XXX Kahani अनौखा समागम अनोखा प्यार

[desiaks]

Update - 81

PREVIOUS -

Maine sardar ko god me utha liya,
Or uski beti se rasta puchha,
Usne ek taraf ishara kar diya,
Or main sardar ko apni god me utha kar us taraf chal pada.

FORWARD -

Or uske kamre me lejakar bed par lita diya,
Wo behosh ho chuka tha,
Uski beti abhi bhi ro rahi thi.
.
Main - kya yahan koi vaidh nahin hai?
.
Sardar ki beti {SB} (sisakte hue)- vaidh to bohot sare hain, par inki bimari ka koi ilaaj nahin hai,
Pitaji aksar aise hi chakar khakar gir jate hain, hamne inhen kai jagah dikhaya hai, par koi bhi vaidh inka ilaaj nahin kar paya, umar zyada hone ke karan kamzori badhti ja rahi hai.
Pitaji ke alava mera koi nahin hai,
Agar inko kuchh ho gaya to main besahara ho jaungi.
.
Or wo phir se sisak - sisak ke rone lagi,
.
Main - or agar main tumhare pitaji ko theek kar dun to?
.
{SB} (hairat se)- kya aap aisa kar sakte ho? agar aisa hai to jo aap bologe vahi karungi,
Main umar bhar aapki gulam banne ko bhi tayyar hun.
.
Main - iski koi zarurat nahin, tum bahar jao, jab main bulaun tabh aana.
.
Wo uthkar bahar chali gayi, or maine apni aakhen band karte hue apna hath sardar ke sar par rakh diya,
Or mere hath se pile rang ki ek roshni uske sar se hote hue pure shareer me phail gayi.
.
Phir maine uski beti ko awaz dekar bulaya, wo andar aate hue kabhi mujhe to kabhi apne baap ko dekhne lagi.
.
{SB} - ye to pehle jaise hain, aapne kiya kya hai.
.
Main (muskurate hue)- ghabrane ki koi baat nahin, ab ye theek hain, or thodi der me hosh aa jayega,
Tabh khud dekh lena ki maine kya kiya hai.
.
Ye kehkar main vapas guest room me aa gaya. Jo kehne ko guest room tha par koi kabadkhana lag raha tha.
Main letkar aram karne laga.
Meri neend lag gayi,
.
Guruji - putra! Tumne apni buddhi ka bohot achchha upyog kiya hai,
Ye samajh lo ki tumhari manzil zyada door nahin hai.
Or ek baat yaad rakhna sab se apni pehchan chhipa ke rakhna.
.
Main ekdam se bistar se uth baitha.
Matlab guruji mere sapne me aaye the,
Main guruji ki baat par vichar karne laga,
Tabhi mere kamre me sardar or uski beti enter hue.
.
Sardar ab bina lathi ke sahare ke chal raha tha, or uski beti bhi bohot khush nazar aa rahi thi.
.
Sardar (mere kareeb aakar)- kon hain aap? Main aapko pehchan nahin paya? Aapne ye chamatkar kaise kiya.
.
Main - sardar aap itne chintit na hon. Maine koi chamatkar nahin kiya hai, balki mujhe thoda jadu aata hai,
Jisse main sabki madad kar deta hun.
.
Sardar - aap sach me bohot achchhe hain.
.
Main - achchhe to aap hain sardar, varna kon apne ghar me kisi ko panah deta hai.
.
Sardar (apni beti se)- Lamia inke liye kuchh khana to lao beti.
.
Lamia - ji abhi layi.
.
Wo khana lane bahar chali gayi.
Or sardar bhi mujhe dobara shukriya kehkar chala gaya.
.
Kuchh hi der me lamia hathon me kuchh dishes lati hui dikhi.
Usne dishes mere bed par hi rakh din,
Or khud bhi mere paas hi baith gayi.
.
Lamia - aapka bohot - bohot shukriya, aapne hamare oopar bohot bada ehsan kiya hai.
.
Main - shukriya ki koi baat nahin,
Bas aapki ek chhoti si madad chahiye .
.
Lamia (khush hokar)- ji boliye main aapke kis tarhan kaam aa sakti hun.
.
Main (kuchh sochkar)- ye main aapko baad me bataunga,
Waise aapne apne bare me nahin bataya.
.
Lamia - pehle aap khana kha lijiye,
Uske baad araam se baaten karenge.
.
Maine haan me sar hilaya or jaise hi dishes khol ke dekha mujhe vomiting si aane ko hui.
Kyonki ek boul me kisi janvar ka khoon or ek me kachcha maas rakha hua tha.
.
Meri halat dekhkar lamia boli-
.
Lamia - kya hua aapko? Kya khana pasand nahin aaya.
.
Main (khane ko vapas dhakte hue)- kya aap bhi yahi sab khati hain?
.
Lamia - ji haan, kyon kya aap ye nahin khate?
.
Main - agar aapne wo khana kha liya jo main khata hun, to aap is khane ko bhool jayengi.
.
Lamia - par ab ham kya karen? Apka man pasand khana kahan dhundhen?
