MmsBee कोई तो रोक लो
09-11-2020, 02:15 PM,
RE: MmsBee कोई तो रोक लो
{Update - 227}
____________________________

Ami boli “didi, mujhe bhi aalu aur chapati khana hai.”

Ami ki ye baat sunkar, keerti ne use samjhate huye kaha.

Keerti boli “ami, is khane me jara bhi mirch masala nahi hai. Ye tumhe bilkul acha nahi lagega. Tum ise mat khao.”

Keerti ki is baat par ami ne ne us se ulta sawal karte huye kaha.

Ami boli “yadi ye khana acha nahi hai to, fir bhaiya is khane ko kyo kha rahe hai.”

Keerti boli “ami, wo kya hai ki, mujhe ye khana jara bhi acha nahi lagta hai aur mai is khane ko khane me bahut na nukur karti hu. Isliye punnu mere sath dene ke liye ye khana kha raha hai. Taki mai khushi khushi ye khana kha saku.”

Keerti ki is baat ke jabab me ami ne kaha.

Ami boli “thik hai didi, fir mai bhi aapka sath dene ke liye ye khana khana chahti hu. Mujhe bhi ye khana do na.”

Keerti ami ko samjhane ki bahut koshish karti rahi. Lekin jab ami nahi maani to, keerti ne ami ko bhi aalu aur chapati khane ke liye de diye. Lekin ab keerti khana khate huye nimi ko dekh rahi thi.

Kuch der bad, nimi ki najar mere aur ami ke khane par pad gayi. Wo thodi der tak mere aur ami ke khane ko gaur se dekhti rahi. Fir achanak hi uski aankhon me aansu jhilmilane lage aur usne rona suru kar diya.

Nimi ko achanak se rote dekh kar, sabka dhyan uski taraf chala gaya aur sab hairani se nimi ko dekhne lage. Wo vaani didi ke bagal me baithi thi. Isliye vaani didi us se rone ki vajah puchhne lagi.

Nimi ka rona sunkar, mera dhyan bhi barkha didi ki baton se hat gaya. Mai fauran khana chhod kar nimi ke pas aaya aur us se uske rone ki vajah puchhne laga. Lekin wo kuch bol nahi rahi thi aur bas sisakti hi ja rahi thi.

Nimi ki is harkat ne sabko pareshani me daal diya tha. Keerti to nimi ki harkat pahle se hi dekh rahi thi. Usne jab sabko nimi ki vajah se pareshan hote dekha to, usne sabki is pareshani ko door karte huye kaha.

Keerti boli “nimi ko kuch nahi hua hai. Use bas is baat ka bura laga hai ki, punnu aur ami ek sa khana kha rahe hai. Lekin use alag sa khana diya gaya hai.”

Keerti ki baat sunkar, pahli baar mera dhyan ami ke khane ki taraf gaya. Ami ke khane me aalu aur chapati dekh kar, mere sath sath baki sabko bhi saara majra samajh me aa gaya. Maine nimi par thoda gussa karte huye kaha.

Mai bola “chhoti, ye kya hai. Yadi tujhe bhi aalu chapati khana thi to, ami didi ya keerti didi se maang li hoti. Iske liye rone ki kya jarurat thi. Kya hum tujhe ye khane se mana karte.”

Lekin nimi ne meri ye baat sunte hi, mere upar hi gusse me bhadakte huye kaha.

Nimi boli “jao, aap gande ho. Aap ami didi ko bas pyar karte ho, mujhe pyar nahi karte. Mujhe aap se koi baat nahi karni.”

Nimi ki ye baat sunkar, mujhe hansi aa gayi. Maine pyar se use manate huye kaha.

Mai bola “chhoti, tu puri pagal hai. Are maine ami ko ye khana nahi diya hai. Usne khud hi ye khana liya hai. Mujhe to iske baare me kuch pata hi nahi. Lekin tujhe bhi ye khana khana hai to, mai apni pyari nimmo ko khud apne hath se khana duga.”

Ye kahte huye maine aalu aur chapati utha kar nimi ki plate me rakh di. Ye dekhte hi nimi khush hokar muskurane lagi aur usne khana suru kar diya. Uski is harkat par sab hasne lage.

