Thriller BADLA 2 (Completed)

[hotaks444]

[color=rgb(255,]"are you sure madam??" constable ne poocha

"Haan parekh, bina uske possible nahi hai" palak boli

"lekin madam ye to 5 saal purana file hai" parekh bola

"hmm ye file Kulkarni ke under tha aur uska one and only encounter" palak boli

"usme siddesh Naam Ka ladka hamle me maara gaya lekin uska dead body nahi mila" constable bola

"aur uski badi behen prerna ki dead body was found the next day, gang raped. Ladki ne suicide kar liya tha" palak boli

"pata hai kabhi kabhi lagta hai ki jo ye kaatil kar raha hai sahi hai" parekh file rakh kar chala gaya

Palak chup rahi, baat sahi hai ekdum sahi hai. Police par public bharosa hi kyun kare?? Kulkarni jise sirf 30,000 milta tha aaj paise par paise kama rakha tha. Pata nahi kitne nirdosh logo ko pareshan kar rakha tha, aaj jo maut uski hui hai kya usse public par koi effect hoga?? Koi Kulkarni ke maut par aansu baha raha hoga??? Kaatil ne Kulkarni ko maara aur Saath me un logo ko jo usi school me padhte the, is file me shayad kuch madad mile???

Palak ek ke baad ek panne palat kar dekhti gayi aur uski aankhen hairat me failti gayi
Siddesh aur wo ladka siddharth..... Bilkul ek jaise......

Palak uth khadi hui aur tez kadmo ke saath bahar ki aur chali gayi

"parekh chalo" palak boli aur jeep me baith gayi
----------------------------------------------------------------
"madam samajh me nahi aata ki..... Matlab ye sab kya ho raha hai college me" principal bole aur kaafi pareshan dikhe wo
Palak ko pata tha, saal par saal mehnat karte hue har principal ka sapna hota hai ki school!/college ko bulandiyon ki aur le Jaana
Is college me achanak se kuch khoon ne sabki aankhen badi badi kar di

"aap tension mat lijiye sir, jald hi apradhi jail me hoga. Bas kuch co-operation chahiye" palak boli tabhi cabin ka darwaza khula

"may i come in sir??" rakhi thi wo jo Ander aate hi palak ko dekh ghabra gayi

"wo rakhi ye...." principal ki baat adhoori reh gayi kyunki wahan palak apni seat se uth kar khadi ho gayi aur apna haath aage badhaya

"palak bhatnagar" muskurate hue palak boli

"pata hai aapko dekha tha" rakhi ne teerchi aankhon se dekhte hue bola

"Haan rakhi, kya karein job hai hi aisi" palak haste hue boli

"sir agar kuch hai to mai baad me aati hun" bol rakhi jaane lagi

"are rakhi maine hi bulaya tha" bol palak ne ishare se principal ko jaane ke liye bola to principal chala gaya

"ise jaanti ho??" siddesh ka photo dikhate hue palak ne poocha

"siddharth Mittal first year me padhta hai" rakhi boli

"mai itni bewkoof hoon nahi jitni dikhti hoon rakhi" palak boli

"matlab??" rakhi ne poocha

"siddesh ka pic hai ye" palak boli

"s siddesh koun??" rakhi ne poocha

"siddesh tumhara boyfriend damn it" jabde bheench kar bola palak ne

"koun boyfriend?? Mai kisi siddesh ko nahi jaanti thi" rakhi boli

"Hmmm ise jaanti ho??" prerna ki photo dikha kar palak ne poocha

"nahi" rakhi turant boL padi

"gaur se dekho rakhi" palak ne fir bola

"zabardasti karke ki ko mere gale na lagaiye madam" rakhi bol padi

"hmm thik hai rakhi, mai chalti hoon" bol palak uth kar jaane lagi gir ruk gayi

"interrogation kai baar karte hai hum rakhi, ek jhatke me pata chal Jaata Hai kaun sachha hai aur koun jhootha,sambhal kar kahin agla shikar khooni ka....." bol palak chali gayi

Dhapp se baith gayi rakhi aur turant phone nikala apna aur call karne lagi akhil ko

" bolo baby"akhil bola

"that bitch came all the way to college yaar Akhil" rakhi gusse se boli

"koun bitch??" Akhil ne poocha

"wahi palak, inspector palak" rakhi boli

"hua kya??" Akhil ne poocha to rakhi ne sab bataya jo hua

"damn it, wo inspector kaise purane kisse Saamne la sakti hai" Akhil bola

"pata nahi lekin kuch to karo akhil yaar, ek to ye khooni ek ek kar hamare close ones ko maar raha hai, oopar se us sidhhart Mittal ka achanak tapak padhna aur ab ye inspector" rakhi lagbhag to padi

, m mai dekhta hoon rakhi, himmat mat hato. We will overcome this hurdle, sabse pehle is khooni ko dhoondna hai. Fir us harami sidhhart se nipat lenge aur is inspector ko bhi dekh lenge "Akhil bola

" dil baitha ja raha hai akhil, hamesha dar laga rehta hai ki aaj zinda bhi rahungi ya nahi"rakhi ab to padi

"hausla rakho please" bol Akhil ne phone Kaat diya. Agla shikar koun hoga us kaatil ka.

Akhil apne bed je neeche apna haath rakh kar kuch dhoondne laga aur kuch der baad apne haath ko nikala bed ke neeche se

Uske haath me ek pistol chamak rahi thi
----------------------------------------------------------------
"sorry sir aaj close karna hai jaldi" receptionist boli

"chill yaar, bas ek ghante me ho jayega" aankh maarte hue rishabh bola

"par sir.." receptionist fir boli to rishabh ne uske haath me kuch paise chupke se rakh diye

"ab bolo" rishabh ne muskurate hue poocha

"spa aapka" receptionist has kar boli aur rishabh has kar chala gaya

Seedha apne bag se supper nikal kar usne protein shake ready kar bag ko locker me rakh kar do sip liya aur fir kaan me headphone daal kar locker se bahar chala gaya

Rishab ke bahar jaate hi ek shaks chupke se aaya aur table par rakhi protein shake me kuch powder milakar wahan se wapas chala gay

Kuch der baad rishabh wapas locker me aaya aur protein shake ko Peete hue steam bath ke liye chala gaya[/color]

 

[hotaks444]

[color=rgb(255,]Rishabh ne aankhen kholi, andhera tha charo aur

"hello??" rishabh ne awaz lagai to charo aur khamoshi chai hui thi

"anyone there??" rishabh uth khada hua, lights band thi aur koi bhi nahi tha spa me uske alawa

Rishabh tezi se spa se nikla aur darwaze ko kholne ja hi raha tha ki

DHADDDDDD

"AHHH" ek tez cheekh nikli rishabh ke muh se usne Saamne ek shaks khada tha

"koun ho tum?? Koun ho??" rishabh ne poocha

THADDDDD

iron rod se is baar jabde par Vaar kiya us shaks ne

"apni mout ke Saamne aakar bhi poochta hai ki koun ho tum??" shaks bola

Rishabh poori tarah darr gaya aur darr ki wajah se hamla kar baitha us shaks par

Shaks ne na sirf apne aap ko bachaya balki...