.
Main - dhoondhne ki zarurat nahin bas dekhti jao.
.
Maine apne hath aage kiye mere ek hath me veg or dusre hath me rosted chicken aa gaya,
Maine vo chicken fry uski taraf badha di, or khane ke liye kaha.
Or main khud apni man - pasand dish shahi paneer ka anand uthane laga.
.
Lamia hairat se meri taraf dekhe ja rahi thi,
Maine use khane ka ishara kiya to vo bhi khane lagi...
.
Lamia (tareef karte hue)- ummmmm wah ye kon se janvar ka maas hai, bohot zaykedar hai, or bohot hi naram bhi hai.
.
Main - ye naram isliye hai kyonki ye aag me paka hua hai, or is par masale bhi lage hain, isliye swadisht lag raha hai.
.
Lamia ne kuchh hi der me chatkare lete hue poori dish khali kar di.
Mera bhi pet bhar chuka tha,
Isliye maine hath aage karke pani manga liya, or peene laga.
Wo mujhe hi dekh rahi thi.
.
Main - tum sab pyas lagne par kya peete ho?
.
Lamia - khoon se hamari pyas bhujh jati hai.
.
Maine use ek glass thandi shikanji di,
Jise vo ek hi saans me pee gayi.
.
Lamia - aahhhh bohot achchhi cheez thi, kya thi ye?
.
Main - wo jane do ab ye batao ki yahan kisi ko koi pareshani to nahin hai?
.
Lamia - pareshani hi pareshani hai yahan par, is basti ki halat kuchh theek nahin hai, wo to apne bhi dekh hi li hogi.
.
Main - koi baat nahin main jane se pehle sab kuchh theek kar jaunga.
Jo ghar toot gaye hain unhen apne jadu se pehle jaisa kar dunga.
.
Lamia (khush hote hue)- ab aap bhi bata dijiye ki aapko kya madad chahiye?
.
Main - dekho ye baat kisi ko bolna mat ki maine tumse kuchh puchha hai.
.
Lamia - are aap kaisi baat kar rahe hain, aapne hamari itni madad ki or ham bhala aapko dhokha kaise de sakte hain.
.
Main - to suno, main ye janna chahta hun ki yahan paas me jo kaidkhana hai, uska rasta kahan se hai?
.
Lamia (meri taraf savaliya nazro se dekhkar)- aap vahan kyon jana chahte hain?
.
Main - tum apne vade se pichhe hat rahi ho lamia, tumne meri baat ka javab dene ka vada kiya tha, savaal puchhne ka nahin.
.
Lamia - maaf kijiyega, achchha suniye, uske bare me koi nahin janta,
Par jab main apni kuchh doston ke sath udhar ghumne gayi thi,
Tabh maine kuchh sainikon ko andar pravesh karte hue dekha tha.
.
Main (utsukta se)- kaise? Kahan se?
.
Lamia - pata nahin unhone shayad kuchh kiya tha, jisse ek darvaza jaisa ban gaya, or vo usme dakhil ho gaye.
.
Main - unhone kiya kya tha?
.
Lamia - ye to ham dekh nahin paye.
Par aadhi raat me shayad pehredaron ki pali badalti hai,
Isi liye unki jagah dusre pehredar aa jate hain,
Vahi samaye hai us kaidkhane ka rasta dekhne ka.
.
Uski baat se main itna khush hua ki maine exitment me lamia ko zor se hug kar liya.
.
Main (lamia ko hug karke)- oh! Tum bohot achchhi ho, tumne mera kaam aasan kar diya, tumhara bohot - bohot shukriya.
(Maine uske gaal par kiss karte hue kaha)
.
Wo to ekdam se apne aap ko chhuda kar hasti hui bahar bhaag gayi.
Tabh mujhe ehsaas hua ki ye maine kya kar diya hai.
Or maine apna sar peet liya.
.
"Ye sab kya chal raha tha"
(Mujhe anjalika ki gussail awaaz sunai di)
.
Main - ku kuchh nahin kuchh bhi to nahin (main haklate hue bola)
.
Anjalika - tumhen ladki or shaitaan me fark dikhai nahin deta kya,
Uski to shakal dekh ke hi ulti aati hai,
Chhii kitne gande ho tum,
Gale lagane tak to theek tha, par use chumne ki kya zarurat thi han?
.
Main - yarr main bhavnao me beh gaya tha, exitment me bina samjhe kuchh ka kuchh ho gaya.
.
Anjalika - Dekho mister ye tumhari last warning hai, varna main sab ko lekar vahin aa jaungi , samjhe?
(Usne gusse me warning dete hue kaha)
.
Main - haan haan samajh gaya meri maa, ab tum sab so jaao or main chala apne mission pe.
.
Anjalika - theek hai par meri baat yaad rakhna.
.
Maine apni shaktiyon se time ka pata lagaya to pata chala ki abhi aadhi raat hone me kareeb 3 ghante baaki the.
Is kabaad khane me letna bhi mushkil tha,

