Antarvasna Sex चमत्कारी

[hotaks]

UPDATE- 124

Maharaj (dukhi)—mujhe bahut afsos hai maharaj ki main aapki dharohar aur apni putri ki hifajat nahi kar saka..

Adii (shocked)—kyaa matlab hai apka…?

Maharani (rote huye)—aapne aane me bahut der kar di maharaj…bahut der kar di…

Rajnandini (chounk kar)—aisa achanak kya ho gaya yaha se mere jane ke baad... ?

Maharaj—maharani, aapke jane ke baad achanak ek din.....

Ab aage……

Adii (vyagra)—Jaldi bataiye maharaj ki aisa kya anarth ho gaya sona ke sath…? Kahi vo dust kilwish phir se to …?

Maharaj (ashru purit nayan)—maharani ke yaha se jane ke baad sonalika har samay roti hi rahti thi..vo chalne phirne me to asmarth thi aur na hi kuch bol pati thi kintu uski ankho se ashru nirantar kisi megh ki bhanti bahte hi rahte the…use apne kiye par bahut pachtawa ho raha tha…achanak ek din uski haalat bahut jyada bigad gayi..vo jor jor se saanse lene lagi….hamne turant rajvaidya ko bulwaya kintu….

Rajnandini—kintu kya….?

Maharaj (ankho me pani)—rajvaidya ne apni taraf se bahut prayas kiya sonalika ki haalat me sudhar laane ka… magar uski halat sudharne ki bajaye bigadti hi chali gayi aur phir ek baar usne jor se ‘adiiiiiiiiii…..adiiiiiiii’ chilla kar apni ankhe sada sada ke liye band kar li…

Sab (shocked)—kyaaaaaa…….?

Adii (shocked)—kab ki baat hai ye…..? (mann me)..ye tumne kya kiya sona…kam se kam mera intazar to karti…!

Maharani (rote huye)—maharani rajnandini ke jane ke kuch din baad hi…..uske ankhe band karte hi ek pal ko poora pari lok hi ghane andhakar me doob gaya tha.

Sonalika ki mrityu ki khabar ne hum sabhi ko gahre sadme me daal diya….hum sabhi ki ankho se anshuo ki ladi lag gayi….main shokakul ho kar vahi ghutne ke bal jamin par baith gaya anshu bahate huye aur ankhe band kar li… main dard aur dukh ke athaah sagar me dubne laga….magar tabhi meri band ankho ke samne ek drishya ubhar kar drishti gochar hone laga….ye drishya jaise hi khatam hua vaise hi meri ankhe gusse se lal ho kar khul gayi…

Mera poora chehra gusse se tamtama raha tha….mujhe achanak itne gusse me dekh kar sabhi ashcharya chakit ho gaye….kisi ko kuch samajh me nahi aaya ki mujhe yakayak kroadh kyo aa gaya, iss dukh bhare kshan me bhi…?

Rajnandini (hairan)—rishi….kya hua…..? tumhare achanak iss kroadh ka karan kya hai….?

Adii (gusse me)—chhal hua hai sab ke sath…..jis sonalika ki mrityu huyi hai, vo sonalika thi hi nahi…

Rajnandini (shocked)—ye…ye tum kya kah rahe ho….?

Maharaj (chakit)—aisa kaise ho sakta hai…? Ye sab to hamare samne ki ghatna hai….?

Adii (gusse me)—sonalika mera naam chillate huye sirf behosh huyi thi…mari nahi thi…uske behosh hone ke baad jo bhi aap sabne dekha, vo sab chhalawa tha.

Maharani (hairan, rote huye)—maharaj…kya meri beti jinda hai…..?

Rajnandini—kya sona jivit hai…? Aur kisne kiya ye chhal…..?

Adii (kroadhit)—azgarrr…..haan, ye sab azgarr ne kiya hai…..sona ke behosh hote hi usne apni maya se andhera phaila kar sonalika ko utha kar gayab ho gaya aur uski jagah maya janit sona ko yaha chhod gaya.

Maharani (khush hote huye)—kyaaa…iska…iska…matlab ki meri beti jinda hai…?

Urmila—lekin vo hai kaha…?

Adii—azgar ke kabze me.....aap sab yahi ruko....main le kar aata hu usko....

Sona ke jivit hone ki khabar ne sabhi ke chehro par chhaye dukh ke baadal ko kafi had tak kam kar diya tha kintu mere azgar ke paas jane ki baat sun kar rajnandini ko chhod kar baki sab ke mann me ghabrahat hone lagi..kyon ki rajnandini ko abhi azgar ke vishay me satya malum nahi tha.

Megha (ghabra kar)—nahi...nahiii...tu uss shaitan ke paas nahi jayega.....bilkul nahiii

Urmila (tension)—megha theek kah rahi hai...

