MmsBee कोई तो रोक लो

[desiaks]

{Update - 224}
____________________________

Itna kah kar, mai fresh hone chala gaya. Fresh hone ke bad mai taiyar hua aur kamre se bahar nikla to, chhoti maa aur vaani didi aa chuki thi. Chhoti maa ne bataya ki, aaj chanda mausi ki bhi hospital se chhutti hona hai aur wo abhi mausi ke sath unke ghar me rahegi.

Chhoti maa ki ye baat sunkar, mujhe neha aur durjan ki yaad aa gayi. Maine fauran hi chhoti maa se kaha.

Mai bola “chhoti maa, abhi to durjan mama aur neha bhi wahi par hai. Wo dono abhi kiske pas rah rahe hai.”

Meri baat ke jabab me chhoti maa ne kaha.

Chhoti maa boli “wo dono abhi didi (anu mausi) ke sath hi hai. Isliye chanda mausi ko bhi abhi didi ke pas hi rakha gaya hai.”

Chhoti maa ki ye baat sunkar, mai unse aur bhi baten puchhna chahta tha. Lekin wo uth kar muh hath dhone chali gayi. Unke jane ke bad, vaani didi bhi muh hath dhone chali gayi aur mai nashta karne laga.

Jab tak mera nashta karna hua, tab tak chhoti maa aur vaani didi bhi wapas aa gayi. Iske bad hum sab hospital ke liye nikal gaye. Hospital me sabhi log the. Kuch hi der me priya ki hospital se chhutti ho gayi aur hum sab priya ke sath uske ghar aa gaye.

Priya ke ghar wapas aane se saare ghar me hansi khushi ka mahol ban gaya tha. Sabhi bahut khush najar aa rahe the. Dopahar ka khana hum logon ne priya ke ghar me hi khaya. Iske bad hum log yaha waha ki baten karte rahe.

Is sab ke dauran priya bahut khush najar aa rahi thi. Usne pahle ki tarah abhi bhi chhoti maa ka sath ek pal ke liye nahi chhoda tha. Wo pure samay chhoti maa ke pas hi unki ladli bankar baithi rahi.

Chhoti maa use bahut dular kar rahi thi aur baat baat me uske sar par hath fer rahi thi. Jis se priya ki khushi aur bhi jyada bad gayi thi. Magar ye laad dular ka daur ami ko pasand nahi aa raha tha. Wo mera hath pakad kar mere pas baithi thi aur priya ko gusse me ghoor kar dekh rahi thi.

Ami ki is baat par mere alawa keerti aur nikki ne bhi gaur kiya tha. Magar iske baare me kisi ne kuch kaha nahi. Ye laad dular ka silsila sham tak yu hi chalta raha aur pure samay ami ka muh bana raha.

Fir sham hote hi chhoti maa ne sab se jaane ki ijajat mangi to, priya chhoti maa se aaj uske ghar me hi rukne ki jid karne lagi. Lekin chhoti maa ne aaj raat ki flight se wapas jaane ki baat kah kar, uski saari ummidon par paani fer diya.

Chhoti maa ki ye baat sunkar priya ki muskurahat gayab ho gayi aur uska chehra chhota sa ho gaya. Priya ka utra hua chehra dekh kar chhoti maa ne use samjhate huye kaha ki unka aaj hi wapas jana jaruri hai.

Lekin priya ki khushi ke liye wo mujhe keerti aur ami nimi ko 2 din ke liye uske pas hi chhod kar ja rahi hai. Chhoti maa ki is baat ko sunkar, priya ke chehre ki muskurahat wapas aa gayi aur kahin na kahin mujhe bhi chhoti maa ki is baat ko sunkar sukun mila tha.

Chhoti maa ne sab se ijajat li aur fir hum log wapas ajay ke bungalow me aa gaye. Waha aakar chhoti maa aur vaani didi ne apna bag liya aur fir hum sabko kuch baten samjha kar 7 baje airport ke liye jaane lagi.

Maine chhoti maa se airport tak unke sath chalne ki baat kahi. Magar chhoti maa ne iske liye mana kar diya aur wo vaani didi ke sath chali gayi. Ghar par ab mai, keerti, ami nimi aur barkha didi thi.

