Desi Sex Kahani वेवफा थी वो

[desiaks]

#103

Car mein baithne ke baad maine kuch der apni saanso ko durust karne mein lagi di ……….lgaatar bhaagne ki wajah se meri saans buri tarah fool rahi thi , aur saath hi saath dil ki dhadkane bhi kaboo se baahar thi…….

2 minute tak chup rehne ke baad maine Kamal ki taraf dekha , wo saamne dekhte huye ..badi gambheerta se gaadi chala raha tha ………….raat ka andhera , kaali car aur kaale hi sheeshe ………….main iss samay kaafi had tak safe tha …….par kab tak …??
“ Ham kahan jaa rahe hai Kamal ………………??” maine uss se sawaal kiya ……..main abhi bhi haanf raha tha...........

usne ek baar meri taraf dekha ………….fir aage dashboard mein haath daal kar ek paani ki bottle nikaali aur meri taraf badha di ………..maine bottle uske haath se li aur dhakkan khol kar munh se laga di ………kuch hi seconds mein maine lagbhag poori bottle khaali kar di …………fir munh ponchte huye uski taraf dekha …….apne sawaal ka jawaab jaan-ne ke liye ………….

Uss ne ab fir se meri taraf dekha aur bola ……….” Tum bahut buri tarah fans chuke ho Rajiv………..main abhi todi der pehle hi Lakshmi nivaas gaya tha ………..wahan mauk-e-waardaat par jo bhi kuch dikhayi pad raha hai …….sab tumhaare khilaaf ja raha hai ………….ab tumhaare paas do hi raaste hain……..ya to apne aap ko police ke hawaale kar do ……..aur ya fir filhaal yahan se bhaag jaao ……….iss shahar se door ………….”

Maine chaunk kar uski taraf dekha …….aur fir poochha “ main samjha nahi Kamal ………aisa kya hai wahan jo mujhe iss sab ke liye jimmedar saabit kar sakta hai ………?? ..mujhe to yahi laga tha ki wo log galat fehmi mein mujh par shaque kar rahe hain……??”

Kamal kuch seconds chup raha aur gaadi ko chalaata raha ……..gaadi ab bheed bhari sadko se baahar nikal kar .......... khaali raod par bhaag rahi thi ………..iske thoda aage highway shuru ho jaata tha ..................fir usne meri taraf dekhte huye kaha ………..

“wahan Lakshmi nivaas mein ek revolver mila hai ………police ko yakeen hainki uss hi revolver se Mr.Chaudhry ko goli maari gayi hai ……………aur Sharad ne police ko bataya hai ki wo revolver Mr.Chaudhry ne tumhe diya tha ………….”

“Haan …..yeh sahi hai , par yeh wahi revolver hai Kamal …….jo uss raat mere se chheen liya gaya tha , jab Neeraj ka murder hua tha ………..” maine kaha … mujhe yaad aaya ki jab main seediyon se neeche aaya tha , tab revolver mere haath mein hi tha ………..jaroor Sharad ke saath haatha-paayi mein wo wahin gir gaya hoga …….

“yeh baat main aur tum jaante hai Rajiv ……sab log nahi ……….unke anussar to yeh revolver tumhaare paas hi hona chahiye tha ……….” Kamal ne kaha ………fir aage bola “ iske alaawa Mr.Chaudhry ke room mein se police ko kuch photos bhi mili hain……..wahi photos Rajiv , jink e bal par tumhe blackmail kiya ja raha tha ……….tumhari aur Neha ki pictures , tumhaair aur Neeraj ki pictures …………aur photos ke saath ek letter bhi wahan se mila hai ………wo letter kisi ne Mr.Chaudhry ko likha tha ………jiss mein yeh bataya gaya hai ki tumne Neha aur Neeraj ke saath milkar , Vault ko lootne ka plan banaya tha ……..aur baad mein unn dono ko khatam kar diya ……………..”

“Par jab main wahan pahuncha tha …….tab to wahan koyi photos nahi thi Kamal ……..?? “ maine hairat se uski taraf dekhte huye kaha …………

“ho sakta hai Rajiv ki tumhe jaldi mein dikhayi hi na padi ho ………tumhaara dhyaan to waise bhi Mr.Chaudhry ke oopar hi hoga ………………usne meri taraf dekhte huye kaha ……………

“Ohhh ……God……” mere munh se sirf itna hi nikal paya…………yeh ek nayi baat thi jo mujhe Kamal ne bataayi thi …….aur uska kehna bilkul sahi tha……..main waakayi ab kanoon ke fande mein buri tarah se fans chukka tha ……………..

“Dekho Rajiv ………..”usne fir mujh se kaha…….” yeh case mujhe nahi diya gaya hai ………mere commissioner ne iss case par ek doosre officer ko lagaya hai………shaayad isliye ki iss shahar mein sabko hamaari dosti ke baare mein maloom hai ………..agar main iss case ka incharge hota to main tumhe yahi salaah deta ki tum apne aap ko kanoon ke hawaale kar do ………..par ab inn badli huyi paristhitiyon mein main tumhe filhaal yahan se bhaag jaane ki salaah hi doonga …………Raj nagar mein police ne sab jagah tumhaari talaash shuru kar di hai ………..bus stand , railway station aur airport , sab jagah tumhe dhoondha jaa raha hoga ……………isliye main tumhe yahaan lekar aaya hoon ………………yahan se thoda aage ek bye paas hai , jahan se lagbhag saari buses nikalti hain ………tum wahan se koyi bus pakad kar , iss shahar se door nikal jaao ………..par mere saath contact jaroor rakhna ………main apne level se iss maamle ki chaanbeen karta rahoonga ………aur jaise hi mujhe koyi nayi baat pata chalegi , main tumhe inform kar doonga ……….par fihaal tum kisi safe jagah par jaakar chhip jaao …………sirf tum jaante ho , aur mujhe bhi vishwaas hai ki tum be-kasoor ho ……..par ham jab tak sabko iss baat ka yakeen na dila dein , tumhe chhipe rehne padega ……….”

Main kuch second chup raha aur fir uski taraf dekh kar haan mein sar hila diya ……….uska kehna sahi tha …..wo jiss had tak meri help kar sakta tha , kar raha tha ……….ab iske aage agar wo kuch karega , to uski bhi naukri par baat aa sakti hai ……….

“Thanks Kamal………..tum job hi kuch mere liye kar rahe ho dost …..wo mere oopar tumhaara ehsaan rahega………..” maine uski taraf dekh kar kaha …….

“Kya keh raho Rajiv …..!!....ek taraf to dost bolte ho , aur doosri taraf ehsaan ki baat karte ho …………” usne kaha aur fir dheere se muskura diya ………jawaab mein mere chehre par bhi muskurahat aa gayi ……….

Car byepass par phunch chuki thi ……..ek bade se dhaabe par kuch buses khdi huyi thi ……..Kamal ne car ko wahin par le jaakar roke diya ……maine buses ke driver se poochha aur thodi hi der mein mujhe Ahemadabad jaane waali bus mein jagah mil gayi …………Kamal ne mujhe bye kaha aur fir car lekar waapas Raj nagar ki taraf chal diya ……………..

Kucch hi der ke baad, main bus ke sabse peechhe waali seat par baitha huya tha……….ek boriyat bhara safar ………par mujhe iss se jyada safe aur koyi tareeka nahi najar aa raha tha , filhaal police se bachne ka…………..

9 ghante ke lambe safar ke baad , subah kareeb 8 baje bus Ahemadabad pahunchi ……..aur fir bus se utar kar main seedha Railway station ki taraf badh gaya …………mujhe maloom tha ki mere baare mein yahan bhi alert kar diya gaya hoga …….par mujhe yeh bhi maloom tha ki hamaare desh ki police kitni mustaid hai ……….bina kisi pareshaani ke main station pahunch gaya …….aur fir mujhe Delhi jaane waali gaadi ka ticket bhi mil gaya ……….

Fir ek aur lambe safar ki shuruaat huyi …………..16 ghante baad , yaani raat ke 2 baje , Rajnagar chhodne ke theek ek din ke baad main Delhi pahunch gaya…………
______________________________

[desiaks]

#104

Railway station par routine checking ho rahi thi …………shaayad kisi ko anumaan bhi nahi hoga ki main itni jaldi Rajnagar se baahar nikal paaoonga , isliye mujhe yahan koyi pareshaani nahi huyi ……..main Station se baahar aaya ……aur Pahaar ganj ki taraf chal diya …………..

Agle 1 ghante ke andar , main ek hotel ke room mein tha ………yeh ek medium sa hotel tha………iss jaise kitne hi hotels Pahaar ganj mein bane huye hain ……hotel ke room mein pahunchte hi main bistar ke hawaale ho gaya …….aur fir kuch hi der mein neend mein doobta chala gaya…………
Poore do din ki thakaan ka asar tha ki subah mein der tak sota raha ………meri aankh 10 baje ke kareeb khuli ……….uth-te hi maine roomservise ko phone kiya aur chay ke liye bola ………….main bistar se uth kar bathroom mein chala gaya …..aur fir 2 minute baad hi waapas apne bed ke oopar aa kar baith gaya ………thodi hi der ke baar roomservice waala ladka , chay le kar aa gaya ……..