Adii—nahi mummy mujhe iss samay jana hi hoga….sona ko uss maha shaitan ke changul se azad karana mera dharm hai…

Rajnandini—main bhi tumhare sath chalungi..

Agni—main bhi

Adii—theek hai chalo jaldi…baki sab yahi ruko…

Uske baad main, rajnandini, agni aur khatra ko le kar vaha se adrishya ho gaya aur uss jagah pahucha jaha sonalika ko qaid kar ke rakha gaya tha….

Hame vaha dekh kar uske shaitani sainik hamari taraf daud pade…maine turant apni divya talwar ko smaran kiya aur uske hath me aate hi unka khatma karne laga…kuch ko agni apni aag ki shakti se jala jalakar bhasm karne lagi to vahi rajnandini ne apni shaktiyo ke prahar se sabko bhaybheet kar diya….uski ghani julfe vikral roop dharan karte huye kisi jahreele naago ki bhanti unhe apna gras banane lagi….jo bhi bach kar vaha se bhagne ki koshish karte to unhe khatra beech raste me hi pakad kar cheer phad deta.

Kuch hi der me azgar ki shaitani sena ke hazaro sainik kaal ka bhog ban chuke the….rasta saaf hote hi main uss jagah me andar ghus gaya…sonalika abhi bhi murchhit avastha me hi thi…maine usko apni baaho me utha kar apni shaktiyo ki madad se uski jagah ek nakli sonalika ko lita kar bahar aa gaya….tab tak teeno ne poora maidan hi saaf kar diya tha.

Main teeno ko le kar vapis pari lok lout aaya….sonalika ko dekh kar sabhi ke chehre khushi se khil uthe..maharaj aur maharani ke mukh mandal jo ki apni putri ke gum me malin ho chuke the…usko phir se dekhte hi dono ke chehro par poornima ke chandrama ke jaise phir se chamak lout aayi.

Maharani (vyakul ho kar)—sona…meri beti…meri beti jinda hai…suna maharaj..meri sona jivit hai…

Maharaj (khushi ke anshu)—haan…haan maharani…hamari putri phir se lout aayi..

Urmila—lekin, ye kuch bol kyo nahi rahi hai aur ankhe bhi band hain iski…?

Adii—abhi behosh hai vo…shayad coma me chali gayi hai…

Shree—ab kya hoga…?

Adii—main dekhta hu…

Maine sonalika ko bistar me lita diya aur phir uske sir par hath rakh ke apni ankhe band kar li aur healing power ka dhyan karne laga…healing power ke jagrit hote hi mere hatho se roshni nikal kar sonalika ke jism me samane lagi.. kuch samay tak uske poore sharir me prakashmaan hone ke baad dhire dhire kam hoti gayi..roshni ke samapt hote hi maine ankhe khol di.

Adii—chinta ki koi baat nahi hai maharani…kuch der me sonalika ko hosh aane lagega…iss roshni ke prabhav se usko ab apna poorv janam bhi smaran ho jayega….ab vo bilkul swasth hai..

Maharaj (hath jod kar)—iss upkar ke liye main apki hamesha abhari rahungi…aapne hum dono ko jivit rahne ki vajah de di hai warna hum to jeevan se thak chuke the.

Adii—aap mere samne aise hath mat jodiye…ek to aap iss samay yaha ki maharani hain aur dusra, meri hone wali patni ki maa bhi hain…iss rishte se aap bhi meri maa hi huyi aur ek maa ko bete ke aage hath jodna shobha nahi deta hai.

Maharaj—main rajguru se paramarsh le kar kal hi aapke rajyabhishek karna chahta hu…aap dono ke bina raj mukut singhasan sadiyo se aapke aane ki pratiksha me khali pada hai.

Adii—jaisa aap uchit samjhe

Phir maine maharaj aur maharani ka parichay sabhi se karwaya….mere pariwar se mil kar dono behad khush huye.. kuch samay pashchat sonalika ko bhi hosh aa gaya…ankhe kholte hi mujhe apne samne dekh kar usko apni ankho par vishash hi nahi hua…usko laga ki vo koi sapna dekh rahi hai, phir pichle janam ki yaade uski ankho ke samne ghumne lagi..sath hi iss janam ke karm bhi yaad aaye to uski ankho me pani chhalak aaya…maharani usko hosh me aaya dekh kar behad prasann ho gayi aur usko awaz dene lagi kintu uska dhyan iss samay sirf mujh par hi kendrit tha jisse use kuch sunayi hi nahi diya…main uske hriday ke bhaav samajh gaya…main uske paas baith kar sar me hath pherne laga…vo mujhe tatol kar check karne lagi ki ye sapna hai ya phir haqiqat…phir jab use abhaas ho gaya ki ye haqiqat hai to vo jor se chilla kar mujhse lipat kar rone lagi.

