Antarvasna Sex चमत्कारी

[hotaks]

UPDATE—111 ​

Adirishi aur Rajnandini ki prem kahani sunte sunte sabhi ki ankho se aviral jal dhara pravahit hone lagi thi…sadiyo purani iss prem gatha ki samapti ke baad bhi kisi ko kuch josh nahi tha…sabhi chetna shunya ho kar jadwat achetan ki avastha me stabdh ho gaye the…aisa lag raha tha jaise ki unko kisi ne apni sammohan vidhya se sammohit kar liya ho.

Sabhi gahre sadme jaisi halat me the…kisi ne bhi kabhi kalpana tak nahi ki thi ki koi kisi ko itna bhi pyar kar sakta hai….kisi ka sadiyo intazar kar sakta hai…urmila, megha, anand, shree to adii ka sach jaan kar chounk hi gaye the vahi saroj aur deepa ka bhi yahi haal tha…

Anand, urmila, megha, ajeet, agni, saroj, deepa, sabhi dost, khatra, chitra, margret yaha tak ki uss tote murugan tak ki ankhe ashru poorit ho chuki thi….kintu shree ki ankho ka rang kuch alag hi tha…na to unme anshu the aur na hi koi bhav samajh me aa raha tha…na jane kya tha uski ankho me..shayad uski inn ankho me aane wale samay me kisi bhayanak aandhi ki neev pad chuki thi.

Dusri taraf adii aur rajnandini apne aap me hi ek dusre ki baho me lipte khoye huye the…inn sab baato se poori tarah se bekhabar ki unko kayi ankhe dekh bhi rahi hain…vo dono to bas ek dusre ki ankho hi ankho me baate karte huye apne apne gile shikwe mitane me vyast the….bina sawan ke hi unki ankhe varsha ritu ki tarah bah rahi thi.. jaise kah rahi ho ki…

Rok Kar Baithe Hain, Kayi Samandar Ankho Mein…
Dagabaaz Ho Sawan To Kya…..
Hum Khud Hi Baras Lenge….
​
Rajnandini (anshu bahate huye mann me)—tumne mujhe kitna intazar karwaya rishi…sab kahte the ki tum ab kabhi nahi aaoge, lekin main to bas tumhare akhiri shabdo par vishwash kar ke jiye ja rahi thi…kaise maine ye samay bitaya hai tumhare bina…tum nahi jante….

Chaha Tha Muqammal Ho, Mere Gum Ki Kahani
Main Likh Na Saki Kuch Bhi, Tere Naam Se Aage.
​
Adii (mann me)—mujhe to khud hi hosh nahi tha ki meri zindagi kaha hai…? Main to ab tak mrig trishna me bhatak raha tha….main khud ko hamesha adhura mahsoos karta tha kintu uss adhurepan ki vajah nahi janta tha…bas kisi anjani manzil ki talash me dar dar bhatakta raha…na to kisi ka hua aur na hi kisi ko apne dil ke karib aane diya…aaj tumhe dekhte hi mera vo adhurapan khatam ho gaya….meri uss anjan manzil ki talash bhi tum tak pahuchte hi samapt ho gayi….rishi sirf tumhara tha aur tumhara hi rahega nandini…

Dono ek bar phir se ek ho gaye aur ek dusre ko chumne lage….baki sab kisi mook darshak ki bhanti bina palak jhapkaye dono ki iss prem leela ko dekhne ka anand uthate rahe.

Shree dusri taraf muh kar ke khadi thi, pata nahi vo kya soch me doobi huyi thi…akhir kar iss khamoshi ko toda murugan ne….uski awaz se sabhi chounk kar iss khamoshi bhare vatavaran se bahar nikal aaye.

Murugan (dukhi awaz me)—kitni door door ke do premiyo ko tune mila diya bhagwan….mujhe bhi meri bahan se kyo nahi mila deta…? Na jane kaisi hogi vo…? Mere baad uska kya hua hoga….? Meri vinti bhi sun le bhagwan..sun le

Sab chounk kar udhar dekhne lage ki ye koun bol raha hai….lekin jab unhone ek tote ko admi ki tarah baat karte huye dekha to chakit rah gaye.

Murugan (rote huye)—tum sab mujhe aise mat dekho…adii tum hi meri madad kar do..meri bahan se mila do mujhe…tumhe tumhare pyar ka vasta..meri madad kar do.