Uske jaane ke baad main chay peene laga aur remote utha kar TV on kar diya…….. news channels ko sirf karna meri aadat thi……aur main wahi kar raha tha….3-4 channels change karne ke baad hi mujhe wo news dikhayi dene lagi jo main dhoondh raha tha ……………TV screen par ek ladki bol rahi thi ………..
“desh ke mashhoor udhyogpati …aur Lakshmi groups ke chairman Vijay Chaudhry par huye jaanleva hamle mein abhi police ko koyi safalta haath nahi lagi hai…….........jaisa ki bataya jaa raha hai .............…unn par yeh hamla unki hi ek campany ke vice chairman aur unke munh-bole bete Rajiv chaudhry ne kiya hai ………Rajiv chaudhry iss samay faraar bataya ja raha hai ……..aaiye ham baat karte hain Raj nagar mein maujood hamaare vishesh samvaaddata Alok Tripathi se .....……aur jaante hain iss poori ghatna ke baare mein ……

fir screen par ek aadmi nazar aane laga ……..uske peeche mujhe Rajnagar Police headquarter ki building dikhayi pad rahi thi …….uske haath mein ke mike tha , aur usne bola shuru kiya ……….
“ ji ..shukriya Sonali……aam taur par shant rehne waala Rajnagar……..pichhle kuch dino se dehla huya hai ………yahan kuch aisi waardaatein ho rahi hai , jo iss shahar ki shaanti ko chheen rahi hain ……hamne tehkikaat ki to maloom chala ki yeh saari ghatnayein aapas mein kahin na kahin judi huyi hain……aur iske peeche jiss ek shakhs ka haath bataya jaa raha hai , uska naam hai Rajiv chaudhry ………….jo lakhsmi bank ke vice chairman bhi hain………… “

“ abhi 3 din pehle hi Raj nagar mein stith , Lakshmi Bank ke vault section mein kuch lutero ne ghuss kar sona lootne ki koshish ki thi ……..Rajnagar ke additional SP , Kamal kanth ki soojh-bujh ki wajah se police ne lutero ki iss koshish ko na sirf na-kaamyab kar diya …balki unn lutero ke thikaane tak bhi pahunch gayi ……….lutero ka leader , jo ek shaatir apradhi bataya jaa raha tha , police ke haatho maara gaya aur baaki ke lutero ko police ne pakad liya ……………uss hi din Lakhsmi groups mein kaam karne waali ek ladki ne, jiska naam Neha verma bataya jaa raha hai ………apne aap ko goli maar li ……..police ke anusaar yeh ek aatma hatya thi , jo usne kuch gharelu wajahon se tang aakar ki thi ………. “

“ iss ghatna ke agle din , yani ravivaar ko police ko ek aadmi ki laash samandar ke kinaare se baramad huyi ………uss aadmi ki shinakht , Neeraj verma ke roop mein huyi ……jo ki iss ladki , Neha ka pati bataya gaya hai ………….hamaare kuch vishwast sutro se hamein maloom pada hai ki iss aadmi ko bhi goli maari gayi thi ………aur inn dono ki maut ka sambandh bhi bank vault ki robbery se hai …………”

“Aur fir ussi din , yaani ravivaar ko Mr.Vijay chaudhry ko unke ghar mein bane huye unke office mein kisi ne goli maar di ……….Mr.Chaudhry ko 2 goliyanmaari gayi hai ………..ek unki peeth par , aur ek saamne se unke seene par …………Mr.Vijay chaudhry abhi hospital mein bharti hain , aur unki haalat bahut naajuk batayi jaa rahi hai ………….”

Fir se Sonali screen par dikhayi padi …………” Lekin Alok ……….iss saare maamle mein Rajiv chaudhry kahan involve hain ………….? “

“Sonali ……dekhiye , jaisa ki hamein police ke sutro se pata chala hai .......….iss ladki Neha verma aur Rajiv chaudhry ke beech na-jaayaj taalukaat bataye ja rahe hain ......…….police ka yeh bhi maan-na hai ki bank vault mein ghusne mein , Rajiv ne hi unn robbers ki madad ki thi ………........jiss bank vault ki ham yahan baat kar rahe hain , wo Hindustan ke sabse surakshit vaults mein se ek tha .......iss vault ko banane waala bhi Rajiv Chaudhry hi hai .......... aur ismein ghusne ke liye jo sahuliyat Rajiv ke paas thi , wo kisi aur ke paas nahi thi ………..police ko yeh bhi shaque hai ki kyonki Neha , Rajiv ke iss saare maamle mein involve hone ki baat jaan gayi thi , isliye uss ko maar diya gaya ……………..”

“Alok ………….lekin , Neeraj verma ki maut ki kya wajah ho sakti hai ……….? “

“Ji dekhiye ………..police ke anusaar , post-mortem report mein yeh saabit hu chukka hai ki Neeraj verma ki maut , uski laash milne se kareeb ek hafte pehle huyi thi ………Vijay Chaudhry ke office se , jahan ki unko goli maari gayi thi ……police ko kuch photo baraamad huye hain ………jismen se kuch mein Rajiv aur Neha compromising position mein hain …….aur kuch photos mein Rajiv aur Neeraj aapas mein ladte huye dikh rahe hain ………1-2 photos aisi bhi hain , jiss mein Rajiv , Neeraj ke oopar revolver taane khada hai ………aur yeh baat bhi saabit ho chuki hai ki Neeraj ki maut , Rajiv ke revolver se hi huyi thi …………..........Police yeh maan kar chal rahi hai ki Vijay Chaudhry ko Rajiv ki inn saari harkato ke baare mein maloom pad chukka tha ………unhone Rajiv ko apne ghar par baat karne ke liye bulaya tha …….aur wahin Rajiv ne unko goli maar di ………..Goli maarne ke theek baad , ghar ke kuch members aur guards ne Rajiv ko wahan se bhaagte huye dekha aur usko pakadne ki koshish ki ………par wo wahan se bhaagne mein kaamyab ho gaya ………….”

“aur abhi Rajiv kahan hai Alok ……..??”

“Ji………Rajiv abhi faraar bataya ja raha hai ……..police ka kehna hai ki wo uski talaash mein lagi huyi hai , aur bahut jald usko pakad liya jaayega …………….”

“ iss sari jaankari ke liye bahut bahut shukriya Alok ………….ham fir waapas lautenge , aap se kuch aur jaankari ke liye ……..”
“to yeh they Raj nagar se hamaare vishesh samvaaddata Alok Tripathi ……..hamaare saath ban rahiyega ……….desh aur duniya ki baaki khabro ke baare mein jaanne ke liye ……….”

Maine mai madarchod hu change kar diya …………aur fir kuch seconds yun hi saare channels sirf karne ke baad TV off kar diya ………fir main bistar se uth kar baahar balcony mein aa gaya ………….

Neeche sadak ki taraf dekhta huya main fir se saare maamle ke baare mein sochne laga ……aur apne baare mein bhi ……...news mein jo bataya ja raha tha , uss hisaab se to main bahut buri tarah fans chukka tha ………sirf ek hi cheej mujhe bacha sakti thi , agar asli gunehgaar pakad mein aa jaata to …….aur filhaal to yeh sambhav nahi dikh raha tha ………

Iske alawa ab mujhe apne aap ke pehchaane jaane ka bhi darr lag raha tha …….haalanki , abhi kisi news mai madarchod hu par mere bare mein koyi jaankaari nahi di gayi thi ……..par jald hi mere phote dikhaaye jaa sakte hain , aur fir mujhe koyi bhi pehchaan sakta tha …….

Mujhe yeh hotel chhodna padega …….par main kaha jaaoonga ??…..................fir saamne dekhte hi mujhe mere sawaal ka jawaab khud hi mil gaya ………Sardaar ji ka hotel yahan paas hi tha , aur iss duniya mein wo unn kuch logo mein se they , jinn par main aankh band kar ke bharosa kar sakta tha ………..yahi soch kar mein kamre ke andar aaya aur fir bathroom mein ghus gaya ………jaldi hi tayyar hokar, hotel chhodne ke liye
______________________________

[desiaks]

#105
Hotel se nikal kar , Sardar ji ke pass pahunchne mein mujhe koyi pareshani nahi huyi …….maine hotel se check-out kiya aur paidal hi sardar ji ke restaurant ki taraf chal diya ……….abhi 2 mahine se bhi kam time huye tha mujhe yahan aaye huye , isliye yeh jagah dhoondhne mein bhi mujhe koyi parseshani nahi huyi ………
Sardar ji mujhe apne restaurant par hi mil gaye …………pichhli baar ki hi tarah , unhone mujhe dekhte hi gale se laga liya ….fir wo mujhe restaurant ke andar bane huye ek office-numa kamre mein le gaye ……….yeh unke aaram karne ki jagah thi ………. news channels ki wajah se , unko mere saath huyi saari baaton ke baare mein pata lag chukka tha ……………unhone wahin uss kamre mein mere liye nashte ka intezam kiya aur fir thodi der ke baad aane ke liye keh kar wahan se nikal gaye ………

Main nashta karta raha ………….10 minute ke baad hi sardar ji waapas aa gaye , par iss baar unke saath Happy bhi tha ………...Happy ne bhi dekhte hi mujhe gale se laga liya ………..fir kuch formal baaton ke baad ham teeno baith kar baaten karne lage ……Sardar ji bole ……..
“Dekh puttar ………….ab tera hotel mein theharna to khatre se khali nahi hai ……..isliye maine tere liye ek jagah ka intezam kiya hai ……….chhipne ke liye “

maine baari baari unn done ke chehre ki taraf dekha ……… sawaaliyan nigaah se …….