Maine chutki bajai to wo room kuchh achha ho gaya.

Ab lag achchha lag raha tha.
Main bed par let gaya.
Tabhi kisi ke aane ki ahat hui,
Maine gate ki taraf dekha to lamia hath me kuchh odhne ke liye layi thi,
Par apni phati aakhon se room ko dekh rahi thi.
.
Main - kya hua lamia? Kamra pasand nahin aaya kya?
(Maine muskurate hue puchha)
.
Lamia (hairat se)- ye sab aapne kaise kiya?
.
Main - ye sab jadu hai, is duniya me itni chizen hain jinki tumne kalpna bhi nahin ki hogi, aao or yahan par baith kar dekho.
.
"Wah! Kitna naram bistar hai"
(Wo mere bed par baithte hue boli)
.
Main - are haan main to aapse mafi mangna hi bhool gaya, kirpya mujhe maaf kar dijiye.
.
Lamia - maafi wo kis liye, are aap mafi kuon mang rahe hain?
.
Main - wo khushi me main zyada utsahit ho gaya tha, or aapko bina ijazat gale laga liya.
.
Lamia - koi baat nahin.
(Wo sharmate hue boli)
.
Main - or aapko bina ijazat choom bhi liya.
.
Lamia (or zyada sharmate hue)- chhodiye na in baton ko.
.
Main - to aapko bura nahin laga?
.
Usne na me sar hila diya.
.
Main (apna hath aage badhate hue)- to aaj se ham dost hue,
Usne apna hath badhaya to magar shayad usko shake hand bhi karna nahin aata tha,
"Aise karte hain shake hand"
(Maine usse hath milate hue kaha)
.
Badle me usne muskura diya,
.
Main - achchha ab tum jao,
Itne tum apne kamre me pohchogi itne me to tumhara room bhi mere jaisa ho jayega.
.
Wo khushi-khushi vahan se apne room ki taraf chali gayi, maine bhi hath ghuma kar uska room apne jaisa kar diya,
Or kuchh der time pass karne ke liye apne phone me game khelne laga.
Jab aadhi raat ho gayi, to main uth khada hua,
Par jaise hi bahar nikalne ko hua to mujhe shock laga, kyonki lamia vahin khadi thi.
.
Main - are tum is wakht yahan?
.
Lamia - shiiiiiiish! dheere boliye pitaji so rahe hain, main to aapko wo jagah dikhana chahti thi, jahan se shayad us kaidkhane ka rasta hai.
.
Main (dheere se)- theek hai, magar tum itna saj - dhajkar kyon aayi ho?
.
Lamia - kyon achchhi nahin lag rahi.
.
Main - nahin, bohot khubsurat lag rahi ho, par madem ham koi beauty contest me nahin ja rahe.
.
Lamia (bholepan se)- wo kya hota hai.
.
Main - kuchh nahin, chalo ab varna der ho jayegi.
.
Wo dheere se muskurate hue mukhye dwar ki taraf chal di,
Or main uske pichhe - pichhe.
Waise sach me aaj lag badi hot rahi thi,

