Desi Porn Stories आवारा सांड़

[desiaks]

UPDATE- 174

Usne dekha ki vah kisi khandahar me patthar par leti huyi hai...chaand poore youvan par hai aur har taraf chamgadare ud rahi hain..ek do chamgadar uski taraf bhi lapki thi...ki tabhi uski neend khul gayi.

Neend khulte hi uski halat badi hi ajib si ho rahi thi...dil kisi anjane bhay se ghabra raha tha…uski samajh me kuch nahi aa raha tha, ki ye sab kya aur kyo ho raha hai uske sath... ?

Lekin ye ghabrahat kuch ajib kism ki thi..ek bechaini si thi mann me…jaise ki kuch anhoni hone wali ho ya phir ho chuki ho….magar uski suchna abhi tak pahuchi na ho.

Ab aage.......

Sadhana bechain pareshan apni inhi vicharo ke bhanwar me uljhi huyi thi ki tabhi ganga mousi ne room me pravesh kiya.. usne jaise hi sadhna ko udas dekha to unhe samajhne me der nahi lagi ki vo kuch pareshan hai...vo dhire kadmo se chalte huye sadhna ke bagal me aa kar baith gayi aur uske sir ko sahlane lagi...apne sir me kisi ka pyar bhara hath lagte hi sadhna ka dhyan toot gaya aur vo ankhe ghuma kar mousi ko dekhne lagi.

Ganga—kya baat hai beti... ? lagta hai ki tum abhi tak uss maal wali ghatna ke baare me hi soch soch kar pareshan ho... ? jo bhi hua use ek bura sapna samajh kar bhul jao beti...

Sadhana (udas)—pata nahi mousi, mera dil aaj bahut ghabra raha hai...ek ajib si bechaini ho rahi hai mann me...aisa lagta hai jaise ki mere kisi apne ke sath kuch bura, bahut bura hone wala ho..aur kya pata ki ab tak ho bhi chuka ho... ?

Itna bolte bolte hi sadhana ki ankho me nami utar aayi...ye dekh kar ganga mousi ne uska sir pakad kar apni god me rakh liya aur pyar se sahlane lagi.

Ganga—pareshan mat ho beti, sab theek ho jayega...ye sab tere mann ka vaham hai...

Sadhana (rundhe gale se)—main kitni bhagya heen hu mousi..! mere mata pita ne mujhe aise hi marne ke liye chhod diya.. ek aulad ko taqdir ne uske maa baap se juda kar diya…….main dar dar bhatakti rahi…jindagi bhar jinhe apne maa baap samajhti rahi, jo ki kabhi mere mummy papa the hi nahi… asli maa baap koun hain mere, main janti hi nahi…mera koi apna hai bhi ya nahi, ye bhi nahi janti…agar hain to unhone kabhi mujhe dhoondne ki koshish kyo nahi ki…? Vo kabhi mujhe yaad karte bhi hain ya nahi….?

Ganga—aisa nahi sochte beti…kya dayachand ne kabhi tujhe apne bachcho se kam chaha hai, jo aisa soch kar unke tyag aur prem ka apman kar rahi ho…? Vo sab bhul ja beti…aise kab tak dukhi rah kar apni saanse todti rahegi..

Sadhana—kya karu mousi..? kaise bhul jau sab kuch..? meri jindagi ek rahasya ban kar rah gayi hai…sawal to bahut hain mere paas magar jawab ek ka bhi nahi hai…

“Saanso Ka Toot Jana To Bahut Choti Si Baat Hai, Mousi,
Jab Apne Yaad Karna Chhod De, Mout To Use Kahte Hain.”

Ganga mousi use samjhate huye uske sir me pyar se hath pherti rahi…aur sadhna sisakte huye akhir dhire dhire ganga mousi ki god me hi kisi abodh bachchi ki tarah so gayi.

Sadhna lagbhag aadha ghanta tak aise hi soti rahi….aadhe ghante baad achanak hi uski ankh khul gayi...pahle to uski samajh me hi nahi aaya ki vah kaha hai…? Ganga mousi ki god me apna sir dekh kar pahle usko khyal aaya ki shayad vo bimar hai lekin jab ankhe achche se khuli to yaad aaya ki vo sisakte sisakte mousi ki god me hi so gayi thi.

Sadhna ko yakayak sharmindagi ka ehsaas hua ki na jane vo kab se aise hi so rahi hai…aur mousi uski vajah se yu hi baithi rahi hain..mousi ke ghutno me vaise hi taklif rahti hai..ye soch kar sadhna hadbada kar uthne lagi to ganga ne usko uthne nahi diya.

Ganga—leti raho beti..mujhe achcha lagta hai tera iss tarah meri god me letna..