Happy ne mujhe bataya …….” Raju…………meri dukkaan ke oopar ek kamra bana huya hai ………jiska use main apne aaram karne ke liye aur kuch saaman rakhne ke liye karta hoon……..main abhi usko saaf karwa ke , tere liye wahin rehne ka intezam kar deta hoon …………….”
Fir aage ki baat sardar ji ne samjhayi ……” Puttar ….hamein yeh lagta hai ki police tujhe dhoondhte huye yahan bhi aa sakti hai …….aur agar aisa hua to wo hamaare ghar bhi pahunch sakte hain …….isliye tere liye sabse safe jagah yahi hai …….”

Maine unki taraf sehmati mein sar hila diya …………fir ham teeno wahan se uth kar baahar aa gaye , aur uss jagah ki taraf chal diye , jahan ke baare mein wo log bata rahe they ………

Happy ki dukaan ke oopar bana huya yeh kamra , waakayi bilkul safe jagah thi ……….dukaan ke peechhe se ek jeena oppar ki tarf jaata tha ……….wahan kuch godown type ke bane huye they ……..unn ke hi beeche mein yeh ek room tha ………..ek bade se godown ko iss tarah se devide kiye gaya tha ki baahar se dekhne mein yeh room dikhayi bhi nahi padta tha …………

Iss room mein ek chhota sa palang (bed) , ek chair , ek computer , aur kuch saaman bhara huya tha …………..ham teeno wahan aa gaye ………..uss se pehle hi dukaan ke kuch ladke iss kamre ko iss haalat mein bana chuke they ki main wahan reh sakoon………….

Mujhe wahin chhod kar wo dono wahan se chale gaye ……unke jaane ke baad main wahin pade huye palang par let gaya aur aaram karne laga …………..kuch hi der ke baad Happy waapas laut aaya ……….iss baar uske haath mein 2 mobile phone bhi they ……..usne phone mujhe diye aur kaha ……….

“Le Raju…………kahin bhi phone karna ho to inn phones ka istemal karna ………..apna mobile use nahi karna ……..” maine phones lekar haan mein sar hila diya …………..fir Happy wahan se chala gaya……..ek mobile mein uska number feed tha, usne mujhe kaha tha ki koyi bhi jarrorat hone par main uss ko call kar doon ………….

Uske jaane ke baad maine kamre ka darwaaza andar se band kar liya , aur fir se waapas bistar par aakar let gaya …………….aur inn pristhitiyon ke baare mein sochna shuru kar diya ……….

Mujhe samajh mein nahi aa raha tha ki main kya karoon ………..police mujhe dhoondh rahi thi , aur main bahut jyada der tak unn se bhaag nahi sakta tha …….. kabhi na kabhi mujhe unki pakad mein aa hi jaana tha …………Kamal ki baat maan kar maine Raj nagar chhod diya tha , par mujhe maloom tha ki agar mujhe khud ko be-kasoor saabit karna hai to mujhe waapas Raj nagar lautna hi padega ……….

Doosri baat jo mujhe pareshaan kar rahi thi wo yeh ki inn haalat mein mujhe kis par bharosa karna chahiye , aur kis par nahi …………apne alaawa mujhe wo har ek shakhs dhokebaaj najar aa raha tha , jo mere aas paas tha ……..

Fir maine Kamal ko phone karne ka faisla kiya ………….iss samay mujhe uss se wahan ke haalat pata karne they …….aur case ki progress bhi …………

Maine apne phone mein se Kamal ka number nikaala aur Happy ke diye huye phone se usko call ki ……………kuch rings jaane ke baad usne call receive kar li …….
“Hello …..!!”

“Hello Kamal………….main bol raha hoon …….” Maine kaha…………jaanbhoojh kar maine apna naam nahi bola tha ………….

kuch seconds ki khamoshi ke baad wo bola ………”kahan ho tum ..?” jaahir tha wo meri awaaz pehchan gaya tha ……

“Delhi mein ………….”
“Hmm………..kahan thehre ho ??” usne poochha …

“ek guest house hai ………wahi thehra hoon ……….” Maine jaanbhoojh kar jhooth bola ……….

“OK ……….main abhi tumhe call back karta hoon …….”usne kaha aur phone kaat diya ……………fir 1 minute baad hi mere mobile par call aayi , iss baar yeh kisi doosre number se thi ………..maine call receive kar li ………..

“Haan ab bola Rajiv ……………..tum theek ho na ..? “ usne kaha ………..

“main theek hoon Kamal ……..tum batao , wahan ke haalat ab kaise hain …” main kaha ………..

“Haalat achchhe nahi hain ……………tumhaaro talaash poore joro se ki jaa rahi hai …….”

“Ohh……….unhe abhi maloom nahi pada ki main wahan se nikal gaya hoon …………” maine poochha …………….unhe se mere matlab, police se tha …….
“maloom pad gaya hai …………unhe yeh to pata chal chukka hai ki tum yahan se bus ke through Ahemadabad gaye they ………..isliye tumhaari talaash ab Ahemedabad aur uske aas paas ho rahi hai …………..” usne bataya ………..

“Hmmm…………..aur case ke baare mein koyi nayi khabar ..?? …………Chaudhry saab ab kaise hain ?? ……..” maine poochha ………….

“Chaudhry saahab abhi behosh hi hain ……………doctors bata rahe hain ki unki condition abhi poori tarah stable nahi hai …………” usne kaha aur fir kuch seconds chup reh kar aage bola …………” aur jo bhi news hain , wo sab tumhaare liye to Bad-news hi hain ………….”
Main chup reh gaya ………..fir thodi der ke baad bola ……….”Bad hi sahi dost …………batao kya news hain …………?”
______________________________

[desiaks]

#106

Usne batana shuru kiya ………..” police ne Lakshmi nivaas ka visitor record check kiya tha ………..uss din , jab Mr.Chaudhry ko goli maari gayi thi ……….uss samay ke aas-paas koyi bhi baahar ka aadmi wahan nahi aaya tha ……….sivaaye tumhaare …….”

“aur cctv system kya keh raha hai …….??” Maine sawaal kiya ………

“unfortunately uss din cctv system poori tarah kaam nahi kar raha tha …………kuch cameras hi working mein they , jinn mein se ek camera jo gate par laga huya tha ……uski recording check karne par pata chala ki waakayi uss dauraan koyi bhi baahar waala wahan nahi aaya tha ………….” Usne bataya

“ Aur ghar waale ??............I mean , ghar ke members ………..?” maine aage poochha ……..
“Ghar ke members mein se , Sharad koyi ½ ghante pehle hi wahan aaya tha ……..Priya bhi uske baad hi wahan pahunchi thi ……..Anil Chaudhry uss samay ghar par nahi they , wo apni wife ke saath kisi party mein gaye huye they …….Nidhi uss shaam ghar par hi thi ……wo kahin nahi gayi thi ………..” usne detail mein samjhaya …….aur sun kar main kuch der ke liye soch mein pad gaya …………

fir wo khud hi aage bola ………..” iske alaawa police ne Mr.Chaudhry ke mobile ki call details chaeck ki hain …….uss se maloom pada hai ki , goli lagne se kareeb 40 minute pehle unhone tumse baat ki thi …………..iss liye police ki yeh thory bhi sahi saabit ho rahi hai ki photo milte hi unhone tumhe call kar ke bulaya tha …………”
main chaunk kar bola …….” Lekin , meri to unse koyi baat nahi huyi hai ………even , uss shaam unka koyi phone bhi mere paas nahi aaya tha ……….??”

“par unki call details bata rahi hain ki, unhone tumhe 3 baar call kiya tha ……jis mein se ek baar tumhaari aur unki baat bhi huyi thi ….kareeb 1 minute ke aas-paas “ usne bataya aur main fir se chaunk gaya …………jahan tak mujhe yaad hai uss shaam mere paas chaudhry saahab ki koyi call nahi aayi thi ………..

fir usne aage bataya…….” Tumhaare ghar ki talashi mein police ko kuch CDs mili hain …….jismen wahi photos hain , jo Mr.Chaudhry ke room mein se mili thi ………” fir kuch second chup reh kar wo aage bola “ aur sabse buri khabar yeh hai ki mujhe iss case se bilkul alag kar diya gaya hai …………..”