THADDDDD

rod sar par laga is baar rishabh ke aur wo sar pakad kar baith gaya

" spa bohut acha lagta hai na tujhe, aaj pata chalega spa kitna khatarnaak hai" shaks bola aur rishabh ko ghasit kar use baandh e laga

"kyun kar rahe ho ye sab?? Tumhe kya chahiye paisa?? Jitna chahoge utna milega, please mujhe chod do plz" rishabh gidgidane laga

"kya lagta hai paise se tere paap dhul jayenge???" shaks ne poocha

"y ye sab Akhil ka kiya dhara hai, maine kuch bhi nahi kiya" rishabh fir gidgidaya

"uska number bhi aayega, Filhal to ab tera number hai rishabh" shaks bola

"plz plz plz" rishabh rone laga

"aaj pata chalega jism ki garmi ko kaise thand kiya Jaata Hai rishabh" bol rishabh ko poora baandh kar usne steam ko full on kar diya

"dheere dheere poora skin ukhad jayega
rishabh fir tumhare muscles aur fir sirf haddiyan rahengi, kisi ko yaad karna hai to kar lo" shaks bola to rishabh ki aankhen dar ki bajah se bahar a gayi

Shaks ruka nahi aur aage badh gaya aur peeche reh gayi rishabh ki cheekhein

-------------------------------------------------------------------

"damn it damn it" dushyant bola

"wo Hamein nahi chodega, nahi chodega" David bola

"Akhil bas bohut hua, Hamein hi kuch karna hai" sheetal boli

Chup tha Akhil, uske paas koi jawab nahi tha
Taqat aur power ka doosra Naam Akhil tha
Ek ek gang ke member ko chun chun kar ikathha kiya hua tha usne
Darr Naam Ki chidiya kya hai ya koun hai wo is gang ko pata nahi tha
Lekin jab se ye siddharth aaya hai tab se un sabhi logo ke life me toofan sa a gaya hai
Aur fir ye purvi ko nishana banaya hai siddharth ne, kuch hai kahin
Kuch to relation zaroor hai sidhhart aur siddesh me, ye pata karna bohut mushkil hai lekin ye karna hi hoga

"David aur dushyant, sidhhart ke Bachpan se lekar India me aane tak ka poora history pata karo" Akhil bola

"lekin Akhil hum to ye pehle bhi kar chuke hai, fir ye sab...." dushyant bola

"hamne abhi tak sirf sidhhart koun hai ye pata kiya hai dushyant, lekin sidhhart ke Bachpan se lekar ab tak ka safar hame nahi pata, kahin na kahin kuch to gadbad zaroor hai" Akhil bola

"do you think I can seduce him??" minal boli.

"try kar sakti ho minal, abhi hame uske baare me jitna maalum ho sake pata karo" Akhil bola

"lekin Akhil wo tere ghar tak ghus aaya aur tu sirf uske baare me pata karne me hi laga hua hai, ek baar use gher kar wo dhulai denge ki wo toilet Jaana bhool jayega" David bola

"nahi David abhi mera focus sirf uski history hai, ek baar maalum ho jaaye ki wo hi kaatil hai to uski wo haal karenge ki siddesh ke saath jo hamne kiya wo iske Saamne kuch nahi hoga" bol Akhil aasman ki aur dekhne laga
-------------------------------------------------------------------
"namaste" muskura kar palak boli

"aap??.." halka sa hairan hua laxmi narayan

"palak bhatnagar, UP police" palak boli muskura kar

"police??" hairaani badhti ja rahi thi laxmi narayan ki

"Arey sir ghabraiyye nahi, bas halki si pooch taach karni thi" palak boli

"poochiye" laxmi narayan darwaze se hat gaya aur Palak Ander a gayi

"siddesh aur prerna aap ke paas tenant the right???" palak ne poocha

"ji, lekin wo to kai saal pehle" laxmi bole

"zyada nahi hua sir, lagbhag Paanch saal hi hue" palak boli. Laxmi chup raha

"khair, siddesh aur prerna ka antim sanskar aapne kiya tha, hai na??" palak ne poocha

"sirf prerna ka, siddesh ki laash nahi mili" laxmi bol uthe

"hmm achi baat hai" prerna boli, thodi chup rahi palak

"aur kuch poochna hai??" laxmi bol uthe

"in logo ko jaante hai aap??" palak ne Akhil aur uske doston ke photos dikhaye Laxmi narayan ko

"nahi" laxmi te sapat lahze me bola

"aapko pata hai koi in logo ko berehmi se maar raha hai??" palak boli

"nahi madam mujhe nahi pata" laxmi bol uthe

"achi baat hai, lekin sir halka sa tajjub hota hai ki do jab bhi khoon hota hai aap khoon ke vaardaat ke aas Paas hote hai" palak boli

"aap Keh rahi hai ki khoon maine kiya?? Ye kaisa bhadda mazak hai madam, mai kisi ko jaanta nahi pehchanta nahi fir bhi aap mujhe accuse kar rahi ho" laxmi halka sa frustrated ho rahe the

"maine kaha ki aap aaspaas the khoon hone ke Waqt, ye nahi kaha ki khoon aapne kiya hai" palak boli

"madam dekhiye..." laxmi bolne ja rahe the kuch

"aap kal raat ko spa ke paas kar kya rahe the Mr laxmi narayan??" palak ne poocha

"mai kal raat ko mobile service karwane gaya tha ek shop me, ye raha uska receipt" bol Laxmi kuch door jakar ek paper lekar palak ke Saamne rakh diya

Palak us receipt ko dekhne lagi

"us shop ke paas mai kai dino se chakkar laga raha hoon phone thik se service nahi kar pa rahe the wo log, chahiye to aap unse pooch sakte hai" laxmi bole

"hmm theek hai Mr laxmi narayan, aaj. Chalti hoon aage se aana jana laga rahega, aur Haan is receipt ko le ja rahi hoon kal parso bhijwa doongi " bol palak chali gayi us receipt ko lekar

Palak ke jaate hi laxmi ne phone lagaya ek number me

"police ko shaque ho raha hai" laxmi bol uthe aur phone Kaat kat police ke jeep ko jaate hue dekh rahe the[/color]

 

[hotaks444]

[color=rgb(255,]"kya hua sid?? Aise har Waqt khoye khoye kyun rehte ho??" purvi ka ye sawal naya nahi tha
Sid ne purvi se dosti kuch aur hi wajah se kiya tha lekin pata nahi kyun dheere dheere wo is relationship me serious ja raha hai,
Aisa nahi hai ki purvi ko wo pasand nahi karta lekin purvi se sach chupa kar sahi nahi kar raha hai sid, waise bhi sab kuch uske haath se bahar ja raha hai,
Uske Saamne khoon ho raha hai aur use kuch pata hi nahi

"uff bohut bore kar rahe ho sid, I'm going" halka sa rooth kar purvi jaane lagi

"Arey nahi purvi mai bas kuch soch raha tha" sid bola aur waiter ko bulane ke liye idhar udhar dekhne laga

"waise shahar me ek ke baad ek khoon ho raha hai sid, koi idea hai kyun??" purvi boli

Sid turant kaamp gaya lekin for sambhal kar Muskuraya

"har shahar me kai Saare jurm hote rehte hai purvi, tum bekar me pareshan ho rahi ho" sid ne purvi ke haath par haath rakhte hue bola
Tabhi door se usne sheetal ko dekha jo shayad apne bf ke saath baithi hui thi