Bachpan se aisi hi thi meri nimmo. Gussa uski naak par, aansu uski aankhon me aur muskan uske hothon par pal bhar me hi aa jaya karti thi. Wo chahe kitni bhi naraj rahe. Lekin mere manate hi faruan maan jaya karti thi.

Aisa hi kuch abhi bhi hua tha. Mere manate hi, wo fauran maan gayi thi. Uski jagah yadi ami kisi baat par mujhse naraj huyi hoti to, fir use manana jara bhi aasan nahi tha.

Ami bachpan se meri chaheti thi aur use apni koi bhi baat manwane ke liye mujhse kabhi dusri baar nahi bolna padta tha. Mai pahli baar me hi uski har baat maan leta tha.

Iski vajah ye thi ki, ami bahut shant swabhav ki hone ke sath sath kabhi koi galat maang nahi karti thi. Uske umar ke bachchon ke muakable me uski har baat me samajhdari jhalakti thi.

Jis vajah se mai khud hi uski baat maan leta tha. Isliye use apni baat manwane ke liye kabhi jid karne jarurat hi nahi padi thi ya yun kah lo ki maine use jid karne ka mauka hi nahi diya tha.

Lekin yadi ami ke muh se kabhi kisi baat ke liye na nikal jaye to, fir uske muh se us baat ke liye haan kahlwana namumkin hi hota tha. Lekin uski sabse badi khasiyat ye thi ki, wo mujhse kabhi naraj nahi hoti thi.

Meri dono bahno me meri jaan basti thi aur mai hamesha unhe khush rakhne ki koshish karta tha. Yahi vajah thi ki, mai chah kar bhi priya ke mamle me ami ko kuch samjhane ki himmat nahi kar pa raha tha.

Yaha nimi ke khana khana suru karte hi baki sab bhi baat karte huye khana khane lage. Mai bhi wapas apni jagah par aakar baith gaya aur khana khate huye barkha didi se baat karne laga.

Barkha didi ne puchha ki, waha kya hua to, mai unhe nimi ki harkat ke baare me batane laga. Barkha didi bhi waha sabke sath khana kha rahi thi. Un ne nimi ki harkat ke baare me suna to, wo waha sabko nimi ki harkat batane lagi.

Jise sunkar waha par bhi sab hasne lage. Aise hi baat karte karte yaha aur waha dono jagah sabka khana khana ho gaya. Humara khana khana pura hote hi papa aur mausa ji uth kar drawing room me chale gaye.

Lekin meri abhi bhi barkha baat chal rahi thi. Fir barkha diid ne shikha didi ko call de diya to mai shikha didi se baat karne laga. Maine unko yaha ke sab logon ka haal chal diya aur fir unse puchha.

Mai bola “didi, priya ki vajah se aapko surat yaha wapas aana pad gaya tha. Lekin ab to priya ki bhi chhutti ho chuki hai aur hetal didi ki bhi surgery ho chuki hai. Ab aap surat kab ja rahi hai.”

Shikha didi boli “bhaiya, abhi jab tak hetal didi hospital me hai. Tab tak mera surat jana mushkil hai. Lekin aaj dhiru uncle ka phone aaya tha. Wo kah rahe the ki, kal ek jaruri meeting hai.”

“Isliye ye jarur kal surat ja rahe hai. Ab ye hetal didi ki dusri surgery ke samay par hi yaha aayege. Waise hetal didi aapko bhi us samay bulane ki baat kar rahi thi. Kya aap bhi unki surgery ke samay par aaoge.”

Mai bola “didi, hetal didi ne bhi mujhse ye baat boli thi aur maine unse aane ka haan bhi kah diya tha. Lekin meri padai ka bahut nuksan ho chuka hai. Isliye ab pata nahi ki, chhoti maa mujhe waha aane ki ijajat deti hai ya nahi deti.”

Shikha didi boli “haan, ye baat to hai. Aapka pura mahina hospital-hospital me hi nikal gaya hai. Fir bhi ho sake to, ek do din ke liye aa jana. Hetal didi ko acha lagega. Aap kahoge to, mai aunty se baat kar lugi.”