“Hmmmmm…….aur bank vault mein robbery waala case to tumhaare paas hi hai na ??” maine poochha ……..

“Haan…..!......filhal to mere paas hi hai , par maloom nahi kab tak rahega ….” Usne ek lambi saans lete huye kaha …………

“Kyon ?....kya hua ?? “ maine fir se sawaal kiya ………

“Neha ki suicide ki kahaani mere officers ko hajam nahi ho rahi hai ……aur shaayad kisi aur ko bhi nahi hogi …………..”

“Kyon ??”
“tum bhool rahe ho ki Neha ko 2 goliyan lagi thi ………ek uski peeth mein, aur doosri uske sar mein ……….peeth waali goli mere revolver se chali thi Rajiv , aur maine usko goli kyon maari ? iska sahi jawaab mere paas nahi hai ………” usne mujhe samjhaya ……….

“Hmm……..aur uss farmhouse ke baare mein pata chala ……kiske naam par hai wo ?? “ maine turant agla sawaal kiya ………

“Haan………hamne pata kiya tha , wo farmhouse kisi NRI ka hai ………..wo khud USA mein rehta hai …….yahan usne ek caretaker chhoda huya tha …….jiske jimme iss farmhouse ki dekhbhaal ki jimmedari thi …………hamnein uss se poochhtachh ki to maloom pada ki kisi aadmi ne uss se yeh farmhouse kiraye par liya tha , yeh keh kar ki unhe yahan ek movie ki shooting karni hai …………adami kaun tha ?............ jab hamne uss se yeh poochhtachh ki to usne Babloo ki pehchan kar li , uske photo se ……………”

“aur Babloo ke sathiyon se kuch pata chala ………??”

“nahi Rajiv………..maine tumhe pehle hi bataya tha , wo sab kiraye par kaam karne waale log they ………..sirf yeh maloom pada hai ki unmein se ek aadmi electronics safes aur vaults ke baare mein jaankaari rakhta tha ……usko ek map dekar yeh samjhaya gaya tha ki kahan kahan par cameras lage guye hain aur alarm system ki wiring kahan se nikli hai ………usne hi inn saare systems ko bekaar kiya tha …………… “ fir kuch der ruk kar wo aage bola “ ek aur important baat hamein yeh maloom padi hai ki jo pistols hamein unn logo ke paas se mili thi , unhe wo khud andar lekar nahi gaye they …….balki wo unhe ek vault ke andar hi mili thi ……..ek ladies handbag mein se ………..”

main sun kar chaunk gaya……….yeh ek jaankari thi , jo kuch kaam aa sakti thi ………….

“to fir ab mere liye kya advise hai Kamal……….yahan reh kar to mujhe nahi lagta ki main kuch kar paaoonga………..” maine kaha…………

“Filhaal to wahin par raho …………main 1-2 din mein tumhe phone kar-ke poori position bataoonga ……….aur dua karte rehna ki Mr.Chaudhry jaldi hi hosh mein aa jaayein “ usne kaha …………

“wo to main karoonga hi Kamal ………..aur jaisa ki tumne bataya ki uss din koyi baahar ka aadmi wahan nahi aaya tha …….ab mujhe lag raha ki jaroor yeh kaam kisi ghar waale ka hi hai ……….tum Chaudhry saahab ki security bilkul tight rakhna ………Please ..!!” maine kaha ………

“main yeh baat samajhta hoon …….isliye maine unke room ke andar tak 2 guards lagaaye huye hain ……..tum bilkul be-fikar raho dost ………..” usne mujhe samjhaya ……

“Thanks Kamal………..mein fir tumhe phone karoonga …………”
“Ok ……….” Usne kaha aur phone disconnect ho gaya ……….. maine bhi ek lambi saans lete huye phone ko ek side mein rakh diya ……aur waapas apne bistar par aakar let gaya ………………..
______________________________

[desiaks]

#107

shaam tak ka samay maine badi hi be-chaini se guzara ………..iss chhote se kamre mein bilkul safe hote huye bhi main apne aap ko kaafi a-sahaj mehsoos kar raha tha ……….bistar par lete lete shaam ho gayi thi ………beech beech mein mere liye kuch na kuch khaane ke liye aa raha tha ……

fir shaam ke kareeb 5 baje honge , jab uss kamre ke darwaaze par ek baar fir se knock huyi ………maine poochha to udhar se Sardar ji ki awaaz aayi ……….maine dheere se darwaaza khola aur sardar ji andar aa gaye …..

“aur bata puttar …!!........tu sahi to hai na …………? “ unhone andar aate hi kaha aur fir chair par baith gaye …………

“Haan ji ……..main sahi hoon ………..bas yahan andar baitha hua thoda sa bore ho gaya hoon ………….” Maine dheere se hanste huye kaha……..

tabhi fir darwaaze par knock huyi ……..iss baar Happy aaya tha …………sardar ji ne darwaaza khola aur Happy andar aa gaya ………..

wo mere paas , bistar par hi aakar baith gaya …..aur fir mere chehre ko bade gaur se dekhte huya bola ………” tune apni surat dekhi hai Raju……!!!..........kaisi majnoo jaisi haalat ho rahkhi hai teri ….? “

main bistar se utha aur wahin kamre mein lage huye ek bade se mirror ke saamne pahuncha aur dekha ………wo sahi keh rahe they……….mujhe khud bhi yaad nehi tha ki maine last time shave kab ki thi ………..meri daari (shave) achchhi khaasi badh aayi thi ……………….maine ek haath chehre par ferte huye kaha ……..

“aap sahi keh rahe ho Happy bhaiya ……………waakayi meri haalat kisi majnoo ke jaisi hi ho rahi hai ……….”aur fir khud hi ek feeki si hansi , hans diya………

sardar ji apni kursi se uth kar mere peechhe aa gaye …………..aur mere chehre ko mirror mein dhekne lage ………main unko aise dekhte huye paakar bola ………
“daar ji…………main aaj hi shave kar loonga ….!! “ fir happy ki taraf mudkar dekha aur bola ………….”Happy bhaiya………..aap mere liye shaving kit ka intezam kar deejiye ………, please “

sardar ji ne haath utha kar mujhe ishara kiya aur fir bole ……..”nahi Raju puttar !!!.......mujhe lagta hai ki tera shave na karna hi tere liye faaydemand hai …….”

Ham dono ne chaunk kar unki taraf dekha ……….wo muskuraye aur bole “ main abhi tumhe samjhata hoon ……….”aur kehkar kamre se baahar nikal gaye ………..

Maine happy ki taraf sawaaliya nigaaho se dekha …….aur usne bhi jawaab mein apne kandhe uchka diye …………

Agle 5 minute kamre mein shaanti rahi ………fir sardar ji waapas aa gaye , unke haath mein ek badi si polythene thi …….unhone muskurate huye mera haath pakda aur mujhe mirror ke saamne khada kar diya …………..

Maine mirror ke same khade hokar , apne peechhe khade huye sardar ji ki taraf dekha …..unhone mujhe saamne dekhne ka ishara kiya , mirror ki taraf……aur fir polythene mein se ek pagdi ( turban) nikaal kar mere sar par rakh di ………theek waisi hi jaisi unhone pehni huyi thi , aur sabhi sikh pehante hain ………
Main mirror mein apne aap ko dekh kar chaunk gaya………..unki baat ab meri samajh mein aa gayi thi ……aur shaayad Happy ko bhi …….wo bhi uth kar hamaare paas aa gaya ………..

Badhi huyi daari-moochh (shave) aur sar ke oopar pagdi ……ne meri soorat hi badal di thi ……….ab main kahin se bhi Rajiv nahi lag raha tha ……balki mirror mein mere saamne ek sikh khada huya tha …………….

Main muda aur chehre par khushi liye huye sardar ji ki taraf dekha ………….wo bhi muskuraye aur mere kandhe par haath rakh kar bole ……….”Dekha Raju…………ab teri soorat bilkul badal gayi hai …………ab tu waakayi mera puttar lag raha hai ……….”
Main khushi ke mare unke gale se lag gaya ……….aur fir bola …….”main to hamesha se hi aapka puttar hoon daar ji ………….bas aaj mera huliya badal gaya hai ……..”