Hum sab baithe hetal didi aur priya ke baare me baat kar rahe the. Isi bich 8:30 baje hum logon ka khana aa gaya. Hum sabne ek sath baith kar khana khaya aur fir se sab baten karne lage.

Iske bad raat ko 10:30 baje sab apne apne kamro me chale gaye aur mai bhi apne kamre me aa gaya. Apne kamre me aakar maine kapde badle aur fir keerti ke aane ka intejar karne laga.

Raat ko 11 baje keerti mere kamre me aayi. Keerti se meri yaha waha ki baten chalti rahi. Keerti ki tabiyat ab pahle se bahut jyada sudhar gayi thi. Iske bad bhi wo abhi mere pas sona nahi chahti thi.

Keerti ne 1 baje tak mujhse baat ki aur fir apne kamre me sone chali gayi. Uske jaane ke bad mai priya ke baare me sochne laga aur yahi sab baten sochte sochte pata hi nahi chala ki, kab mai gahri nind me chala gaya.

Subah 8 baje meri nind keerti ke jagane par khuli. Wo meri peeth par baith kar mujhe jaga rahi thi. Uski is harkat par mujhe hansi aa gayi. Maine muskurate huye us se kaha.

Mai bola “ye kya ho raha hai. Kya koi aise bhi kisi ko jagata hai.”

Meri baat par keerti ne apna pura vajan mere upar rakhte huye kaha.

Keerti boli “kyo, kya nimi tumhe aise hi nahi jagati hai. Aaj wo nahi hai to, uski jagah mai tumhe jaga rahi hu.”

Mai bola “chal bahut ho gaya tera jagana. Ab mere upar se uth aur mujhe bhi uthne de.”

Lekin keerti mere upar se nahi uthi aur mere upar apna vajan or jyada badane ki kosis karne lagi. Jab mujhe sach me uska vajan mehsus hone laga to, mai use apne upar se alag karne ki kosis karne laga.

Magar keerti aaj mere sath masti karne ke mood me thi. Usne jaise hi dekha ki mai uthne ki kosis kar raha hu to, usne apne dono hathon se mere dono kandho ko pakad kar mujhe bistar par dabana suru kar diya.

Mujhe uski ye harkat achi lag rahi thi. Isliye mai ab mai bas chhutne ki kosis karne ka natak kar raha tha. Maine jab uthne ke liye jyada takat lagayi to, keerti apna pura vajan daal kar, mere upar hi let gayi.

Uski is harkat se uske stan ki golaiyan (boobs) ka aehsas mujhe apni peeth par hone laga. Jiske ahsas se hi mera jor lagana khatam ho gaya aur mai aise hi bina virodh kiye nidhal sa let gaya.

Keerti ne jab mujhe koi jor lagate nahi dekha to, wo apne daant se mere kaan katarne lagi. Uski is harkat se mai thoda tilmilaya aur us se kaha.

Mai bola “ye kya kar rahi hai. Mujhe dard nahi hota kya.”

Keerti boli “tum kuch bhi kar lo, lekin aaj mai tumko nahi chhodugi. Aaj bahut din bad tum mujhe akele me pakad me aaye ho.”

Ye kahte huye usne fir se mere kaan ko katar liya. Maine uski pakad se chhutne ke liye uthne ki kosis ki to, usne mere dono hathon ko pakad liya. Uske kaatne se bachne ke liye mai apna chehra dayen bayen ghumane laga.

Lekin wo mujhe pareshan karti rahi. Uske yun pareshan karne ka silsila tab tak chalta raha, jab tak ki wo thak nahi gayi. Jab wo thak gayi to, khud hi mere upar se hat kar ek kinare baith gayi.

Uske mere upar se hatte hi, mai bhi apne dono kaan sahlate huye uth kar uske pas baith gaya aur us se puchha.

Mai bola “ye sab kya tha.”

Keerti boli “ye sab itne din mujhse door rahne ka badla tha.”

Mai bola “aaj tune mujhe bahut pareshan kiya hai. Yadi teri tabiyat sahi hoti to, mai bhi tujhe maja chakhata.”