Sid ne apne daant bheench liye, kam se kam is chudail ko to wo sabak sikha kar rahega, us dairy me sheetal ke baare me bohut kuch likha hua tha

Tabhi achanak sheetal ke table ke Saamne ek shaks ko dekha usne jo oopar se neeche tak dhaka hua tha

Sid apne table se dheere se uth khada hua

"kya hua sid??" purvi ne sid se poocha to sid ne bathroom ka ishara kiya aur us shaks ke paas jaane laga

Achanak us shaks ne sid ko apne Paas aate dekh liya aur turant table me kuch paise rakh kar ishare se ek waiter ko Bill payment ka ishara kiya aur nikalne laga wahan se, lekin sid ne peecha nahi choda

Cafe se nikal kar shaks ne ek auto ko ishara kiya aur auto me baith gaya, auto speed pakad kar jaane lagi to sid ne bhi ek auto ko pakad liya aur peeche karne laga

KREENCHHHHH

Tabhi Saamne se ek scooty Saamne a gayi aur sid ke auto ko rukna pada

"oye pagal ho gaya kya??" auto wala poora ladne ke mood me tha aur sid bhi halke se gusse me scooty wale par barasne wala hi tha ki chaunk gaya helmet khol kar jab is shaks ne sid ki aur dekha

"laxmi narayan??" sid sirf utna bol paya lekin jald sambhal kar use uthane laga, pair me kaafi chot lagi thi

"chalo hospital chalo" sid bola

"nahi mai theek hoon, chala jaunga" laxmi narayan bole

"lekin aap aisi haalat ke.." sid ko rok diya laxmi narayan ne

"mai chala jaunga" bol apni scooty utha kar chala gaya laxmi narayan

Sid bas laxmi narayan ko dekhe ja raha tha

"Saab ab kya kare??" auto wala bola

"wapas chalo" sid bola

"lekin..." auto wala bola

"paise poore le lena yaar" jhunjhla kar sid bola

Pata nahi kyun sid ki sixth sense cheekh cheekh kar Keh rahi thi ki agla shikar sheetal hai
-------------------------------------------------------------------
"bye baby" sheetal boli aur apne car me baith gayi, kaafi late ho gaya hai aaj. Shukr hai wo apna car le aayi thi

Cafe bhi aisi jagah par hai ki koi transport nahi hai aas Paas, bas cafe ki service, khana aur ambiance us kami ko poora kar deta hai

Sheetal car me mand mand muskura rahi thi, aaj ka din kaafi acha gaya
Warna har Waqt tension rehta hai aajkal

Tabhi car ruk gaya, sheetal ne kai baar try kiya start karne ke liye. Lekin car hai ki chalne ka Naam hi nahi le rahi thi

"damn it" sheetal boli aur phone karne lagi kuch numbers par

"abhi hona tha ye??? Signal bhi off hai"sheetal man hi man boli aur car me hi baithi rahi

Tabhi ek taxi dheere dheere uske car ke Saamne se guzarne lagi

Sheetal khush ho gayi, usko man chaha murad mil gaya

" TAXI.... TAXI "chilla uthi sheetal, ek yahi aasra hai warna is Waqt taxi milna impossible hai

Taxi ruk gayi aur sheetal fatak se ghus gayi Ander

" chalo girls hostel "bol sheetal phone try karne lagi. Lekin abhi bhi signal nahi a rahi thi
Thak haar kar apni aankhen band kar li usne

KHAT

Ek Awaz ke saath aankh khuli sheetal ki
Usne dekha uski taxi ruk gayi hai

" ye sab kya hai?? Taxi kyun rok di? "sheetal gusse se poochi

Taxi wala muda aur use dekhte hi sheetal statue ban gayi

" TUM???? "sheetal chillai[/color]

 

[hotaks444]

[color=rgb(255,]"Haan mai" shaks bola

Sheetal ne fatafat darwaza khola taxi ka aur daud kar bhaagne lagi, bas bhagti ja rahi thi bhagti hi ja rahi thi

Kaafi door jaane ke baad usne apne bag se phone nikala aur Akhil ko phone lagaya

"itni raat ko?? Kya ho gaya sheetal" Akhil neend me tha

"AKHIL PLEASE SAVE ME, SAVE ME MUJHE YE MAAR DALEGA" sheetal cheekhti ja rahi thi bas cheekhti hi ja rahi thi

"kahan hai tu abhi sheetal??" Akhil turant bed se utar gaya

"MAI.... M.." bolne hi ja rahi thi ki sheetal ke Saamne wo shaks a gaya aur uske haath se phone choot gaya

Shaks ke haath me rod tha, aur wo dheere dheere sheetal ke paas a raha tha

"door raho mujhse door raho" sheetal gidgidane lagi

"gidgidaya to maine bhi bohut tha" shaks bola

"maaf kar do, please maaf kar do" sheetal darr ke maare rone lagi

SWOOSHHHH

rod dhumaya shaks ne lekin...

THAPPP

Ek mazboot haath ne rok liya

"si... siddharth???" sheetal ne us Waqt apne Saamne bhagwan ko dekha tha, sid uske liye bhagwan se kam nahi tha

"isse tera koi lena dena nahi ladke, hat ja yahan se" shaks bola to sid bina kuch bole shaks ki aur dhyan se dekhne laga

Ye aur wo shaks jo cafe me mila tha kaafi had tak ek jaise dikhte hai aur sid ko koi shaque nahi ho raha tha ki dono ek hi hai

"maine kaha hatt" bol ek zordar dhakka diya shaks ne aur sid door ja gira

Taqat kaafi hai shaks me ye manna pada sid ko, halke me nahi lena chahiye

Ek baar fir rod ghuma shaks ka

THADDDDD

"MAAAAA" sheetal chillai, ghutno me de maara tha shaks ne

"sheetal bhag jao yahan se, mai rokta hoon ise" bol bijli ke raftar se shaks ki aur jhapta sid

"bataya na hat ja" shaks ne fir dhakka dena chaha lekin sid ne apne aap ko bachaya aur wahi haath pakad kar poora zor laga kar uchal feka shaks ko

Shaks ka sharir kalabazi khata hua wapas zameen par sahi salamat khada hua
Sheetal ye sab dekh kar apne pair ko pakad kar jaise taise bhaagne lagi, ghutno me kaafi chot lagi thi

Shaks aur sid me ek bhayankar ladai chal rahi thi
Sid ko pata hi karna tha ki koun hai wo jo usse shikar cheen raha hai

"tu kisi ko nahi bacha payega, sab marenge sab ke sab" shaks bola

Sid baaton me Waqt barbaad nahi karna chahta tha

DHAMMMM

akhirkar sid ne pachad hi diya tha us shaks ko

"aaj pata chalega koun hai us mask ke peeche" bol sid ne aage badh kar laachar zameen me gira hue shaks ka mask utarna chaha

THADDD

sar pakad kar baith gaya sid, peeche se kisi ne uske sar par Vaar kiya tha aankhen band hone se pehle usne ye dekh liya tha ki shaks ko koi madad de kar utha raha hai aur ek nazar sid ki aur dekhne ke baad dono ja rahe the