Happy mere paas aaya aur fir bola ……….”Raju………ab tumhaari ek sabse badi problem to solve ho gayi hai………ab tum iss huliye mein kahin bhi jaao , tumhe koyi aasani se nahi pehchan paayega …………”

Maine sirf haan me sar hila diya …………..fir ham teeno waapas baith gaye ……sardar ji chair par , aur ham dono palang par ………..
Fir Happy bola……..”ab isske aage ka kaam mera hai Raju……..main kal tak tere liye kuch identity documents ka intezam kar doonga ………fir tu kahin bhi jaa sakta hai …………”

Maine hairat se uski taraf dekha aur usne haan mein sar hilakar mujhe vishwas dilaya ki jo wo keh raha hai , wo sahi hai …………

Fir sardar ji bole ………” Raju puttar ………yeh sab to Happy ke liye bayein haath k kaam hai ………..wo kal tak tere liye saare kaagjaat ka intezam kar dega ……..fir tu jahan chaahe , jaa sakta hai……………”
Mere liye yeh bahut jyada khushi ki baat thi …..main khud bhi yahi chahta tha ki main jald se jald yahan se nikal kar Raj Nagar chala jaaoon………

Fir unn dono ne milkar , pagdi ko mere sar ke hisaab se adjust kar diya………aur thodi der ke baad hi ham teeno wahan se baahar nikal kar aa gaye……….maine Happy ke saath aas paas ke ilaake ka ek chakkar lagaya ……..aur kuch dukaano par bhi gaya …………..jinn logo ne bhi mujhe dekha , unke chehre ko dekh kar aisa nahi laga ki main iss get-up mein kuch ajeeb sa lag raha hoon ……….yeh dekh kar mera confidence aur jyada badh gaya ………

Fir ham dono waapas kamre par aa gaya ………..Happy ne mujhe chair par baithakar mere kuch photos liye aur fir wahan se chala gaya….

Main fir se kamre mein akela reh gaya……………mere paas kuch bhi nahi tha karne ke liye , isliye main bistar par let gaya ……aur fir se apne saath huyi ek ek ghatna ke baare mein sochna shuru kar diya ……………

Ghadi ki suiyan apni hi raftaar se bhaagti rahi………….mujhe khaali baithey hone ki wajah se time kaatna mushkil ho raha tha …….fir bhi dheere dheere samay beet-ta raha aur raat ho gayi …………

Mere liye khaana hotel se hi aa gaya tha …….aur fir khaana khaane ke baad main fir se bistar ke hawaale ho gaya …………..

Raat ke kareeb 10.30 baje ka samay hoga , jab mere paas maujood mobile ki ghanti bajne lagi ……..yeh wahi mobile tha jo mujhe Happy ne diya tha ……..maine number check kiya ……… mere liye anjaan number tha, par STD code bata raha tha ki yeh Raj nagar ka number tha …………aur mera yeh mobile number wahan sirf ek hi aadmi ke paas tha ……..main call receive kar li ……..

“Hello ….!!”
“main hoon ………Kamal “ usne kaha …….haalanki main uski awaaz se hi usko pehchaan gaya tha ………

“Haan Kamal ………..iss samay kaise phone kiya ?? ……..koyi important baat ?? “ maine poochha …………

“ Haan………..important baat hi thi , maine socha tumhe inform kar doon …” usne kaha ………

“bolo ………..kya baat hai ? “ maine fir se poochha ………..
“maine Neha ke mobile ka call record check karwaya tha …………..yeh jaan-ne ke liye ki wo kis kis ke contact mein thi …………” usne kaha aur fir 2 seconds ruk kar aage bola “ uske paas jyadatar calls unknown numbers se hi aaye they ……… koyi bhi aisa number hamein dikhayi nahi pada , jisko main pehchanta hoon ……….ya kisi ek number se usko lagataar phones aaye ho ……….”

“hmm …….iska maltab , yeh exercise bhi bekaar gayi ………..? “ maine kaha

“Nahi …………..poori tarah se nahi , ek important baat yeh hai dost ki usko jyadatar calls tumhaare office ke numbers se aaye they ……..aur uske baad sabse jyada calls un numbers se they , jo Lakshmi Nivaas ke numbers hain …………..” usne aage kaha ……..

“par yeh to common si baat hai Kamal…………..office se usko calls aana laazmi bat hai ……..aur Lakshmi nivaas se bhi ……….aakhir wo log uske employers hain ……….usko calls to kar hi sakte they ………..” maine kaha ………

“bilkul kar sakte they………par sahi samay par ……….jo calls uske paas lakshmi nivaas se aayi thi , unmein se kuch calls raat ko 11 baje ke baad bhi aaye hai , aur kuch subah 5 baje ke aas-paas ……………..yeh baat kuch un-usual dikh rahi hai dost ……………?? “ usne kaha ……aur uski baat sahi bhi thi …………koyi bhi employer , apne employee ko iss odd time par phone nahi karega , ba-sharte wo uske kuch jyada hi najdeek na ho …………

kuch der khamosh reh kar, main aage bola ………..” tum sahi keh rahe ho Kamal……….yeh baat to tab hi possible hai , jab Neha wahan Lakshmi nivaas mein kisi ke saath kuch jyada hi close ho ……………….”
“Haan …………aur tumhe kya lagta hai ??......wahan aisa kaun ho sakta hai …?? “ usne poochha ………..

“Iss baat ka jawaab tum bhi achchhi tarah jaante ho Kamal…………..sirf ek hi shakhs aisa ho sakta hai ……………….” Maine kaha …………..

“tumhaara ishara Sharad ki taraf hai na ……..??” usne poochha ………….haalanki jawaab wo bhi achchhi tarah jaanta tha ………….

“haan Kamal………..tumhe ab iss pehlu par jyada gaur karna padega ………….” Maine kaha …………

“theek hai dost ………main koshish karta hoon ki uss ke phone calls ko trace kar sakoon ………..i hope , uss se hamein koyi clue mil jaaye ………….” Usne kaha …….

“Hmmm………..shaayad yahi sahi rahega …………aur tum batao ? koyi aur nayi khabar ………? “ maine fir hanste huye poochha ………..

“Nayi khabar to yahi hai ki tumhaare Dilli mein hone ki khabar unko mil chuki hai ……aur ab tumhaari talaash wahan bhi ki jaa rahi hai ……….” Usne kaha ……….unko se uska matlab , police se tha ………..

“Ohh…………fir to mujhe alert rehna padega …………..” maine kaha ……..fir aage bola ……” Ok Kamal…………koyi aur baat pata chale to mujhe call karna ……..” maine kaha aur phone disconnect kar diya ………………….

Uske baat mujhe kaafi der tak neend nahi aayi ……….Neha aur Sharad se related wo saari baaten mere dimag mein ghoomti rahi , jo pichhle kuch dino mein mere saamne aayi thi ……aur ab yeh call details se to mere uss shaque ko aur jyada majbooti hi mili thi …………par fir bhi mujhe jaane kyon lag raha tha ki , jo kuch main dekh raha hoon …..usmein kuch na kuch aisa raaj abhi bhi hai jo hamein dikhayi nahi pad raha hai……………….
______________________________

[desiaks]

#108
Subah main der se hi utha ………….Sardar ji ne mere nahaane ka intezam apne restaurant mein hi kar diya tha ………….fresh hokar maine wahin par breakfast kiya aur fir uske baad Happy aur main market mein chale gaye………….market se maine apne liye kuch naye kapde liye…….ek chashma liya ……..aur fir 2 ghante ke baad ham dono waapas uss hi kamre mein aa gaye ………..
Happy mujhe kamre mein chhod kar apni dukaan par chala gaya ……aur fir thodi hi der ke baad waapas wahan aa gaya ………..kamre mein aakar usne wahan rakhe computer ko on kiya aur fir kuch kaam karne laga ……….main chup chap palang par lete huye news paper padhta raha………………

Thodi hi der ke baad Happy fir se uth kar kamre se baahar nikal gaya …….aur 10 minute baad hi waapas laut ke aa gaya …….uske haath mein ek envelop tha , jo usne mujhe de diya ……….maine envelop khola aur fir usmein se jo nikla uss ko dekh kar main chaunk gaya …………

Uss mein ek voter I- card tha …….mere sardaar waale photo ke sath ……..usmein mera naam Jasjeet singh likha hua tha ………address Dilli ka hi tha ………..saath hi ek aur I-card tha , Delhi University ka ………jo mujhe DU mein professor prove karta tha …………….

Maine Happy ki taraf dekha ………….wo muskura kar bola ………”dekh le Raju………….ab tu Jasjeet singh ban chukka hai……….ab tu jahan chahe , ja sakta hai ……………..”

Main kuch nahi keh paaya ………sirf ek Thank you mere munh se nikala …….jis par usne mujhe ek meethi si fatkaar laga di …………
Tabhi restaurant se hamaare liye chay aa gayi ………….ham dono chay peene lage ……aur fir Happy bola ………….

“Yaad hai Raju ……….jab tu yahan last time aaya tha …….Neha ke saath………ham sab ko tabhi yeh lag gaya tha ki tu Neha ko chahta hai ………… tere jaane ke baad kitne hi din tak , ham log aapas mein baaten karte rahe , teri aur Neha ki shaadi ke baare mein ………….Sardar ji to bahut hi jyada khush they , unhone tay kar liya tha ki teri shaadi mein shareek hone wo Raj nagar jaroor jaayenge …………par saare plans yun hi ……………..” usne apn baat adhoori chhod di……

main kuch nahi keh paya……..uski baaton ne mujhe bhi kuch seconds ke liye udaas kar diya………..fir main bola …..”koyi baat nahi Happy bhaiya……….Neha na sahi ……….meri shaadi to abhi bhi ho sakti hai ………..fir tab to aap logo ko Raj Nagar aana hi padega ………….”

