MmsBee कोई तो रोक लो

[desiaks]

231}
____________________________

Tabhi us jeep me se pritam daudta hua humare pas aaya aur hume un ladko se chhudne laga. Pritam ko dekh kar, un ladko ne hume peetna band kar diya tha. Lekin wo abhi bhi gusse me hume dekh rahe the.

Pritam ne mujhe dekhte hi pahchan liya aur fir mujhse is jhagre ki vajah puchhne laga. Mai pritam ko jhagre ki vajah batane laga. Pritam se baat karte karte achanak meri najar uski jeep ki jeep ki taraf chali gayi.

Pritam ki jeep me vaani didi baithi huyi thi aur humari taraf hi dekh rahi thi. Vaani didi ko apne samne dekh kar, ek pal ke liye to meri jaan hi sookh gayi. Lekin agle hi pal mera hausla bhi dugna ho gaya.

Kyoki bhale hi vaani didi kisi se humara ladna jhagadna pasand nahi karti thi. Lekin ek sach ye bhi tha ki, unke rahte koi mujhe ek kharoch tak nahi pahucha sakta tha. Fir aaj to un ne khud in ladko ko mujhe peette huye dekha tha.

Aise me vaani didi ke gusse se in ladko ke bach pane ki koi ummid nahi thi. Bas isi baat ne mere andar se bhi vaani didi ka dar nikal kar mere hausle ko dugna kar diya tha.

Vaani didi wo aafat ki pudiya thi, jinke samne bade se bade mujrim bhi apna pants geela karte najar aate the. Fir ye to collage ke students the. Inka vaani didi ke samne tik pane ka sawal hi paida nahi hota tha.

Vaani didi ko apne pas pakar, un ladko par mera gussa bhi bad gaya tha aur mai isi gusse me pritam ko saari baten bata raha tha. Tabhi un ladko me se us ladke ne jisne mujhe pahle gaali di thi. Fir se gaali dete huye kaha.

Ladka bola “madar ch*d, kyo apni maa ch*da raha hai.”

Abhi wo ladka itna hi bol paya tha ki, uski gaali sunkar, mera gussa fir se fat pada aur mai uske upar jhapat gaya. Maine uski collar pakad kar use ek jordar mukka jad diya.

Mere is mukke se wo ladka hadbada gaya. Lekin us ladke par mujhe jhapatte dekh uske charon sathi mere pas aa gaye. Un charon ne ek baar fir se mujh par ghuson ki barsat kar di.

Ye dekh kar rahul aur pritam hume alag karne ki koshish karne lage. Lekin ab wo ladke rukne ke ka naam nahi hi le rahe the. Tabhi vaani didi gusse me bhari huyi humare pas aa gayi.

Un ne aate hi ek ladke ke bahut buri tarah se baaal pakad kar use mujhse alag kiya aur fir uske pet par apni kohni se aisi jordar maar maari ki wo door sadak par jakar gira.

Iske bad un ne dusre ladke ke jabde par ek jordar mukka jama diya. Wo ladka hadbadate huye pichhe hat gaya. Ye dekh kar teesra ladka vaani didi ki taraf jhapta. Magar uska aisa karna uske liye uski bahut badi bhool sabit huyi.

Kyoki vaani didi ne use apni taraf jhapatte dekha to, uske ling par apne ghutne se chot karke us ladke ko din me hi taare dikha diye. Wo ladka apne ling par hath rakh kar wahi jamin par let gaya.

Vaani didi ke teen ladko par kiye gaye is prahar se baki ke do ladke sakte me aa gaye. Lekin ye unke liye aur bhi mahga sabit hua. Kyoki wo agle hi pal vaani didi ne un dono ke sar ko pakad kar unke sar aapas me takra diye.

Tabhi jis ladke ko vaani didi ne mukka maara tha, wo vaani didi ke pichhe se unhe pakadne ke liye aage bada. Magar use pritam ne pakad liya. Ye dekh kar vaani didi ne pritam par chikhte huye kaha.

Vaani didi boli “pritam use chhod de, mere aur inke bich me koi nahi aayega. Mai bhi dekhu jara in logon me kitna dam hai.”

Vaani didi ki is baat ko sunkar, pritam ne us ladke ko chhod diya. Leki us ladke ne vaani didi ko dhamkate huye kaha.