Isse aage sid nahi dekh paya kyunki uska dimag andhere me doob gaya tha
------------------------------------------------------------------
"mai a raha hoon sheetal" Akhil ne apne drawer se pistol nikala aur nikal pada

"jaldi karo sid zyada der tak rok nahi payega Akhil" sheetal boli

"sid nahi rok payega??" Akhil ko jaise zhatka laga wo bhi bohut bada

Sheetal ne jitna ho sake sab bataya phone par

"mai jald se jald a raha hoon sheetal, ghabrana mat" bol Akhil ne phone rakh diya

Sheetal phone rakh kar jab mudi to

THADDDDDD

rod chehre par pada tha sheetal ke

Chehra pakad kar baith gayi wo, use pata tha use ab bachane wala koi nahi hai

"ek baat bolo maarne se pehle" sheetal ne poocha

Shaks chup raha

"ye sab itne saalon baad kyun??" sheetal ne poocha

"badle ka koi time nahi hota" shaks bola aur rod chalaya usne

THADDD

THADDDDDD

THADDDDDDDD

Sheetal khatam ho chuki thi, shaks ke paas wahan karne ke liye kuch nahi tha

"Waqt zyada nahi hai, baakiyon ko bhi jald niptana hoga" bol wo apne rod ko lekar chala gaya wahan se[/color]

 

[hotaks444]

[color=rgb(255,]Aankhen kholi sid ne, Saamne kartick, kavya aur purvi khade the

"kaisa lag raha hai sidhhart??" palak ki awaz ne sid ko hairan nahi kiya, kyunki sid ko pata tha ki palak ko aana hi tha

"mujhe kuch zaroori baatein karni hai madam se aap log bahar jaiyye please" sid ke bolne par sab bahar chale gaye

"madam kuch baatein karni hai aapse" sid bola

"mujhe pata hai kis maamle me sid lekin abhi tum rest le lo fir baatein karenge" palak boli

"nahi madam, shayad zyada Waqt na mile. Khooni jis tarah se sabko maar raha hai pata nahi aage kya hoga" sid bola

"to batao fir" bol palak sunne lagi

Sid ne poora byora de diya poore ghatnakram ka

"hmm isse ek cheez to saabit hoti hai sid ki khooni sirf Akhil ke group ke peeche pada hai, lekin..." palak bolte bolte ruk gai

"lekin kya madam??" sid ne poocha

"jahan par police inspector ka khoon hua tha tum aur kartick dono wahan the" palak boli

"matlab??" sid ne aankhen choti ki

"matlab ye ki jahan bhi khoon ho raha hai tumhara presence mil raha hai waha se" palak boli

"aap mujh par shaque kar rahe hai??" sid hairan tha

."shaque to police ka kaam hai sidhhart, aur tum jis haal me kal ek aise jagah par mile wahan kya kaam tha tumne abhi tak nahi bataya" palak boli

"for the sake of God madam mai us shaks ka peecha kar raha tha kyunki mujhe laga sheetal ke Jaan ko khatra hai" sid bola

"agar aapko aisa laga to aapko police ko phone karna chahiye tha sidhhart, hero banne ki zaroorat nahi thi" palak boli

"hero banne ki koshish nahi kar raha tha madam mai, mai ek khoon hone se rok raha tha" sid bola

"khoon hone se rokne ka kaam police department ka hai sidhhart jise constitution ne diya hua hai, aapka kaam nahi hai wo" palak boli

"lekin..."

"sidhhart ek baat dhyan se suno, agar next time tum is case me kisi bhi wajah se involve hueto majbooran tum par action lena padega" palak uth khadi hui

"madam aap mujhe galat samajh rahi ho" sid bas itna bola

"galat sahi ka mujhe nahi malum sid, lekin agar next time tum is maamle me involve hue to I have to take action against you" palak boli

sid chup rah

"get well soon, aapke family members aur friends bohut pyaar karte hai aapse" bol palak chali gayi

Palak ke jaate hi purvi aur Baaki Saare Ander a gaye

"ye sab kya hai sid??" purvi ne poocha

Jawab me sid ne kartick aur kavya ki aur dekha to dono chale gaye bye bol kar

"batata hoon" bol sid ne sab kuch bol diya India me aane ka reason aur bout kuch

Purvi has padi lekin us hasi me Dard tha

"matlab mai sirf ek mohra thi tumhare liye sidhhart?" purvi ne poocha

"aisa nahi hai purvi mai tumse tabhi se pyaar karne laga hoon jabse tumse close ho paaya, Haan maanta hoon ki maine tumhe use karne ki sochi lekin kabhi kar nahi paaya" sid bola

"mujhe nahi lagta hame is relationship ko continue karna chahiye siddharth, let's end everything now" purvi boli aur wahan se apne aansu pochte hue chali gayi

Sid bed me hi baitha raha, do din me itna kuch hua ki wo kuch sochne samajhne ki situation me nahi tha
Lekin poorvi ko sach bol kar man halka sa ho gaya
Lekin sach ki keemat purvi ka break up ho Jaana uske life se

Shayad bhagwan ne uske liye kisi ko banaya hi nahi hai

Ek lambi Saans lekar sid wapas sone ki tayaari karne laga, sone se kama se kam uske sar par tension ka bhoot to nahi rahega

------------------------------------------------------------------

"ye raha ticket" varun bola

"itna late?? Tujhe jaldi koi bhi flight nahi mili??" baras padi ashika

"mai kya karoon itne kam time me ye hi mila. Iske liye bhi 24,000 diye hai ek ticket ka" varun bola

"Arey aur bhi paisa le leta lekin kam se kam is jagah se to chutkara mil Jaata" ashika boli

"ab kya karein??" varun bola

"pata nahi. Soch rahi thi kisi hotel me rukte hai, kama se kam khooni wahan to nahi ayega" ashika boli

"lekin Akhil ne bharosa diya tha ki Hamein kuch nahi hoga fir...." varun bola

"usne sabhi ko bharosa diya tha varun, dekho kya haal ho raha hai sabka, koi nahi bachega varun wo sabko maar dalega" ashika ro kar boli

"iske liye zimmedar bhi hum hi hai ashika, hamne kai paap kiya hai. Un paapo ki saza de raha hai wo khooni" varun bola

"lekin maine to kuch nahi kiya na varun, wo to sab sheetal, minal aur Akhil ka kaam hai. Poora planning wahi karte hai" ashika ka rona jaari tha

"lekin un paap me hum bhi shamil the ashika, paap karne wala aur Saamne chup chaap paap dekhne wala barabar hi hote hai" varun bola
.
"mujhe nahi pata varun please, mujhe bas yahan se nikalna hai, mujhe marna nahi hai" ashika boli

"tension mat lo aaj raat ko hi hum is shahar se door chale jayenge" varun bola aur usne rote hue ashika ko apni baahon me le liya

Kuch door khada ek shaks sab kuch dekh raha tha[/color]

 

[hotaks444]

[color=rgb(255,]Ashika ko hotel me ek bechaini si ho rahi thi problem to kuch bhi nahi tha, bas kuch hi der me wo flight se is manhoos shahar se door chali jayegi. Galat to wo bhi thi aur wahi varun use bata raha tha

Varun ka is group ke saath sirf isliye tha kyunki ashika is group ka hissa thi

Kai baar varun ne samjhaya tha ki galat hai ye sab lekin ashika ko koi fark nahi pada tha. Wo to Akhil ke paise aur aish bhari zindagi ka hissa ban chuki thi. Ye ek nasha hai

Ek aisa nasha jisse insan apni insaniyat tak bhool Jaata Hai aur wahi hua tha ashika ke saath. Ek chote shahar ki ladki ashika achanak ek posh school me a gayi aur Akhil ne use apne group me aane ka nyota diya

Akhil ke rehen sehen aur zindagi jeene ka jo nazariya hai isse ashika kaafi impressed hui thi

Lekin varun ko abhi usne wahi lifestyle chunne ko majboor kiya kyunki wo varun ke seedhe saade life se bore ho chuki thi.