Mai shikha didi se ye sab baat karne me is tarah khoya hua tha ki, mujhe yaad hi nahi raha ki, abhi mai sabke sath baitha hua hu. Abhi meri shikha didi se ye baat chal hi rahi thi ki, tabhi vaani didi ne mujhe tokte huye kaha.

Vaani didi boli “kya hua.? Kis baat ke liye kah rahe ho ki, mausi tumhe ijajat deti bhi hai ya nahi deti.”

Vaani didi ki ye baat sunkar, ek pal ke liye mai sakpaka gaya. Lekin fir maine shikha didi ko thoda rukne ko kaha aur vaani didi ko hetal didi ki surgery wali baat batane laga. Jise sunne ke bad vaani didi ne kaha.

Vaani didi boli “thik hai, tum shikha se bol do ki, hetal ki surgery ke samay tum do din ke liye waha aaoge.”

Vaani didi ke muh se is baat ke liye haan sunkar, mujhe ek jhatka sa laga. Kyoki vaani didi in sab mamlo me bahut sakht thi aur mere itne dino ke school ke nuksan ko dekhte huye unke muh se haan nikalna itna aasan nahi tha.

Mujhe abhi bhi is baat par yakin nahi aa raha tha aur mai hairani se vaani didi ko dekh raha tha. Tabhi chhoti maa ne bhi apna sar hila kar, vaani didi is baat ke liye apni sahmati de di.

Chhoti maa ki bhi sahmati pakar meri khushi ka koi thikana nahi raha aur mai khushi khushi ye baat shikha didi ko batane ko hua. Tabhi ami ne mujhe tokte huye kaha.

Ami boli “bhaiya, hum bhi aapke sath mumbai chalege.”

Ami ki ye baat sunkar, mujhe ek aur jhatka laga. Mujhe samajh me nahi aa raha tha ki, ami sach me mere sath Mumbai jana chahti hai ya fir wo sirf priya ki vajah se mere sath Mumbai ja rahi hai.

Is se pahle ki mai ami ki is baat me haan ya na kah pata. Vaani didi ne ami ki baat ko sunkar, us se puchha.

Vaani didi boli “tum kyo Mumbai jana chahti ho.”

Ami boli “didi, wo hetal didi ne apni surgery ke samay par hum se bhi Mumbai aane ko kaha tha.”

Ami ki baat sunkar, vaani didi ne muskurate huye kaha.

Vaani didi boli “thik hai, tum log bhi Mumbai chali jana.”

Vaani didi ki ye baat sunkar, ek baar fir mujhe jhatka sa laga. Mujhe to is baat ka dar sata raha tha ki, kahi ami ki baat sunkar, vaani didi us par gussa na karne lage. Lekin yaha to ulta hi ho gaya.

Un ne badi aasani se ami ko bhi Mumbai jaane ke liye haan kar diya. Mujhe samajh me nahi aa raha tha ki, vaani didi ye kya kar rahi hai. Un ne itni aasani se mujhe aura mi ko Mumbai jaane ke liye haan kaise kah diya.

Us se bhi badi tajjub ki baat ye thi ki, chhoti maa ne bhi vaani didi ki is baat par apni sahmati de di thi. Un ne ek baar bhi kisi se koi sawal jabab karne ki jarurat nahi samjhi thi.

Mujhe ami ke apne sath jaane se koi pareshani nahi thi. Isliye maine bhi kisi se koi sawal jabab nahi kiya aur shikha didi se bata diya ki, mai aur ami nimi hetal didi ki surgery ke samay par do din ke liye Mumbai aa rahe hai.

Iske bad maine shikha didi se thodi bahut baat karke call rakh diya. Call rakhe ke bad, mai keerti ko uski hands free wapas karne laga. Tabhi vaani didi ne mujhe tokte huye kaha.

Vaani didi boli “maine tumhe baat karne ke liye bluetooth headphones diya tha na. Fir tum use laga kar baat kyo nahi karte ho.”

Vaani didi ki ye baat sunkar, mai keerti ko ghoor kar dekhne laga. Lekin wo is baat se anjan bankar yaha waha dekhne lagi. Ab mai vaani didi ko kaise batata ki, unka diya hua headphones keerti hajam kar gayi hai. Isliye maine vaani didi se bahana banate huye kaha.