Ladka bola “ladki, tu janti nahi hai ki, tu kis se panga le rahi hai. Ye shahar mere bap ka hai aur yaha mere bap ka sikka chalta hai. Mai teri is harkat ke liye teri wo halat karuga ki, tu kisi ko apna muh dikhane ke layak nahi rah jayegi.”

Us ladke ki is baat par vaani didi ne hanste huye kaha.

Vaani didi boli “murge ke baang dene se sawera nahi ho jata hai. Sirf tere kah dene se ye shahar tere bap ka nahi ho jayega. Tu home minister yash vardhan ka beta raj vardhan hai na.”

“Tere jaise chujon ka shikar to koi billi bhi kar sakti hai. Uske liye mere jaisi sherni ki jarurat hi nahi hai. Lekin tune mere bhai par hath uthaya hai. Iski saza to mai tujhe aur tere doston ko jarur dugi.”

Ye kahte huye vaani didi pichhe palti aur apne pichhe khade dono ladko par kisi sherni ki tarah jhapat padi. Un ne un ladko ko jara bhi sambhalne ka mauka diye bina hi, unki ruyi ki tarah dhunayi karna suru kar diya.

Ye dekh kar raj vardhan aur uske baki ke do dost ek baar fir se vaani didi ki taraf badne lage. Magar aaj shayad mujhse bhi jyada un pancho ka din kharab tha aur un logon ki kismat me vaani didi se maar khana hi likha tha.

Un teeno ke vaani didi ke pas pahuchte hi, vaani didi ne raj vardhan ko pair se kick maar kar door dhakel diya aur uske baki ke do dosto ki buri tarah se dunayi karna suru kar diya.

Tabhi mehul bhi aa gaya. Usne vaani didi ko akele ladta dekha to, wo fauran vaani didi ki madad karne ke liye aage bada. Lekin vaani didi ne us se chup chap khade rah kar tamasha dekhne ko kah diya.

Abhi jaha un ladko ke ek ladki ko chhedne ke samay par koi bhi unhe rokne ke liye aage nahi aaya tha. Wahi ab un ladko ko ek ladki se pitte dekhne ke liye bahut bhid jama ho gayi thi.

Vaani didi raj vardhan ke doston ki bahut buri tarah se pitayi kar rahi thi. Lekin raj vardhan jab unke pas aata to, wo use apne se door dhakel de rahi thi. Ye baat achi nahi lag rahi thi.

Kyoki raj vardhan ne hi mujhe do baar gaali baki thi. Aise me mujhe uska bachna acha nahi lag raha tha. Thodi der tak to mai ye sab khamoshi se dekhta raha. Lekin jab mujhse nahi raha gaya to, maine vaani didi se kaha.

Mai bola “didi, aap raj vardhan ko kyo chhod rahi hai. Isi ne mujhe do baar maa ki gaali baki thi.”

Vaani didi boli “tu chup karke tamasha dekh, thodi der me teri sab samajh me aa jayega.”

Khair vaani didi ki baat sunkar, mai khamoshi se un ladko ki pitayi hote dekhne laga. Lekin wo log vaani didi ki maar jyada der tak nahi sah paye aur past hokar jamin par pade karahne lage.

Raj vardhan ke doston ki ji bhar kar pitayi kar dene ke bad, vaani didi ne raj vardhan ko bhi jordar patakni dekar jamin par patak diya aur fir uski gardan par apne joote ka dabaw dete huye kaha.

Vaani didi boli “lagta hai, tujhe mujhse maar khane ka bahut shauk hai. Magar afsos mai teri ye ichha aaj puri nahi kar sakti hu.”

Ye kahte huye vaani didi ne meri taraf dekha aur fir mujhe apne pas bula kar kaha.

Vaani didi boli “isne tujhe maa ki gaali baki hai na. Ab tu ise itna maar ki, ye apni maa tak ko yaad karna bhool jaye. Mai ise tab tak maar khate dekhna chahti hu, jab tak mujhe iski chikhen sunayi dena band na ho jaye.”

Ye kahte huye vaani didi ne raj vardhan ki gardan se apna joota hata liya. Jiske hatte hi raj vardhan uth kar khada ho gaya. Lekin mai to pahle se hi raj vardhan par apne hath saaf karne ki talash me tha.

Vaani didi ki ijajat milte hi, mai raj vardhan par jhapat pada. Vaani didi ki pitayi se pahle hi rajvardhan ki halat kharab thi. Upar se jo kasar vaani didi ne chhod di thi, wo kasar ab mai puri kar de raha tha.