Sadhna uthte uthte dubara unki god me let gayi…aur ganga mousi mamta bhare pyar ka hath uske baalo me pherti rahi.. vo mousi se baate karte huye kafi der tak aise hi unki god me sir rakhe leti rahi jab tak ki uski baki saheliya vaha nahi aa gayi…unke aate hi vo uth kar baith gayi….unme se varsha, sadhna ki sabse khaas saheli thi…aur vo sadhna ki hum umra bhi thi.

Varsha—sadhna, tum to lagta hai sone ke liye aayi ho…ghumne nahi chalna hai kya…?

Sadhana—aaj mood nahi hai yaar..

Varsha—dekho na aunty, ye aise hi natak karti rahti hai, jab dekho..

Ganga—taiyar ho jao beti…ghumne se mann ko sukun milta hai..

Sadhana—theek hai mousi..

Sadhana uth kar ready hone lagi aur baki sab dusre room me aa gaye...taiyar hone ke baad sadhna bhi darwaja lock kar ke sab ke paas pahuch gayi.

Ganga—aaj kaha jana hai ghumne... ?

Varsha—aaj chidiya ghar chalenge...shaam ko vahi se dinner karte huye ayenge...raste me ice-cream khayenge..aur phir vapis yahi aa jayenge....

Ganga—theek hai chalo..

Sadhana—kyo na hum aaj raat registan me bitaye....maine suna hai ki vaha bahut log outings par jate hain...

Varsha—idea to badhiya hai..ok, done..

Ganga—nahi, bilkul nahi…raat me vaha bahut thand padegi….agar jana hi hai to kal din me vaha chalenge..

Sadhana—pls mousi…raat me ret se akash dekhne ka maza hi kuch aur hota hai…aur vaise bhi vaha bahut se tourists aate hain raat me aur rukte bhi hain…

Varsha—sadhana sahi kah rahi hai aunty...

Ganga (mann me)—to ab meri samajh me aaya ki sadhana ne jaisalmer hi kyo chuna picnic ke liye…kyon ki jaisalmer se laga hua thaar ka marusthal hai…na jane mera mann ghabra kyo raha hai, ye sun kar…?

Ganga—theek hai, lekin savdhan rahna..sab log..

Sadhana—theek hai mousi..

Kahne ko to usne kah diya tha ki vo alert rahegi lekin iss shabd se hi use chidh ho gayi thi…uska mann karta tha ki sari satarkata, sari ehiyat chhod kar vah maidan me aa jaye.

Sach bhi to tha, sadhana ki jindagi hi bade anishchitata ke rang me beet rahi thi…jo vah karna chahti thi, vo kar nahi pa rahi thi aur jo nahi karna chahti thi, vo karne ko vivash thi…vah qaid me nahi thi lekin use adrishya deewar har waqt apne ird gird khadi mahsoos hoti thi…usne akhir kuch soch kar hi registan me jane ka vichar bana liya tha.

Sab chalne lage to sadhna ko achanak hi yaad aaya ki vo diary to room me hi bhul aayi hai...to usne do minute rukne ko bol kar vapis apne room ki taraf mud gayi.

Jaise hi vo apne room ke paas pahuchi to apne room ka darwaja khula pa kar vo chounk gayi…use achche se yaad tha ki usne jate samay darwaja lock kiya tha...use lagne laga jaise ki koi to gaya hai uske room me..phir usne socha ki ho sakta hi ki vo khud hi darwaja khula chhod gayi ho...room ki light bhi jal rahi thi..

Kamre me ghuste hi use aisa laga jaise ki abhi abhi usne samne rakhi kursi par uss langde admi ko usme baithe huye dekha hai...uske mann me ekdam se sihran daud gayi..

Lekin vaha to kuch nahi tha...kursi khali padi thi…vah pareshan ho gayi…ye kya tha…? Kya ye mahaj uska bhram tha ya phir nazar ka fareb... ?

Lekin nazar ka fareb aur vaham to uss surat me hota hai jab admi pahle se sochta aaya ho ki jab vo room me pahuchega to vaha kisi ko payega…aise me uski soch ya kalpana sajeev aur sakaar nazar aa sakti hai,lekin sadhana ki kalpanao me aisa kuch to tha nahi…phir…?

Sadhana to darwaja khula milne par bhi uljhan ka shikar ho gayi thi…aur phir usne khule darwaje se jo kuch dekha to vah sab usko ekdam vastavik jaisa laga tha.

Kursi khali dekh kar sadhana lapak kar uske paas pahuchi aur usne kursi ki gaddi par apne dono hath rakh diye…gaddi garam ho rahi thi, jaise uss par se koi abhi uth kar gaya ho…vah ussi kursi par baith gayi aur charo taraf nazar ghuma kar dekhne lagi…kintu kuch bhi dikhayi nahi diya.