Waqt Ka pahiya kisi ke liye nahi rukta. Aaj jab ek ek kar uske dost mar rahe hai tabhi use...

KNOCK KNOCK

"k koun??" ashika ne dare sehme awaz me poocha

"room service madam" bahar se awaz aayi

"maine kuch bhi order nahi kiya hai" ashika boli

"Mr varun ne aapke liye order kiya hai" bahar se awaz aayi

Ashika varun ke room me phone karne ke liye ready ho gayi, lekin kuch soch kar ruk gayi aur darwaza khol diya

Bahar ek waiter khada tha aur uske haath me tray tha, bhook kaafi lagi thi ashika ko. Isliye usne waiter ko khana rakhne ke liye bol kar Bill ke liye ready ho gayi

"varun sahab no pay kar diya madam" bol waiter chala gaya

Aur bahar jaate hi lift ke paas ek shaks ne uske haath me paise ki gaddi thama di

Waiter muskura kar chala gaya aur shaks bhi chala gaya

Ashika khana khane lagi aur pata nahi kyun uske aankhen band hone lagi, jaise neend use apne aagosh me le raha hai

-------------------------------------------------------------------

Dhat....ghoom fir ke wahin, Akhil ka frustration badh raha tha. Kam nahi ho raha tha

Ek to har baar sidhhart Apr shaque hote hi wapas shaque mit Jaata Hai, aur is baar to poora shaque hone ke bawajood bhi pata chala ki sheetal ko bachane wala wahi harami siddharth hai

Wahi shakl wahi Awaaz sab kuch wahi hokar bhi wo siddharth hai siddesh nahi

Lagta hai siddharth par se nazar hatana hi hoga, bas ek baat ki khushi hai ki purvi ne us chokre se milna band kar diya aur baat karna bhi

"Akhil Akhil" dushyant chilla kar Akhil ke paas aaya Saath me David bhi tha

"kya hua chilla chilla kar kyun a rahe ho dono" Akhil bola

"ye dekh sidhhart ka poora sach" David bola

Akhil ne wo kuch papers le liye David se aur unhe dekhne laga

Dheere dheere uski aankhen fati ki fati reh gayi

"w wo ladki kahan hai priya Naam Ki ladki??" Akhil ne poocha

"yahi apne college me hai yaar" dushyant bola

"Waqt kam hai David jald se jald pata kar us ladki ke baare me, jaldi se jaldi baat karni hai" Akhil bola

"aur ek baat Akhil" David bola

"kya??" Akhil ne poocha

"kal raat se varuna ur ashika ka phone switched off hai yaar" David bola

"KYA??" Akhil chilla utha

"Haan last known location koi hotel hai shahar de door" David bola

"damn it, ye sab abhi bol raha hai tu??" Akhil gusse se bola

"a Arey hum to siddharth ke baare me investigation kar rahe the isliye" dushyant bola

Akhil ne daud lagai aur Saath me phone lagaya

"hello police station?? Palak madam se baat ho payegi??....."

-------------------------------------------------------------------

Ashika ne aankhen kholi

"neend ho gayi poori??" Saamne baitha ek shaks bola jo apple ko apne chaku se Kaat raha tha

Ashika ne uthne ki koshish ki to uth nahi paayi, uske haath air pair bandhe the

"tumne bhi kisi ke khaane me drugs milaya tha ashika. Agar maine bhi tumhare khane me mila diya to kuch galat nahi kiya, hai na??" shaks bola

"varun doosre kamre me hai, use pata chalega to tumhe chodega nahi" ashika boli

"wo bhi soya hua hai sweetheart" shaks bola

"dekho Humne agar kuch bhi galat kiya to we are sorry lekin please uski itni badi saza mat do" ashika gidgidayi

"galat aur sahi ka faisla ab tum log karne lage?? Kya baat hai" bol shaks hasne laga

"apni last wish bata do, itna to tumhare liye banta hai" shaks bola[/color]

 

[hotaks444]

[color=rgb(255,]"congrats sir" param ne taali bajai aur Baaki board members ne

"ab poora control hamara hua hai sir, union khatam aur bansal aur bhalla ke loyalist ko bhi ek ek kar out kar diya" ankur bola

"thanks guys agar aap log na hote to pata nahi kya hota, mai to business par dhyan de hi nahi pa raha tha" sid haste hue bola

"no problem sir, aapne hame ek kaam diya tha jo ab poora hua" param bola

"I'll arrange a party for the entire team" sid bola to fir taaliyan bajne lagi

"waise sir mere khayal se aapke personal issues thode bohut khatam ho gaye honge" ankur bola is baar

Meeting khatam hone ke baad ankur aur param ke saath sid baitha tha

"abhi kahan.... But soch raha hoon ki wapas USA chala jaun" sid bola

"itni jaldi?? Aapka college?? Studies??" ankur ne poocha

"wo USA me bhi poora ho jayega, yahan man nahi kar raha hai ankur" sid bola

Baat barabar thi, purvi ke saath break up, palak ka sid par baar baar shaque karna aur to aur Akhil ke gang ke against kuch bhi nahi kar pa raha hai wo

"right sir, mai kya bolun iske baad. Lekin acha hota agar aap kuch der aur rukte" ankur bola

"Dekhenge, khair abhi chalta hoon mai" bol sid uthne laga ki tabhi usko ek call a gaya

"bhaiyya.... Kavya....." kartick itna bol paaya ki phone cut ho gaya

"hello?? Hello???" sid uchal pada aur chillane laga, lekin phone cut chuka tha
Usne wapas phone lagaya lekin koi response nahi mila

"kya hua sir??" param ne poocha

"param can you do me a favour?? Mujhe is number ka location pata karna hai" bol lagbhag udte hue sid nikal gaya wahan se

Damn it, pichle baar kartick par attack aur is baar kavya par...

Koun hai iske peeche???
-------------------------------------------------------------------
Ashika ko pata tha ki uske badan par ek bhi kapda nahi tha aur wo hotel ke corridor se chal rahi thi, lekin usme itni shakti bhi nahi thi ki wo kuch kare

Drugs apna kaam kar raha tha, ye wahi drugs tha jo kabhi ashika ne use Kiya tha. Drugs kabhi kisi ki dost ya dushman nahi hoti
Kal ashika ne drugs use Kiya tha aur aaj uspar use hua tha

"just kill me you bastard, just kill me" bol ashika apne hi dhun me ja rahi thi

"mummy wo dekho aunty ke to kapde hi nahi hai" ek bachha apni maa se bolne par ashika par corridor me ek family ka dhyan gaya

"hello hello madam, ye sab kya badtameezi hai??" bol bachhe ki maa aane lagi. Lekin tab tak lift me ghus chuki thi ashika us shaks ke saath

Ground floor me lift pohunchte hi darwaza khula aur sab ke Saamne nanhi ashika khadi thi, poore nashe me. Dhutt aankhon me aansu the

CHAPAKKKKKK

kisi ne Paani daala ashika to kuch had tak hosh aaya aur apne aap ko dekha usne

Ek blanket me lapti hui thi aur sab uska video bana rahe the

Ashika kaamp uthi, matlab u uska khoon nahi hua aur wo sabke Saamne....