Usne meri taraf dekha aur ek feeki si hansi hans diya …….fir chay ki chuski lete huye bola ……..” tujhe maloom hai na Raju ……..ki Neha ne apna ek orkut profile bhi banaya huya tha………..?? “

“Orkut profile ??.......” main chaunk kar bola “ nahi ……..mujhe nahi maloom ......... actually main khud hi kabhi iss tarah ki sites par nahi jaata hoon ……….”

“achchha …!!......aur mujhe dekh , main budhaape mein bhi naye naye dost dhoondhta rehta hoon ………..” usne hanste huye kaha …..aur fir computer par orkut khol liya …………….

Kuch hi der mein screen par Neha ka orkut profile khula hua tha ………..mujhe ishara kar ke Happy apni kursi se utha aur kamre se baahar nikal gaya ………main darwaaza band kar ke , computer ke saamne padi huyi kursi par aakar baith gaya ……..

Yeh profile usne kareeb 4 saal pehle banaya tha …………ismein kuch pictures Neha ki lagi huyi thi …….aur kuch Dehradoon ki ………..aur fir ek album ko dekh kar main chaunk gaya ………..ismein bhi kuch pictures thi , par thoda hat ke …….

Waise to jahan tak main jaanta tha , iss tarah ke profile mein log apne personal pictures daalte hain , jinhe wo apne dosto se share karna chahte hai …….par mere chaunkne ke wajah thi iss folder mein maujood pictures……….iss folder mein sabse pehle ek greeting card ki scanned copy lagi huyi thi ……..jo kisi Bittu ne Neha ko diya tha …………card ki condition hi bata rahi thi ki wo bahut purana hoga ………uss ke baad kuch pictures thi , theek waisi hi jaisi teenagers use karte hai ……….. kisi picture mein do dil (hearts) bane huye they ………ek par likha hua tha Neha aur doosre par Bittu……….ek picture mein do teddybear bane huye they …….wahi Neha aur Bittu ke naam ke saath ……..aur ek doosri picture mein ek bada sa heart bana huya tha , uss ke beech mein likha hua tha Neha loves Biitu……………..

Aisi pictures kisi teenagers ke profile mein hote to shaayad mujhe ascharya nahi hota , par Neha ke profile mein inki maujoodgi hi mere liye achraj ka sabab thi ……….main kaafi der tak inn pictures ko dekhta raha ………….samajhne ki koshish karta raha ki yeh Bittu aakhir kaun hai ……..par uske poore profile mein iss Bittu ka kahin koyi jikar nahi tha , aur na hi uski koyi picture thi …………….uske friends ki list aur scraps bhi maine check kar daale ……par kahin bhi iss Bittu ka koyi ataa-pata nahi chala ……….na hi uske friends ki list mein mujhe koyi jaana-pehchana naam mila …………

Fir aakhir mein maine uss profile ko closed kar diya ………par mere dimaag mein ek sawaal janam le chukka tha ……….ki yeh Bittu kaun hai ? ……….jaisa ki dikhayi pad raha tha , yeh jo bhi koyi tha ……..Neha uss se bahut pyar karti thi , tabhi usne uss ko apne profile mein ek special jagah di huyi thi ………kya yeh wahi anjaan shakhs ho sakta hai, jo uss din Neha ke saath tha ?? ………iska matlab yeh Bittu hi asli blackmailer hai ??.......ya yeh koyi aur bhi ho sakta hai .??..........................
yeh saare sawaal mujhe pareshan kar rahe they , par jawaab mere paas nahi tha ………….agar jawaab kisi ke paas tha to wo yeh Bittu hi tha , jo mujhe nahi maloom tha ki asaliyat mein kaun hai ……..aur agar hai bhi to kahan ??...............
______________________________

[desiaks]

#109

Main bistar par leta huya , apne saath huyi ek ek ghatna ke baare mein soch raha tha ………wo ek ek baat meri aankhon ke saamne ghoom rahi thi , jo mere saath pichhle 2-3 mahino mein huyi thi ………..saare haalat iss baat ki taraf ishara kar rahe they ki Neha ne jo kuch bhi mere saath kiya tha , usmein uska madagaar mera koyi bahut hi najdeeki wyakti tha ………par kaun ? …………iss baat ko sochte hi bahut saare chehre meri aankhon ke saamne ghoomne lagte thay ………unn chehro mein wo sabhi they jo mere aas-paas rehte they ………Sharad, Priya , Karan , Nidhi , Rajan ,Kamal aur kuch aur log …………iske alaawa wo koyi anjaan shakhs bhi ho sakta hai……………

Jo bhi ho , mujhe jald se jald iss museebat se baahar nikalna tha …………..abhi Mr.Chaudhry zinda hain aur mere liye yahi ek ummeed thi ki wo jald se jald hosh mein aakar , sabko bataayein ki unn ke oopar kisne hamla kiya tha ………..par agar aisa nahi hota hai , aur Mr.Chaudhary ko kuch ho jaata hai…….to fir mere liye bachne ka koyi raasta nahi hai………..

Main iss hi soch vichaar mein dooba huya tha ki fir se darwaaze par dastak huyi ………maine awaaz laga kar poochha ki kaun hai ……..udhar se Happy ki awaaz aane par maine darwaaza khol diya …………

Happy ke saath saath , ek ladka aur tha jo mere liye khana lekar aaya tha ……….usne khaana table par rakh diya , aur wahan se chala gaya ………

Happy ne khaane ki taraf ishara kiya aur bola “Khaana kha lo Raju …………”

“Ji haan ………abhi khata hoon , aap please baithiye ……….” Maine kaha aur palang par baith gaya ……wo bhi mere saamne chair par baith gaya ………

kuch der ki khamoshi ke baad maine kaha ………….” Happy Bhaiya…………aapko maloom tha na ki Neha ke profile mein kya hai ? ……….iss hi liye aapne wo mujhe dikhaya ? “

usne dheere se haan mein sar hila diya , aur fir kuch der chup reh kar bola ……..” jiss din maine yeh sab pehli baar dekha tha Raju………… tabhi mujhe kuch ajeeb sa laga tha , yeh Bittu kaun hai , yeh mujhe bhi samajh mein nahi aaya tha ………maine ek baar socha bhi ki tujhe phone kar ke iss bare mein bataaoon …………fir yeh soch kar nahi bataya ki shaayad tujhe yeh sab kuch maloom hoga ………………par shaayad mein yahin par galati kar gaya……….”

wo chup ho gaya …….aur saath hi main bhi …………fir maine kaha ….” Koyi baat nahi Bhaiya …………….ismein aapki to koyi galati nahi hai , ismein agar kisi ka koyi dosh hai to wo meri kismat ka ……………….”

Usne meri taraf dekha aur fir ham dono hi muskura diye …………dono ke hi hontho par feeki si muskurahat thi …………..

Fir Haapy thodi der ke baad aane ke liye keh kara wahan se chala gaya ……..maine khaana shuru kiya aur agle 10 minute mein hi main khaana khaa kar fir se waapas bistar ke oopar let gaya …………..

Iss badle huye get-up mein main apne aap ko jyada safe mehsoos kar raha tha , aur ab iss kamre mein chhipe rehna bhi mere liye koyi jaroori nahi tha ………fir kuch sochte huye maine Kamal ka number dial kiya ……….kuch bells gayi aur fir call disconnect ho gayi ……………main wait karta raha , aur 5 minute baad hi mere mobile par ek call aa gayi………………fir se ek naya number ……..main call receive kar li ………

“Hello ………..”

“Haan ……….bolo dost ……….!!” yeh Kamal ki hi awaaz thi …………maine gaur kiya tha ki , jab se main Delhi aaya tha................wo mujhe mere naam se nahi pukaar raha tha

“Kaise ho Kamal…??” maine poochha ………

“main theek hoon dost , tum batao ……….abhi wahin par ho ? “ usne palat kar mujh se poochha…….

“Hmmm…………main to abhi yahin par hoon ………..tumhaare instruction ki wait kar raha hoon …!!” main kaha…………

kucch der ke liye khamosh reh kar wo bola ………” samajh mein nahi aa raha dost , ki tumhe kya salaah doon………….Chaudhry saahab abhi tak behosh hain , aur uske alaawa koyi aur jariya dikhayi nahi pad raha hai , tumhe nirdosh saabit karne ke liye ……..”

“Hmmm…………..aur koyi nayi khabar …??” maine fir se sawaal kiya ……….

“tumhaare liye to buri khabre hi hain mere dost ………….sun-na chahoge ??” usne poochha ………ek dheemi si hansi ke saath ………..

jawaab mein main bhi hanste huye bola ………” ab to mujhe bhi buri khabro ki aadat ho gayi hai ………..sunaao , kya sunaana hai ?? “
“sabse pehli khabar to yeh hai ki Lakshmi Group ke directors ne ek meeting mein Sharad ko apna working Chaiman chun liya hai………aur Priya ko vice chairperson ………” usne kaha …….

“Ohh……………chalo yeh to expected hi tha ………..” maine kaha ..” aur doosri buri khabar …………? ”

“mujhe ab officially bank robbery case se bhi alag kar diya gaya hai…………….” Usne bataya………….