Mai bola “didi, mai barkha didi se sirf raat ko hi khane ke samay par baat karta hu aur unke siwa meri kisi se itni der baat nahi hoti hai. Isliye wo headphones ghar par hi hai. Mai raat ko unse wo headphones laga kar hi baat karta hu.”

Meri ye baat sunkar, vaani didi ne kuch nahi kaha. Shayad unhe meri baat sahi lagi thi. Lekin na jaane keerti ko kya sujhi ki usne meri baat sunte hi, fauran bich me kudte huye kaha.

Keerti boli “didi, mai to aapse pahle hi ise headphones dene se mana kar rahi thi. Lekin aapne meri baat suni hi nahi. Ab aapne khud hi apni aankhon se apni di huyi chij ki ijjat dekh li na.”

“Lekin iske liye to aapki di huyi chij ki koi ijjat hi nahi hai. Mujhse aapki chij ki itni beijjti dekhi nahi jati hai. Mujhe dekhiye, mai aapka diya hua bracelet kitne pyar se istemal karti hu.”

Ye kahte huye keerti apna bracelet vaani didi ko dikhane lagi. Ye bracelet Mumbai me mere dene ke bad se hi uske hath me tha. Mujhe keerti ki is harkat par bahut gussa aa raha tha.

Mujhe samajh me nahi aa raha tha ki, maine to iski harkat ko vaani didi se chhupaya hai. Fir ye kyo mujhe vaani didi ke samne fasa rahi hai. Keerti ki is harkat ke bad mujhse vaani didi se apni safayi me kuch kahte nahi bana.

Lekin keerti ki baat sunne ke bad, vaani didi ke kuch na kahne ki ummid karna bekar tha. Aisa hua bhi, keerti ki baat sunne ke bad, vaani didi kuch sochne lagi aur fir un ne mujhe chetavni dete huye kaha.

Vaani didi boli “keerti thik kah rahi hai. Yadi koi tumhe pyar se koi gift de to, tumhe bhi use pyar se istemal karna chahiye. Aainda is baare me mujhe tumhari koi shikayat na mile. Ab iske bad bhi yadi mujhe tumhari aisi koi shikayat mili to, fir tumhare pas baat karne ke liye ye mobile phone nahi rahega.”

Itna bol kar vaani didi chhoti maa, anu mausi aur dushyant mausa ji ke sath chanda mausi ke kamre me chali gayi. Ab yaha par mai keerti, ami, nimi, mehul aur neha bas the.

Keerti ki is harkat ki vajah se ami nimi use gusse me ghoor rahi thi. Lekin unse bhi jyada gussa mujhe keerti ki is harkat par aaya tha. Isliye vaani didi ke jate hi, maine us se kaha.

Mai bola “ye sab kya natakbaji thi. Tune khud hi wo headphones apne pas rakh liya hai aur ab khud hi vaani didi se meri shikayat bhi kar rahi hai. Aakhir tu chahti kya hai.”

Lekin keerti ne meri is baat ko ansuna kar diya aur ami nimi se baat karte huye kaha.

Keerti boli “ami nimi ye apna itna acha bluetooth headphones chhod kar meri is raddi si hands free ko laga kar baat kar raha tha. Mai is se bol bol kar thak gayi ki, ise bluetooth headphones laga kar baat karna chahiye. Lekin ye meri koi baat sunne ko hi taiyar nahi tha.”

“Ab tum hi batao, aise me maine vaani didi se iski shikayat karke kya bura kiya hai. Kya tum dono ko iska itna acha bluetooth headphones ko chhod kar is raddi si hands free ko laga kar baat karna acha lagta hai. Mujhe to bilkul bhi acha nahi lagta hai.”

Keerti ki ye baat sunkar, ami nimi bhi uske jhanse me aa gayi. Ami ne keerti ki tarafdari karte huye kaha.

Ami boli “haan bhaiya, keerti didi thik hi kah rahi hai. Aapko bluetooth headphones laga kar hi baat karna chahiye. Ye hands free bilkul bhi acha nahi lagta.”

Ab jab ami ne kuch kaha tha to, fir nimi kaise pichhe rahti. Usne ami se bhi do kadam aage jate huye kaha.