Thodi der ki hi hatha payi me maine raj vardhan ko jamin par patak diya aur us par laat jooton ki barsat karna suru kar diya. Wahi ye sab hote dekh kar, pritam ne vaani didi ko aisa karne se rokne ke liye kaha.

Pritam bola “madam, aap ye kya kar rahi hai. Aapka in logon ko marna chal jayega. Lekin punit ke isko marne se baat bahut bad jayegi aur bad me ye baat punit ko bhi mahgi pad sakti hai.”

“Fir yaha par itni public bhi jama hai aur ye baat niyam ke khilaf bhi hai. Isliye aap jajbati hokar koi aisa kadam mat uthaiye, jo bad me aapke aur punit ke liye nuksandeh sabit ho.”

Lekin vaani didi ne pritam ki is baat ko kaatte huye kaha.

Vaani didi boli “tum thik kahte ho. Mai jo ye sab kar rahi hu, ye thik nahi hai. Lekin mai jajbati hokar kuch bhi nahi kar rahi hu. Ye sab log meri aankhon ke samne hi mere bhai ko maar rahe the.”

“Ye dekh kar bhi mai apne aapko shant kiye gaadi me baithi rahi aur sab shant hone ka intejar kar rahi thi. Mai soch rahi thi ki, ye tumhare samjhane se samajh jaye aur ye baat yahi khatam ho jaye.”

“Lekin jab ye tumhare samne hi, use dobara marne ki koshsi karne lage to, mere liye apne aapko shant rakh pana mushkil ho gaya aur mujhe in logon ki ye halat banana pad gayi.”

“Mujhe ye to nahi pata ki, in logon ke bich kis baat ko lekar jhagra hua. Lekin mai itna jarur janti hu ki, punit kabhi kisi se bevajah jhagra nahi karta hai. Isme jarur in ladko ki hi koi galti hogi.”

“Isliye mai chahti hu ki, wo apne man ki bhadas nikal le. Tum kisi baat ki fikar mat karo. Mere rahte kuch bhi galat nahi hoga. Mai sab sambhal lugi. Tum bas yaha jama bhid ko yaha se chalta kar do.”

Vaani didi ki baat sunkar, pritam se iske aage kuch bhi kahte nahi bana aur wo waha jama bhid ko waha se bhagane laga. Mehul ko aise kaam karne me bahut maja aata tha.

Wo bhi is kaam me pritam ke sath ho gaya aur waha jama bhid ko hatane laga. Wahi vaani didi phone par kisi se baat karne lagi aur mai man laga kar raj vardhan ki pitayi karne me laga raha.

Jab vaani didi phone par baat karke fursat huyi to, un ne dekha ki, mujhse pit pit kar raj vardhan ki halat bahut patli ho gayi hai. Tab un ne mujhe rokte huye kaha.

Vaani didi boli “ab bas bhi kar, kya use maar hi dalega.”

Vaani didi ki baat sunkar, maine raj vardhan ko marna band kar diya aur mehul logon ke pas aakar khada ho gaya. Saara mamla shant padte dekh, pritam ne vaani didi se puchha.

Pritam bola “madam, ab in sabka kya karna hai.”

Pritam ki baat sunkar, vaani didi ne ek najar un sabki halat ko dekha aur fir sawal karte huye kaha.

Vaani didi boli “lekin pahle mujhe pata to, chale ki yaha hua kya tha. Tabhi to mai aage ka kuch bata paugi.”

Vaani didi ki is baat par mehul ne chaukte kaha.

Mehul bola “didi, jab aapko kuch malum nahi hai to, fir aapne in logon ko itni buri tarah se kyo peeta hai.”

Vaani didi boli “wo to punnu se jhagra karne ki vajah se pit gaye hai. Lekin ye jhagra kyo hua tha. Ye mujhe abhi tak pata nahi chala hai.”

Vaani didi ki ye baat sunte hi shilpa fauran vaani didi ke pas aa gayi aur usne jhagra hone ki vajah batate huye kaha.

Shilpa boli “didi, ye log mujhe chhed rahe the. Isi vajah se ye jhagra hua hai.”

Ye kahte huye shilpa vaani didi ko saari baat batane lagi. Abhi vaani didi shilpa ki baat sun hi rahi thi ki, tabhi aniruddha, niranjan aur manik aa gaye. Vaani didi ne unse thoda intejar karne ko kaha aur fir se shilpa ki baat sunne lagi.

