Desi Sex Kahani वेवफा थी वो

[desiaks]

#27

main apne room mein aakar baith gaya………iss samay mera poora dhyan sirf uss project par hi tha…….maine phone kar-ke Karan aur Nidhi ko apne paas bula liya aur fir agle 10 minute baad ham teeno ek saath baith kar iss project ki planning karne lage……

Mr.Chaudhry ka suggestion tha ki iss project par main Nidhi ko apne saath rakhoon ……..jaisa unhone mujh se kaha tha ki wo nahi chahte ki koi baahar ka aadmi iss se related security passwords ko jaane, ham logo ne yahi behtar samjha ki Nidhi ko ismein involve kiya jaaye…………

Agle 3 ghante tak ham teeno ek saath ek kamre mein baith kar saare project ko samjhte rahe……….pehle hamne lay out tayyar kiya aur fir technical details ko discuss kiya ……….fir last mein mine ek list banayi , unn items ki jo hamein iss project mein chahiye they aur Karan ko unke baare mein details mein samjhaya…maine usko bataya ki agar Mr.Chaudhry ka approval mil jaye to wo jald se jald yeh sab samaan arrange kar le aur fir main tour se laut-te hi iss par kaam chaloo kar doonga……..

Karan hamesha ki tarah bahut serious hokar saari details note kar raha tha …….aur Nidhi bhi aaj apne swabhaav ke ulat , kaafi gambheerta se saare discussion mein involve thi ……..

Fir ham logo ne ek baar saare points ko check kiya aur meeting khatam kar di …….Karan uth kar kamre se baahar nikal gaya aur Nidhi aur main kamre mein reh gaye…..

Nidhi , mere same chair par baithi huyi thi aur ek tak meri taraf dekh rahi thi …..uske haath meinek pen tha jiske pichhle hisse ko wo apne munh mein chaba rahi thi ….. main usko aise dekhte huye paakar ek baar to jhenp sa gaya aur fir bola ……

“ Kya hua ? aise kya dekh rahi ho ? “

“ kuch nahi yaar ….. soch rahi hoon ki ham sab hi ek jaise insaan hain , fir tumhara dimaag ham logo se alag kaise hai ? “ usne muskurate huye poochha…..

“ kuch bhi alag nahi hai………tumhe sirf aisa lagta hai “

“ nahi Rajiv ……abhi kitni aasani se tumne poore project ka plan tayyar kar diya …….main hoti to shayad pehle to kar hi nahi paati , aur agar kar bhi leti to hafto ka time lagta “ who boli …..main sun kar muskura diya ……..aur kaha

“ aisi baat nahi hai Nidhi ……….mera aur tumhara job alag-alag hai…isliye shayad jo kaam mere liye aasan hai, wo tumhare liye kathin hoga………aur jo kaam tum kar sakti ho , wo shaayad main na kar paoon ……”
“ chalo theek hai ………..ab chalti hoon Rajiv……..ab to shayad kaafi dino ke baad hi mulakaat hogi …..” keh kar wo uth gayi aur apne saare papers aur laptop utha liya ….fir baahar ki taraf chal di aur achanak peechhe mud kar boli ……….

“ Best of luck for your journey Rajiv ………. I hope , Neha tumhara achchha saath degi , aur meri kami mehsoos nahi hone degi “ keh kar usne ek aankh dabaayi aur hanste huye baahar nikal gayi …………..

main bhi muskuraya aur fir main bhi uth kar kamre se baahar aa gaya……..main seedha Mr.Chaudhry ke paas gaya aur project report unko saunp di …….unhone bataya ki wo abhi kahin baahar nikal rahe hain , iss liye report ko apne sath hi le jaayenge , raaste mein padhne ke liye……..fir main waaps apne room mein aa gaya………..

maine ghadi mein time dekha…..do-pahar ke 2.30 baj rahe they …… maine ab waaps ghar nikalne ke mood mein tha………main apna saaman sametne laga ki darwaaze par fir se knock huyi………maine dekha, yeh Karan tha……wo kamre ke andar aa gaya aur ek packet meri taraf badha diya……….maine packet haath mein lekar uski taraf sawaaliya nigaaho se dekha…..wo bola
“ Aapki tickets aur hotel booking ke papers hain iss mein “

“ Ohhh………thanks Karan ….mujhe to yaad hi nahi tha….. “ maine kaha ….jawaab mein wo bola …….

” Its ok Sir……….” Aur fir baahar ki taraf chal diya ……fir darwaaze par jaakar ruka aur palat kar bola…………” ek kaam tha aapse ? “

“ haan ……….bolo Karan ? “
“ mujhe shaayad kuch dino ke liye apne ghar jaana pade……..mere father ki tabiyat kuch theek nahi chal rahi hai …… “ usne dheere se kaha…

“ its OK……..tum jab chahe ja sakte ho , meri absence mein tum Mr.Chaudhry aur Nidhi ko inform kar dena……” maine usko samjhaya…… “ aur kuch chahiye ho to bataao ? “

“ nahi ……….bas itna hi kaafi hai , thanks “ keh kar wo baahar nikal gaya ……….

Maine apna bag aur wo packet uthaya aur kamre se baahar aa kar neech ki taraf chal diya ……. building se neeche aakar maine driver ko bulaya aur wo meri gaadi lekar aa gaya ……….main gaadi ki pichhli seat par baitha aur usne gaadi aage badha di……

Kuch hi der mein meri soch fir se Neha par pahunch gayi ……..maine tay kar liya tha ki main iss tour par apne dil ki baat uss se kar loonga …….jaisi ki mujhe ummeed thi , wo inkaar to nahi karegi ……..fir waapas aakar main Mr.Chaudhry ko bhi inform kar doonga ………….iss vichar ke aane se hi mere chehre par ek muskaan aa gayi………

Main kuch der baahar dekhta raha fir Karan ka diya hua packet uthaya aur usko khol kar usmein rakhe papers ko check karne laga ……….kuch air tickets, hotel booking ke papers , hamaari meetings ke plans aur kuch aur papers usmein they ………

Maine air tickets nikaale aur unko check karne laga …………pehla ticket khola , wo mere naam se tha …..Lucknow to Delhi , doosra ticket bhi mere naam se hi tha… Raj Nagar to Lucknow ………teesra ticket khol kar dekhte hi main chaunk gaya ……. Aisa laga jaise bijli ka jordaar jhatka mujhe laga ho ……ticket par passenger ka naam likha tha……Mrs. Neha Verma……………mere dil ki dhadkane achanak kayi guna badh gayi thi ………maine jaldi jaldi saare tickets ko check kiya ……………..aadhe tickets par , jo mere nahi they , wahi naam likha hua tha ….Mrs.Neha Verma……..

Maine turant Karan ko phone lagaya ………….. uske phone receive karte hi maine uss se sawaal kiya

“ Karan , tum ne tickets check kiye they na ? “

“ ji haan Sir …….kyon koi galti hai kya ? “

“ Haan ….shaayad …………Neha ke naam mein unhone Mrs laga diya hai……” main dhadakte dil ke saath bola ………

“ Ji …….to sahi hi hai na ………Neha ji married hain Sir ……kyon ? aapko nahi maloom tha kya ? “ udhar se Karan ki awaaz aayi ……….

“ Ohhh……….its ok Karan ………thanks “ keh kar maine phone disconnect kar diya ……..

mujhe apna sar ghoomta hua mehsoos ho raha tha……. maine saare papers waaps packet mein rakh diye aur sar ko peechhe seat se tika diya……...jo kuch abhi hua tha, wo mere liye kisi shock se kam nahi tha…………..
______________________________