Nimi boli “haan bhaiya, aap headphones laga kar baat kiya karo. Usme aap bilkul hero lagte ho.”

Ami nimi ki baat sunkar, mai hairani se unko dekhne laga. Kaha to thodi der pahle vaani didi ki baat sunne ke bad wo keerti ko kha jaane wali najro se dekh rahi thi aur kaha ab us baat ko bhool kar keerti ki haan me haan mila rahi thi.

Keerti ne ek teer se do shikar kiye the. Ek taraf to usne vaani didi se meri shikayat bhi kar di thi aur dusri taraf usne khud ko bhi ami nimi ki narajgi se saaf saaf bacha liya tha.

Mai keerti ka safed jhuth dekh kar aur apni dono bahno ki nadani dekh kar muskurane ke siwa kuch na kar saka. Abhi mai keerti aur ami nimi ki baton me uljha hua tha ki, tabhi mehul ka mobile bajne laga.

Usne mobile dekha to, richa aunty ka call aa raha tha. Wo us se khan eke liye puchh rahi thi. Mehul ne unhe bataya ki wo yaha khana kha chukka hai aur wo raat ko der se ghar aayega. Itni baat karne ke bad mehul ne call rakh diya.

Mehul ke call rakhte hi, vaani didi log bhi chanda mausi ke kamre se bahar aa gayi thi. Vaani didi ne hum logon se drawing room me aane ko kaha to, unke pichhe pichhe hum sab bhi drawing room me aa gaye.

Drawing room me papa aur mausa ji pahle se hi baithe huye the. Dushyant mausa ji aur anu mausi jakar mausa ji ke pas baith gaye. Wahi chhoti maa aur vaani didi papa ke pas jakar baith gayi.

Vaani didi ne hum logon se bhi baithne ko kaha to, hum sab bhi unke samne ke sofe par baith gaye. Vaani didi ka hum logon ko is tarah sabke sath baithane se ek baat samajh me aa rahi thi ki, unhe humse koi jaruri baat karna hai.

Lekin hum logon ke baith jaane ke bad bhi sab khamosh hi bathe rahe. Koi bhi kisi se kuch nahi bol raha tha. Tab chhoti maa ne is khamoshi ko todte huye vaani didi se kaha.

Chhoti maa boli “vaani beta, tu hi is baat ko kar, mujhe lagta hai ki, tu inhe is baat ko ache se samjha sakti hai.”

Chhoti maa ki baat sunkar vaani didi ne kaha.

Vaani didi boli “ji mausi.”

Iske bad vaani didi thodi der kuch sochti rahi. Fir un ne apni baat suru karte huye kaha.

Vaani didi boli “aaj humari nisha se baat huyi thi. Nisha ne chanda mausi ke doctor se salah karne ke bad hume bataya hai ki, chanda mausi ab bilkul thik hai aur ab wo kahi bhi aa ja sakti hai.”

Vaani didi ki is baat par maine khush hote huye kaha.

Mai bola “didi, ye to bahut khushi ki baat hai. Hum kal hi chanda mausi ko apne ghar lekar chalte hai.”

Lekin vaani didi ne meri is baat ke jabab me inkar karte huye kaha.

Vaani didi boli “nahi, tum chanda mausi ko kal ghar nahi le ja sakte.”

Mai bola “lekin kyo didi. Abhi to aapne kaha tha ki, wo bilkul thik hai aur kahi bhi aa ja sakti hai.”

Vaani didi boli “haan, maine aisa kaha hai. Lekin fir bhi tum unhe kal ghar nahi le ja sakte ho.”

Vaani didi ki is baat se maine pareshan hote huye kaha.

Mai bola “didi, mai wahi to puchh raha hu ki, aisa kyo.? Jab chanda mausi bilkul thik hai to, hum unhe apne ghar kyo nahi le ja sakte.”

Meri is baat ke jabab me vaani didi ne ek sapat sa jabab dete huye kaha.

Vaani didi boli “tum chanda mausi ko isliye apne ghar nahi le ja sakte. Kyoki wo chanda mausi ka ghar nahi hai.”

