XXX Kahani अनौखा समागम अनोखा प्यार

[desiaks]

Update - 83

PREVIOUS -

Main bada achambhit hua ki main to adrishye hun, inhone mujhe dekh kaise liya, or agar main is cell ko chhunga nahin to ise kholun kaise?
Us 1 hi pal me mujhe saikdo savalon ne gher liya,
Or un sabka javaab ek hi aadmi de sakta tha, vo tha swam Raja.

FORWARD -

Main cell ke paas pohcha, or hath jodkar unko pranam kiya.
.
Raja - putra mujhe bhali - bhati gyat tha ki koi mujhe bachane zaroor aayega, agar main galat nahin hun to tumhen parilok or jinnlok dono ki shaktiyan prapt hain.
.
Main - aapne theek kaha rajan, par mujhe abhi jinnlok ki shakti prapt nahin hui hai,
.
Raja (achambhit hokar)- to tum yahan tak kaise pohoch gaye.
.
Main - "Mahakaal l" ki madad se.
(Is baat pe raja ke chehre par muskaan aa gayi, shayad wo is baat ka matlab samajh chuke the)
mujhe ye bataiye ki aapko main dikhai kaise de raha hun. Main to adrishye tha.
.
Raja - kya tumhen kisi ne bataya nahin ki is cell tak, yani ki mujh tak pohochne ke baad duniya ki koi bhi shakti tumhen adrishye nahin rakh sakti.
.
Main - haan mujhe yaad aaya, mere guruji ne bataya tha,
Khair, ye chhodiye or ye bataiyye ki main aapko yahan se kis tarhan azaad karva sakta hun.
.
Raja - yahan ki har cheez kali shaktiyon se bani hui hai, or ye door kali shakti se hi khola ja sakta hai,
Jaise kisi shaitaan ka khoon.
.
Main - uska bandovast ho jayega.
.
Main apni full speed se un 4 pehredaron me se ek ke muh par hath rakhkar utha laya, wo bhi itni speed se ki kisi or ko pata tak na chala.
.
Maine us shaitaan ka ek hath se muh bhiche hue hi dusre hath me apni sword lete hue uski mundi uda di.
Us gareeb ko pata tak na chala ki kab me uska ram - nam satye ho gaya.
.
Maine uski khoon ki chhiten us door par maari, iska asar ye hua ki us cell ke darvaze se ek kaale rang ka dhuan nikla jo andhere me vileen ho gaya.
.
Raja - ab shayad tum isko khol sakte ho.
.
Raja ka shayad prayog karna mujhe sachet kar gaya, or maine hath me pakda hua us shaitaan ka sar us darvaze me mara,
Vahan ekdam se aag ka ek shola nikla jo uska sar pal bhar me bhasm kar gaya.
.
Main (ek thandi saans lete hue)- Fuuuuuuu! Bach gaye.
Varna abhi iski jagah main hota.
.
Raja bhay se meri or dekhne laga.
.
Main - rajan aap dariye mat, ab isko kholna shayad zyada mushkil nahin.
.
Or maine apne hath aage kar diye,
Jinme se dher sare paani ke sath sath barf bhi nikalne lagi,
Or vo cell kuchh hi der me jam gaya.
Ab isko todna asaan tha,
To maine phir ek baar test karne ke liye us shaitan ka ek hath marod kar tod diya,
Or uske hath se us cell ko chhua,
Is baar kuchh nahin hua,
matlab mera idea kaam kar gaya tha.
.
Waise is samaye us jami hui barf ki vajha se raja dikhai nahin de raha tha.
Maine apni shakti ka prayog karte hue us cell ki salakhen pakad kar ukhaad phaikin,
or andar ghus gaya.
Andar ka nazara dekh kar meri hasi chhutne ko tayyar ho gayi, jo maine control kar li.
.
Raja ek kone me baitha hua tha, uske badan par kuchh barf lagi hui thi,
Or wo thand se patte ki tarhan kaamp raha tha.
.
Maine magic se unhen theek kiya,
Jab wo theek hue to mere paas aakar mujhe gale laga liya.
.
Main (unse alag hote hue)- main to abhi shaitaaan ke bhes me hun,
Phir aapne mujhe pehchana kaise?
.
Raja - yahan tak aane ki ijazat kisi shaitaan ko bhi nahin hai.
Or tum shaitaan ke bhes me bhi shaitaan nahin lagte.
.
Main - guruji ne bataya tha ki aap yahan se nikalne ka marg jante hain.
To bataiyye phir chalte hain yahan se,