“Hmm…………..yeh bhi pehle se expected tha…………” main hanste huye kaha aur fir kuch seconds rek kar poochha “ ek baat mujhe maloom karni thi Kamal……….jaisa ki tumne bataya tha ki Mr.Chaudhary par hamle se pehle , unhone mere mobile par calls kiye they……..kyon ki tum meri calls ko record kar rahe they …kya tum mujhe bata sakte ho ki unn calls mein kya baat huyi thi ?? “

“Haan…………kyon nahi !!...........agar wo calls record huyi hain , to tumhe jaroor mil jaayengi ………mujhe kal tak ka time do dost ………main wo records check karta hoon …………..” usne kaha …………uski awaaz mein ek uttezna si mehsoos ho rahi thi …………..shaayad wo achanak hi unn calls se kuch expect karne laga tha ………
“ OK …………Thanks Kamal………..aur koyi baat , jo tum mujhe batana chaho ? “ maine poochha...
______________________________

[desiaks]

#110

“Nahi………..aur koyi khaas baat to nahi hai dost ………..waise aaj Neeraj ki body ko uske ghar waale aa kar le gaye hain…………aur Neha ke father bhi yahan kal aa rahe hain , uski body ko claim karne ke liye ………..” usne bataya ……..

“Hmm………….” Maine kaha aur fir main achanak chaunk gaya ……..maine fir se uss se poochha “ kya kaha tumne …?? ………..Neha ke father wahan par aa rahe hain ….. ?? “
“haan ……….ham log unse contact karne ki koshish kar rahe they , unhone aaj hi confirm kiya hai ki wo kal yahan aa rahe hain ………” usne mujhe poori baat samjhayi ……………

“Kamal…………main unse ek baar milna chahta hoon ………” maine uttezit hokar kaha …………….

“Kis-se ? ........Neha ke father se .......!!! par kyon ..? “ usne aashcharya se poochha ……….

“Mujhe hamesha se hi aisa lagta tha ki Neha ki pichhli jindagi mein kuch aisa hai jo hamein maloom nahi hai …………..Kamal , yahi ek aadmi hain jo hamein Neha ke past ke baare mein kuch jaankari de sakte hain …………..” maine usko samjhaya ………

“tumhe aisa lagta hai ki Neha ke baare mein aur kuch jaan-na baaki hai ……..??” usne fir se sawaal kiya ………..

“Haan Kamal………..abhi bhi bahut kuch aisa hai , jo hamein nahi maloom ……….” Maine kaha aur fir usko Neha ke Orkut profile ke baare mein bataya ……..
“Hmmm……………” meri baat sun-ne ke baad wo bola …….” Ho sakta hai ki yeh Bittu hi wo aadmi ho , jiski hamein talaash hai……….., par Neha ke father ko iss Bittu ke baare mein koyi jaankari ho ……..aisi koyi surety to nahi hai ….??”

“ ho sakta hai …………..par agar unko kuch maloom huya to fir hamaara kaam aasan ho sakta hai Kamal……..” maine kaha ………

kuch second chup reh kar wo bola …………”theek hai Dost ……….main tumhe unse milwa doonga ………par tum yahan kaise aaoge ?? “
“wo tum mere oopar chhod do ………..main kal subah hone se pehle hi wahan pahunch jaaoonga ……….” Maine kaha ……………

“OK……….I will wait ……..” usne kaha aur phone disconnect kar diya ………

maine phone ko ek taraf rakh diya……..aur fir se iss nayi situation ke baare mein sochne laga …….Neha ke father ke roop mein mujhe ek halki si roshini ki kiran nazar aa rahi thi ………..pata nahi kyon mera dil keh raha tha ki unse mujhe koyi na koyi jaankari jaroor milegi ………..

main kamre se baahar nikla aur neeche Happy ki dukaan par aa gaya ………..Happy ke paas kuch customers baithey huye they…….unhone ek bar meri taraf dekha aur fir se apne kaam mein lag gaye ………….

Happy ne ek nigaah meri taraf daali aur fir ishare se mujhe ek taraf jaane ko kaha………main uski dukaan se hat kat , saamne jaakar khada ho gaya ………2 minute baad hi Happy bhi wahan aa gaya ………

“ Haan………..bolo Raju , kya baat hai…..? mujhe wahin kamre mein bula liya hota ….!!” Usne kaha ……
“nahi Bhaiya ……….main wahan baithey baithey bore ho gaya tha ……isliye yahan aa gaya ……..: main bola aur fir dheere se uss se kaha “ mujhe aaj raat ki ticket chaahiye , Raj Nagar ke liye ……………..”

usne hairaani se meri taraf dekha aur bola …….”Tu Raj nagar jaayega ? ….par kyon ? “

“bas ………….aise hi ……………mujhe lag raha hai ki main yahan baithey baithey to apne aap ko kabhi bhi begunah saabit nahi kar paaoonga ………. Shaayad wahan jaakar hi kuch ho sake ..” maine kaha …………
wo kuch seconds ke liye meri surat dekhta raha fir ek lambi saanas lekar bola …..” ticket to main arrange kar hi doonga ……..par tu apna dhyaan rakhna ……..”

main haan mein sar hilaya ……..aur fir wo bhi mere kandhe ko thap-thapa kar apni dukaan ki taraf chal diya …………….

Main kuch der usko jaate dekhte raha aur fir dheere se ek taraf ko badh gaya ……….main apne aap ko iss naye get-up mein a-sahaj mehsoos kar raha tha ……aur kuch der ke liye ghoomna chahta tha ……….shaayad iss tarah main apne iss naye roop ka aadi ho sakoon….
______________________________

[desiaks]

#111

Agle 2 ghante main yun hi market mein ghoomta raha …..kitne hi logo ki nigaah se main hokar guzra , par kisi ki bhi aankhon mein mujhe shaque jaisi koyi cheez dikhayi nahi padi……..

Mera luck achchha tha jo mere paas 3 alag alag banks ke ATM cards maujood they …………Maine wahan aas-paas maujood ATM’s se kareeb 80,000 Rs nikaal liye ………fir main waapas apne uss hi room ki taraf badh gaya …………apne room mein jaakar main bistar par let gaya aur intezar karne laga ………

Mera intezar kareeb 7.30 baje ke aas-paas khatam hua …………darwaaze par dastak huyi aur main darwaaza khol diya ……………Happy aur Sardaar ji dono hi wahan aaye they …………..dono andar aaye aur fir darwaaza band karne ke baad baith gaye………..main bhi unke saamne wahin palang par baith gaya………

Sardaar ji ne Happy ko ishara kiya aur happy ne ek envelop meri taraf badha diya ………maine usko khol kar dekha , jaisi ki mujhe ummmeed thi …usmein ek air-ticket tha ……..Delhi to Rajnagar ……aaj raat ki flight ka ………. Maine ek baar ticket ko dekha aur fir happy ki taraf dekh kar muskura diya aur bola………”Thank you Happy bhaiya………….”
“Le !!!…………..ek taraf to bhaiya bolta hai ………aur doosri taraf Thank you bol kar paraya bhi kar diya ………..” Happy ne kaha to main fir aage kuch nahi bol paya ………sirf sar jhuka liya ……….meri himmat nahi ho rahi thi , fir bhi maine apni jeb mein haath daala aur usmein se 20000 Rs nikaal kar Happy ki taraf badha diye …………..usne ek baar aankhen chadha kar meri taraf dekha aur fir Sardar ji ki taraf ………………….

Sardar ji uth kar mere paas aaye …..aur mere kandhe par haath rakh kar bole ………”Kya hua Raju Puttar ? …tu kyon hamein begaana bana raha hai …….?? “

“ Nahi ……..aisi baat nahi hai daar ji “ main kursi se uth gaya aur bola …….” Yeh to sirf wahi hai jo aapne mere liye kharch kiya hai …………..baaki aap logo ne jo kuch mere liye kiya hai , uska ehsaan to main kabhi bhi utaar nahi paaoonga ……….”

“ab dobaara fir se aisi baat kari to ek chanta khaayega mere haath se …….” Sardar ji pyar se mujhe ek chapat lagaate huye bole …..” chal yeh paise jeb mein waapas rakh le ……..”

maine chup chap paise waaps apni jeb ke hawaale kar diye …………fir sardar ji ne mere dono kandho par haath rakha aur bole ………” ab tu apne jaane ki tayaari kar puttar …………….Raj nagar waaps ja aur apne oopar lage is badnami ke daag ko hata de …………."

"aur haan , yeh baat dhyaan rakhiyo ki yahan tere apne abhi sahi salaamat hain …………..ham tujhe kuch nahi hone denge …………tujhe agar kabhi bhi aisa lage ki tu kisi pareshani mein hai............ya tujhe hamaari jaroorat mehsoos ho .........to ek baar phone kar diyo ........................tere liye agar mujhe apna yeh hotel bhi bechna pad gaya to koyi baat nahi puttar………..”

bolte bolte who bhaavuk ho gaye they …….aur unki baat sunkar main bhi ……….unhone mujhe apne gale se laga liya aur main bhi unke seene se lag gaya ………..bilkul aise jaise koyi chhota bachcha hota hai……….