Vaani didi ki is baat ko sunkar, mere dil ko ek dhakka sa laga. Aisa hota bhi kyo na. Bhale hi duniya ki najar me chanda mausi meri koi nahi thi. Lekin mere liye wo meri mausi hi thi.

Maine apna hosh unki god me sambhala tha aur un ne mujhe beshumar pyar diya tha. Fir bhala mai is baat ko kaise sah sakta tha ki, mera ghar chanda mausi ka ghar nahi hai. Is baat ko sunkar mujhe dhakka to lagna hi tha. Mai dard se tilmila gaya aur maine bechain hote huye vaani didi se kaha.

Mai bola “didi, aap ye kya kah rahi hai. Aap aisa soch bhi kaise sakti hai.”

Vaani didi boli “isme sochna kya hai. Jo sach hai, mai wahi kah rahi hu.”

Vaani didi ki is baat ko sunkar, mai apni jagah par uth kar khada ho gaya aur maine unhe unki is baat ki safayi dete huye kaha.

Mai bola “nahi didi, ye sach nahi hai. Sach ye hai ki chanda mausi humari ghar ki ek sadasya hai. Mai hi nahi, ami, nimi aur chhoti maa bhi unhe apne ghar ka ek sadasya hi manti hai.”

Lekin vaani didi ne meri is baat ko kaatte huye kaha.

Vaani didi boli “tumhare manne se kya hota hai. Sach ye hai ki, ye unka ghar nahi hai. Unka ghar, unka sasural hai aur unka sasural Mumbai me hai.”

Vaani didi ki is baat ke bad mere pas kahne ke liye kuch nahi bacha tha. Mujhe samajh me aa gaya tha ki, wo kya kahna chahti hai. Isliye mai nidhal sa hokar apni jagah par baith gaya aur maine unse puchha.

Mai bola “didi, mausi kab Mumbai ja rahi hai.”

Vaani didi boli “wo Mumbai nahi ja rahi hai. Wo Mumbai jaane ke liye taiyar hi nahi hai.”

Vaani didi ki is baat ko sunkar, ek baar fir mere chehre par ek chamak aa gayi. Shayad vaani didi mere chehre ki is chamak ko pahchan chuki thi. Isliye un ne mujhe tokte huye kaha.

Vaani didi boli “isme itna khush hone ki baat nahi hai. Maine sirf ye kaha hai ki, wo jaane ke liye taiyar nahi hai. Maine ye nahi kaha ki, wo Mumbai nahi jayegi.”

Vaani didi ki is baat se maine thoda bechain hote huye kaha.

Mai bola “to kya aap unhe jabardasti Mumbai bhejegi.”

Meri is baat par vaani didi ne muskurate huye kaha.

Vaani didi boli “mai nahi, tum unhe Mumbai jaane ke liye taiyar karoge.”

Waise to vaani didi ki kisi baat me palat kar jabab dene ki meri himmat nahi thi. Lekin sawal yaha mausi ke rukne ya jaane ka tha. Isliye maine vaani didi ki is baat se apna palla jhadte huye kaha.

Mai bola “mai kyo unhe is kaam ke liye taiyar karu. Unhe jabardasti Mumbai bhejne ka faisla aapka hai. Aap hi unhe iske liye taiyar kijiye.”

Meri is baat ko sunkar, vaani didi ne gusse me bifarte huye kaha.

Vaani didi boli “ye baar baar chanda mausi ke Mumbai jaane ka iljam mere upar dalna band karo. Ye faisla mera akela nahi, balki hum sabka hai.”

Lekin vaani didi ki is baat se bhi mere upar koi asar nahi pada. Maine fir apni pahle ki baat ko dohrate huye kaha.

Mai bola “thik hai, to aap sab mil kar unhe jabardasti Mumbai bhej dijiye. Lekin mai unhe jabardasti Mumbai bhejne me aapke sath nahi hu.”

Mujhe apni baat samajhte na dekh kar, vaani didi ne thoda naram pad kar, apni baat samjhate huye kaha.

Vaani didi boli “tum samajhte kyo nahi ho. Jitna dukh tumhe chanda mausi ke yaha se jaane se hoga. Utna hi dukh hume bhi unke jaane se hoga. Lekin ek ladki ka sasural hi uska asli ghar hota hai.”