Adii—kyo, meri yaad kabhi nahi aati thi tumhe sona….? Ab tak naraz ho mujhse…?

Sonalika (rote huye)—adiiiiii….mujhe maaf kar do adiii…mujhe chhod kar tum kaha chale gaye the…? Mujhe meri galti ki itni badi saza mat do….main tumhare bina jee nahi paungi…..

Rajnandini (paas baith kar)—tumhe koi chhod kar nahi ja raha hai sona…

Sonalika (chounk kar)—rajnandini…..di..di…..aap……?

Rajnandini—haan, meri bahan….

Urmila—tu chinta mat kar sona…maine tujhe apni bahu banane ka faisla kar liya hai..bol karegi mere adii se shadi…?

Sonalika (shocked)—maa ji …aap…aur yaha…pari lok me….?

Urmila—main to apne adii ke liye dulhan lene aayi hu yaha…karegi mere adii se shadi…?

Sonalika—maa jiii…haan maa ji

Phir sab bari bari se sonalika se milne lage…maharani ne usko sab bata diya…tab tak vaha rajguru bhi aa gaye..vo bhi sonalika ko sahi salamat dekh kar behad khush huye.

Rajguru—maharaj poore pari lok sahit saato loko me ghosna kar dijiye ki unke maharaj adirishi aur maharani rajnandini vapis lout aaye hain…unka sadiyo ka intazar khatam ho gaya hai…ab ek bar phir se har taraf sukh aur khushahali ayegi….sath hi kal dono ka raj tilak kiya jayega jisme sabhi saadar aamantrit hain.

Maharaj—jo aagya gurudev..

Rajnandini—rajguru..meri abhilasa hai ki kal hi rishi ka anya raniyo ke sath vivah bhi sampann ho jaye,

Maharaj—haan gurudev

Rajguru—theek hai maharani, kal raj tilak ke pashchat vivah samaroh ka aayojan bhi kar diya jayega..kintu maharaj ke vivah ke liye saat kanyayo ki avashyakta padegi jinse ki unka vivah hona hai..aapko chhod kar..

Rajnandini—saat logo se vivah…? Chhah (six) to hain hi...ek to main khud ho gayi, lekin aapka kahna hai ki mujhe chhod kar saat kanyayao se vivah...ek..agni se vivah ho chuka hai...dusri..sonalika..teesri-margret...chouthi-radha.. panchvi-priyamvada...baki do koun hain jo mere rishi se ananya prem karti hain... ?

Jab rajnandini meri shadi ki baat karte huye ladkiyo ki ginti kar rahi thi to shree ka hriday bechaini se tadap utha kyon ki uss ginti me uska naam nahi tha...vo ek yaachak ki bhanti meri taraf dekhne lagi.

Rajguru—iska jawab to khud maharaj adirishi hi de sakte hain maharani...

Rajnandini—rishii... ? do ladkiya koun hain... ? maa ji..aap bataiye... ?

Shree (mann me)—adii..pls maa se baat karo na..pls...ye sahi mouka hai...maa se baat karne ka...unhe bata kyo nahi dete mere baare me... ?

Urmila (nazare churate huye)—beti..main kya batau... ?

Adii (duvidha me)—nandini...tumhare sawal ka jawab kal guru vishwamitra denge...vo mere rajtilak me jarur ayenge, hame apna ashirwad pradan karne..ye prashna tum unse karna, vahi iska jawab de sakte hain..

Shree (gussa hote huye mann me)—idiot...lagta hai ki ek chipka du kaan ke niche...maa jab baar baar puch rahi hain to unse ye nahi bol sakta ki shree bhi mujhse bahut pyar karti hai aur mujhse shadi karna chahti hai... ? agar kahi tumhare guru ji ne bhi mera naam maa ko nahi bataya to mera to kalyan hi ho jayega...aur agar mera kalyan hua to main bhi sab ka kalyan kar dungi...kisi se teri shadi nahi hone dungi...aur apni jaan bhi de dungi..dekh lena kal.

Maharaj ne kal hone wale rajtilak aur vivah ki ghosna saato lok me bhijwa di aur sath me har jagah nimantran bhi de diya...maine dhyan laga kar guru vishwamitra aur ashtavakra, kanak rishi ko bhi suchit kar diya.

Uske baad sabhi baate karte huye bhojan ke uparant vishram karne chale gaye...akhir nayi subah hote hi vo din bhi aa gaya jab singhasan par mera aur rajnandini ka phir se rajtilak hona tha...jaha sabhi ke chehro par aaj khushiya thi vahi shree ke dil me rah rah kar bechaini ho rahi thi.