Ye baat uske parents ko pata chalega, samaj me uska Naam..... USA jaane ka sapna....

Ashika uthi aur lift me daud kar ghus gayi
Sab peeche se chillane lage lekin usko hosh kahan tha

Lift apne speed me poore 20 floor tak gayi

Ashika lift se bahar aakar seediyon se terrace par gayi

Khula aasman aur halki si boondein, yahi mauka tha

Is janm me ek nahi hue varun. Lekin agle janam me.....

Bol terrace se chalang laga diya ashika ne

DHADAMMMMMM

Ek car ke oopar giri wo, aur naak se aur muh se khoon ka fawwara nikal pada

Saamne shaks khada tha, ashika ne ek baar shaks ki aur dekha fir aankhen band kar li

Shaks ab oopar varun ke kamre ki aur jaane laga[/color]

 

[hotaks444]

[color=rgb(255,]Varun ne aankh kholi time abhi bhi nahi hua tha jaane ka, usne mobile me time check kiya aur fir call lagane ki koshish ki ashika ko

Damn it, call bhi lag nahi raha tha

"nahi lagega ab call" ek sard bhari awaz ne hila daala varun ko

Chaunk kar idhar udhar dekhne laga wo, aur uski aankhen jam gayi uske bed ke bagal me rakhi kursi par

"you bastard" bol varun kood pada kursi par baithe shaks par lekin isse pehle ki wo hamla karta

"khachhh"

Ek chote se chaku ne pet me suraakh kar diya varun ka, varun ne us jagah par apna haath rakha

"mout itni jaldi kaise a sakti hai varun??? Mout to til til karke aayegi" shaks bola aur fir se

Khach Khach Khach

Teen Vaar kar daale usne

"k kyun??" varun bola aur apne zakhmon ko dekhne laga

"kyun ka jawab us din prerna ne bhi poocha tha varun, kyun ka jawab us din siddesh ne bhi poocha tha" shaks ne jawab diya aur bedsheet se us chaku ko pochne laga

"wo to sab us madarchod Akhil ka kiya dhara hai bastard isme ashika aur mujhe kyun target kar rahe ho" varun Dard se karah utha

Khach Khach Khach

Teen Vaar fir se kiya us shaks ne aur fir se us chaku ko bedsheet se poch diya

"is chaku ko dekh rahe ho varun?? Ise har Vaar kar ke saaf kiya hai maine lekin..... Vaar karne ke baad fir se khoon lag hi Jaata Hai" bol shaks hasne laga

"ye mera jawab nahi hua, mujhe aur ashika ko kyun maar rahe ho" varun bola

DHADDDD

Ek ghoosa pada varun ke jabde par

"galti pooch rahe ho tum???" shaks ne poocha

FLASHBACK
"are prerna didi, aise kaise chalega thoda to khana hi padega" varun bola aur khana aur cold drink ki bottle prerna ke Saamne rakh diya.

Prerna muskurai aur usne khana shuru kiya

"kaisa hai?? Yahan ke best restaurant se mangwaya hai" varun bola

"kahin se bhi mangwaya ho varun, lekin pyaar se agar aap ek chota sa chocolate bhi khilao to uska taste badh Jaata Hai" prerna boli

"wo to hai, khair mai chalta hoon siddesh aata hi hoga aapse milne" bol varun chala gaya

DHADDDD

"kuch yaad aaya kamine??" shaks ki awaz aur ek aur ghoosa jabde par padte hi varun present me a gaya past se

"m mere Saath jo karna hai karo lekin ashika ko....." varun isse zyada nahi bol paaya khoon zyada behne ke wajah se kamzor ho raha tha wo

DHADAMMMMM

Tabhi darwaza khula aur...

"hands up" palak bhatnagar ki awaz ne varun ko rahat aur shaks ko statue bana diya

"ha ha... Tu to gaya saale" varun bola

"drop off your weapon" palak ne shaks ke chaku ki aur ishara kiya

Shaks waise hi khada raha

"I will not repeat it again, apna hatiyar neeche rakh do" palak fir se bol uthi aur uska service pistol shaks ki aur pointed out karke ye bata raha tha ki gadbad ki koi gunjaish nahi hai

"palak bhatnagar, kisi ko nahi bacha paogi tum, sab ke sab marenge" shaks bol utha

"last and final warning de rahi hoon, drop off your weapon" palak boli

MADAMMMMM

Ek Awaz ne distract kiya palak ko aur uska gardan ghoom gaya awaz ki aur, uske constable ki cheekh thi

Aur uski Waqt

TAADDDDD

shaks ne foorti ke saath table par raha glass uthaya air palak ke haath me maara, haath se pistol choot kar neeche gir gaya

Aur usi Waqt

KHACHHHHHHHH

"aghhhhh...." aankhen badi badi kar wahi let gaya varun. Chaku gardan ke aar paar ja chuki thi

Palak ne foorti se gun uthaya aur

DHAAAMMMM DHAAAAMMMM

do bullets daag diye shaks par lekin shaks khidki se chalang laga chuka tha

Palak daud kar aayi varun ke paas lekin tab tak varun mar chuka tha

Palak daud kar gayi apne us constable ke paas jo cheekh pada tha
-------------------------------------------------------------------
Sid jab location par pohuncha tab tak kaafi time lag gaya tha

"KAAVYA KARTICK" chillaya sid

"shabash pohunch gaye" dushyant bola

"kartick aur kavya kahan hai dushyant" sid ne poocha

"pehle ye bata behenchod, India me tu kya kar raha hai??" dushyant bola

"kavya aur kartick ka isse koi lena dena nahi hai dushyant, aakhiri baar pooch raha hoon kahan hai wo dono" sid ne poocha

"mai bhi aakhiri baar pooch raha hoon, India me. Siddharth Mittal kya karne aaya hai purani diary lekar jo siddesh ki hai" dushyant bola

"jab siddesh ko jaanta hai to ye bhi jaanta hoga ki kaise uke poore family ko barbaad kiya tha tum logo ne" sid apne aap ko nahi rok paaya ab

"barbaad to tere family ko bhi karenge ab, le aao re" bol dushyant ne awaz di aur kartick aur kavya ko lekar a gaye do log

"tu bach nahi paayega dushyant, tu marega" sid bola

"d dhamki deta hai" bol dushyant gusse se jaakar sid ka collar pakad leta hai, hatta katta sid wahin khada hokar dushyant ki aankhon me dekhta hai

Dushyant koi bohut bada shaks nahi tha, dubla patla dushyant Akhil ke isharon par naachta tha

"mai a chuka hoon, ab chodd do kartick aur kavya ko" sid bola

"abhi kahan, abhi to is chikni ka lena hai" kavya ki aur haath badha diya dushyant ne