Shilpa ki baat sun lene ke bad, vaani didi ne aniruddha, nirajnjan aur manik se baat karte huye kaha.

Vaani didi boli “tum teeno, in ladko ko apne sath le jao aur inhe apne pas rakh kar, inki ache se khatirdari karo. Lekin ek baat yaad rakhna ki, inme se ek home minister yash vardhan ka beta hai.”

Vaani didi ki baat sunkar, wo teeni un ladko ki halat dekhne lage. Fir manik ne vaani didi se puchha.

Manik bola “lekin mem, inki aisi halat kisne kar di hai.”

Vaani didi boli “ye log punit se ulajh rahe the. Isliye mujhe inko sabak sikhana pad gaya. Tumhe inhe 24 ghante ke liye apne pas rakhna hai. Uske bad inhe pritam ke hawale kar dena. Fir pritam dekhega ki, use inke sath kya karna hai.”

Vaani didi ki baat sunkar, un teeno ne raj vardhan aur uske doston ko apni gaadi me daala aur fir wo log wapas chale gaye. Unke jaane ke bad, vaani didi ne pritam se kaha.

Vaani didi boli “pritam mai punit ke sath ghar ja rahi hu. Tum aisa karo ki, shilpa ko uske ghar tak chhod do aur raat ko 8 baje aakar mujhse milo. Mujhe tumse kuch jaruri kaam hai.”

Vaani didi ki baat sunkar, pritam ne un se ijajat li aur fir shilpa ke sath waha se chala gaya. Pritam ke jaane ke bad, vaani didi mere, mehul aur rahul ki taraf ghoor kar dekhne lagi.

Vaani didi ke ghurne se meri aur mehul ki to jaan sukhne lagi thi. Kyoki vaani didi ko humara ladna jhagadna jara bhi pasand nahi tha aur wo yadi hume kisi se ladte jhagadte dekhti thi to, hume bahut sakht saza deti thi.

Jaha vaani didi ke ghurne se meri aur mehul ki jaan sookh gayi thi. Wahi rahul vaani didi ke ghurne ka matlab jaane kya samjha ki, wo kisi dhor ki tarah daant nikal kar muskurane laga.

Use shayad vaani didi ka ye roop dekh kar bahut maja aaya tha aur wo is tarah se apni khushi jahir kar raha tha. Magar wo abhi vaani didi ke pal pal badalte swabhav ko achi tarah se nahi janta tha.

Use is baat ka bhi andaza nahi tha ki, ab un ladko ke bad humari bhi shamat aane ki naubat aa sakti hai aur rahul ke sath bhi kuch aisa hi hua. Vaani didi ne rahul ko is tarah se muskurate dekha to, us se puchha.

Vaani didi boli “kya naam hai tumhara.”

Rahul bola “ji, rahul khurana.”

Vaani didi boli “kaun sa nasha karte ho.”

Rahul bola “jiii.”

Vaani didi ki ye baat sunkar, rahul ki aawaj uske halak me hi atak kar rah gayi aur us se koi jabab dete nahi bana. Aisa hi kuch haal vaani didi ka ye sawal sunkar, mera aur mehul ka bhi hua tha.

Hume ye lag raha tha ki, kahi rahul ki harkat ki vajah se vaani didi ke gusse ke shikar hum log na ho jaye. Wahi jab rahul ne vaani didi ki baat ka koi jabab nahi diya to, vaani didi ne apne sawal ko dohrate huye kaha.

Vaani didi boli “kya tumhe mera sawal sunayi nahi diya. Maine tumse puchha ki, tum kaun sa nasha karte ho.”

Rahul bola “ji, koi sa nahi.”

Vaani didi boli “jyada jhuth bolne ki koshish mat karo. Tumhari aankhne bata rahi hai ki, abhi bhi tum koi nasha kiye ho.”

Vaani didi ki is baat par rahul ne fauran apni safayi dete huye kaha.

Rahul bola “ji, wo to un ladko ne mujhe peeta tha. Usi maar ki vajah se meri aankh laal huyi hai.”

Rahul ki baat sunkar, vaani didi ne use gaur se dekha aur fir us se kaha.

Vaani didi boli “jara apna bag dikhao.”

Rahul bola “jiii.”

Rahul ki is baat par vaani didi ne khurrate huye kaha.