Uske iss karun krandan ki pukar ne adii aur rajnandini ke dil tak bhi dastak de gayi aur dono apni yaado ke jharokho se bahar nikal aaye…jab dono ne apne samne sab logo ko khade dekha aur khud ko ek dusre ki baho me lipte hone ka ehsaas hua to dono behad sharminda ho kar alag ho gaye.

Adii—mummy….ye rajnandini…..

Urmila (beech me hi)—kuch bolne ki jarurat nahi hai beta…..main sab sun chuki hu…ye to meri bahu hai..nahi bahu nahi balki meri beti hai….aa ja beti…mere gale lag ja..

Rajnandini ne apne sir par pallu dal ke turant uth kar urmila ke pair chhuye...urmila ne usko utha kar apne gale se laga liya.

Rajnandini—main kshama chahti hu maa ji...mujhe pata hi nahi chala ki aap kab yaha aa gayi.

Urmila—achcha hua ki tumhe pata nahi chala warna mujhe pata kaise chalta ki iss sansar me koi mere adii ko itna chahne wali bhi hai....tu ro mat beti...ye aisa hi hai, mujhe bhi aise hi rone ke liye chhod kar chala jata hai...ye pagal ye bhi nahi sochta ki uske bina uski ye budhi maa kaise jee payegi.

Adii—mummy...mujhe bhi gale lagao na

Urmila—nahi... tu mujhe rulata bahut hai...ab to main apni beti ko hi gale lagaungi.

Adii—theek hai to main apni dusri maa ke gale lag jata hu.

Adii (megha ke paas ja kar)—maa

Adii ke muh se maa shabd sunte hi megha ki rulayi phut padi….uske muh se iss ek shabd ko sunne ke liye, na jane uski pyasi mamta kab se tadap aur taras rahi thi….aur kab vo apne bete ko sine se laga kar apna kaleje ko shant karegi…aaj vo shabd jab usne suna to khud ki bhavnao par kabu nahi rakh saki…..ek maa ki ankhe bagawat kar baithi….shayad isliye hi maa ko dharti se bhari kaha gaya hai….usne jaldi se adii ko apne sine se chipka liya aur rote huye uske poore chehre ko chumne lagi.

Megha (rote huye)—bete…mere lal…..tu kaha chala gaya tha…tu nahi janta ki main kaise tere bin jee rahi thi.

Adii—mat ro maa...main sab jaan chuka hu maa....ab se aap ka ye beta apni maa ke paas hi rahega .

Rajnandini ne bhi megha ke pair chhuye to usko bhi usne gale se laga kar bahut pyar kiya...aaj dono maa ki ankhe itni khushi bardast hi nahi kar pa rahe the, unse aviral ganga jamuna ki jal dhara nirantar bahe ja rahi thi...adi aur rajnandini ne anand aur ajeet ka ashirwad liya.

Adii ko dekh kar margret aur agni bhi uske sine se lagne ke liye vyakul thi magar kuch kah nahi pa rahi thi...margret aur shree to lag bhi jati uske gale kintu rajnandini ke samne khud ko bahut asahaj mahsoos kar rahi thi....unhe rajnandini ke pyar ke samne apna pyar behad chota nazar aane laga tha...jabki agni ke mann me aisa kuch bhi nahi tha...unn dono ke milan se vo khush thi...uske bare me to sab jaan hi chuke the.

Adii—maa, ye agni hai...ye bhi apki bahu hai...mujhe maaf kar dena agni, main tumhara apradhi hu...main tumhe vo haq nahi de paya jiski tum haqdar thi.

Megha—hame sab pata chal chuka hai beta...agni ne hame sab bata diya hai.

Agni (adii ke pair chhu kar)—aap aisa kabhi mat sochiyega....mujhe kabhi aap se koi shikayat nahi thi...aapne mujhe swikar kar liya, yahi mere liye bahut badi khushi ki baat hai.

Baad me agni ne rajnandini ke bhi pair chhuye...rajnandini ne usko apni choti bahan ki tarah samman diya...urmila ne bhi agni ko sine se lagaya....adi ne margret ka parichay bhi rajnandini se karaya to rajnandini ne khushi se usko accept kar liya....sab khush the milne me hi..magar tabhi...

‘’Vo ladki kaha hai jisko sankarsan ke jariye kisi dusre garbh me sthapit kiya gaya tha... ?’’ sabse piche dusri taraf muh kiye khadi shree ne kaha...shayad iss sawal ki vajah se vo kafi tension me lag rahi thi...