Desi Sex Kahani वेवफा थी वो

[desiaks]

#86

Pal pal badalte haalat mujhe paagal banaye de rahe they ………abhi Neha se baat karne ke baad mujhe aisa lagne laga tha ki wo bhi iss khel mein shaamil hai , par kisi majboori ki wajah se ……….aur shaayad uska pati Neeraj bhi iss khel ka hi ek mohra hai …….par agar aisa hai to jaroor inn sab ki dor kisi aur ke haatho mein hogi …..aur wo kaun ho sakta hai , yeh filhaal to meri samajh se baahar tha …..

Ab mujhe Neha ki fikra bhi hone lagi thi ……..jo kuch maine abhi phone par suna tha , uss se mujhe yeh bhi lagne laga tha ki kahin waakayi wo kisi museebat mein to nahi hai……..

Sochta hua main balcony par aakar khada ho gaya ……..baahar ab baarish hone lagi thi ……….paani ki tez bauchhare mere oopar aa rahi thi , aur ek bahut sakoon bhara sa ehsaas mujhe ho raha tha ……..
Tabhi mere mobile ki ghanti fir se bajne lagi ……..main kamre ke andar gaya aur mobile utha kar dekha ……….fir se ek anjaan number se call……..jaroor uss hi black-mailer ki hogi ……..maine socha aur ek lambi saans lekar call receive kar li …

“Hello …………”

“ hamne tumse kaha tha na ki police ko iss maamle mein involve nahi karna …………tum fir bhi nahi maane ………..” udhar se ek gurrati huyi awaaz aayi ……… ek khaas baat yeh thi ki har baar phone karne waale ki awaaz , pichhli baar se alag hoti thi ………shayad 2-3 logo ka ek group tha , jo mujhe phone karta tha ..

“maine police ko inform nahi kiya tha ……….”main bhi tez aawaz mein bola ….

“ jhooth bol rahe ho !!........aisa tha to fir wo ASP tumhaare saath kya kar raha tha ……” usne aage kaha ……….pehle ki hi tarah , gusse mein ..

“ wo mera dost hai ………. “ main bola ..

“par hai to police waala hi na ………….dekho Rajiv , yeh maamla hamaare aur tumhaare beech mein hai ……..ismein kisi teesre ko involve karne ki koyi jaroorat nahi hai…………tum jaante nahi ho ki tumhaari jaan hamaari mutthi mein hai……” wo dhamki bhare swar mein bola ……………..
“ mujhe maloom hai yeh sab baaten ……….baar-baar bataane ki koyi jaroorat nahi hai…….” Main jhallata huya bola …………

“Jaroorat hai Rajiv …………kyon ki tum yeh samajh rahe ho ki ham tumhaare photos police ko nahi denge …………tum bilkul theek soch rahe ho ………par saath hi tum yeh bhool rahe ho ki agar hamne yeh photos Mr.Vijay Chaudhry ko dikha diye to kya ho jaayega ………….tumhaari image to unki nigaah mein gir hi jaani hai , ho sakta hai ki tumhaare so called God father bechaare yeh sadma bardasht hi na kar paayen ……ki unka sabse pyara aur honhaar Rajiv ……ek do take ki ladki ke liye kisi ka khoon bhi kar sakta hai ………”
“ maine kisi ka khoon nahi kiya hai ………….” Main lagbhag cheekhta huya bola ………

“ yeh baat sirf tum keh rahe ho Rajiv …………” udhar se aati awaaz mein ek halki si hansi bhi shaamil thi “ tumhaare alaawa jisko bhi ham yeh photo dikhayenge , wo yahi maanega ki khoon tumne hi kiya hai ……aur tum yeh bhool rahe ho ki jis revolver se khoon hua hai , wo bhi hamaare paas hi hai aur uss par tumhaari ungliyon ke nishaan abhi tak maujood hain ………. “

main kuch nahi bol paya …….fir kuch palo ki khamoshi ke baad usne hi kaha ……” ab meri baat gaur se suno ………. Neeraj ki laash hamne hi tumhaari gaadi mein se nikalwa li thi ……tum yeh samjhne ki galti mat karna ki ham tumhare oopar nigaah nahi rakhe huye hain …….tumhaare ek ek pal ki khabar hamein milti rehti hai ……isliye jo galti aaj ki hai , dobara karne ki bewkoofi mat karna ……...tumhaare saare photographs , tumhaari revolver aur tumhaari mashooka , teeno hamaare paas bilkul surakshit hain ………..tumhe bas hamaara ek chhota sa kaam karna hai ..uske baad yeh sab kuch tumhe waapas mil jaayega ………bikul waisa hi , jaisa pehle tha …………koyi kabhi nahi jaan paayega ki Neeraj kahan gaayab ho gaya …………aur agar tumne ek bar bhi aana-kaani ki ti anjaam tum jaante hi ho ………..mujhe shaayad fir se sab kuch dohraane ki jaroorat nahi hai ……”

“ kya chahte ho tum ………..? “ main bola …………..

“abhi nahi ……………kal tak ka intezar karo dost ……..kal ham fir phone karke tumhe bataayenge ki tumhe kya karna hai ……………aur haan, kal office jaroor chale jaana………….” Usne hanste huye aakhiri baat ki aur phone disconnect kar diya…………

maine phone ko wahin bed ke oopar daal diya aur fir se uth kar baahar balcony mein aa gaya ……….jaisa ki usne abhi kaha tha , wo log mere oopar nigaah rakh rahe hain …....unko yeh bhi maloom tha ki main aaj office nahi gaya hoon ........par kaise ? ………….kya aas-paas kisi building se ? ………maine ek nigaah apne charo taraf bane huye makaano aur buildings par maari ………..sadak ke uss paas kuch aur buildings thi jin mein se kisi ek mein unn logo ne apna thikana banaya hua ho sakta hai………par kis mein ?.........yeh kehne bahut mushkil tha ………aur yeh bhi ho sakta hai ki unn ka koyi ek aadmi meri building mein hi maujood ho …….aur barabar mere oopar nigaah rakhe huye ho ………….

Uski ek aur baat bilkul sahi thi ………agar yeh photos Mr.Chaudhry ke paas pahunch gaye to wo waakayi yeh baat bardasht nahi kar paayenge ……… mujhe maloom tha ki wo mujh par kitna bharosa karte hain …….aur main kisi bhi haalat mein unka bharosa nahi todna chahta tha ……………

Iske alaawa mujhe Neha ke bare mein bhi sochna tha ………agar Neha sahi thi aur wo waakayi kisi dabaav mein thi , tab to mujhe usko waapas laana hi tha ………meri ek bhi galti usko museebat mein daal sakti thi ..........aur agar jaisa ki mera shaque tha , aur wo iss saare khel ka hi ek hissa thi ………tab bhi main ek baar to uss se jaroor milna chahta tha …….yeh poochhne ke liye ki uski bewafayi ki wajah kya thi…………..
Maine fir se whisky ka hi sahaara liya……….2 chhote chhote peg banaye aur wahin balcony par hi baithe baithey pee gaya………..kuch thandi hawa ka asar tha , kuch din bhar ki thakaan ka aur kuch sharaab ka saroor ………main wahin balcony mein hi baithey baithey so gaya…………..
______________________________