"lagta hai tumhe Mittal group ke power ka andaza nahi hai dushyant" sid bola aur usi ke saath teen Chaar gaadiyan khadi ho gayi aur kai log nikal kar Saamne a gaye

"poore jagah ko gher rakha hai dushyant, agar apni salamati chahte ho to kavya aur kartick ko chodd do" sid bola

Dushyant jisne aaj tak ek chota sa decision bhi nahi liya tha, kaampne laga

Sid ne kuch ishara kiya aur uske kuch aadmiyon ne jakar kartick aur kavya ko chudwa diya aur wapas Gaadi me baith kar chale gaye

"man to kar raha hai tera keema bana doon, lekin tere. Jaise keede ko wahi sahi tarike se maar sakta hai, tu bhi marega. Wo tujhe nahi chodega" bol sid wahan se nikalne laga tabhi police ki jeep wahan a gayi

"khabar mili thi kidnapping ki" palak nikal chuki thi jeep se

"Waah police as usual late a gayi" sid hasne laga, lekin palak ko fark nahi pada

"kuch nahi hua, sab theek hai" sid bola

"ek buri khabar hai, ashika aur varun dono ko khooni ne maar diya" palak boli

"KYAAAAAA" sid aur dushyant ek Saath bol uthe[/color]

 

[hotaks444]

[color=rgb(255,]CHATAAAAAK CHATAAAAAK CHATAAAAAK

thappad ki goonj ne poore ghar me sabko hila kar rakh diya tha

"you bastard, you swine"nishchal raichand ne daant par daant rakhte hue bola

Akhil sar jhuka kar khada tha

" teri wajah se aaj raichand group ka deal Mittal se hote hote reh gaya "nischal rai chand bole

" papa meri bezzati ka kuch nahi??? Wo Sala siddharth mujhe aur mere doston par kab se target karke baitha tha"akhil bola

"dekh Akhil, I give a flying fuck to you and your friends, lekin agar teri bachkani harkatein aisi rahi to fri mujhe isme koodna padega, aur wo tu kabhi nahi chahega" nischal raichand bol uthe

"lekin papa"

"agar ainda Mittal ke kisi family member ko kuch bhi hua teri wajah se, to tera wo haal karunga ki tu....." nischal raichand bole

"dhyan rakhunga" Akhil bola

"abhi kartick aur kavya kaise hai??" nischal ne poocha

"theek" Akhil bola

"kisi ko pata nahi chalna chahiye isme tera haath tha, ho sake to apne sadak chaap doston par daal dena sab kuch, kuch piase fenk dena" bol nischal chal pade apni beti ke paas

"mai baat karti hoon" surbhi raichand bol uthi

"good please use manao" nischal raichand bol uthe

"nischal mai ye sab aap ke liye nahi kar rahi, apni company aur uske growth ke liye aap apne bachchon ko kurbaan kar denge ye mujhe pata hai, mai bas siddharth jaise ladke ko nahi khona chahti, purvi ke liye siddharth se acha ladka nahi milega" bol surbhi nischal ke Saamne se nikal gayi purvi ke kamre me

Surbhi jab purvi ke kamre me pohunchi to usne dekha ki Purvi ki aankhen laal thi, zaahir hai kaafi roi thi, surbhi ne haath fera uske sar par

"oh mamma, aap kab aayi" fatafat aankhon ko haathon se saaf kiya purvi ne

"kuch hua??" surbhi ne poocha

"matlab??" purvi ne jawabi sawal kiya

"tere aur sidhhart ke beech??" surbhi ne poocha

"mere aur sidhhart ke beech me. Sab kuch khatam ho gaya mamma, ainda uska Naam mat lena" purvi foot foot kar rone lagi

Purvi kaafi choti thi relationship ke liye, ek baar kaushal jaise ghatiya ladke ke jaal me fans chuki thi. Surbhi ko pata tha ki is problem ko kaise handle karna hai

"mamma usne mujhe sachai chupai apne baare me, yahan tak usne mere Saath apne fayde ke liye relationship me rakha" purvi ka rona jaari tha

"beta kya usne kuch najayaz fayda uthaya??" surbhi ne poocha

"nahi" purvi boli

"kabhi tumhara use kiya??" purvi ne poocha.

"mujhe nahi lagta" purvi boli

"beta har relationship me kuch baatein sach kuch jhoot hua karti hai, agar sidhhart ne tumhe shaadi ke baad sach bataya hota?? Ya Maan lo bataya hi nahi hota to??" surbhi ke is tark ka koi jawab nahi tha purvi ke paas

"dekh purvi mai zor zabardasti nahi karungi, lekin itna zaroor bolungi ki siddharth se acha ladka duniya me dhoonde se nahi milega, Baaki teri marzi" bol surbhi jaane lagi wahan se

"aap aise kaise Keh sakti ho mamma, aap usko support kar rahi ho ya mujhe??" purvi halka sa naraaz hokar boli

"duniya dekhi hai beta, sidhhart ko kabhi mat chodna" bol surbhi purvi ke kamre se bahar nikal gayi

Purvi kuch soch kar lights off kar so gayi
-------------------------------------------------------------------
"hands up" palak bhatnagar ki Awaz se laxmi narayan bilkul bhi pareshan nahi hue

"mujhe pata hai aapke Paas warrant hai inspector" bol muskurate hue kitab ban kar khade ho gaye laxmi narayan

Palak bhatnagar varun ke mout ke fouran baad seedha commissioner sateeshan se baat kar warrant issue karwa kar Laxmi narayan ke paas aayi thi

"aap jaise buzurg aadmi ko zaleel karke nahi le ja sakti, warna har khooni ko ghasit kar le jaati hoon mai" palak boli

"khooni aapke hisab se koun hai palak??" laxmi narayan apne ghar se jaate Waqt palak se pooch baithe

"jo kisi ko Jaan se maar de jo chahe direct ho ya indirect. Wahi khooni hota hai" palak boli

"matlab border me khade hamare jawan aur police jo encounter karti hai wo bhi khooni hi hai??" laxmi narayan bole.

"police ko state government direct karti hai aur jawan ko central government, unke direction ke aadhar par hi Jaan li jaati hai me laxmi narayan" palak boli

"aur jo bade bade criminal ghoom rahe hai raaste me, jisko police chooti bhi nahi balki jiske talwe chat jaati hai, unko maarne ka licence kiske Paas Hai??" laxmi narayan jeem me baith kar bole

"police ke paas" palak boli jeep me baith kar

"lekin kya police wo karti hai??" laxmi ne poocha

Palak chup rahi

"Saare khoon maine hi kiye hai palak madam, mai apna jurm kabool karta hoon" laxmi aankh band karke bol uthe

Palak chup thi,use pata hai laxmi narayan asli khooni nahi hai ye case me jitna ghusti ja rahi hai uski mental stability par utna hi asar ho raha hai

Kisi bhi tarah is case ko khatam kar ek lambi chutti par jayegi wo

Jeep apni speed se chali gayi dhool udate hue, aur jeep ke jaate hi shaks jo ek ped ke peeche chupa hua tha Saamne a gaya aur jeep ko jaate hue dekhne laga[/color]

 

[hotaks444]