Fir agle 5 minute tak wo dono mujhe samjhate rahe …………main sar hilakar unki saari baaten sunta raha ……….aur uske baad wo dono wahan se chale gaye ……..unke jaane ke baad main bhi tayyar hua aur fir neeche aa gaya ……..

Neeche restaurant mein aakar maine sardar ji ke saath baith kar khana khaya aur fir sardar ji aur Happy ne mujhe ek aur baar gale lagakar vida kiya ………restaurant se baahar nikal kar main paidal hi market ki taraf chal diya ………wahan se maine ek suitcase liya aur fir apne paas maujood samaan uss suitcase mein rakh kar main fir se ek taraf chal diya …………thoda sa aage jaakar maine ek taxi roki aur driver ko air port chalne ke liye kaha ………….. uske haan karte hi main taxi mein baith gaya aur fir ussne taxi aage badha di ……………..

1 ghante se bhi pehle mein air port pahunch chukka tha ………………saare checking aur security points se main bahut aaram se nikal gaya ……..kahin bhi mujhe yeh mehsoos nahi hua ki kisi ne mere oopar koyi shaque kiya ho ……………fir main plane ke andar aa gaya aur apni seat tak bhi pahunch gaya ………
apne sahi time se kareeb 1 ghnata late , yaani raat ke 11.30 par flight ne delhi se take off kiya aur 1.30 baje meri flight Raj Nagar pahunch chuki thi …………Airport se baahar nikal kar maine ek taxi pakadi aur fir usko hotel Samraat chalne ke liye keh kar taxi mein baith gaya ……………driver ne taxi aage badha di

main fir se ek baar apne shahar Raj nagar pahunch chukka tha ………..jiss tarah chhupte chhupaate main yahan se gaya tha ………lagbhag uss hi tarah waapas lauta tha …………….bas itna farak tha ki ab mujhe kisi se koyi darr nahi lag raha tha ……….

½ ghante ke baad taxi hotel samrat pahunch gayi ………..maine taxi waale ko payment kiya aur hotel ke andar aa gaya ……………..yeh ek medium class hotel tha , aur shahar ke beecho beech maujood tha ………..jaldi hi mujhe room mil gaya aur fir main apne kamre mein jaakar bistar ke hawaale ho gaya ……………
______________________________

[desiaks]

#112

subah 8.30 baje meri aankh khuli ………….maine jaldi jaldi apne daily routine ke kaam niptaaye aur fir room se nikal kar bahaar aa gaya ……….fir hotel se baahar aakar main ek PCO par aa gaya ………aur Kamal ka number lagaya ………..kuch hi rings jaane ke baad usne call receive kar li …………….
“Hello ……..!!”

“Haan Kamal………… main hoon …………..” maine sirf itna hi kaha ……….par wo meri awaaz pehchaan gaya …………

“Ohh……………tum Rajnagar pahunch gaye …….?? “ usne poochha …….

“Haan…………main raat hi yahan aa gaya tha …………” maine kaha ……
“Theek hai dost ………main tumhari aur Mr.Verma ki mulaakat karwaane ka intezam karta hoon …………fir tumhe phone karoonga ………” usne kaha ……….

“Ok …………tumhaare paas mera number to hai na ……?? “ maine poochha ……….

“Haan……….., par ek baat batao dost ………..tum unse miloge kaise ?? ……..mera matlab hai ki tumhaari talaash to abhi tak ho rahi hai ……..?? “ usne kaha ……….uska matlab police se tha , jo mujhe dekhte hi pakad sakte they………

“uski fikra mat karo Kamal…………mujhe ab koyi bhi aasani se nahi pehchan sakta hai …………..” fir maine usko apne naye get-up ke baare mein bataya …….aur bola “ fir bhi tum koshish karna ki hamaari mulaakat kisi anjaan jagah par hi ho ………….”

“OK ……….. tum mere phone ka wait karna ……………jaise hi mujhe koyi mauka milega , main tumhe bula loonga” usne kaha aur phone disconnect kar diya …………..maine bhi phone rakha aur PCO se bahaar aa kar ek restaurant ki taraf badh gaya …………

restaurant mein jaakar maine naashta kiya aur fir wahan se baahar nikal kar main Raj Nagar ki public library ki taraf chal diya ………….library wahan se kuch door thi ….par kyonki mere paas bahut time tha , main paidal hi chalta raha aur kareeb 20 minute ke baad library pahunch gaya ………….

Library mein aakar maine pichle kuch dino ke local news papers check karne shuru kar diye …………jiss din main yahan se gaya tha , tab se lekar aaj tak ………lagbhag sabhi news papers ke front page par yahi news thi ………… bank vault mein robbery ka attempt , Neha aur Neeraj ki maut , Chaudhry saahab par hamla ……..inn sab ko aapas mein joda gaya tha , aur mujhe iska main accused banaya jaa raha tha ………mere photos bhi news papers mein publish kiya gaye they …………

Agle 1 ghante se bhi jyada samay tak main papers padhta raha aur fir Library se baahar nikal kar waapas apne hotel aa gaya…………apne room mein aakar maine TV on kar liya aur time paas karne laga ……….saath hi saath Kamal ke phone ka intezar bhi ………….

Mera yeh intezar bhi bahut lamba khinch gaya………….1 ghanta, 2 ghanta aur uske baad bhi Kamal ka koyi phone nahi aaya……….maine apne hotel room mein hi lunch ka order de diya……….aur lunch ke baad fir se intezar karne laga ………….4 baj chuke they ………aisa lagne laga tha ki shaayad wo bhool hi gaya hai ….ki tabhi mere mobile ki ghanti bajne lagi …….maine number dekha aur call receive kar li ……..

“Hello ………..”

“Hello ……………sorry dost , tumhe bahut der wait karna pada…..” usne kaha…….

“Nahi koyi baat nahi ……….mujhe to yeh laga tha ki kahin tum bhool to nahi gaye “ maine hanste huye kaha…….
“kyon majaak kar rahe ho yaar ……….yeh bhi koyi bhoolne waali baat hai ? ……darasal , Mr.Verma apni beti ka antim-sanskaar yahin karna chahte they …….isliye uss ki vyavastha karni padi aur fir unn sab se nipat kar abhi faarig huya hoon …………..” usne bataya ……..

“Ohh……………” maine kaha …….aur fir aage poochha “ fir batao !!..........kya programme hai ………….?”

“maine Mr.Verma se baat kar li hai ………..wo mere saath chalne ke liye tayyar hain ……..maine unko yeh bataya hai ki main iss case par alag se kaam kar raha hoon , isliye mujhe unse akele main kuch baaten karni hain ………main 1/2 ghante ke baad unko lekar Aryan restaurant mein pahunchunga ………….tum wahin mera wait karna ………..” usne mujhe samjhaya……

“Ok ……….main time se pehle hi pahunch jaaoonga ………” maine kaha aur fir call disconnect kar di ……….

Phone rakh kar main tayyar hone laga…………tayyar hone ke baad, ek baar bathroom mein jaakr maine apne aap ko fir se sheeshe mein dekha………halki daadi aur moochh , sar ke oopar pagdi aur patle frame ka chashma ………main bilkul bhi pehchaan mein nahi aa raha tha …………
Hotel room se baaahr nikal kar main road par aa gaya……..aur fir paidal hi Aryan restaurant ki taraf chal diya ………..yeh restaurant bhi jyada door nahi tha , kul 15 minute mein hi main wahan pahunch gaya ………..restaurent ke first floor par kuch cabins bane huye they ……..main unmein se ek main jaakar baith gaya ……..cabins glass ke bane huye they …….maine saamne waala parda hata diya aur restaurant ke gate ki taraf dekhne laga ………….

Kamal ne 1/2 ghante ke liye kaha tha …….par mujhe yahan baithey huye hi 20 minute se jyada ho gaye they ……….main ab tak ek baar coffee manga kar pee chukka tha , aur dobara order dene hi waala tha ki mujhe restaurant ke darwaaze ke andar ghusta huya Kamal dikhayi pada ……..usne idhar udhar dekha aur fir oopar ki taraf aa gaya ……..Mr.Verma bhi uske saath hi they ……..jiss cabin mein main baitha huya tha , uske saamne wo dono ruke aur fir aage badh gaye …………jaahir tha ki Kamal bhi shaayad mujhe pehchan nahi paya tha………..wo dono agle waale cabin mein ghus gaye ……..aur fir main bhi wahan se uth kar baahar aa gaya …….aur uss hi cabin mein pahunch gaya , jahan wo dono gaye they ………….

Mujhe apne cabin mein ghuste dekh kar ek baar to Kamal bhi chaunk gaya ……aur fir uske chehre par ek halki si smile aa gayi ………usne mujhe saamne baithne ka isharaa kiya …………ek table ke dono taraf sofe pade huye they , ek taraf wo dono baithey huye they aur ek taraf main baith gaya ………..