meri hai

Adirishi—aaj tere paapo ka ghada bhar chuka hai dust..apne anzam ke liye taiyar ho ja ab.

Azgar ne mere upar aag phenki chalu ki lekin maine usko pani se bujha diya….usne pani ka upyog kiya to maine usko hawa se uda diya…..usne mere upar badi badi chattano ki barish ki to unko maine bijli ki shakti se visfot kar diya beech me hi.

Maine uske upar burf ka prayog kiya to usne apni aag ki shakti se usko pani bana diya….maine bijli se usko kabu me karna chaha to usne bhi apni shaitani bijli se usko madhya me hi rok diya….

Phir vo adrishya ho kar vaar karne laga..kabhi idhar se to kabhi udhar se to kabhi charo taraf se ek sath…jisse sab gaon wale ghayal hone lag gaye….ye dekh kar maine apni anguthi ki shakti se adrishya ho gaya aur to uska vaar bhi kuch samay ke liye ruk gaya aur vo samne pratyaksh aa gaya.

Mujhe vaha na dekh kar usne samjha ki main usse darr kar bhag gaya hu ya phir rajnandini ke ghar ke andar ja chhipa hu…to vo ab rajnandini ki taraf apni gandi niyat se badhne laga…iss avsar ka labh utha kar maine phir se uss divya talwar ko yaad kiya aur uske hath me aate hi maine sidhe uske samne prakat ho gaya…

Mujhe iss tarah se achanak apne samne dekh vo chounk gaya…vo kuch karta ki uske pahle hi maine uss divya talwar ko uske sine me aar paar kar diya jisse uska pahla kawach toot gaya.

Uska kawach todte hi mere sine me asahniya dard hone laga aur main jor se chillate huye vahi dhadam se gir gaya… mere chillane ki awaz se rajnandini ka dhyan meri taraf khich gaya aur vo mujhe niche pade dard me tadapta hua dekh kar rote huye daud padi.

Rajnandini jaise hi mere paas pahuchi azgar ne uske pet me jor se laat maar di…vo vahi niche gir ke tadapne lagi..ye dekh kar maine kisi tarah se khada hua aur jaldi se apni talwar uske sine se nikal ke uski gardan katna chaha vaise hi usne apni talwar mere pet me ghusa di.

Rajnandini (cheekhte huye)—rishiiiiiiiiiiii

Sonalika—adiiiiiiiiiii

Mere hatho se talwar chhut kar kaha giri mujhe pata nahi lekin main vahi gir gaya….usne agla vaar meri gardan par karne hi vala tha ki beech me yakayak sonalika beech me aa gayi aur ek hi jhatke me uski gardan alag ho gayi.

Ye dekh kar rajnandini ki ankhe rote rote achanak tamtama uthi….azgar phir se meri gardan par vaar karne hi wala tha ki tabhi rajnandini ne apne kesho me use lapet liya aur uske sath hi uske vo kesh usko hawa me utha kar tezi lahrane lage aur phir unhone azgar ko kahi door, bahut door kisi anjane grah me phenk diya.

Meri ankhe band hone lagi thi aur sab kuch dhundhla padne laga tha…saanse bhi thamne si lagi thi….mere muh se bas ek hi shabd nikal raha tha vo bhi badi mushkil se..aur vo shabd tha rajnandini…….rajnandini jamin par hi sarakte huye mere paas aayi aur mere sir ko chumne lagi lipat ke rote huye.

Adirishi—r..a…..j..nandinii

Rajnandini (rote huye)—nahiii…rishii…tumhe kuch nahi hoga….main tumhe kuch nahi hone dungi….hey maa mere rishi ko bacha lo..

Adirishi—aa…..r.o…m.a.t….m.a.i.n……v.a.pis…..ja.rur…..aun.ga…..ek..din…….ye….mera….va.da…raha…raj..nan…dini mera …intazar…karn..a..

Rajnandini (rote huye)—nahii..tum kahi nahi jaoge…..main tumhe kahi nahi jane dungi….samjhe na tum….rishii.. rishi… (chehre ko hilate huye) tum kuch bolte kyo nahi..rishii…… (jor se) rishiiiiiiiiiiiiiiiii…..nahiiiiii….

Aur phir rajnandini jor jor se dahad maar kar rote huye behosh ho gayi ….tabhi achanak mera sharir vaha se adrishya ho gaya…..behoshi ki halat me hi rajnandini ne ek mare huye bachche ko janam diya….sab jagah mere marne ki khabar se shok vyapt ho gaya….

Ashtavakra ne apne ek shisya ko parilok ka rajguru bana kar vaha se chale gaye….mere sabhi dost bhi pari lok chhod kar apne gaon aa gaye….kisi ko ye tak nahi pata tha ki rajnandini jinda bhi hai athva nahi…kewal gaon walo ko chhod kar..kyon ki uske baad rajnandini uss gaon se kahi gayi hi nahi….uske rishi ki pratham aur antim milan ki yaadgar thi vo jagah…usne rishi ki yaado ko hi apna ashiyana bana liya aur uske aane ka intara karti rahi sadiyo tak.

FLASHBACK ENDS