Usne dheere se gate khola or main uske sath bahar nikal gaya.
.
Lamia (mere sath chalte hue) - yahan se to vo jagah bohot door hai, aise to ham pohoch nahin payenge.
.
Main - ud kar chalen.
.
Lamia (haste hue) kya ud kar, hehehehe ham parinde nahin hain.
.
Main ruka or usko kamar se kas ke pakad liya, or ekdam se usko rocket ki tarhan hawa me uda liya,
Wo ekdam se chillane ko hui,
Mere kuchh samajh nahin aaya,
Kyonki mere dono hath busy the.
.
To maine use chup karane ke liye,
Apna hoth uske hothon par rakh diye.
Uski aakhen badi - badi ho gayin,
Jaise hi ham basti se door aaye, to maine apna chehra usse door kar liya.
.
Main - tum pagal ho jo chillane vali thin.
.
Wo abhi bhi sharma rahi thi.
.
Lamia - galti to aapki hai,
aap mujhe bata kar bhi to ud sakte the.
.
Main - achchha yarr maaf kar do.
.
Lamia - ye achchha hai pehle galti karo phir maafi mang lo.
(Wo ladkiyon ki tarhan jhagda karte hue boli)
.
Main - main achchha ek kaam karo,
Jo maine abhi tak galtiyan ki hain tum mujhse uska badla le lo.
.
Meri is baat se wo sharmane lagi,
.
Main - wah! Tum to sharmati bhi ho.
.
Or isi ke sath ham haste hue vahan pohoch gaye jahan ka pata mujhe lamia ne bataya tha,
Main phir se chonka.
.
Main (man me)- abe ye to vahi jagha hai jo guruji ne batai thi, or main yahan se basti chala gaya tha.
.
Ham niche utre or Lamia ke kehne par ham ek ped ki ot me khada ho gaye,
Yahan ke sale ped bhi bade khatarnak lagte the, bina pattiyon vale.
Ham bohot der chhipe rahe, tabhi hame kuchh shaitan sainik aate hue dikhe,
.
us khali maidaan me aakar ruk gaye, jahan par ek khandarnuma kua tha,
Wo sainik aapas me kuchh baaten bhi kar rahe the,
.
Sainik 1 - Sab ko savdhan kar do, senapati ji ne kaha hai,
hamare lok ka dwarpal yarju mara gaya hai.
.
Sainik 2 - lagta hai koi jasoos hoga.
.
Tabhi 2 sainiko ne milkar ek bada patthar us kue me daal diya,
or vahan par ek dwar khul gaya,
Jiske andar se aati hui roshni is andhere ko cheer rahi thi.
.
Wo sainik uske andar pravesh kar gaye, unke andar jate hi wo dwar apne aap band ho gaya,
or jo patthar unhone kue me dala tha wo pata nahin kahan se wapas apni jagah aa gaya.
Idhar lamia dar se mujhse chipki khadi thi,
Ab isse pehle ki koi hame yahan dekh le,
yahan se nikalna behtar hoga.
(maine apne man me socha)
.
Or uske baad main lamia ko lekar vapas uske ghar udte hue aa gaya.
Or use sone ka bol kar apne kamre me chala gaya,
Wo bhi apne kamre ki or chali gayi.
.
Kamre me pohoch kar main plan banane laga.
Ki kal kya or kaise karna hai.
Or bed par letkar plan banate hue gehri neend me chala gaya.
.
Main ek madhur sapna dekh raha tha,
Jisme subha mansi mujhe uthane aati hai, or mere muh par pani ki chhiten marti hai.
Maine manu ka hath pakad kar apne se chipta liya,
Tabhi mujhe kisi ke kasmasane ki awaaz sunai di,
.
Maine aakhen khol ke dekha to maine chouk gaya.
To... Be... Continued