Vaani didi boli “kya ek baar kahne me tumhe samajh me nahi aata hai. Maine kaha mujhe apna bag dikhao.”

Vaani didi ki is baat ne meri rahi sahi jaan bhi nikal kar rakh di thi. Kyoki mujhe to ye ache se pata tha ki, rahul ke bag me gaanja rakha hua hai. Wahi rahul ne bhi darted arte apna bag vaani didi ko de diya.

Vaani didi rahul ka bag khol kar uski talashi lene lagi aur jaldi hi unke hath me gaanje ka pouch aa gaya. Wo us gaanje ko sunghne lagi. Ye dekh kar mehul ne dhire se kaha.

Mehul bola “abe ye iske bag me se kya nikla hai.”

Mai bola “chup kar, wo gaanja hai.”

Meri ye baat sunte hi, mehul ne mujhe aise dekha, jaise maine us par koi bomb gira diya ho. Usne fir mujhse dhire se kaha.

Mehul bola “tere is rahul ke chakkar me lagta hai ki, aaj meri bhi bend baj kar hi rahegi.”

Maine mehul ko aankh dikhayi aur fir vaani didi ko dekhne laga. Un ne gaanje ko sungha aur fir rahul se kaha.

Vaani didi boli “abhi thik se ande se nikle bhi nahi ho aur gaanje ka nasha karne lage ho. Lao apne bap ka phone number do.”

Vaani didi ki ye baat sunkar, rahul ki halat kharab ho gayi. Wo vaani didi se iske liye maafi mangne laga aur aisi galti dobara na karne ki baat kahne laga. Lekin vaani didi ne uski koi baat nahi suni.

Un ne jab dhamkate huye rahul se uske papa ka number maanga to, aakhir me rahul ne unhe apne papa ka phone number de diya. Vaani didi ne humare samne hi rahul ke papa ko call laga diya.

Un ne rahul ke papa ko call laga kar rahul ke gaanja peene wali baat batayi aur us ki harkaton par nigrani rakhne ko kah kar call rakh diya. Iske bad un ne rahul ko samjhate huye kaha.

Vaani didi boli “dekho, tum punit ke dost ho, isliye tumhe ek achi salah deti hu. Apni ye gaanje ke nashe ki aadat chhod do. Tum padne likhne wale bachche ho. Tumhe aise shauk nahi karne chahiye.”

“Shayad tum gaanje se hone wale nuksan ke baare me nahi jante ho. Is se yaad-daast to kamjor hoti hi hai. Sath hi sehat par bhi bura asar padta hai. Jo tum jaise padne wale bachcho ke liye jara bhi acha nahi hai.”

“Maine tumhare papa se isliye tumhari shikayat ki hai, taki wo tumhari in harkaton me sudhar la sake. Lekin sudharne ki asli koshish tumko hi karni hai. Ab tum ja sakte ho.”

Vaani didi ki jaane ki baat sunkar, rahul to apna bag lekar waha se gadhe ke sir se seeng ki tarah gayab ho gaya tha. Lekin jate jate apni harkat ki vajah se hume vaani didi ke samne mujrim bana kar khada kar gaya tha. Uske jaane ke bad vaani didi ne humse kaha.

Vaani didi boli “kya tum logon ke aise hi dost hai. Aaj ye gaanje ka nasha kar raha hai. Aage chal kar ye hi, drugs aur charas jaise nashe bhi karne lagega. Kahi tum dono bhi to ye nasha nahi karte ho.”

Vaani didi ki ye baat sunte hi, mehul ne fauran hi apni safayi dete huye kaha.

Mehul bola “nahi didi, mai koi nasha nahi karta aur na hi mera koi dost aisa nahi hai. Ye rahul mera dost nahi hai. Ye to sirf punnu ka dost hai.”

Mehul ki baat sunkar, vaani didi meri taraf dekhne lagi. Maine bhi bina der kiye apni jhuthi safayi dete huye kaha.

Mai bola “didi, mai bhi kabhi koi nasha nahi karta. Rahul mera dost jarur hai. Lekin uske gaanja peene wali baat mujhe bhi nahi malum thi. Maine use ek do baar cigarette peete jarur dekha tha.”

“Tab maine use iske liye gussa bhi kiya tha. Uske bad se wo mere samne cigarette bhi nahi peeta hai. Mujhe sach me nahi pata ki, use gaanja peene ki aadat kab se lag gayi.”