Kuch der tak aise hi dekhne ke baad ise usne apne mann ka vaham samajh kar diary apne purse me rakh kar darwaja lock kiya aur sab ke paas aa gayi…agle hi pal sabhi ghumne nikal gaye.

Din bhar ghumne ke baad shaam ko sab ne ek dhabe par dinner kiya aur phir vapis hotel lout aaye …hotel me kuch samay bitane ke baad sab ne apna saman le kar check out kar ke registan ki sair karne ke liye nikal gaye.

Ab ret wali jagah par gadi to ja nahi sakti thi, isliye sab ne kuch logo se baat karne ke baad kuch oont (camel) par apna luggage rakh kar unki sawari karte huye aage chal pade.

Door door tak phaila hua registan….jaha tak nazar jati thi, siwaye ret ke kuch nazar nahi aata tha…oont ke pair gaddedar hone ke karan ret me gadte nahi the jiski vajah se vo ret par asani se chal sakta tha, shayad yahi karan hai ki oont ko sab registan ka jahaaj kahte hain.

Aise me neele aas maan me chamakte timtimate taare registan se dekhne par bada hi manmohak nazara pesh karte the.. prakriti ka aisa adbhut drishya uske soundarya me char chaand laga deta tha.

Door door tak phaila ret ka sailab, aas maan ko chhute ret ke oonche oonche teele, chil chilati garmi, dhool bhari aandhi, aur oonto ka karwan…aise registan me din ke samay behad garmi jabki raat me bahut thand hone lagti hai.

Aise hi oont par sawari karte huye aur sheetal hawao ka anand lete sab registan me kafi door nikal aaye…har oont ke sath me ek guide bhi tha…ek jagah pahuch kar usne camping ki salah di to sab vahi ruk gaye.

Uss jagah par registan me tourists ke rukne ke liye bade bade chabutare bane huye the aur unke upar tent tana hua tha… ye vyavastha oont maliko ne apne apne grahako ki suvidha ke uddeshya se bana rakhe the…isse unhe achchi khasi amdani bhi ho jaya karti thi.

Vo guide sab ko ek camp me le gaya jo ki shayad uska hi tha aur khali bhi…roshni ke liye tractor wali battery ka intazam tha jisse tube lights jal rahi thi…aas paas 8-10 camp aur bhi lage huye the…

Sab ne apna apna luggage utar kar andar rakha aur bahar aa kar sunahare vatavaran ka anand uthane lage…magar sadhana ke mann me to kuch aur hi chal raha tha.

Vahi sheetal bahar aangan me baithe bar bar mobile me time dekh rahi thi aur raj ko call lagaye ja rahi thi kintu har bar number band hi ja raha tha…jaise jaise samay ka pahiya ghumte huye aage badh raha tha, uski duguni speed me sheetal ke dil ki bechaini badh rahi thi….uska dil khoob jor jor se rone ko kar raha tha…kis tarah ab tak usne apne anshuo ko tezi se bahne se roka hua tha, ye to bas uska dil hi janta hai….halanki ankhe to uski abhi bhi nam thi…

Tabhi vaha malti aa gayi…aur jab usne sheetal ko iss tarah itni thandi me bahar akele gumsum baithe dekha to use samajhne me tanik bhi der nahi lagi ki baat kya hai…..kyon ki Malti ke dil ki halat bhi sheetal se juda nahi thi…usne to apne hi samne black star ki dhamki ko suna tha…koun aisi maa hogi jiske bete ko jaan se maarne ki baat uske samne ki jaye aur uske dil me dard paida na ho…?

Malti—sheetal..! yaha kyo baithi ho beti…? Chalo andar nahi to thandi lag jayegi…aur agar kahi tum bimar pad gayi to raj aate hi hangama khada kar dega..

Sheetal (ruwasi awaz me)—maa..! raj ka number bhi nahi lag raha hai…fufa ji ko bolo na ki vo mere sath city chale…

Malti—main janti hu ki tu raj ki vajah se pareshan hai...sach kahu to pareshan to main bhi hu...na jane kyo ek ajib sa darr lag raha hai mann me...jaise ki kuch to hone wala hai..

Sheetal (tension)—ye raj ko bina bataye jane ki kya jarurat thi maa…bata kar nahi ja sakta tha…gaya to gaya lekin phone to band nahi karna tha..

Jaha idhar sheetal aur malti to vahi udhar sadhana ke dil me kisi apne ke sath kuch anhoni hone ki ashanka ho rahi thi… magar unhe kya pata tha ki anhoni to ho chuki hai unke kisi apne ke hi sath…