Waise agar main akela hota to jaise aaya tha waise hi vapas chala jata.
.
Raja - yahan se nikalne ka ek hi marg hai, or wo hai yahan ka sarvnash.
.
Main - wo to main kar sakta hun,
Kintu, Dar is baat ka hai ki mere andar se nikalne vali urja aapko hani na pohchaye.
.
Raja - tumhare andar se parilok ki mishrit shakti niklegi, jo shayad mujhe hani na pohchaye.
.
Main - aapke shayad kehne se ek baar meri phatne se bachi hai,
Dobara risk nahin lunga.
(Maine sochte hue kaha)
.
Raja (haste hue)- maskhari achchhi kar lete ho.
.
Main (man me)- yahan isko safely ghar le jana hai or isko ye sab maskhari lagti hai,
beta jab tujhe pata chalega ki main hi tera hone vala eklouta damaad hun, jab bataunga ki maskhari kya hoti hai.
.
Raja - subha hone vali hai, or tum kis soch me doob gaye?
.
Main (vapas present me aate hue)- kuchh nahin maharaj aapko safe karne ka tarika soch raha tha,
Jo mil gaya hai.
.
Raja - or wo kaise?
.
Main - bas dekhte jaiyye.
.
Maine apna hath ghumaya or raja ke charon or ek pardarshi kavach ban gaya.
Phir main vahin aakhen band karke dhiyan me baith gaya, or hawa me oopar uthte hue apne asli roop me aane laga.
Sath hi sath "Mahakaal" ka naam japne laga.
.
Mere seene or peeth par Mahakaal ke tatoo banne lage, jise Raja hairat se aakhen phade hue dekh raha tha.
.
Jitna oopar hawa me main utha tha meri power se mere sath sath raja bhi hawa me tanga hua tha,
Dheere - dheere mere andar se peele rang ki roshni nikalni shuru ho gayi, ja vahan par phailne lagi,
Or kuchh hi der me wo roshni itni tezi se nikalne lagi ki us poore kaidkhane me phailne lagi,
Ab hame shaitaano ke cheekhne ki aawazen aane lagin,
Or vahan sab kuchh nasht hone laga.
Phir kuchh der baad ek bade dhamake ki awaaz aayi,
Or uske baad raja ki awaaz mere kano me padi.
.
Raja - Aankhen kholiye, sab kuchh nasht ho chuka hai, aapne kar dikhaya.
.
Maine apni aakhen kholin or apne charon or dekha, ab raja javaan lag raha tha, or ham usi maidaan me khade the, jahan se kaidkhane me jane ka rasta tha,
Par hairat ki baat ye thi ki ab na vahan par wo kua tha or na hi patthar.
.
Raja (mere aage hath jodte hue)- prabhu! Aap kon hain, main aapko jaan nahin paya.
.
Main (unke jode hue hath niche karte hue)- main ek insaan hun, or Mahakaal ka bhakt hun bas, or kuchh nahin.
.
Raja - nahin aap ek sadharan manushye nahin ho sakte?
Aap zaroor kuchh chhipa rahe hain.
.
Main - achchha Anjalika se puchh lena, wo aapko mere bare me bata degi.
.
Raja - theek hai, chalo ab hame yahan se nikalna chahiye,
.
Main - haan par usse pehle mujhe apna ek vaada nibhana hai.
.
Raja - vaada ? Kaisa vaada?
.
Main - jin logon ne mujhe panah di thi, unko khush-haal karne ka vaada.
.
Or main vapas shaitaan ke roop me aa gaya, phir raja ka hath pakad kar teleport hokar Lamia ke ghar pohcha.
.
Sardaar abhi so raha tha, subha hone me abhi time tha, shayad isi liye.
.
Main raja ko sath lekar lamia ke room me pohcha, jo bistar par leti hui thi, par uski aakhen khuli hui thin.
.
Maine jaise hi usko awaaz de wo turant uth kar khadi ho gayi, or mujhe gale laga liya.
.
Main - are ye tum kya kar rahi ho?
.
Lamia (muskurate hue)- hisab barabar kar rahi hun.
.
Phir main usse alag hua or raja se uska parichay karvaya.
.
Main - lamia jo tum sochti ho main vo nahin hun, main shaitaan nahin hun.
.
Lamia (hairat se)- ye aap kya keh rahe hain?
.
Main apne asli roop me aa gaya, jise dekh kar lamia ki aakhen phati reh gayin.
.