Keerti boli “tumse kuch nahi hoga. Tum bas mujhe maja chakhane ke sapne hi dekhte raho.”

Uski ye baat sunte hi, maine uska chehra apne dono hathon me thama aur usko chumne ke liye apna chehra aage kiya to, wo kiss na karne ki minnat karne lagi. Uski is harkat par mujhe hansi aa gayi aur maine use chhodte huye kaha.

Mai bola “ye ami nimi aur barkha didi kaha gayi hai.”

Keerti boli “wo log barkha didi ka ghar dekhne gayi hai aur udhar se hi wo aman ke ghar chali jayegi. Hum logon ko bhi un ne wahi aane ka kaha hai.”

Iske bad meri keerti se thodi bahut baat huyi aur fir mai fresh hone chala gaya. Fresh hone ke bad mai taiyar hua. Tab tak keerti chay lekar aa gayi. Maine chay pi aur fir iske bad hum log bike se aman ke ghar aa gaye.

Ami nimi waha pahle hi pahuch chuki thi. Humne waha sab ke sath nashta kiya aur fir kuch der rukne ke bad, hum hetal didi se milne hospital chale gaye. Kuch der hum log hospital me ruke.

Fir ami nimi ghumne chalne ki baat kahne lagi to, mai barkha didi, keerti aur ami nimi ghumne ke liye nikal gaye. Din ka khana hum logon ne reataurant me khaya aur uske bad ami nimi ko thoda bahut ghumane ke bad sham ko 5:30 baje hum log wapas ghar aane ke liye nikle. Tabhi priya ka msg aa gaya.

Priya ka msg “Dinse Raat Hone Ko Aai Hai.
Pata Nahin Ye Kaisi Judai Hai.
Parwah Nahin Karte Wo Apne Dost Ki,
Na Jane Ye Kaisi Dosti Nibhai Hai.”

Priya ka msg dekhte hi, maine apna mobile keerti ko thama diya. Keerti ne msg dekha to, baton baton me priya ko dekhne chalne ki baat kahne lagi. Jiske bad hum sab log priya ke ghar aa gaye.

Hum log jab priya ke ghar pahuche to, mohini aunty, nitika, riya aur nikki baithi huyi thi. Priya us samay apne kamre me thi. Hum log mohini aunty ke pas hi baith gaye. Barkha didi unhe aaj ghumne ki baat batati rahi.

Baton baton me nikki ne priya ke pas chalne ki baat kahi aur fir hum log uth kar, nikki ke sath priya ko dekhne uske kamre ki taraf chal pade. Sidiyon ke upar pahuchte hi raj ka kamra aaya.

Raj ka kamra aate hi nikki hume raj ka kamra dikhne andar bulane lagi. Mujhe kuch samajh nahi aaya ki nikki achanak hume raj ka kamra kyo dikhane lagi. Magar maine kuch nahi kaha aur chup chap sabke sath raj ke kamre me aa gaya.

Raj ke kamre me pahuchte hi, hum sab ki najar uske kamre me saje medal aur trophy par padi. Itne saare medal aur trophy dekhte hi, ami ne chaukte huye nikki se puchha.

Ami boli “didi ye itni saari trophy aur medal kya raj bhaiya ne jeete hai.”

Ami ki baat par nikki ne muskurate huye kaha.

Nikki boli “nahi, ye sab medal aur trophy priya ne jeete hai. Priya swimming champion hai. Lekin apni bimari ki vajah se ab wo kisi tournament me hissa nahi leti hai.”

Nikki ki baat sunkar, ami bade gaur se priya ke jeete huye medal aur trophy ko dekhne lagi. Ab mujhe samajh me aa raha tha ki, nikki hum sab logon ko raj ke kamre me kyo lekar aayi thi.

Asal me ami nimi dono ko swimming bahut pasand thi. Shayad isi vajah se nikki ne unhe priya ke jeete huye medal aur trophy dikhaye the. Jis se ami nimi ko priya ke karib laya ja sake. Thodi der sab raj ke kamre me priya ke medal aur trophy dekhte rahe. Fir priya ko dekhne uske kamre ki taraf chal pade.