[color=rgb(255,]KHATT KHATT

"chalo ho gaya" sid ne apne bags aur suitcase ready kar liye

"kya aap sach me hame chodd kar jaoge sid bhaiyya??" kartick udaas tha

"are?? Kuch mahine pehle to tu mere yahan nahi aane je baare me bhagwan se pray kar raha tha aur ab bhagana chahta hai??" sid ne apne bhai ke gaalon ko haath lagate hue bola

"pehle aap ko pehchaan nahi paaya bhaiyya, aur waise bhi aap ke bina yahan acha nahi lagega" kartick ne kavya ki aur kuch ishara karte hue bola

"Haan bhaiyya, please kam se kam apna college to poora karke jaiyye" is baar kavya boli

"nahi kavya, maa ka wahan bura haal hai. Har Waqt tension me rehti hai, India me Papa ka business ab steady ho chuki hai aur bansal aur bhalla ka niptara ho gaya, bas mere yahan kuch karne ko nahi bacha. Baaki college ka to USA me college ki kami hai kya?? "sid haste hue bole

"fir bhi...." kartick kuch bolna chahta tha lekin sid to jaise zid pakad kar hi baitha Tha, kavya chali gayi kartick aur sid ko bye bol kar

"bhaiyya ye bhalla aur bansal kiske ishare par naach rahe the??" kartick ne poocha

"aur kiske?? Nischal raichand ke ishare par" sid bola

"oye teri wahi Nischal raichand jiski beti se aapka break up ho gaya" kartick bola

"Haan wahi, jab usne dekha ki bansal aur bhalla nipat gaye to usne chupchaap Mittal group se door rehna sahi samjha" sid haste hue bola to kartick bhi hasne laga

"fir wo hamare company se deal ke liye kyun mare ja raha hai??" kartick ne poocha

"kyunki use pata tha ki deal se hi uska bhala hoga, chori chupe factory ko hathiyana chahega to sid kya haal karega"sidhharth haste hue bola

"khair Apna khayal rakhna kartick" bol sid ne apni ghadi dekhi. Flight raat ko thi aur abhi bohut time tha

"aapne baat ki purvi se??" kartick ne poocha

"nahi kartick, mujhe nahi lagta ye work karega. Waise bhi hamara relationship kabhi stable tha hi nahi" siddharth bola

"relationship kisi ka kabhi stable rehta nahi hai bhaiyya hame use khud stable banana padta hai, mai aapko sirf usse mil kar ye Kehne ko Keh raha hoon ki aap ja rahe hai, hamesha ke liye" bol kartick chala gaya

Sidhhart soch me pad gaya, ye sahi hai ki wo ja raha hai lekin shayad kartick ki baat sahi hai, use batana padega ki India se sidhhart hamesha ke liye ja raha hai

Sidhhart ne apna phone se purvi ke number me dial kiya

Kai ring ho gaye aur aakhir me purvi ne uthaya.

Dono aur se koi awaz nahi thi

"purvi mujhe tumse aakhiri baar milna hai" is baar sid ne shuruaat kiya

"mai kuch nahi sunna chahti...... Kya aakhiri baar??" purvi ke poocha

"Haan mai India chod kar wapas USA Jaana chahta hoon"siddharth bola

" theek hai, kahan milna hai?? "purvi ne halka sa hurt hote hue poocha, waise to usne break up ka elaan kar diya tha lekin ab sid ke alawa uska ek ek pal guzarna bhaari pad raha tha

" wahi apne cafe me, last treat dena chahta hoon"sid bola to doosri aur se purvi chup rahi

"abji ek ghante me milte hai" bol sid ne phone rakh diya aur ready ho gaya

Drive karte hue sochne laga ki factory me staff se bhi shayad mil leta to acha hota lekin time nahi hai. Khair factory to poora ka poora apne haath me hi hai aur ab is siddesh ki diary ka koi matlab nahi hai, na us kasam ka jo ki usne khai hai

Car ruk chuki thi, pata nahi time kaise udd sa raha tha. Aaj purvi se aakhiri baar milega sid, halka sa dukh bhi tha use jo Archie ke Waqt bhi hua tha. Fark itna sa tha ki Archie ko kabhi bhi usne us nazar se nahi dekha tha lekin purvi ke saath usne halka sa Sapna dekhna shuru kar diya tha

"you are late" purvi ne apna watch dekh kar bola
Denim short me aur black t shirt me gazab ki khoobsoorat lag rahi thi purvi, uska gora rang aur sunahre baal uski khoobsoorti ko Chaar chand laga rahe the

"jaane ka decision kab liya??" purvi ne cold coffee Peete hue poocha

"hamare break up ke baad" sid bola

"sid" purvi ne dheere se Naam liya

"bolo" sid bola

"kya mere jaane ke baad tum mujhe mana nahi sakte the?? Apna haq nahi jata sakte the?? Kya hamara rishta itna kamzor hai ki ya tum ya mai kisi ko mana nahi sakte??" purvi ki aankhen bhar aayi poochte waqt

"aisa nahi hai poorvi mere khayal se hamara alag hona hi sahi hai sabke liye" bol kandhe par thapki maar chala gaya sid purvi ko cafe me rota Chodd kar
-------------------------------------------------------------------
"kya????" rakhi ki cheekh thi ye

"Haan" Akhil ne shaant hokar bola

"tujhe kya tu to apne ghar gayi thi chuttiyan manane" minal boli

"lekin purvi tujhe khabar mili thi na??" is baar dushyant bola

"Haan dushyant, mai aane hi wali thi ki papa ki tabiyat kharab ho gayi aur mujhe rukna pada, waise acha hua kaatil padka gaya" rakhi boli

"ek aur good news hai, suna hai sidhhart wapas ja raha hai" David bola aur sab hasne lage

"kaise pata??" rakhi ne fir poocha

"Arey bhai Akhil ki darling behen ka ro ro kar bura haal hai" minal boli

"us bastard ka chale Jaana hi sahi hai minal, wo meri behen ko deserve nahi karta tha" Akhil bola

"lekin vishwas nahi hota wo Buddha khoon karega" David bola

"uska kya motive ho sakta hai khoon karne ka??" rakhi ne poocha

"pata nahi, shayad is prerna ka yaar tha" David bola to sab hasne lage.

"aaj shaam ko party hai ghar me, hamare un doston ki shahadat par jinhone us khooni ke haath apni Jaan gawai" Akhil bola to sab chup ho gaye

"nahi Akhil, mai ab is lifestyle me wapas nahi a paungi, waise bhi in sab doston ka chehra hamesha aankhon ke Saamne ghoomta hai mera" minal boli

"teri marzi waise Akhil aaj raat ko LSD bhi mil jaaye to....." dushyant bola

"zaroor sab milega" Akhil bola

"mai nahi a paungi Akhil, wapas Mumbai ja rahi hoon. Exam dene a jaungi waise bhi last year hai" bol minal chali gayi

"Akhil I'm sorry tumhe akela chodd kar gayi thi" bol rakhi haath ferne lagi Akhil ke sar par

"ye minal ko kya hua Akhil??" David ne poocha

"pata nahi" bol Akhil ne rakhi ko baahon me bheench liya

David door jaate hue minal ko dekhe ja raha tha jab tak ki wo aankhon se oojhal na ho gayi ho[/color]