“Aise hi chanda mausi ka asli ghar Mumbai me hai. Unka wo ghar barso se chanda mausi ke aane ka intejar kar raha hai. Hum chanda mausi ko samjha samjha kar thak gaye hai.”

“Lekin wo humari koi baat samajhne ko taiyar hi nahi hai. Wo tumhe aur ami nimi ko chhod kar yaha se jaane ke liye taiyar hi nahi hai. Aise me hume sirf tum se ummid hai.”

“Tum chaho to, chanda mausi ke sasural ke barso ke is intejar ko khatam kar sakte ho. Yadi tum koshish karoge to wo khushi khushi apne sasural chali jayegi aur barso se unki suni padi jindagi me fir se bahar aa jayegi.”

“Waise to ek ladki ko uske sasural bhejne ka kaam uske bap ya bhai ka hota hai. Lekin chanda mausi ka is duniya me humare siwa koi nahi hai. Fir ye kaam hum nahi karege to aur kaun karega.”

“Wo tumhe apna beta hi manti hai. Kya aise me tumhara farz nahi banta ki, apni maa saman mausi ko khushi khushi unke sasural ke liye vida karo. Maine apni taraf se tumhe samjha diya hai.”

“Ab aage tumko faisla karna hai ki, tum unko jindagi bhar apne ghar me hi rakhna chahte ho ya fir unhe unka apna aisa ghar saupna chahte ho. Jis ghar me wo rani ki tarah raj kare.”

Vaani didi ki is baat ne sach me mujhe soch me daal diya tha. Mai apni khushi ke liye chanda mausi ki bhalai ki baat bhool raha tha. Lekin ab mujhe vaani didi ki baat samajh me aa chuki thi. Isliye maine vaani didi se kaha.

Mai bola “thik hai didi, mai chanda mausi ko Mumbai jaane ke liye jarur taiyar karuga. Lekin iske pahle meri chhoti maa se ek request hai.”

Meri aadhi baat sunte hi, sabke chehre khushi se khil gaye the. Lekin meri baat puri hote hi sab gaur se mujhe dekhne lage. Meri request wali baat ne sabko kisi soch me daal diya tha.

______________________________
Reply


Messages In This Thread
RE: MmsBee कोई तो रोक लो - by desiaks - 09-11-2020, 02:15 PM
(कोई तो रोक लो) - by Kprkpr - 07-28-2023, 09:14 AM

Possibly Related Threads…
Thread Author Replies Views Last Post
  Raj sharma stories चूतो का मेला sexstories 201 3,302,061 02-09-2024, 12:46 PM
Last Post: lovelylover
  Mera Nikah Meri Kajin Ke Saath desiaks 61 522,494 12-09-2023, 01:46 PM
Last Post: aamirhydkhan
Thumbs Up Desi Porn Stories नेहा और उसका शैतान दिमाग desiaks 94 1,151,990 11-29-2023, 07:42 AM
Last Post: Ranu
Star Antarvasna xi - झूठी शादी और सच्ची हवस desiaks 54 872,500 11-13-2023, 03:20 PM
Last Post: Harish68
Thumbs Up Hindi Antarvasna - एक कायर भाई desiaks 134 1,543,369 11-12-2023, 02:58 PM
Last Post: Harish68
Star Maa Sex Kahani मॉम की परीक्षा में पास desiaks 133 1,987,766 10-16-2023, 02:05 AM
Last Post: Gandkadeewana
Thumbs Up Maa Sex Story आग्याकारी माँ desiaks 156 2,798,415 10-15-2023, 05:39 PM
Last Post: Gandkadeewana
Star Hindi Porn Stories हाय रे ज़ालिम sexstories 932 13,522,102 10-14-2023, 04:20 PM
Last Post: Gandkadeewana
Lightbulb Vasna Sex Kahani घरेलू चुते और मोटे लंड desiaks 112 3,827,764 10-14-2023, 04:03 PM
Last Post: Gandkadeewana
  पड़ोस वाले अंकल ने मेरे सामने मेरी कुवारी desiaks 7 266,366 10-14-2023, 03:59 PM
Last Post: Gandkadeewana



Users browsing this thread: 14 Guest(s)