Meri baat sunkar, vaani didi gaur se mera chehra dekhne lagi. Shayad wo ye pata karne ki koshish kar rahi thi ki, kahi mai jhuth to nahi kah raha hu. Lekin mai unhe rahul ke cigarette peene wali baat sach sach bata chuka tha.

Shayad isi vajah se unhe meri is baat par viswas ho gaya tha ki, mai sach bol raha hu. Isliye fir un ne is baare me mujhse koi sawal nahi kiya. Lekin un ne apne sawal ki gaaj mehul par girate huye kaha.

Vaani didi boli “jab mai yaha aayi thi. Tab to tum yaha nahi the. Fir achanak tum yaha kaise aa gaye.”

Vaani didi ke is sawal ke jabab me mehul ke pas sach bolne ke siwa koi rasta nahi tha. Usne thoda darte huye kaha.

Mehul bola “wo didi jab mai ghar ja raha tha, tabhi raste me shilpa ka call aa gaya. Us ne hi mujhe bataya ki, yaha punnu ka kisi se jhagra ho gaya hai. Isliye mai aadhe raste se hi yaha wapas aa gaya tha.”

Vaani didi boli “acha to shilpa ne tumhe call kiya tha. Kya richa aunty ko shilpa ke baare me pata hai.”

Vaani didi ki baat sunkar, mehul ne apne sar ko jhuka kar kaha.

Mehul bola “nahi didi, abhi unko shilpa ke baare me kuch nahi malum hai.”

Vaani didi boli “kyo, us din maine tumhe is shilpa ke call ki vajah se itna gussa kiya tha. Kya uske bad bhi aunty ne tumse is baare me kuch nahi puchha.”

Mehul bola “didi, us din aapke gussa karne ke bad, mummy ne ek do baar mujhse jarur is baare me puchha tha ki, kis ladki ka mere pas call aaya tha. Lekin maine unhe kuch nahi bataya tha.”

Vaani didi boli “chalo koi baat nahi. Shilpa achi ladki hai aur mujhe bhi pasand hai. Mai jaane ke pahle aunty se jarur is baare me baat karke jaugi. Lekin abhi tum in baton se jyada apni padai par dhyan do. Ye hi tumhare liye acha hai.”

Vaani didi ki ye baat sunkar, mai aur mehul hairan rah gaye. Hume vaani didi se is baat ki jara bhi ummid nahi thi. Mehul ki to khushi ka koi thikana hi nahi raha. Usne fauran hi vaani didi ki haan me haan milate huye kaha.

Mehul bola “ji didi, aap jaisa kahogi, mai bilkul waisa hi karuga.”

Vaani didi boli “thik hai, ab hume ghar chalna chahiye.”

Itna kahne ke bad, vaani didi ne mujhse apni bike lekar aane ko kaha. Mai bike lekar vaani didi ke pas pahucha to, wo mujhe bike se utarne ko kahne lagi. Mujhe unki ye baat samajh me nahi aayi.

Lekin mai unki baat sunkar, bike se utar gaya. Mere bike se utarte hi vaani didi bike par baith gayi aur mujhe pichhe baithne ko kahne lagi. Ye dekh kar mehul ne fauran hi vaani didi ko tokte huye kaha.

Mehul bola “didi, aap iski khatara bike kyo chala rahi hai. Ise chalane me aapko jara bhi maja nahi aayega. Yadi aapko bike chalana hi hai to, aap meri pulsar chala lijiye. Aapko bahut maja aayega.”

Mehul ki ye baat sunkar, mai use ghoor kar dekhne laga. Wahi vaani didi ne uski is baat ka jabab dete huye kaha.

Vaani didi boli “nahi, aaj nahi. Abhi tumko bhi ghar jaane ke liye der ho rahi hai. Abhi tum ghar jao. Mai fir kabhi tumhari bike chala lugi.”

Vaani didi ki baat sunkar, mehul ne apni bike utha li aur mai vaani didi ke pichhe baith gaya. Fir mehul apne ghar ke liye nikal gaya aur mai vaani didi ke sath apne ghar aa gaya.

Hum ghar pahuche to, ghar me bilkul hi sannata tha. Na to ami nimi kahi najar aa rahi thi aur na hi chhoti maa kahi najar aa rahi thi. Keerti aur neha hall me baithi baten kar rahi thi.

______________________________