Main - lamia main vaada karta hun, main hamesha tumse dosti nibhaunga, or jald hi loutkar aaunga,
Or shayad tum mujhe chahne lagi ho,
Jo hamare beech nahin ho sakta,
Sirf ek pavitra dosti ho sakti hai.
.
Lamia ki aakhon me aansu chhalak gaye, or wo bharraye hue gale se boli-
.
Lamia - meri shubhkamnaye aapke sath hain, parantu ek baat hamesha yaad rakhna, koi bhi kisi ki shakl surat ya ye dekh kar pyar nahin karta ki vo shaitaan hai ya koi or,
Wo bas dil se pyaar karta hai.
Hamare beech pyaar nahin to kya hua hamari dosti sada rahegi.
.
Maine bhi uska matha chumte hue gale laga liya,
Wo thodi der mujhse chipti hui roti rahi, or main uska sar sehlata raha.
.
Main - lamia, ab hame nikalna hoga,
Varna yahan par hamari vajha se tum sab bhi khatre me pad sakte ho.
.
Usne mujhse alag hote hue haan me sar hilaya,
To maine apne hath phaila kar apni aakhen band karte hue uski poori basti pehle ki tarhan sundar kar di,
Or unke gharon me kapdo ka intzaam bhi kar diya.
Ab lamia ka ghar kisi mahal se kam nahin tha,
Maine lamia ke baad sardaar ko utha kar unse bhi vida li,
Or raja ka hath pakad kar teleport hokar vahin aa gaya, jahan mujhe summon (jinn) chhod kar gaya tha.
.
Vahan pohoch kar main chouk gaya,
Kyonki vahan par Summon pehle hi khada tha.
.
Main - are summon tum yahan kaise?
.
Summon - Aaka ka yahi hukum tha mere maalik.
.
Maine haan me sar hilaya or raja ke sath jinn ki peeth par baith gaya.
Or summon mere kehne par parilok ki taraf udne laga.
.
Maine (man me anjalika se [In TP) - Anju baby main tumhare pita ko lekar seedha Parilok aa raha hun,
Wo ekdam safe hain. Tum raja agora samhit sab ko lekar Parilok pohcho.
.
Anjalika (In TP) {Khushi se }- Iiii Lovvvee Yooouuu jaaaaan, ummah ummah ummah, main abhi nikal rahi hun sab ko lekar, aap jaldi aa jao bas.
.
uski khushi or nadani dekhkar mujhe hasi aa gayi, par uski khushi jayez thi, aakhir kitne saal se bechari tadap rahi hogi apne pita ke liye.
.
Main (In TP)- haan baby, ham bas 7 - 8 ghante me pohoch jayenge, itne tum sab milkar "Rajyabhishek" (Tajposhi) ki tayyari karo.
.
Anjalika (in TP)- theek hai jaan ... Ham bas pohoch rahe hain vahan.
Baat poori karke hamne TP khatam kar diya.
.
Phir main Raja se baat cheet karne laga. Or unka naam vagerah puchhne laga.
.
Raja - Mera naam vikram singh hai.
Or wo vahi sab mujhe batane laga jo anjalika pehle hi bata chuki thi.
.
Summon - malik ab mujhe kas ke pakad lijiye, kyonki ab main apni gati (speed) badhane vala hun.
.
Maine turant hi ek hath se vikram singh ko or dusre hath se summon ko kas ke pakad liya,
Ab summon ne pichhli baar se bhi zyada speed badha di, hamari aakhen band ho gayin, or bas hawa ki aawazen aane lagin,
.
Or aakhir 6 ghante ke lambe safar ke baad ham Parilok ki seema me enter kar gaye.
Ab summon ne apni raftaar bohot dheemi kar di thi,
Jisse ham araam se uski peeth par baith gaye the.
.
Vahan par har taraf apne raja ke swagat ki khushi me harsh or ullas ka mahol tha.
Poore Parilok ko phoolon se sajaya gaya tha,
Or parilok ki seema se lekar mahel tak dono or pariyan hawa me ek kataar me khadi thin, jo ham par perfume or phulon ki bouchhar kar rahi thin.
.
Ek phool meri aankh ke paas aakar laga.
.
Main - abe dekh ke, meri aankh phodegi kya?
Jaise hi ham Raj Mahal pohche vahan par Aghora ke parivar samhit Vikram singh ki saari patniyan or meri behne bhi Raj mahal ke bahar hi khadi hui dikhai din.
.
Isi ke sath Summon ne Take off kiya.
Or ham niche utar gaye.

To... Be... Continued